LUMOS Restaurant and Bar

营业中

休息中

本來book咗19號8點慶祝生日，當7:45到達餐廳嘅時候，服務員告知我，你早咗到所以俾唔到枱住，要等陣。但前一張枱個位小姐都係8點又入得去？好啦，我都等到8點鐘，再問reception。佢先同我講，個張枱嘅客人岩岩加咗單，所以要再等。我都好想問下，餐廳打嚟confirm嘅時候，講到明限時90分鐘，咁點解會臨時俾個客人加單？咁係咪要我無了期企係出面等個枱客食完先入得？本來都無咁嬲，另外個位男侍應仲要串串貢咁話我未夠鐘，所以未入得。準時8點即刻轉場食pillowtalk，好彩都無損壞壽星心情🥹

人均食左$400一位都唔飽 (可能我連同其他幾位朋友都比較大食) 估算應該要食大概人均 $1000先夠 食夠數 然後可能就未必會未夠鐘就chur你埋單，又或者唔會連水都唔想斟俾你 限時90mins 但未夠鐘已經隊張單埋黎 服務態度好好 埋單張單寫住有個item --> "bread"，我問個waitress係咩黎，佢好好咁以為我唔識呢個咁難嘅英文生字，耐性地解釋 ‘’餐前送嘅包‘’ 好可惜由頭到尾我都無食到任何包... 所以如實話俾佢知。然後佢一句得埋黎 "都無收你錢，咁洗唔洗衣家俾番你食丫" 又一超讚嘅態度 態度咁好 又咁抵食嘅餐廳 大家快D趁佢仲健在嘅時候拿拿臨book枱去感受下超讚的服務 超讚的態度 超讚的食物 回頭客一定超多

知道呢間餐飯受到高評價，所以慕名而來。當晚我哋屯門人一行6人為朋友慶祝生日。打開餐飯，食物唔算好多，不過飲品選擇多，環境好靚，有live band,有調酒師bar 枱，成個格局係好chill,相信餐廳老闆本來真係係想做bar and restaurant服務。但可惜佢哋嘅用餐時間令我覺得我去咗食放題咁趕，經常有待應、經理走埋嚟提我幾點交枱。食到中途經理問我哋有咩想加，我哋想食黑毛豬都唔俾，佢話時間會耐啲整唔切，因為出面有客人等要我哋20:15交枱（當時約19:35），搞到我哋想開多枝酒都唔敢，其實佢又想賺我錢，但又唔俾足夠時間我享用想點？埋單時同經理反映，佢竟然話返我哋如果準時準時到就會多啲時間用餐，真係食到一肚氣！你哋間餐廳中高價，但放題咁嘅服務，咁先係最唔值得我再幫襯！今次食評唔想講食物質素，因為要知都可以係其他食評到。我要分享嘅係服務有幾差，我哋成個體驗又幾差！香港人成日話北上消費，唔係只係貪平，而係同香港餐廳嘅服務比較，香港真係淨人九條街。成日諗住賺到盡，想返枱，但就犧牲顧客嘅享受。如果服務食物同樣好，香港人其實係願意俾高啲嘅價錢去享受，可惜呢間餐廳格調做到幾高都無用，我唔會再

成班人打算喺度慶祝老友生日飯,餐廳環境和食物質素都是可以的,唯獨是員工的服務態度不是很好,最大問題是有限時90分鐘,一間西餐廳有live 聽亦有酒飲,試問怎會夠時間呢?想再叫食物員工會同你講唔夠時間唔俾你叫黑毛豬,叫你叫其他嘢食,夠鐘時經理攞埋卡機過嚟好似逼你埋單叫你走,感覺超唔良好，所以唔會再有下次!呢個價錢大把餐廳好過佢

極度失望的一個晚餐，環境唔錯，食物普通，去到才知道有90分鐘的限時，營造高級餐廳的感覺，但絕對做唔到高級餐廳嘅服務，態度不敢置評，重點食食吓就要叫埋單，口嗰啖嘢都未吞落去，諗住難得喺屯門區都可以有啲咁cill嘅餐廳可以三五知己傾吓偈，叫左白酒飲，未飲夠，仲趕過麥當勞，食食吓唔夠飽，諗住再嗌多碟扒，餐廳職員建議我哋不要叫因為製作時間耐要交枱😅😅😅😅香港的餐飲今時今日仲繼續keep到咁嘅情況，實在難得！

真係第一次寫食評，真心分享下經驗服務態度非常差🥲唔知以為食緊自己茶餐廳😓食西餐限時90分鐘🥲食左70分鐘已經攞晒卡機過嚟叫我哋埋單🥲真係想叫個甜品都唔夠時間🥲🥲🥲裝修係靚，但食到趕頭趕命根本享受唔到個環境😓😓😓

最近又開始到處覓食，朋友推薦屯門虹橋早前開了一間西餐廳，他吃過晚餐很高質，所以由他帶我來這家Lumos嚐嚐他們的週末brunch.午餐最平價錢從$88 起，套餐包括餐湯、餐包、主菜及飲品，亦可以加$58-$68加購他們自家製甜品。今天的前菜是蕃茄湯，味道很香濃。麵包有兩款，是黑麥包和竹炭包。麵包應該是他們自家製的，我很喜歡他們麵包的質感，加熱後外皮脆脆的，裏面非常軟熟，很好吃。澳洲和牛牛肉竹炭漢堡包，脆煙肉、芝士 配薯條 $168下單時，店員讓我們揀選漢堡肉的熟度，這個時候我們便肯定這家餐廳的廚師是很有要求的。和牛牛肉漢堡肉汁非常多，配搭脆煙肉以及芝士味道非常出色。烤紐西蘭一級肉眼牛扒配薯蓉及薯條 $178肉眼牛扒我們選擇三成熟，上菜後熟度是我們想要的，牛扒肉味非常香濃，很欣賞。另外這裏的薯條亦炸得很香脆，完全不油膩。我們另加了兩款甜品，一款是朱古力心太軟配雪糕，另一款是檸檬蛋白撻。兩款甜品都不會太甜，我很喜歡！總括而言，屯門虹橋這間西餐廳的質素非常高，我很快會到來嘗試一下他們的晚餐。📍 LUMOS Restaurant and Bar 屯門井財街7號力生大廈地下13-14號舖#hkf

最近新開討論度超高嘅屯門人氣餐廳，餐廳走格調高級路線，係區內應該比較難搵到差唔多風格同水準嘅西餐廳，可以話係屯門區約會同慶祝嘅首選 👩🏻‍❤️‍💋‍👩🏻今次本身book咗indoor嘅位置，但係去到話冇曬位要等多半個鐘…所以今次就坐咗outdoor，但如果介意有煙味嘅朋友要留意返😔餐廳夜晚8點開始會有live band，貼心位係外面會有speaker都聽到裡面嘅音樂🎧整體experience都算唔錯，食物有一定水準而且店員好友善，唯一覺得美中不足嘅係menu設計唔會話太有驚喜，都係平時係西餐廳會見到嘅dishes，而且價格都係港島區水平，食物味道雖然不錯但都係想像到嘅味道🧐會比較推薦試下佢地自創嘅cocktail🍸，好多都加入咗屯門元素幾得意✨-⭐️必試Item🍸 Lumos 呢款用餐廳名命名嘅cocktail 亦都係哈利波特嘅咒語💡Rum作為Base，味道就以楊枝甘露作為主題，飲落有淡淡芒果同椰子香，好易入口-MENU▫️香脆炸薯條配黑松露醬（額外醬汁要加$20）$55 Crispy French Fries with Black Truffle Sauce▫️ 香煎溏心帶子及黑蟹籽 伴

朋友帶我蒲吓屯門～平時真係比較少去探索，原來屯門區有咁多出色的餐廳😍LUMOS Restaurant and Bar 環境相當不錯晚間還有現場音樂表演🎤 Cocktail仲好有創意，絕對是享受屯門區夜生活的好去處！終於都唔使下下出市區了🤩❤️🪿香煎法國鴨肝配焦糖蘋果圈及野啤梨子金寶汁哇～超厚切的鴨肝，真係用料非凡！煎到外皮香脆，內裡柔軟，最正的是搭配焦糖蘋果的甜味和野啤梨子的酸甜，真係食晒咁大嚿都唔會滯🐖西班牙黑毛有骨豬扒 豬扒肉質鮮嫩多汁，烹調得剛剛好，滿口肉香，都係嗰句，真係好大好大塊😂 呢度用料真係好足🦞龍蝦尾蕃茄意粉 新鮮龍蝦尾肉，與自家製蕃茄醬完美結合，每一口都是海鮮的鮮美與番茄的酸甜，而且個蕃茄醬仲辣辣地～非常之開胃🍫🍨朱古力心太軟配雪糕 這道甜品外層朱古力餅軟而富有彈性，與旁邊的冰淇淋相得益彰，是完美的甜蜜結束。🍸 特色雞尾酒-火花四濺的Espresso Martini*☕🍸 這款Espresso Martini不僅味道濃郁，更有著令人驚艷的視覺效果- 頭先喺你面前即刻沖調，然後再即席點上花火，霎時間火花四濺！好有氣氛😍

本身諗住同朋友慶祝生日食餐好啲見呢間餐廳裝修幾好就試吓Book左7:00三位準時入座後同朋友揀咗一輪嘢食揀好心水就叫經理過嚟落單啦經理聽到我哋揀牛頸脊之後佢就力薦另外一款3-4人用嘅牛扒比我地我見到個價錢係過千就婉拒咗但佢仲係再繼續推呢一款牛扒咁我哋見呢位經理咁有信心咁就試吓啦反正生日點知黎到係大失所望⋯⋯塊牛叫左5成熟但係勁難切開！切開咗之後都有三分之一係筋，肉靭成千蚊嘅牛扒唔應該咁嘅質素⋯⋯至少都用刀容易切得開吧？真係冇諗過會比d呢個grade嘅肉比我地然後其他嘢食都係普普通通但係收費偏高水杯飲完亦冇主動加水餐飯埋單承惠$17xx⋯⋯真係唔能夠相信平台上咁多好評係點得返黎希望我留下真實體驗可以更加如實反映餐廳嘅質素！

🌟輕鐵景峰站5分鐘路程🌟#井財街 #高級西餐廳 #酒吧西餐廳 #格調酒吧 #livemusicshow #cocktailbar 初初諗住呢度食晏 冇咁有氣氛 但係咁啱又正值萬聖節 餐廳佈滿咗Halloween嘅裝飾 好有氣氛 再加埋本身嘅奢華嘅格調裝潢 成個感覺都好正 好型👍🏻👍🏻同朋友叫咗兩個lunch set 包咗餐包 沙律/餐湯🧡#餐包- 五穀包&麥包 微暖 鬆軟 - 加左牛油 多咗鹹香味🧡#沙律🧡#粟米忌廉湯- 仲食到一粒粒粟米架！ 好正！絕對唔係罐頭湯😂😂🧡#烤紐西蘭一級肉眼牛扒配薯條- 肉眼牛扒要咗七成熟 唔會好煙韌 - 雖然鹹咗少少 但有燒烤汁甜甜地 都可以彌補到- 另外仲有薯條 薯仔青瓜洋蔥沙律 🧡#蒜香辣椒炒意粉配香煎蝦球- 條條意粉分明 陣陣嘅香辣味 好吸引- 蝦球亦都新鮮 彈牙🧡#凍齋啡❤️下次有機會一定要夜晚嚟呢度食嘢 聽講七點至10點會有live music show..🤪🤪 應該會幾好feel😚😚

老公生日，梗係同佢食好西啦。知道虹橋開咗一間餐廳，環境一流，食物吸引，夜晚仲有人唱歌添，所以我就揀咗呢度為佢慶祝啦🥳。Mussel $178隻隻青口都好鮮嫩，配合醬汁，真係好好味，連對海鮮冇乜興趣嘅老公，都對青口讚不絕口😍US Prime Rib Eye $498老公同我都鍾意食牛扒，店員介紹我哋食呢款肉眼扒，估唔到燒得啱啱好，肉嫩多汁。我好鍾意食有肥膏嘅部分，非常香脆，真係好邪惡😋King Prawn我哋見到附近嘅食客，都係叫呢款意粉，所以我哋又試下。老虎大蝦好大隻，配上意式茄醬嘅扁意粉，我覺得酸咗少少，但老公覺得可接受😆Chocolate Lava Cake我訂枱嘅時候講明係慶祝生日，店員話我點甜品嘅話，會幫手寫Happy birthday。可惜我哋等咗30分鐘，心太軟先上枱，味道一般，建議大家試其他甜品🤗

-𝐋𝐔𝐌𝐎𝐒 𝐑𝐞𝐬𝐭𝐚𝐮𝐫𝐚𝐧𝐭 𝐚𝐧𝐝 𝐁𝐚𝐫 🍸估唔到係屯門都可以搵到一間幾高質又有格調既西餐廳酒吧位置既裝潢可以媲美中環酒吧格局✨無論係食物定係cocktail 都相當高質 仲有live band聽就算係平日夜晚都會爆滿 好彩有一早預約左~🍸 Why Not Tuen Mun ($120)係酒精版既桂花烏龍茶 - 個人幾喜歡 非常合我口味❤️以氈酒作為基調 - Widges London Dry Gin再加入檸檬同桃 所以飲落茶底勁香之餘仲幾清新🍸LUMOS! ($140)以Harry Potter 既咒語同鋪名作為靈感沖既時候特登整到發光咁 仲有跟左係個茶壺再自己添酒 (個人覺得呢個好抵飲!) 係以Rum 作為基調 係酒精版既楊枝甘露 當中既椰子奶泡既香味非常濃厚 加上有芒果同抹茶粉 飲落香醇得黎帶有果香同微微鹹 🥰🧈 Baked Burgundy Escargot with garlic & fresh herbs butter ($148)法國焗田螺配香草蒜香牛油 - 田螺粒粒都充滿住濃郁奶油香同蒜香 底下既薯蓉烤到有脆邊 而且奶香細綿 真心很不錯🤩🥩 U.S. Hangi

一路都想食呢間餐廳好耐😆但係咁多人讚，肯定好難book啦🙃 咁岩帶🐶去附近🚿，經過見有位梗係即刻沖入去食啦，午餐好抵食，有餐湯，主食，連飲品，本身叫左牛油果多士諗住咁細份實唔夠食，點知其實都幾飽，牛油果好淋好好味🤤未食到一半已經見有人等位啦😂好彩黎早一步😍😍

想試咗好耐，但walk in 一般都排唔到， 今日就book咗枱試吓。叫咗生蠔+酒set, ham,牛扒，重有個lemon tart。入餐廳都感覺到佢細心，有陣好香嘅香薰味，餐廳員工都著得整整齊齊，嚟到都好細心，介紹今晚speical menu, 酒到亦到有介紹吓枝酒，不過。。。係件牛扒真係太單薄，早餐扒咁，有d失望。當晚重有人唱歌，其實環境同氣氛都好唔錯，唔係食物要再努力一啲。