Luna Cafe (已結業)

因為小妹今天無論如何也要吃到好吃的食物，於是在K11搜索一下，見到這家日本芝士甜品店，被那些芝士忌廉脆條的賣相吸引，原來這家店裏面還有一個角落可以糖食的，雖然有點細小，環境尚算坐得舒服，就走進去試試吧。 它們每條都排列整齊，在邪惡地呼換著我。 點了一個Set ($92) ，芝士忌廉除條＋芝士原味蛋糕配綠茶奶茶，綠茶味濃且香；忌廉芝士脆條外面熱騰騰，裏邊凍冰冰，簡直就是冰火的合體，店員還提醒小妹記謹快點吃，十分體貼，脆條外邊的花生脆皮，夠香脆亦鬆化，內裏的忌廉芝士餡料有點像雪糕，甜度適中，芝士味突出。 另外原味芝士蛋糕，口感夠鬆軟，忌廉芝士跟脆條的餡料一樣，口感像雪糕，不過脆條的口感比較豐富，味道亦較突出，。 此店還有善用了門口的空間增設裝飾，以鮮豔色彩吸引人流，並供顧客們拍照留念，看得出他們用心的設計。 離開的時候，下午三時左右，店外已出現一條人龍，心想：幸好早來一步，最怕吃東西要等位。

嘩！好多牛牛呀！有黃色、綠色，又有蛋，好打耳呀！決定同長老入去試一試，櫥窗內放滿了不同顏色的蛋糕，職員不停將d白色好像cream的食材唧入嗰好似長牛油卷內，好得意喎究竟係咩呢？問職員後，原來是 CRUNBAR， 因為坐位較少，亦坐滿人， 所以決定外賣落order時，我又鬧笑話啦！職員妹妹問我哋堂食還是外賣，我哋說外賣，不過要翻熱佢一陣食，不過職員妹妹說翻熱之後就要即時食，否則裡面會變哂液體，我不明（因為我一直以來為裡面是芝士），芝士凍左最多凝固返，點解會變哂液體呀！？🤔職員妹妹被我問度唔知點答她說：“一陣您會知，我唔知點形容”，咁我地唯有耐心等後啦！見著職員將兩條CRUNBAR 放入大焗爐，等了約5分鐘，職員遞上兩條CRUNBAR， 外面暖暖的打開一看，是一條外面黏有杏仁粒的長牛油卷條一咬就知，為何職員妹妹話唔知點講，因為真的好搞鬼，外面是暖暖的牛油脆卷，裡面是凍冰冰的芝士味雪糕（感覺又不是雪糕的滑，但有不是雪白包的碎冰感），不過配搭起來，口感一流

原味同檸檬味😋本身件cake好好味我比較鍾意原味芝士味好濃而檸檬味第一啖好清新但食多幾啖會好似冇左芝士味所以喜歡原味多d仲有其他味，下次要試埋其他件cake 好軟綿綿，非常好食

星期六個fd行完行睇完戲,天氣又濕又熱,頂唔順最終都係鼠左入去k11,諗住Hea下食個tea涼下冷氣,行行下見到間叫LUNA CAKE 既蛋糕店,我不自覺心心眼左,  因為回想番成年前我o係觀塘曾經外賣過一個LUNA CHEESE CAKE,(果時間SHOP冇堂食只得買走), 果次食到lam lam 利,如今可以坐底慢慢嘆, 仲有cut cake款可以試幾款wor, 仲諗咩 , 即入啦!一入去見到各款唔唔同既cake,好正甘, 已經o係度心大心細諗緊食邊樣…鑽研左個menu好耐 …甘人地有選擇困難症呀..肚就得一個 , 想食既就好多個 ....荔枝玫瑰特飲只係睇賣相, 見到d花瓣,已經可以成功捉住女仔個心,係拎黎哄自己或者哄女仔既佳飲,味道清香清新, 係食cheese cake的去膩好拍檔!冰凍牛奶抹茶茶味甘香, 牛奶濃厚 , 不是走那種香甜的路線,是喜歡重茶味的抹茶控必選item!軟綿綿又香滑～幼滑嘅圈蛋蛋糕，包圍著香滑嘅鮮奶油，一口一口停不了！輕飄飄入口即溶～我是在吃雲朵嗎 ?!一入去門口見到已經睇中想食呢個!咬落去 外熱脆 , 內冷軟,冰火交融的感覺!個人比較喜歡白色芝士夾心的味

早前一個落雨嘅星期六傍晚，仲有個幾鐘先夠鐘食晚餐，於是去K11行下hea時間，其實Luna Cafe喺暗角位平時真係唔會太留意到佢，今次實在太多時間了，又見到有位，就試下吧！Cafe面積不大，枱與枱之間都幾迫，係用盡空間去擺位的，隔離講乜會聽哂果種，休閒感很一般～ 下午茶餐有2種價錢，一係精選蛋糕加咖啡，一係精選蛋糕加crunbar脆條加咖啡。距離食晚餐時間話耐唔耐，最後揀左抹茶紅豆卷加原味芝士crunbar脆條套餐兩個人食，crunbar實物比想像中大，香脆外層包裹住熱辣辣又香濃嘅芝士內餡，好味！抹茶卷蛋反而細細件，質感濕潤鬆軟，抹茶味較清淡，所以下次應該食完卷蛋先食crunbar！為左crunbar係會再去食嘅～ 至於服務，以店面面積嚟講店員算多，不過成日堆哂喺counter向商場望，較少留意店內客人，實在有待改善。

Luna嘅芝士蛋糕之前都食過覺得不錯，但見佢開左cafe，外面落哂大雨見呢間唔洗等位一於入去食件餅啦！佢嘅招牌芝士蛋糕都有幾種味道選擇，我同男友分別叫左：原味芝士蛋糕，特濃宇治抺茶芝士蛋糕。下午茶係$60蚊有一杯咖啡，可惜只可選擇espresso 或Americano，收得60蚊...好心比人揀其他咖啡啦一如往常，芝士蛋糕好食，而抺茶口味亦有茶味甘香，加上芝士味中和返，甘甘甜甜！我地都係飲americano，入口較淡，如一般日式咖啡，都幾啱塔塔子口味！而環境就一般啦，位於商場地庫嘅角位，冇窗亦比較逼，只怪香港就是寸金尺土吧！

HK Munchies! - Luna CafeWhile walking around K11 mall in TST after a big lunch we came across Luna Cafe (B2 level) which was a cafe/cake shop that specialize in cheese cakes and Japanese styled cakes. As the weather was insanely hot outside and we were getting tired from walking around we decided to sit down for a break.Normally I'm not a huge fan of cakes, however in this instance the various types of cakes looked so appealing thus we settled for 4 of their top sellers (Deluxe original cheese c

終於來到五一假期，又有幾天可與老友食tea晚飯睇戲直落話說最近看到網上介紹，平時光顧開的luna cake再下一城，在K11開了首間cafe！最吸引的還有現場即焗的芝士忌廉脆條❤️事不宜遲當然要去潮聖一下。Luna cafe位於K11 B2樓層，連接著地鐵出口，四通八達。裝修以招牌黃色作主色調，店外的擺設絕對是一眾少女的selfie打卡位門口放滿一排排的脆條，非常吸睛👀👀👀$25有一條，$120有六條。多種口味的芝士蛋糕任君選擇，款款都想食芒果芝士蛋糕(4-6月期間限定)上層是cream cheese，下層是馬士卡邦芝士，加上鮮芒果茸，香甜平衝，一點都不膩。Luna的cheese cake食法分兩款，第一款是解凍2至3小時，食落口感像雪糕般。第二款是解凍5至6小時，蛋糕會變得較軟身，芝士味更突出，在cafe吃到的便是這一種。如果大家也想試試雪糕口感的cheese cake，便要外賣一整個回家而外賣的話有分5吋/6吋/7吋/8吋，悉隨尊便。芝士脆條 $25@：中心呈流心狀，芝士軟滑，酸酸甜甜味道不錯抹茶脆條 $25@：luna cake的抹甜品全采用來自京都的茶游堂抹茶粉，吃落抹茶味出眾，

芝士風潮一直無停過，芝士美食愈出愈多，想要突出而出實在不容易，不過最近有間芝士蛋糕cafe吸引了我的注意！Luna cafe 精選很多日本甜品蛋糕，單看雪櫃裏的蛋糕已覺得興奮！原味用上兩種芝士，入口即融，口感軟滑，而且不會過甜，食完也不覺得膩，如果喜歡芝士的朋友一定要試原味Crunbar脆條，外面脆卜卜，加上烤過的nuts面，甜中帶咸，入面cream很滑，外脆內軟加上一熱一凍，好味道蛋卷，cream超綿密而濃郁，因為未完全解凍，食落有點似雪糕，夏天食一流荔枝玫瑰梳打，不會太甜，玫瑰味道很香，很清爽除了單件堂食，還可以買整個，用來送禮也毫不失禮！

在北海道非常出名既cheese cake手信LeTAO fromage double，用左濃厚牛奶製造而成，上層係幼滑芝士蛋糕，下層係烘烤芝士，早前在北海道食過後一試難忘，依家竟然喺Luna cafe搵到。Luna cafe將芝士蛋糕改造，我揀左玫瑰荔枝芝士蛋糕，上層係Luna cafe自家製既玫瑰荔枝蛋糕，有淡淡既玫瑰味，唔會蓋過下層既fromage double cheese cake，口感非常幼滑。另一款crunbar，有cream同抹茶兩個口味，外皮暖暖地，鋪滿左好香既脆脆，入面有充滿左cream，唔會好膩。另一款係淡淡既抹茶味，怕有抹茶苦澀味既朋友都可以試下。北海道特濃牛乳卷入面既牛奶cream雪到好似雪糕既口感，好滑，好似食緊雪糕蛋糕，包住雪糕既蛋糕軟綿綿，食完感覺好幸福。呢度燈光暗暗地，坐得好舒服。

由尖東地鐵站 N4 出口轉入 K11 商場 B2 層，來到呢間專賣＂北海道雙層芝士蛋糕＂的日式 Café ，店堂雖細卻裝飾得有特色。＂雪森林朱古力芝士蛋糕＂，在佢未完全解凍時食，咬落凍凍哋有雪糕 feel , 口感唔太甜，好好味😜配一杯＂拿鐵＂☕，$74加一，幾享受的一個 tea set。😋

叫左件芝士蛋糕，好香濃，無叫飲品只食蛋糕都送上杯水比我，店員都幾貼心。好好味牙，一份錢一份貨，幼滑口感係會令人覺得好快食完，一件會覺得好有輕食既感覺，不過始終唔算平，食一件都滿足了。影下圖時都食左好多了。

行到攰，就同朋友隨意揾緊cafe坐下，見到呢間本身賣芝士蛋糕既舖頭開埋cafe，人又唔太多，就諗住試下。堂食有加一服務費，咁我一心就諗住食芝士忌廉脆條😍😍😍點知送到黎，我一咬，點解變左綠茶既😭咁我地就問個侍應啦，佢先話cream cheese賣哂😧賣哂點解唔同個客講聲先，到我食到落肚先知😤 仲要話使唔使同你cancel左佢😓我都咬左啦😑不過算啦，綠茶好彩我都啱😂呢個綠茶脆條其實都唔錯，但我相信cream cheese會更好食😆😆😆咬落都幾脆👍🏻👍🏻佢係將啲綠茶喞入麵包條裏面，但我開頭咬個時啲綠茶餡係微暖，到一路食到底既時候先係凍🤔而麵包條個面亦有少少蜜糖同果仁粒粒，所以會甜甜地😊

While going to the MTR, I discovered this newly open cake shop. I was captivated by the cream cheese puff as it looked exactly the same as the one I had in Japan a few months ago. These puffs were freshly made, after you ordered, the staff will insert the cream cheese into the puff. The pastry was very crunchy and covered with lots of nuts. The cream cheese was smooth and milky. I found the cream cheese was not as solid as the one I had in Japan, the texture in Japan is like ice cream whereas th

剛剛落大雨，見到新開幾熱閙於是一家大細坐低試試。叫咗三款唔同嘅蛋榚都很好，兩隻小魔怪極速食完！喜歡芝士味香濃但又不會太甜，忌廉也很香滑但又不會太油。今日仲有個日本師傅職場煮綠茶！