LUMOS Restaurant and Bar

营业中

休息中

估唔到屯門都有間咁高質嘅酒吧餐廳！最近同男朋友去咗屯門嘅Lumos有現場樂隊表演 🎤 好有氣氛🎵 甜品可以寫字 非常適合情侶拍拖/慶祝生日 🎂❤️ 而且呢度嘅cocktail賣相好精緻 食物有水準 吧台有格調✨我哋首先叫咗兩杯Cocktail🍸🍹兩杯都又靚又好飲！♡ Lumos！阿拉丁神燈，賣相好靚😆而且仲識着燈！入口有少少似楊枝甘露 椰子奶泡味道香濃♡ Why Not Tuen Mun煙霧效果打卡一流 用咗桂花烏龍釀製過嘅Gin做base 再配上柚子味好清新 甜甜地好易入口 好岩適合女仔飲～♡澳洲”穀飼"黑安格斯肉眼扒我哋叫咗五成熟 煮得啱啱好 我同男朋友都覺得好好食！ 配埋薯蓉好Perfect😚♡西班牙連骨豬扒豬扒好Juicy肥瘦適中，而且好軟腍～ 仲有好多薯條添🤤♡虎蝦扁意粉意粉賣相好吸引 個人好鍾意佢扁意粉嘅口感質地好彈牙 虎蝦都好大隻♡朱古力心太軟 甜品可以預先訂枱嘅時候寫字✍🏻❤️ 心太軟朱古力味好濃🥰 甜度適中

第一次幫襯，之前walk in 爆曬，今次open rice訂位。午餐main course +$20有半buffet好抵食，職員有禮主動收碟。沙律菜新鮮，都有好幾款。炸燒賣同薯條意外幾好食，有湯有麵包，前菜小食都有兩款，叫咗南瓜飯同牛扒兩人share，飲品有幾款，冰紅茶夠濃仲要無糖（可另加糖漿），另有果汁熱茶咖啡，甜品都有四款細細件可以食多幾款。有新鮮生果，兩個人連加一$315，價錢對得住個質素，會再幫襯。

見介紹中午半自助餐，book咗尋日去試，記得要book位，平日都好爆，walk-in室內完全冇位，室外兩張枱咁熱冇人會位。主菜加$20自助吧，叫咗最貴兩款餐，牛扒好好食，個人喜好，我哋通常食七成熟，但好多餐廳一係就整得太生、一係就整得太熟，但佢就啱啱好，啲肉又完全唔韌，豬柳正常冇乜特別，反而底嘅薯蓉磨菇炒菠菜好好味。自助餐啲嘢食全部都幾好食，個湯都唔錯，蛋沙律同薯仔好正，甜品唔多款但款款都幾有質，反而最差就係個免費飲品，凍檸檬茶還正常，個橙汁同埋嗰個咩西柚茶….可能溝得太多水好淡完全冇味，後尾同佢反映跟住個橙汁再加過就正常好多啦！我哋認為下次再試可以食啲平啲嘅餐，咁個性價比就會高好多。冇任何優惠，自己book位去，唔知點解個食評成日都唔俾出。

之前嚟過一次食午餐，有semi lunch 可以慢慢食，之前坐嘅位舒服，所以星期日諗住嚟食晚餐。訂咗6點，提早嚟到，門口waitress 話可以提早入坐，講左用餐時間1.5小時，如果無人等可以繼續坐。 講完話轉頭攞水比我哋。 跟住陸續都有客人入嚟，我哋坐左一陣想叫野食，waitress 話等等，跟住見有另一個侍應行過，佢幫我哋落單。 之後我再提佢攞杯水嚟，眼見都有3-4 個侍應企係度但個個都係周圍望⋯環境係有情調既·先上餐包，個香草牛油幾好味.叫左杯Mocktail - Violet , 幾好飲，見到個bar tender 好有心機整.叫左個德州雞鎚，炸得好香，仲好juicy .叫左個ribeye, medium rare, 望落幾靚，但都好多肥膏，同埋有啲韌，食唔哂⋯.澳洲和牛竹炭漢堡 - 呢個好食，和牛同醬汁好夾，足料西紅花海鮮意大利飯 - 呢碟飯賣相精緻，但海鮮質素真係唔可以要求😅 粒元貝煎到半熟，但食落質感唔新鮮😓餐廳環境係舒服，cozy 既，但waiter 嘅服務態度真係麻麻，食完一個餸會收碟係好正常，食食下和牛漢堡嗰碟，食完個漢堡包，仲有大半份沙律菜同少量薯條，個侍應行

5 course tasting Menu - $328/per person 🍽️APPETIZERS- Tuna Tartare with Lemon Foam 香檸泡沫吞拿魚他他，鮮嫩的吞拿魚配上清新的檸檬泡沫，令人耳目一新！ - Scallops with Lime Pearl 香煎北海道奶油帶子，帶子新鮮。🥗 VEGETABLE- Spinach Rolls with Roasted Red Pepper Sauce 煙燻汁菠菜卷，口感滑順，搭配煙燻的紅椒醬，味道層次豐富。🍖 ENTREE- Crispy Cashew Iberico Pork with Peach Red Wine Sauce 蜜桃紅酒汁西班牙黑毛豬，外脆內嫩，紅酒的果香讓豬肉更加美味。🍽️ MAIN- Slow Cook Hanging Tender with Penilla Plum Wine 慢煮牛柳配紫蘇梅酒汁，肉質鮮嫩，梅酒的甜香增添了風味。🍝 PASTA- Black Caviar with Creamy Linguine 黑魚子忌廉扁意粉，濃郁的忌廉和魚子的鹹香交融，稍為覺得少汁！

📢多謝好友款待慶祝生日🎂，特意揀選呢間屯門嘅餐廳，有戶外空間可以與寵物一同用餐，大家都非常開心 。由於處於室外，無法感受到內裡有格調嘅裝潢，但驟眼看絕對係有氣氛嘅酒吧 。一路都有好評價所以對食物嘅質素方面都好放心，眼見賣相都真係幾不錯，只係人手不足問題導致服務不周到，絕對很需要改善🐶.———————————————————————————.🔸班尼迪蛋、牛油果🥑、BB菠菜、忌廉芝士多士🥪💬好豐富嘅配搭，份量唔少，傳統西式早午餐嘅常規款式，整體不錯🐶.🔸坑烤紐西蘭一級肉眼扒🥩配法式薯條🍟💬寫明係坑烤同一級肉，有點點期待，結果沒有失望，果然係預期之內嘅味道，肉質唔韌同有炭烤香味🐶.🔸炸南乳豬扒🐷配芫茜🌿燉飯💬呢款係中西文化匯聚，重口味嘅組合。豬扒相當香口，南乳同芫茜都係衝擊味蕾嘅元素，啖啖都係非常熟悉嘅味道👅.🔸炸軟殼蟹🦀意粉🍝💬原隻軟殼蟹確係有誠意，香脆可口，亦可見到意粉嘅醬汁都好足夠，處理得幾好🐶

屯門竟然有半自助午餐，這次來到屯門虹橋的 LUMOS Restaurant and Bar，試試他們的半自助午餐。叫主菜另加 $20，就能享用豐富的自助前菜、沙律、薯菜，還有各式的精美甜品，選擇不少，相當吸引，亦都好抵食，令人滿載而歸主菜：香煎澳洲尖吻鱸水瓜柳忌廉汁
主菜選了香煎澳洲尖吻鱸，魚皮煎得香脆，魚肉細緻嫩滑，入口鮮甜。配上的水瓜柳忌廉汁，帶有微酸的鹹香，令魚肉更加突出，整體味道平衡且充滿層次感，味道細膩且不膩口

已經第二次黎餐廳慶祝🍾屯門黎講，佢算係最有格調，環境靚，性價比高既餐廳，對我黎講係屯門最好既慶祝場所，隔離台仲話佢專登由何文田黎食先黎餐包，佢既包好好食，包括一陣叫既burger, 配上自家製既香草芝士醬，幾好食封門牛柳侍應推薦3-5成，叫左5成，有牛味，嫩滑，覺得食到再生少少既人的確可以叫3成，下面薯溶都好好味老虎蝦意粉原本唔好茄汁意粉既我，因為食評話好好味，果然一試難忘！蝦好香，有少少蒜鹽？意粉軟度適中，好難忘澳洲和牛竹炭漢堡包薯條好好食個包要share先食得完，好味，不過食到最後牛好流，兩塊麵包又係好好味玉柱蘋果呢個都好味，不過無太驚喜因為生日，餐廳除左蠟燭，仲送左一張即影即有，服務好好！

星期六，約了朋友仔一齊試下呢間餐廳，很驚喜，食物很好味，肉眼扒 medium 真的好好食，有焦香，非常合我地胃口。另外，魚卷比預期柔滑，值得一試。呢間食物和服務都好好，我地會再光顧。推薦！

有live band 係幾surprise, 不過大聲到落單都聽唔到 傾計又辛苦食物就一般 個鱈魚勁鞋 ribeye就正常 反而係啲waitress 好似趕收工咁 chur你落單 chur你食嘢 chur你收碟 成餐飯都比人問咗7次收唔收得碟😓 夠膽死個扒我食咗3分2都問我收唔收得😓 明明話我張枱食到8點半 我7點45已經比人chur到食完lol 食緊野傾緊計都比佢disturb到無mood 最後因為係慶祝周年 都送咗張即影即有比我地不過都無下次

本身比社交平台 post條片吸引左，諗緊係咪打手，不過咁近，屯門人當然要食屯門小店，價錢同環境又吸引，就去食下午餐搞semi-buffet lunch,叫main dish +$20有semi-buffet♥️weekend再+$20前菜種類唔多，但樣樣都好食，啱我胃口，叫左4個主菜，牛羊魚雞，3樣好食，牛就乾啲硬啲，最like碟魚，一擺上枱心心眼，食入口好幸福。餐包好食😋暖又軟熟。甜品一般，個日個湯係甘荀湯不過勁重薑味，接受唔到。Overall係性價比高，已經約定同朋友要再encore ！值得一提，職員又有型（男女都係），又好服務態度。大家多啲留港消費啦～

今日我地5位同事一同去這間位於屯門餐廳食半自助午餐，每位都叫了最便宜主菜$88元巴瑪火腿意粉，首先意粉味道好好，巴瑪火腿有2件，我們再加$20元食埋半自助吧，自助吧有沙拉，甜品，湯，水果。沙拉菜新鮮，式式俱全，我最喜歡它的水果沙拉，又有免費凍飲及熱咖啡，各人都食得好開心，餐廳各員工服務態度一流，我們已再定了位下一次，我下次一定會試牛扒，看見別人的已知色香味俱全，每人現只需$120元，真是性價比高。

早排經過見到虹橋開咗新西餐，就諗住搵日試。有日咁啱朋友入黎屯門，就諗住晏晝帶朋友試試佢。一去到已經有位小姐預約咗枱都仲係門口等咗半個鐘嘅，已經心諗實無機了。咁我都諗住照問問著哂西裝嘅男帶枱啦，門口外已經等咗5分鐘，佢係入面見到有我同其他客但係唔出黎接直接行返入去。😨第二，我就行前入啲上一級有門嘅門口等佢，同佢示意我想拎位。佢都係望我一眼又行咗去😂第三，佢終於行出黎喇，佢叫我「借過少少」俾佢行出去部機到睇位。我借開完俾佢，佢睇完。佢睇完又真係直接行返入去，企係到嘅幾個客全部o咗咀？無位或者要等，都好你講聲喔😂未試過拎位嘅經驗都咁差，服務業？你first impression都未做好唔好講食物質素😉

15/2和老公來補祝情人節，1月份曾光顧過一次午市套餐，但原來現在一至日都有半自助午餐。 由於感冒未痊癒胃有點不適，不想吃太多，所以我點了自助餐（$108）包沙律,cold cut,湯,飲品,甜品。 老公點了羊西冷$148+自助餐$20。 沙律水準不錯，有蛋沙律,薯仔吞拿魚沙律,紅蘿蔔洋蔥沙律,通粉沙津,生菜等，各款沙律都不錯吃。 周打蜆湯非常足料味道亦不差，湯內有很多蜆肉,薯仔粒,豆,紅蘿蔔粒等。 飲品有咖啡（推薦）,檸茶（茶底濃郁）,果汁。 甜品就較為遜色，抹茶蛋糕有抹花味但太甜,檸檬mouse蛋糕有清清的檸檬味但太軟身, 朱古力蛋糕正常水準不錯吃,藍莓奶凍有陣奶蘇味,提拉米蘇杯一般般,熱情果啫喱杯這個味覺非常醒神是所有甜品中最欣賞的。 老公點羊西冷有驚喜，共有6片，有輕微羊蘇味而且很嫰，底有薯茸雜菇，推薦給喜歡吃羊的人士。 這個半自助餐，整體水準中上，性價比高。備註：openrice又reject我嘅食評，要我再submit， 真煩人。 話餐廳比人投訴提供試食，如果有就好了，哈哈

網上見到廣告，膽粗粗黎試下，第一日full booking ,連walk in 都無位，第二日再早啲黎排隊，無論食物，環境，服務質素都好好，留港消費係一個唔錯嘅選擇。溫馨提示一下，餐廳開12：00，大家記得book位啊