Luna Bar & Restaurant

营业中

休息中

呢間餐廳雖然喺尖沙咀，但位置唔起眼，行入一個後巷仔見到有一排餐桌，先見到佢嘅門牌。餐廳比想像中大，原來有4000尺，環境比較昏暗，有酒吧嘅格局，入到去已經見到有stage，原來逢星期五都會有live Show，然後有幾間K房，有啲都幾大，大概消費人均$500左右就可以book K房，入邊嘅setting唔會比M記差，個mon仲要好大。之後仲見到有得玩飛鏢，場地好大，人就唔多，反而幾適合一啲想靜靜地同朋友傾吓偈聚吓舊嘅人過嚟食。咁講返啲嘢食，份量比想像中大，兩個人叫咗三個餸都食唔晒，味道都唔錯，感覺佢係泰式fusion咗港式，泰式嘅餐單，用港式嘅煮法，好似我叫黃咖喱，都唔會辣，豬手煮得好腍，整體食物質素都唔錯。仲叫多杯泰式奶茶，有泰式嘅味道，但就冇當地咁甜，較為適合香港人口味。而且價錢方面都唔貴，性價比幾高。以下係我哋食嘅菜式：冬蔭功海鮮炒飯Tom Yum Seafood Fried Rice$128泰式豬手Thai Style Pork Knuckle$138（全隻 Full）泰式咖哩（青/黃/紅咖哩）＋（雞/牛/豬）Thai Curry (Green/Yellow/Red)+(Chi

平時成日行過麼地道 今晚先發現到佢地室內室外空間都好大 位置坐得舒服，除左卡位/小枱...佢地連10人枱都夠位放 好岩下次約成班frd子gathering香茅檸檬葉鹽燒大烏頭 $198熱辣辣燒起上枱 未放低已經聞到香味，兩款醬汁好點睛 唔同路線既酸香辣，分別用上多種香料 滿滿泰風 味道又夾又自然，一定係店家自行調配 坊間從未食過既味道  泰式蝦多士 $88炸到黃金色 漲卜卜，每件都有手掌心咁大，好吸引泰式青咖哩雞 + 蒜蓉包 $118成個組合好自由配搭....青/ 紅/ 黃咖哩雞/ 牛/ 豬大/ 中/ 小辣度咖哩淡淡甜美椰香 微辣微酸惹味，除左雞 仲有豆豆 茄子做配菜，同蒜蓉包沾青咖哩一齊食，咸香脆於一身 尾調滲出輕輕咖哩香辣感，蒜蓉包仲係跟咖哩唔使另外點泰式鮮椰肉沙冰 $68入口啖啖都有椰肉碎碎，椰味好香但又唔會好甜，擺明用鮮椰唔係溝糖水 欣賞~*食物來得泰風 味道自然融洽*店員姐姐們好細心 留意到我想將菜式重新擺位打卡 主動過黎幫手整理*有幾間唔同size既VIP房，收費$4000~$7000 視乎想玩幾大間房lu*有得玩掟標，中央位置可以唱K，K夜晚10:30後開放

夏天最岩就係食泰國野啦，最近行完街見到尖沙咀既【Luna Bar & Restaurant】環境幾好，所以就同fd去試下啦。泰式串燒，鷄、豬、牛各兩串：串燒炭火香氣十足，醃得入味！嫩滑多汁，點花生沙嗲醬超夾；豬肉串帶少少肥膏，烤到微焦最香口，最有驚喜係牛肉串，肉質軟嫩唔韌，香料味突出。泰式冬陰功湯：湯底酸辣夠勁，香茅同檸檬葉香氣撲鼻！大蝦彈牙，草菇吸滿湯汁，飲完成個人都醒神。泰式黃咖喱牛配蒜蓉包：咖喱溫和帶椰香，牛肉燉到軟腍，薯仔吸飽醬汁～ 蒜蓉包烘到脆身，點咖喱汁食超邪惡！泰式大蝦炒金邊粉：鑊氣十足！金邊粉炒到乾身，蛋絲、豆腐乾、花生碎增加口感，甜酸醬汁平衡得啱啱好～ 龍眼冰：龍眼肉清甜多汁，冰涼解辣珍多冰：椰奶香濃，綠色粉條Q彈。

趁著假期，約左舊同事去左尖沙咀一間酒吧餐廳食飯。店內環境寛敝，擺左好多植物，亦有不同既娛樂設施，可以玩飛標和唱K，有獨立VIP房，可以下次約埋一班朋友過黎玩。餐廳主打泰國菜，我哋叫左幾款食物，明爐冬蔭公烏頭，湯底酸辣開胃，配料有秀珍菇，蕃茄等，烏頭炸過比較好香，肉質結實，完全無魚腥味。泰式香芒蟹肉炒飯，蟹肉份量幾多，芒果夠甜，兩者味道好夾，飯炒得夠乾身又唔會好油。泰式燒菇子，用辣椒和蒜蓉原條燒，外層燒到微焦軟淋，味道濃郁。最後叫左杯泰式珍多冰，椰奶味濃，粉條煙韌爽口。

朋友帶我行先會發現走廊位對街方向地下有個牌真係隱世泰菜酒吧餐廳外有一排餐枱可能帶埋寵物一齊去吃晚飯帶狗狗實在太方便餐廳內間分隔設計得很好有分卡拉OK區、掟鏢區、用餐區又可以包房唱K食飯各樣慶祝都得✳️正******************主食👉🏻香茅檸檬葉鹽燒大烏頭😋烏頭即叫即燒魚肉非常嫩滑切開之後入面有流出黃油又包咗d 香料有香茅檸檬葉等等佢分別俾咗二款汁魚露同埋泰式辣汁配上自家制醬汁好開胃✳️堅正主食👉🏻黃咖喱雞配蒜蓉包黃咖喱味道香而濃郁雞柳加埋薯仔同洋蔥配上蒜蓉包外脆內軟吸收晒咖喱醬小食👉🏻蝦膠炸皮蛋呢款菜好少泰菜有得食蝦膠彈牙薄薄一層包住皮蛋配上甜酸醬好開胃

今次同朋友去咗尖沙咀 Luna Bar & Restaurant，試咗幾款泰式Fusion小菜，感覺幾有驚喜，環境又舒服，好適合慢慢歎返餐～ 有得掟飛鏢同有唱k房book,好岩一班人gathering🍤 泰式蝦多士一上枱就已經聞到陣陣香味，外皮炸得超脆，咬落去香口到停唔到手！入面啲蝦膠厚實彈牙，唔會乾巴巴，沾埋旁邊個酸甜醬一齊食，味道即刻升級，好開胃😋！🥦 泰式炒雜菜中和一下油膩，叫咗碟雜菜炒，成碟色彩繽紛，啲菜炒得爽口唔會焾，仲有微微蒜香🥬。入面有椰菜、椰菜花、紅蘿蔔同雜菇，配搭夠豐富。🍝 馬拉盞炒河超多人推介！炒河熱辣辣上枱，啲河粉煙韌帶少少焦香，勁香口！牛肉夠嫩，配埋洋蔥同辣椒，食落鹹香十足，有啲少少辣，好惹味🔥。🌶️ 泰式鹽酥鮮尤我最鍾意呢碟！魷魚炸到外脆內嫩，唔會嚡口。上面灑滿蒜蓉同椒鹽，再配埋彩椒粒，色香味齊晒😍！食到尾啲香脆配料都好好味。🍹 整體黎講，環境舒服，有啲酒吧Feel，啱晒一班朋友輕鬆聚餐。味道都有水準，特別啲炸物真係幾出色，食完好滿足。

餐廳環境很大有室內有室外座位，用了很多綠色植物作裝飾感覺很舒適悠閒，餐廳設有飛鏢機同卡拉ok🎤娛樂設施齊全，室內還有幾間唔同size嘅vip房可供預約適合大班朋友聚會用。👍💯食物種類選擇多，傳統的泰式食物味道，價錢唔貴十分抵食。👍💯泰式木瓜沙律🥗$88青木瓜沙律🥗都好大份，有青木瓜絲、紅蘿蔔絲🥕、青豆角、花生粒🥜、九層塔、蒜頭碎🧄和蕃茄仔🍅，酸酸甜甜食落帶有小辣都幾清爽開胃。😍😋泰式豬手（全隻）$138豬手份量大有一隻豬手咁多，豬手滷得很入味，豬手肉食落一啲都唔嚡好軟淋，豬皮充滿骨膠原食落滑捋捋加埋兩款泰式醬汁帶小辣好正。🥰🤤泰式青咖哩牛🐮配蒜蓉包🧄🍞$118我們選了小辣，醬汁好多香料係裏面，青咖哩小辣很開胃，牛肉🐮嫩滑唔嚡，茄子🍆吸收了醬汁後很好味，蒜蓉包🧄🍞本身已經很好食沾上咖哩汁更加好味。👍💯另加烤薄餅$38熱辣辣上枱吃落很鬆脆點咖哩汁一流。👍💯💯💯💯💯藍妹一支$38泰式龍眼冰🥤$48泰式的味道所以有啲甜，龍眼肉有好多粒，很新鮮多汁。😍😋

今晚朋友說想吃泰國菜，於是我們便來了這間餐廳吃晚餐。Luna月亮，非常漂亮又有氣氛。咖哩炒軟殼蟹（$268）：軟殼蟹肉質嫩滑，口感鮮美，與咖哩的香味相得益彰。咖哩具有層次感，既要有辛香料的香氣，又有少許的甜味和鹹味平衡。過於濃烈或過於平淡的咖哩都會影響整體的味覺體驗。冬陰公海鮮炒飯（$128）：這道炒飯融合了冬陰功的酸辣味，提供了一個與傳統炒飯截然不同的風味體驗。海鮮增添了香氣和口感，讓整盤炒飯更加美味。炒飯米粒分明，不油膩。在口感上有著良好的平衡。炒飯中的香料與海鮮的搭配恰到好處，既能突出海鮮的鮮美，也不會蓋過其他材料的風味。這讓每一口都是享受。薄河青檸梳打：薄河青檸梳打的碳酸水帶來的氣泡感，使得整體飲品更加清新生動。青檸的酸味與糖的甜味恰到好處，讓人喝下去不會感覺過於膩口。青檸特有的香氣在飲品中非常明顯，喝的時候能感受到那股清新的香氣，讓人倍感提神。

今晚喺尖東見到地庫裡面有呢間泰國菜，仲要好大間、好多位，一於試吓😎一入黎就見到有唱K嘅Mon，好正，有勇氣嘅可以去表演吓😝 喺香港依家咁嘅市況下都幾多客人，真係好難得🤓我地叫左泰式豬手、蝦多士、大蝦炒金邊粉、龍眼冰、鮮菠蘿冰。都唔係其他泰國餐廳有得食到，所以Menu都有諗d特色菜🤩 有一頁仲係廚師私房菜，要早2日預訂呢！😜 蝦多士好邪惡，好油好香口，好滿足😌🤪豬手比較腍，好正😍 啖啖肉，又唔會好肥，好arm我地唔想食飯嘅人，食完又頂到肚😙大蝦金邊粉都令我感到驚喜，蝦是炸的，碟上亦有好多調味配料，任你自己Tailor Made☺️ 有糖有青檸🍋‍🟩，好特別🤘🏻 金邊粉亦炒得好食🤤龍眼冰淡淡嘅甜味好解膩，菠蘿冰就估唔到上面會有層Cream😳 用真鮮菠蘿打製果然唔會太甜，好飲😘😙😝有幾間大房可以唱K，好正啊😍😎💃🏻 真係幾難得可以一邊食泰國菜一邊玩唱K🤩🥳

Luna Bar & Restaurant 👻同frd去到尖沙咀想搵個好地方傾下計醒起依間泰菜環境幾好又坐得舒服即刻介紹朋友過黎食朋友都讚不絕口下次又多個聚會好地方🤣.🔅明爐冬陰功烏頭 HKD 268明爐烏頭時不時都會食依到估唔到有冬陰功version將兩樣泰菜必食加埋一齊咁有創意無理由唔試下佢酸酸辣辣既冬陰公湯底都幾正鍾意佢唔會太辣條魚都仲好滑好多肉😉🔅原個菠蘿海鮮炒飯HKD 128大大個菠蘿炒飯擺到滿哂爆出黎肉鬆同腰果點綴得好好夠鑊氣既選擇😌🔅泰式黃咖喱雜菜配蒜蓉包HKD 108雜菜既咖喱一啲都唔輸蝕份量夠多又夠香仲要食埋佢個蒜蓉包好脆同個咖喱非常夾又香又濃咁好出色😛.整體來講：份量十足 型靚裝修😚.🎈 Luna Bar & Restaurant (尖沙咀)尖沙咀麼地道41-43號地舖

Luna Bar & Restaurant位於麼地道，環境清新舒適，白綠色主調配合大量綠植，令人感覺放鬆自在。餐廳設有飛鏢機同卡拉OK，娛樂設施齊全，無論朋友聚會定情侶約會都好適合。 咖哩炒大蝦用料新鮮，大蝦爽口彈牙，咖哩汁香濃帶微辣，十分惹味。鹹魚炒芥蘭鑊氣十足，芥蘭爽脆，鹹魚鹹香突出，口感層次豐富。泰式醉貓炒河牛肉嫩滑，河粉吸收晒醬汁精華，味道香辣開胃。薄荷青檸梳打清新解膩，薄荷同青檸味道平衡，飲落冰涼醒神。 整體而言，食物質素高，口感豐富，環境舒適，係一個值得再訪嘅地方！

今日同朋友去尖沙咀行街，心癢癢想搵泰國嘢食，居然俾我哋係一個唔起眼嘅地方搵到一間叫做luna bar & restaurant！佢除咗可以坐室內之外，亦都有提供室內座位，裏面亦有鏢機，吧枱，如果想飲杯嘢又得，食一餐正餐又得！最特別嘅係佢可以直接book一間房，裏面可以唱K，簡單啲嚟講，多人定少人依間餐廳都好適合！我哋嗌咗個泰式串燒拼盤，一共六串，包括豬牛羊各兩串，好快嘢食就嚟到，擺盤都幾靚，都幾大串，驚喜嘅係佢有個沙嗲醬，平時唔係好鍾意點醬嘅我哋今次都係咁點！泰式蝦多士，呢個係上枱嘅第二道菜，一見到就知道依間餐廳嘅份量好大，超級足料，好大隻蝦喺麵包上面，炸得好鬆脆，特別嘅係佢係有蝦尾，即係佢真係用成隻蝦，而唔係就咁用蝦滑！真係超滿足！泰式青咖喱配蒜蓉包，一如以往都係好大份，我覺得四個人食都夠，好多香料喺裏面，我哋揀咗咖喱雞，係嗰種大大嚿無骨雞肉，青咖喱完全唔辣，適合我哋唔食辣嘅人！另外必配薄餅！佢唔係好煙靭嗰一種，有啲似薄脆，點咖喱一流，因為食完個蝦多士都飽飽地，當佢小食咁樣食就啱啱好~泰式香芒蟹肉炒飯，佢個擺盤都幾有趣，一上到枱我同朋友都話好似一個蛋糕，上面係肉眼可見嘅好多片芒果同埋

尖沙咀的夜色總是迷人，而Luna Bar ＆Restaurant 更是其中一顆閃亮星星。走進店內，牆上掛着巨型電視，角落設有飛鏢機，而VIP獨立房間則提供更私密的聚會空間。🍴 必食菜式推介：泰式大蝦柚子沙律：清新開胃，蝦肉爽口，柚子香氣撲鼻。泰式串燒（豬牛雞各2串）：炭香十足，肉質嫩滑，醬汁惹味。泰式酸辣鳳爪：酸辣平衡，啖啖骨膠原，辣得過癮。泰式青咖哩牛肉配蒜蓉包：咖哩香濃，牛肉入味，蒜蓉包吸汁一流。烤薄餅：烤得外脆內軟，配咖哩或單食都好味。原個菠蘿海鮮炒飯：賣相吸睛，好多配料，份量十足。泰式醉貓雞肉炒河：香辣惹味撲鼻，雞肉嫩滑，河粉煙韌。泰式珍多冰：椰香濃郁，甜而不膩。鮮椰肉沙冰：椰肉爽滑，冰涼解渴。鹹檸檬七喜：經典港式風味，清新解膩。整體而言，餐廳是一間集娛樂、美食與氣氛於一身的好去處，無論是朋友聚會還是情侶約會都非常適合。

在尖沙咀鬧市中，Luna Bar ＆Restaurant 是一個讓人放慢腳步的好地方；店內空間寬敞，燈光柔和，仲擺左好多綠油油既植物，營造出悠閒氛圍。前菜方面，泰式大蝦柚子沙律令人驚喜，柚子的清香與大蝦的鮮味完美融合，開胃又不膩；泰式酸辣鳳爪則是重口味愛好者的福音，酸辣度恰到好處，令人一試難忘。串燒方面，牛肉、雞肉、豬肉都各有特色，炭香撲鼻，肉質嫩滑。主菜方面，青咖哩牛肉香濃惹味，牛肉軟腍，配上蒜蓉包及烤薄餅，索滿咖哩汁精華，令人回味無窮；原個菠蘿海鮮炒飯不但賣相吸睛，味道亦相當出色，海鮮彈牙新鮮，飯粒分明；醉貓雞肉炒河則帶淡淡微辣香氣，雞肉嫩滑，河粉煙韌，層次豐富。飲品方面，泰式珍多冰與鮮椰肉沙冰都是消暑佳品，椰香濃郁，甜而不膩；鹹檸檬七喜的鹹香與汽水的清爽感完美結合，為整頓飯畫上完美句號。總結，餐廳像是城市中的一個綠洲，讓人暫時逃離繁囂，細味生活。

每一碟份量都幾多，小鳥胃的可以同朋友share首先，泰式皮蛋炸蝦餅的口感令人難忘。外皮金黃酥脆，內裡的蝦肉鮮嫩多汁，搭配皮蛋的獨特風味，讓人感受到泰式料理的創新與傳統的完美結合。每一口都散發著海鮮的鮮香，配上特製的醬料，更是提升了整體的味道層次。接下來是泰式紅咖喱喱牛肉配蒜蓉包。牛肉啱啱好，係薄片款，軟嫩的口感與濃郁的紅咖喱醬相得益彰，香料的香氣在口中瀰漫，讓人回味無窮。蒜蓉包則是完美的伴侶，外脆內軟，吸收了咖喱醬的精華，讓人忍不住一口接一口。泰式豬手，豬手經過慢燉，肉質軟嫩，皮膚則香脆可口。搭配特製的泰式醬汁，酸甜的味道讓人驚艷，讓這道菜成為聚會或家庭聚餐的首選。最後，泰式大蝦炒金邊粉則是一道色香味俱全的經典菜式。大蝦鮮美肥滿，金邊粉份量好多，每一口都散發著濃郁的海鮮風味，偏濕少少，但都好食的。口感豐富，讓人食指大動。總而言之，Luna的泰式料理讓我感受到泰國文化的熱情與活力，無論是口味還是擺盤都無可挑剔。這裡的每一道菜都值得細細品味，是喜愛泰國美食的朋友們不可錯過的美好選擇。