Lucky Smash (已結業)

近排Burger Joys副線係荃灣開左分店，叫Lucky Smash~ 中文名叫行運漢堡。於是就去咗買兩個包同屋企人share。雖然新開張，但好多人排隊，未行到門口已經聞到好香～全店只有三款漢堡賣，貴精不貴多，每個漢堡即叫即整，所以非常新鮮又熱辣辣～-雙層芝士牛肉漢堡餐（$98連薯條+汽水)採用澳洲安格斯牛肉，手打牛肉牛味濃郁，煎得鎖汁又juicy，加上份量不少嘅半溶嘅芝士，邪惡得黎又好味！仲有蕃茄、菜、酸瓜作配料，口感豐富。再加雙層牛肉，一啖咬落去真係好滿足！漢堡包查咗牛油後再微煎，個邊焦香脆口，煎嘅時候仲有加芥末同芝士，好惹味！-芝士牛肉漢堡雖然得單層，但芝士分量都好澎拜，牛肉厚度剛好，配料同雙層漢堡一樣，惹味度不輸雙層芝士牛肉漢堡！-鮮炸薯條幼身薯條，即叫即炸，夠哂新鮮脆口，炸至金黃色，份量夠一個人食，鹽份較平時連鎖快餐店嘅薯條少，所以啱哂我！-飲品有多款汽水任揀，最後揀咗罐Coke Zero，幫我減下今餐的邪惡感🤣

早前留意到Burger Joy 副線 Lucky Smash 荃灣開店啦小店經營外賣 不設堂食 價錢更親民咁啱嚟到附近泊車 終於有機會一試-Menu有3 款漢堡和1款熱狗可供選擇牛肉漢堡🍔芝士牛肉漢堡🧀🍔雙層芝士牛肉漢堡🧀🧀🍔行運熱狗🌭平時買料打邊爐我必定要食安格斯牛肉尼度嘅漢堡扒就係由澳洲入口嘅安格斯牛肉手打而成肉同油脂比例剛剛好新鮮即叫即製真係睇到聞到已經流晒口水咬落去爆滿牛肉汁尼個就係鮮製嘅無敵之處配合菜絲蕃茄 口感唔會太油膩套餐有埋薯條汽水 份量係女仕食啱啱好唔夠仲可以加$10 要埋熱狗㗎

某天去開荃灣泊車後見到一開好紅好吸睛嘅漢堡外賣 細看下佢主打牛肉漢堡之後上網揾下 原來佢係Burger Joy副線所以二話不說 去試下先由於店舖只有牛肉漢堡或芝士牛肉漢堡 所以我相信佢地店應該係貴精不貴多用心做好一款美食更能留住客人 我點咗芝士牛肉漢堡餐 （包薯條🍟汽水🥤）$78如果齋牛肉漢堡餐則 $68 初時以為現成牛肉扒但原來店內用肉碎再煎押成漢堡型而且製作過程全部對外公開 軟彈的包皮 配緩緩流岀的車打芝士加上肉汁豐富的牛肉扒感受到快餐都可以好好味店舖仲有一大優惠就係加$10就可以加多熱狗🌭️一隻熱狗腸係用廚師腸 所以梗係無得彈 只係因為外賣關係 買完要快啲享用 如果唔係薯條🍟淋咗就無咁香口

今晚要趕工給老闆，很不情願之下要OT🙁臨近6時正，趕緊去買點東西吃充一充電，再繼續努力❣️知道我喜歡吃burger，同事帶了我來這家新開的漢堡店買外賣🤩後來才知道這家店是我和寶寶上次在灣仔吃的burger Joy 分店😌不過荃灣這一家是外賣店，完全沒有座位提供的～店面以紅色為主，超有新年氣氛🧧而且超顯眼的😳經過、路過必定看見這小店❗️內裡雖然沒有座位，但跟灣仔店一樣，牆上掛了不少圖片💕所有漢堡即叫即製，確保新鮮而且熱騰騰地送到客戶手上👍🏻因為今天下單人數比較多，我們由order 起計，等了約15分鐘左右～1)雙層芝士牛肉漢堡套餐🍔🍟🥤 $98這裏的牛肉採用來自新西蘭的安格斯牛肉，每天新鮮切割、手搓❣️煎香了以後，配以鬆軟、奶油味香濃、內層微脆的秘製漢堡麵包，再加入芝士、新鮮蕃茄、生菜、酸瓜、碎粒洋蔥、芥末醬及自家製醬汁，熱騰騰的入口百感交集，肉汁和口感都非常豐富🤩每一口都含大量上等牛肉的鮮味及醬汁與芝士融為一體的Juicy😋吃得飽肚又滿足☺️牛肉漢堡🍔 $48牛肉厚薄適中❗️而且生熟程度度也剛剛好，鮮嫩得來沒有血水👍🏻入口肉質鮮嫩，牛肉味濃郁💕很有自己在家用上等牛肉弄漢堡的homemade fe

新年就快到，食返個行運漢堡賀一賀，呢間Lucky Smash係小店由港島人氣Burger Joys老闆Manu開設，作為副線，就當然要有咁上下質素啦！全部漢堡都係手打牛肉，係店內見副店員即場量牛肉，即場煎，睇見都覺得滋味。【芝士牛肉漢堡套餐】$78【牛肉漢堡套餐】$68兩個Burger 都唔算好厚身，女仔一啖都咬得哂，食到一口完整嘅漢堡，好juicy，醬汁酸酸甜甜，好開胃，就算冇芝士，都一樣好味，有芝士就多一重濃香，我意雙重芝士牛肉漢堡應該重正🤤兩個餐廳都跟薯條同汽水薯條係幼身，即叫即炸，而且份量好多，可惜拎到返屋企就有少少腍左，即時食會更好！提提大家，小店只設外賣，不設堂食啊！

Lucky smash Kay Gor去咗荃灣食飯見到依間外賣店都幾多人排隊當然就係想一試啦，仲要係我最鍾意嘅看到梗係唔可以放過啦芝士牛肉漢堡餐芝士同牛肉嘅比例啱啱之後牛肉漢堡大大份而且牛肉味十足仲有佢哋係即叫即煮嘅，熱度保持得啱啱好牛肉漢堡餐另外女朋友都點左牛肉漢堡因為佢唔係太鍾意食芝士，同樣牛肉漢堡嘅質量都非常之高水準， 而且熱度十足套餐係漢堡連薯條再加飲品大約都係$70左右，依個價錢都算係提供左一個唔錯嘅高質牛漢堡選擇

荃灣的這間食漢堡飽的 Lucky Smash ，平時行過都見到有人排隊及等取食物，所以今日經過就過來買個套餐。在堂上可以見到員工即埸制作漢堡飽，真是新鮮又有眼福。牛肉漢堡套餐 配鮮炸薯條及氣水$68牛肉漢堡拿上手還熱辣辣的，牛肉十分香，皆因整個漢堡飽面夾著的除了有鬆軟多汁的牛肉，還有洋蔥、 蕃茄、生菜…等等，令漢堡包食落口感豐富、口感鬆軟、多汁又好味！！薯條切到較為長條，食落有薯味，點上酸酸甜甜的茄醬，再配上冰凍的可樂， 真的很滋味。芝士牛肉漢堡套餐 配鮮炸薯條及汽水$78 芝士牛肉漢堡，比牛肉漢堡多了整件的芝士，令牛肉、洋蔥、 蕃茄、生菜及整個漢堡飽帶著芝土的香，味道更為出色，好味！！

今日係荃灣附近番工經過見到，又咁岩想食Burger 咁試一試佢la, 估唔到都有D 驚喜店舖門面簡約、亦都冇得堂食，只可以外賣，加上只賣4款包，所以如果係好食既，根本唔需要話好多花款如果叫餐就會跟一罐汽水D Burger 全部都係即叫即做，所以一定係新鮮，加食落都係"熱辣辣"你仲可以見到衛生情況，透明度高* Cheeseburger - 今次叫個呢個黎食，配料加醬汁適中，唔會多唔會少，而主角漢堡就食落口好Juicy 好有牛味唔會話好乾身* 跟餐薯條 - 可能我擺奈左小小，形影左d 薯條質感，亦都咸左小小總括而言，如果中意食漢堡包既可以試下，絕對好過d 大形連鎖品牌，價錢都合理如果再次經過荃灣又想食Burger, 都會再食

荃灣開左新burger店😍原來係burger joys既姊妹店!!行到附近已經聞到超香😌店舖不設堂食 只能夠買外賣番屋企全部野食都係即叫即製 等到流晒口水🤤🍔芝士牛肉漢堡set ($78)• 鮮炸薯條🍟• 汽水🥤望住店員將一個個肉球壓扁變漢堡扒周邊煎得香脆 入面依然好juicy! 牛味香濃又軟嫩😋配上自家製醬汁 酸酸地 有啲似千島醬 解油膩感半溶既芝士 加埋生菜絲 番茄 令口感同味道更豐富啊🤤而且麵包都有輕微煎過 一啲都唔馬虎👍🏻薯條係幼身薯條 即叫即炸 已經調好味 唔洗沾茄汁食唔🥰可惜我住得遠 拎到番去焗到有倒汗水🥺 如果唔係會香脆好多!強烈建議揸車黎 店舖外就有得泊車 買完上車即食🤣 🌭行運熱狗 (+$10)個名好有喜感😆 買burger 加$10就可以加多個熱狗 醬汁同漢堡一樣 只係換左做腸仔 啱晒食量比較大既朋友

之前網上見到Burger Joys開副線，當然要黎試下。原本諗住2點左右呢個時間過左lunch hour先去會少d人，點知去到條隊都仲係幾長，加上d包全部都即整，所以等既時間會耐少少。Lucky Smash既選擇無Burger Joys咁多，主要都係牛肉漢堡，今次就試左芝士牛肉漢堡。漢堡扒係用新鮮牛肉所製而成，加上煎既時間控制唔錯，食落好juicy又唔會乾柴。配上酸酸甜甜既醬同芝士，口感一流😋😋套餐仲有跟汽水同薯條～薯條係幼薯，同Burger Joys一樣，即叫即炸，食落非常香脆。加上份量唔少，食完成個餐感覺好滿足！！叫套餐仲可以用優惠價加熱狗，呢到既熱狗都係即叫即整，用上同burger一樣既自家製醬汁，味道唔錯，值得一試～

荃灣新開了間漢堡店，經過開當然要去試一試。店中所有食飯均以外賣形式發售，其中更只有3種漢堡作主打，再配薯條及汽水等食物以套餐式發售，明顯直擊連鎖快餐店壟斷的王國。我食的是店長推介的手打牛肉漢堡，店長稱漢堡扒是店內每天新鮮打成，絕不留過夜貨，更稱每天也會售罄。由於是新鮮即製的關係，等了大約十分鐘。外表看起來平平無奇，但一咬落去，啲牛肉嘅肉汁即時爆出來，而且外皮煎去香香脆脆，令口感提升，底層再加上番茄清爽感，亦不會令漢堡過以油膩，相對出口。套餐再另加上$10可配上熱狗一個，熱狗在有芥末醬及香煎香腸的襯托下，口中的層次亦相當出色，但我個人依然會選擇牛肉漢堡作為回頭之作。

近日的午飯時段，不時都見同事拿著一包香噴噴的漢堡，薯條回公司享用，一問之下，原來是Burger Joys 的老闆來荃灣，開了專門外賣的漢堡新店--- Lucky Smash 餐廳採用開放式廚房，可以近距離觀察店員製作漢堡的過程，煎牛肉的時候，香氣更是撲鼻而出，令人未食先興奮。雙層芝士牛肉漢堡～$78漢堡扒煎得兩面金黃焦香，十分香口，咬下肉汁四溢，食得出是新鮮牛肉，肉味特濃，搭配芝士，番茄，洋蔥等蔬菜，中和了整體油膩感，夾著兩塊牛扒的雙層芝士漢堡，食完讓人非常滿足。芝士牛肉漢堡～$58和雙層芝士漢堡的味道基本一樣，漢堡扒煎好會先淋上特製醬汁，再放上芝士， 待芝士稍稍融化，便可放在經牛油煎香過的麵包上，趁熱食，特別滋味。行運熱狗～（套餐加$10）必加的行運熱狗比想像中好味， 煎香的麵包皮，加上酸甜適中的特製醬汁，讓人胃口大開，只賣10元，但一樣有洋蔥生菜等配料， 沒有將貨就價，讓我頗為欣賞。

荃灣開咗間新店，專門賣漢堡包🍔，來到門口仲要排曬長龍，等我入去八卦吓先，原來呢到用料系安格斯牛肉，而且即叫即製，怪唔知得咁多人排隊👏👏見住牆身痴左唔少漢堡相，搞到未點餐都流晒口水 等我揀番個餐嚟食吓先呢到有三款餐：A、B、C套餐最後揀咗B餐：芝士牛肉漢堡配鮮炸薯條、汽水、套餐可加10元配熱狗一隻✌️呢個套餐對我嚟講都幾飽肚，即叫即整更一流濃郁滿佈芝士、軟熟又香滑的安格斯牛肉，熱辣辣的麵包、未食望見就流晒口水，隨咗用靚牛肉做漢堡包🍔之外，再三強調漢堡、薯條必定要系即叫即製，程度特別好食。食得滿足之際，再來一個熱狗，抵食又好食，熱狗又係熱辣辣、有酸瓜.....沙律醬等等，甜酸味道適中.....再食埋鮮炸薯條，滿足➕滿足的飽到捧腹，再來一罐汽水、確是一個豐足又滿足的漢堡，下次帶朋友再來嗌其他漢堡！

從網上得知Burger Joys響荃灣開左新副店, 放工特別過黎支持下.鋪頭響正享和街中間, 紅色既門面一眼就見到, 小店主要做外賣, 所以無坐位.選擇唔算好多, 共三款漢堡, 都係手打牛堡, 可以單買或者套餐.要個中價既芝士牛肉漢堡, 配薯條汽水.即整既牛堡充滿熱力, 芝士溶化響牛肉上面, 入晒味.手打牛肉肉質軟嫩, 唔韌, 有牛味, 而且充滿肉汁, 除左芝士之外, 仲有蕃茄, 生菜, 配上酸酸甜甜既醬汁, 夾埋一齊無飽濟感.個包焗過夠軟熟, 一啖入口好滿足.即炸幼薯條, 份量十足.

呢間漢堡小店聽聞係屬於Burger Joys 的外賣漢堡店，最近都好多報道，呢日係荃灣OT完就試下啦。無晚市食個漢堡就比較方便係街邊醫肚🤧選擇唔多，專食手打牛肉漢堡，有三款漢堡選擇，分別係普通牛肉漢堡、芝士牛肉漢堡、雙層芝士牛肉漢堡🍔🍔🍔🔸芝士牛肉漢堡🍔漢堡即叫即整，大約等左5至10分鐘就拎得，都幾快手。塊牛肉漢堡唔算好厚，不過勝在真係好香牛味，咬落去都好有肉汁，唔會好乾。加埋芝士、特製醬汁、蕃茄同生菜碎，都幾好食。跟套餐有埋薯條🍟同可樂🥤炸薯條屬於幼身嘅薯條，不過我拎完外賣去附近搵位坐嘅時候，可能行得太遠啲薯條焗到林左啲🙈🙈加$10就可以要一隻熱狗🌭️熱狗加咗啲千島汁，仲有啲生菜絲，都幾抵食！