Luca

营业中

休息中

因為家人較為喜歡食中菜既關係,所以很少一家人出外食西餐~於是父親節想特別一點就帶家人到Luca一嘗意大利菜!!先講講食物~餐前麵包 ---- 包是熱的再加黑醋橄欖油,好食~凱撒沙律加三文魚 ---- 酸味唔夠同埋三文魚腥既唔新鮮~燒蜜汁雞翼 ---- 原本想叫辣味烤焗雞翼,但賣晒~至於蜜汁雞翼個汁唔好食,太甜~蒜香海鮮意粉 ---- 海鮮幾新鮮又足料,意粉彈牙岩岩好~招牌薄餅 ---- 不是十分喜歡薄身餅底pizza的我,覺得這個做得不錯,所有配料很配合~芝士法式蒜茸包 ---- 脆身的,芝士蒜茸味唔夠濃,只屬一般~牛尾燴濶意粉 ---- 個汁好食,牛尾炆得淋而且好入味,good~檸檬汁比目魚柳 ---- 魚柳好好食,跟個菠菜汁及薯蓉好match.賣相亦十分討好~蜜糖脆皮豬手 ---- 真係無得頂,豬皮脆豬肉卻嫩滑的,加埋蜜糖汁…很令人回味~DessertLemon Cheese Cake ---- Lemon味太重,略甜~Apple & Pear Crumble ---- 十分好但一樣略甜,不過加雪糕食就中和左,great~服務方面只屬一般,因本身早幾日己book左7點的我,去到wa

上星期六同家人去大埔玩, 之後就去LUCA食飯. 之前以為離大埔市中心好近, 原來車程要半個鐘, OMG!! 山長水遠去食飯唔緊要, 最緊要係好食, 如果唔係我一定會拆檯!!! (講笑jei)首先講下環境, 細妹話坐露天位仲有風味, 但是夜我地扶老攜幼唔方便咁有"風味", 所以選擇坐樓上有冷氣既座位會好啲. 樓上裝修好樸實, 冷氣夠, 無蚊, 仲有乾淨廁所, 都ok ga! 唯一唔好係無bb橩, 不過我地都無expect呢類餐廳會有, 算啦! 至於食物, overall都幾好, 我地個晚叫左好多野:- 忌簾蘑菇湯&忌簾粟米湯 - 好creamy, 但飲到尾有點咸- 麵包 (送既) - 熱熱地幾好食, 夠鬆軟, 但點包用既醋好稀, 唔多對版- 什菇雞肉意粉 - 個sauce有點咸, 意粉有咬口, 雞肉無乜味 (可能因為個sauce夠咸啦), 整體黎講都ok既- ceasar salad - 啲菜好新鮮, 好清甜- 焗青口 - 夠大隻, 加埋蒜蓉一齊焗, good!!- 燒豬脾 - 個皮燒到燶燶地都幾好味, 不過好熱氣呀~~~- 燒羊架 - 皮脆肉嫩, 燒得恰到好處, 中間只係

見開飯好多食家介紹，於是同女皇嚟試試 1. Daily Soup ($35) 意大利菜湯、忌廉磨菇湯 個菜湯好夠味，好有自家煮Feel, 好多雜菜。個菇菇湯都有好濃忌廉味 2. Pork Knuckle ($168) 密糖乳豬手, D皮好似乳豬皮咁脆,勁香口3. Four season pizza ($100) 夠薄, 四款pizza合而為一, 有特色Summary: 老實講句, 食物水準高過酒店, 隔離枱有一肥男和廋女,約二三十多歲. 只見兩人叫了兩碗湯跟餐包, 一份mushroom多士(三塊), 一份炸雞翼(約六隻), 一份炸薯條(肥男話愛食), 一大碟海鮮意大利粉, 再加一個十吋pizza Oh My God!! 簡直是剛放監出來, 或者其實他們是外星人假扮地球人來試食!! 証明這間餐廳連外星人都話正

尋晚同太座和兩個女兒到此吃晚飯, 把車子泊在大尾篤公眾停車塲, 然後行到luca, 發覺門口原來可以泊幾架車, 下次會聰明d露天環境夠哂親近大自然, 真是my cup of tea, 當然女兒一時話有飛蛾, 一時話有四腳蛇有電風扇吹住, 唔算熱先來軟熟牛油麵包, 好味跟住係雜菜湯, 飲得出完全無味精, 足料, 新鮮, 真係好正自己叫左杯菲律賓生力啤酒(貪得意想試下香港以外的生力), 侍應攞左個雪到好冰的啤酒杯來, 真係一絲不苟, 值得一讚意粉要左肉醬同海鮮, 意粉畧嫌硬身左少少, 個sauce 就ok, 材料就絶對新鮮接下來的蜜糖脆豬手, 真係好味到不得了, 外皮超脆, 入面d用又腍又好味, 好邪惡的一道菜式; 在我的字典裏, "邪惡"的定義是超好味--> 會令我心思思想返來食+ 對健康應該會有幾負面的影響食完真係飽到唔識郁埋單一家都係6佰幾, 好合理因為飲左酒, 返歸要靠太座駕車了

週日應友人之邀去大學影相,塵封已久的DSLR終於重見天日!晚上來到大尾篤,之前上OR做定功課時一致對這間食店興趣最大!六個人被安排坐在室外的位置,地上已點了蚊香及有坐地風扇,連一向極度怕熱嘅我都接受到喎!頭盆:凱撒沙律加三文魚----羅馬生菜新鮮,醬汁和平時食開的有分別!多了一份醋的味道,伴三文魚食味道出奇地配合. Nacho----趁熱食一流!因為選用的芝士比較淡口及乾身,一放耐咗好快變硬.辣味烤焗雞翼----味道較為普道.雞肉生熟程度控制得很好,外皮香脆而中間部份依然嫩滑.意粉及薄餅:牛尾燴濶意粉----醬汁香濃,牛尾炆得非常入味!咬落質感並非得個淋字,而是有點像在台灣吃過的牛展般有彈性.蜆肉會意粉----蜆肉不算大隻但入口鮮甜!有蒜香及淡淡的白酒味,意粉僅僅熟!雖未必人人能接受,但這正是個人最喜歡的硬度!招牌薄餅----薄而且脆的餅底加上酸甜適中的茄醬,簡簡單單的配料配搭出最接近在意大利米蘭吃過的味道!主菜:檸檬汁比目魚柳----表面煎得金黃的魚柳放在幼粒薯蓉上面,再配上菠菜茸汁.看見賣相已經吸引!西式做法的魚類雖非個人喜好,但亦都幾欣賞這道菜!蜜糖脆皮豬手----全晚高潮出現!

四人今午叫左 :-(1) 蒜香海鮮意粉 - 一般, 除左蒜油特別香之外(2) caesar salad - 很差, 不是羅馬生菜, 個汁一般, 生菜不新鮮(3) 四季pizza - 幾好(4) cream of mushroom - 幾好(5) 燒豬手 - 幾好, 不過我覺得個皮燶左d(6) 3杯 latte - ok(7) 1杯咖啡 - ok

上星期六專登入去食, 諗住黎個 relaxing lunch, 點知...環境 - 普通, 係就係 al fresco, 不過冇咩特別食物 - 點左 蒜香海鮮炒意粉+ 四季薄餅. pasta only d 海鮮 ok, d 粉好硬 (一定唔係 al dente) 同 super oily, 食完碟底有一層厚厚既 olive oil. 同埋我地落 order request 要 linguine (menu 寫明可以轉) 點知黎到都係普通意粉, 失望 pizza - 唔好食, 超級普通, 一 d 都唔值 $1xx食完 pasta 個 waiter 幫我地換碟, 佢叫我地 '你地抺一抺隻碟先用' --> 佢知隻碟唔乾淨???!!!2個人加埋 $218, 唔抵食, 冇下次

今日終於都同我既best fd去左啦~!!事實係同佢補祝生日.....由上年12月到依家先.....補...XDD今日李小姐好隆重咁裝扮, 而我就好簡單咁牛記,笠記..haha 因為突然改左今晚食*我地本來約左聽晚先食 我重訂左位* 跟住突然改左今晚食* 就打去Luca改時間*接電話個個人好NICE重提我 今日天氣麻麻bor!! 我話 whtever, 佢揀既*忙完 做完野, 同李小姐係沙田火車站一齊去大埔, 然後搭20C 到龍尾村就落車落車之後~因為唔知係邊~行左一陣就發現 原來第一間係就..XDDD去到李小姐好餓就嗱嗱聲叫左個四季PIZZA 跟住叫多個北京烤鴨卷 同蜜糖脆皮豬手(超超超好食)本來重想要生蠔, 不過又想食其他野...*V*Na2: 重要唔要其他野 (跟住個哥哥仔話 夠啦)跟住我同李小姐都 呆左呆 Na2: 你同我地講緊野丫...??哥哥仔: 係呀, 夠嫁啦, 你地叫既野夠哂嫁啦, 真係夠嫁啦(真係好nice)重要好鐘意佢地一樣野, 會睇住你枱既野食, 跟住先煮 先上下一條菜 唔知係咪今晚少人 所以特別好D..XDD因為相機唔掂用左手機影* 質素不好 敬請原諒**好在冇

當天天氣雖然不太理想, 但是我和女朋友始終很想去試下這一間位於大尾篤的餐廳.我們點了以下食物.1, 忌廉麿菇湯 - 湯很濃好好飲2, 萍果忌廉汁伴煎鵝肝 - 入口即溶3,三文魚沙拉 - 很有意大利風味4,燒羊架 - 肉質很嫩而肉汁很多價錢略貴但會再光顧.

The day was my wife's first birthday after we said "Yes, I do!" end of last year. I wanted to be special and we did come to the right place! The staff guides me all the way from MK to resturant (I didn't know Ting Kwok road is so looong) We ordered 1 salad, 1 pizza, 1 pasta, 1 chicken dish and 2 dessert. They were all excellent (especially the salad!).The service was exceptional. It is what you can expect only from a 6 star hotel with a friendly touch. The staff are very caring but not over car

看到外國人坐在露天餐廳一邊喝茶聊天，一邊欣賞大自然景色，香港在那可以找到呢？星期六下午，我和老公駕著車沿著汀角路到大尾篤去，再下車逛逛，我們讓著肚子餓了，看見 “Luca” 就正如上述所說的露天餐廳，還有些外國人坐在這裡，我急不及待衝入 “Luca”。坐下來翻起menu，點了意大利四季薄餅(10吋)﹑肉醬千層闊麵﹑凍咖啡。今天天氣真好，坐在露天也不覺得熱，還有些微風吹過來，真是舒服。意大利四季薄餅顧名思義有四款味道，有芝士﹑火腿﹑磨姑﹑亞枝竹，每款有二塊，二個人吃這個剛剛好可以吃到四款味道，還有薄餅的皮很薄，吃起來不太飽肚。肉醬千層闊麵，份量不太多，上層有一塊芝士，肚子沒有脹脹的感覺。老公最後點凍咖啡，我是不常喝咖啡的人，我覺得幾好，也喝了幾淡，發覺不太苦﹑不太甜，真是適合我，但是我老公說一般。這一餐我們份量覺得剛剛好，不會脹胃，又不浪費食物，而且環境又舒適，吃完還可以到處逛逛，吸一吸新鮮空氣。

It's good to get outta the city once in a while, to enjoy the fresh air and never imagined beautiful environment in hk. you'd never expect to get good italian food in taipo, but luca is always a good surprise.actually everytime i go to taipo i would visit luca. this time i just wanted a light snack cuz we were biking and all so decided to stop by luca for some pizza. the ingredients were really fresh and tasty, and this time i noticed they offer half-half pizzas. when you order one pizza it'

上星期六, 跟Honey到Luca, 有車才方便些呢!環境不俗, 是露天茶座格局, 雖然鄰近馬路, 但車不多, 所以空氣ok呀!我們點了個招牌pizza & 蒜香海鮮炒意粉; 另點了lemonade & mocha。Pizza 皮薄, 吃下去不會令你很飽肚, 材料是新鮮的, 但味道不算很特別 。意粉炒得好, 不會太油膩, 海鮮多, 有蝦, 青口, 魷魚 & 迷你帶子。最愛是mocha, 很香濃的朱古力咖啡呢!

星期六同朋友食晚飯, 又要搵一個泊車方便又環境好的地方, 無意中在OpenRice 見到Luca...訂了8點的枱 (大美督咪錶位晚上8點後唔洗入錶), Luca 大部份是花園雅座, 晚上雖然有點寒冷, 但Luca真的照顧周到, 花園放置了幾個火爐及石油氣燈給客人取暖。打開餐牌的菜式也算多選擇, 我們Order了:1) 凱撒沙律 - 生菜夠新鮮爽脆2) 招牌薄餅 - 薄餅底焗得香脆, 餡料份量適中。2人食Regular Siza不全不覺油膩同「濟」 3) 墨汁海鮮意大利粉配龍蝦汁 - 墨汁意大利粉軟硬適中, 配上龍蝦汁更突顯海鮮我鮮味4) 羊架配薄荷汁 - 我要7成熟的羊架煮得差不多8成熟, 有點「鞋」口 ,羊架外的醃料太咸。 但欣賞個汁加左薄荷汁去煮好香, 而且配菜有茄子,翠玉瓜及薯仔煎得好味整體成餐飯覺得十分滿意, 環境及服務都一流。下次會再來試意大利飯 / Baby Back Rib & 豬手.....

食過幾次, 好想推介吓呢度有個dish叫蛇仔粉, 係用麵粉搓好後, 捽成一條條的, 個樣粗幼不一. 每次去luca我都會order. 用龍蝦汁煮, 配料隨你喜歡, 好鮮味.另一個dish係risotto意大利飯. 出面好多餐廳, 為咗配合香港人口味, 將d米煮到好soft, 根本就唔係risotto. 真正risotto係中間仲係硬硬哋, 咁先會有口感. 通常我會request要 seafood risotto with cream & tomato sauce, 帶少少酸甜, 好開胃, 好味道. 真係百吃不厭. 其實menu入面好似有一個cream & mushroom risotto, 不過我好少食, 因為係白汁, 不是我杯茶, 但相信都好好味, 因為都有好多客order.仲有, 呢度嘅caesar salad又係正嘢, 你會食得出個dressing係唔同出面嘅, 因為係個chef自己調製的.雖然話地方有d偏遠, 但為咗食好嘢, 無法啦 ! 唔揸車其實都好方便, 撘kcr去到大埔墟, 轉綠van去大尾篤, 响龍尾村站落就係, 都ok方便. 大家不妨一試.