Luca

营业中

休息中

睇過食評，覺得Luca唔錯，所以1家3口特來一試。星期五晚8點到達，坐樓上冷氣廳，只有3枱客，覺得奇怪，少客。0rder咗2個雜菜湯，個湯微熱, 好似金宝罐頭湯，味道普通。跟住來一客凱撒salad, 羅馬生菜, 帶醋的酸, 加上薄薄的芝士, 味道 O.K.然后来個 beef lasagna，牛肉粒淡而冇味，芝士又唔夠，食frozen food 好過!海鲜pasta 不过不失。魚是frozen的，因此期望不高。最後就係最worst的紅酒汁蜜糖脆豬手, D皮極之炸過龍, 肉冇肉汁+超干!!!!原本想叫心太軟，但經過湯，前菜，主菜---信心大失，唔敢再食甜品。埋單＄720，價錢唔算平，唔可以叫抵食，但絕對係唔好食, 應該唔會再去.

夏天黎食野,絕對係一個錯誤既決定! , 一早訂了位, 坐 indoor, 諗住有冷氣, 唔洗驚蚊咬同滴住汗黎起飯 , 點知…….. Indoor 同街市無分別囉 !同個女waiter 講野, 佢要蹲係到先聽到, 有其他枱投訴 , 話很嘈 ,個女waiter叫果枱細聲d, 但都冇改善 ! Come on !!!!唔知為咩要食西餐食到咁辛苦 !真係咪幻想係黎享受 ! 有個中年waiter上到黎 , 問杯野邊位, 佢地先靜左2second ! 講完個環境, 就講下d野食 , baby ribs 好乾…. 痴曬牙 ! 蝦肉檸檬幼面 ,係冇第一次食咁香, 但仍然有水準 !黎左個意粉…. 個包同Greek salad 先到! 次序上有d古怪 ~ 如果仲有下次幫親, 我諗會係冬天,因為可以坐樓下 !

尋日夜晚去左大尾篤Luca食Dinner，男友之前已經話好想去食。我地覺得一個字黎形容，"正"，環境 Very Good！食物都好好味！個Pasta真係好正，d 蝦又大隻又爽口，又多蟹肉。個麥糖炸豬手都好得呀！好脆！點芥辣好味，不過好大碟，兩個人食唔晒架！我地重叫左個蟹肉Salad，不過男友嫌太酸，我都覺得ok既，一般啦！不過d人話好似Caesar Salad好味d！食到飽飽，梗係叫番個心太軟啦！My Favourite！等左成20幾分鐘先上枱，不過我地覺得甜蜜蜜既心太軟好味d喎！我覺得佢唔係好夠熱。不過總括黎講都係一間有質素既餐廳，好好味！d 待應好好，好nice，永遠都有笑容！不過因為係Outdoor，如果遲d天氣熱d就冇甘舒服lu。食左個半鐘，埋完單就去停車場拎車，行行下點知突然後面有人嗌我地，原來男友留低左件外套係餐廳呀！個Waiter拎返比我地，好好人呀！即刻加分！

尋晚忽然好想吃意大利菜,便開車去咗Luca.. 已經唔係第一次來, 就係因為佢地D野好得, 尤其他們的Charcoal Grill Steak... 真係好味得無話可講. 我們order咗12oz的sirloin - medium rare... 好香的charcoal grill 同肉質鮮嫩, 口感豐富, 又juicy!! 是我的必吃, 鐵脚之選...今次點咗之前未吃過的Starter, 有mushroom配risotto, 估唔到咁香咁好食. risotto唔會太硬, 配香香的mushroom真是一絕其次點咗醃牛肉parmesan 芝士配什麼菜(忘記是什麼, 類似rosemary的東西), 還可以就是牛肉酸了點. 下次還是叫番Parma Ham好了!最後以Cuppucino 同 Tiramisu 來個總結....真係perfect 的一餐!!(噢最後順帶一提是如果他們的意大利面包能多給一些會更perfect!!)之前也吃過pizza 同 意粉 都是水準之作!

呢間野我屋企幫親左好多年～有次無意中揸車去大尾督發現，估唔到又幾好食，之後就耐史就去幫親吓。最鍾意佢D薄pizza, 夠晒脆，可揀鴛鴦派，唔錯～(但有時會失手，試過唔脆)。我屋企最欣賞佢地D忌廉湯，夠杰，夠濃。佢地餐前既麵包點醋食ok~~~但咪食太多～易飽。推介豬手～D皮好脆～好味。衰在露天～秋天去好好feel~~夏天去好熱～～冬天去好凍，但環景唔錯。

見過呢間餐廳d食評好多於差,所以去試試,真的幾好,可以一試的餐廳.海鮮意粉,意粉雖然有水準,good!!雞翼就一般.心太軟,朱古力好有水準,喜歡食朱古力者可以去食!P.S.今次我食野都有帶我小狗去.

提早幾日打電話去book台, 係一個男的接聽, 態度好好, 聽完我講booking資料亦都詳細confirm多一次...同時我同佢講左係幫朋友慶祝生日....佢話通常d人會晌甜品碟上寫生日字句....亦都問清楚我要寫d乜....很好!我地係自己揸車去既, 不難找...去到隨便泊晌門口空位 (沒有指定車位), 美中不足是, 如果餐廳有人給我們泊車指示會更好, 另外, 等我們泊好車後, 也沒有侍應走來門口接我們...我要走到裡面直接問人...希望這2點可以有改善~我們點了雜菜湯, 凱撒salad, 蜜糖豬手和啖啖肉pizza, 和橙檸檬茶。態餐廳送餐包配酒醋。上甜品時, 男侍應在甜品碟上已寫好字句, 還鬼馬地從後送上心太軟, 令男友很意外!我們初到既時間(7:30pm)以為唔係太多人, 點知人越來越多, 仲有好多外籍人士, 大多數人揸車入黎既, 因為搭車既話真係有d唔方便~希望下次約多d朋友一齊去食, 因為食物真係唔錯, 而且吃得出是用心之作!

已經係第２次黎食飯，第１次係食午餐，因為自己本身係附近讀書，果次老師車左我地去果度午餐午餐係＄５Ｘ一位最好味的係個芝士什菌意粉，好芝士仲有係個招牌ＰＩＺＺＡ！！好意大利風味另外仲叫左個豬頸肉同薯角，同樣係脆卜卜唯一麻麻的就係個鴨胸，好似整得黑左少少～同埋另外叫野飲既速度就比較慢。。。今次就係預祝情人節晚餐早２日訂左位，訂室內當日服務員打黎再ＣＯＮＦＩＲＭ訂位，唔錯我地７點幾去到，已經有唔少人客我地坐左張４人台，近露台，都幾闊落同埋靜靜地點左個香橙蟹肉沙律，海鮮墨汁意粉同埋蜜糖脆豬手送左２個包黎，雖然油油地但熱辣辣加埋黑醋汁好好味沙律既蟹肉好鮮味，加埋Ｄ橙肉味道好夾，建議可以加多Ｄ橙肉同埋醋汁意粉個汁好濃，亦都好多料，有青口蝦同帶子，唔錯啊最後就係好食到連相都唔映的紅酒汁蜜糖脆豬手本人係唔喜歡食豬手嫁，覺得好肥，但今次哩個做得好好，豬手好脆皮，同埋個汁好特別，不過略為少左Ｄ汁，如果再多Ｄ會更好～我地點了２杯野飲，我叫果杯好似係橙汁ＭＩＸ茶，味道幾得意，同埋大大杯不過就唔知點解同上次一樣好耐先出到野飲埋單＄４６０，價錢唔算平，唔可以叫抵食，但絕對係好食月尾應該會再去

went into tai mei tuk to relax with friends and to go back to my favourite restaurantdid it still live up to my high expectations?although the menu's been updated since last time i camethey was more than happy to provide me something off the menuits wild mushrooms in a cream sauce with crusty bread... its delicious, and tasted the same as it did before... i was so happy when they said yes they can do it for me!!!between three girls, we ordered their speciality, which we call in english a ham sha

今天開完OT ，約朋友回大埔一起晚飯，MY FD 話食PIZZA HUT，我就話不如去大尾督(Luca）食啦!! 因為我覺得比貴少少不如食d質數好d的!!我們點了個 $4x芝士墨西哥簿脆 （配3款醬料 1. sour cream 2. 類似帶酸的蕃茄醬 3. 香草醬）味道一般，沒有什麼特別，勝在夠熱薯仔粉伴火箭菜芝十汁 $98（落單時，待應都好細心講解個汁會係好濃的芝士味，他怕客人吃不到的）味道都不錯，粉可能真係用薯仔整，都比較有咬感，但可能芝士味太濃吃不到薯仔味，但濃列的芝士味正合我何車!!但我的朋友就不太喜歡了!但份量真的很少辣肉腸pizza（細siza） $98外表是相當吸引的，它是特簿的餅底，咬下去可能芝士醬太多，食落個餅底一d都唔脆，我都喜歡吃厚批多d，但味道是ok的話!心太軟 $4x外表睇見到好想食，但食落切開，個心一d都唔流，不太討好!!味道一般，不太出色!!p.s. 如果要食pizza 我會選擇 芝脆雞 (大埔大元邨，不是有很多分店）我覺得佢比pizza hut 仲好食，價錢仲平過pizza hut ，如果$98的價錢，我會選c字頭個間pizza!!食心太軟，我會選擇

我未去過, 諗住christmas+anniversary同男朋友去Luca慶祝今日晏晝打去book台,,電話另一邊既女仔,有一句無一句應我都算喇,到最尾我本身想講我要special require,但係佢連拜拜都冇講就cut我線個陣3點幾,,應該唔會炒場呀?到岩岩6點幾打多次去,今次係男人聽,亦都係拜拜都冇就cit我線 ....poor me..又話有禮貌既? 點解我唔覺.........

what can i say?when the weather is shining this is the most perfect place to relax!!!the staff here are excellent and friendly, speak both english and chinesealthough i'm from uk, every time i go to hk, i have to come herewhat do i love the most?i do know the menu changes constantly. the wild mushrooms in cream sauce is to die for, as with the smoked salmon salad and the chargrilled squidits great for a romantic dinner, family gathering, birthday kids and dogs!!!

平時入大尾篤都係燒烤, 摸下蜆咁, 好少會再黎附近的餐廳用餐, 今次點解簡呢度, 第一係新界區方便女友返屋企, 第二係想知佢憑咩可以囉到30個 1個本來book左7點, 但女友突然話肚仔餓, 咁唯有問可唔可以提前6:30囉枱, 又得喎, 雖然入座見到吉左一半枱, 但好快就坐滿左, 應該係一早訂枱的播住音樂等待美食的來臨 ~~ 黑醋橄欖油麵包(免費): 味道唔錯, 女友想添食多件添 凱撒沙律$65: 我同女友都未試過, 開頭佢懷疑得唔得架? (佢食慣有沙律果d ) 但本人抱住相信開飯的食評下堅持, 最後佢都被呢個沙律征服了 羅馬生菜好fresh, 帶醋的酸, 加上薄薄的芝士, 味道配合一絶! 下次絶對要encore! :四季Pizza $100: 好奇怪的只係得六件, 仲諗住係每種味道有兩件, 批底唔係硬到塊鐵板咁, 係岩岩好的鬆翠, 料的味道都唔錯我同女友一向都對簿批幾抗拒, 但呢度就另作別論 紅酒汁蜜糖脆豬手$168: 呢個主菜, 整左好耐呢, 結果冇令我失望, 上菜時, 已將豬手分件, 夠細心, 值得一讚豬手肥肉唔多, 皮夠脆, 係岩岩好, 唔係整到薯片果種過哂龍底伴美味的薯

上次週未8點去到無訂位, 佢地話無枱喎. 真係咁好食? ok, 今日週未6點唔訂枱再去, 終於有枱... 但係佢地話得返張高枱, ok, 無問題.跟手有個阿叔6點15分嚟到又係無訂位, 個waiter 同佢講9點先有位喎.... 吓? 唔係真係咁旺呀? 又睇下點解咁旺先....但係, 據我觀察, 我由6點坐到7點50分個110分鐘裡面, 最少有4張2人枱, 1張四人低枱同2張四人高枱係重來都無人坐過 (個度得廿幾張枱), 但係個 waiter 就係咁同 d 街客講比人訂晒無位....平常 d 餐廳如果 d 客訂咗枱 15 分鐘唔到佢地會打個 ling, 唔嚟會讓比人. 但係呢間好似唔會播, 佢地鐘意當 d 吉枱有人坐, 跟住同人講無位, 好騎呢...食物叫咗 nachos, lasagna 同 magharita, 除咗個 pizza 林咗 d 幾好食.但係想講比大家聽, 要食要訂枱, 但係間野唔係你想像中咁旺場.

星期日family day, 想去郊外行下...就入O左大尾督...見Luca食評唔錯就試下...食物: ceasar salad with chicken----燒雞肉唔乾, 味道o岩o岩好...salad略嫌唔夠酸...seafood deluxe pizza----好薄好脆, 芝士味太濃蓋過千島醬味...不過都唔錯...(order前記住要揀千島醬或蕃茄醬, 如果唔揀就一定係蕃茄醬)牛尾茄汁闊麵----好多茄汁, 好有蕃茄味, 唔會覺得D pasta乾爭爭...牛尾都ok好味...iced mocha----糖水另上, 可自己調教甜味環境:好似露天茶座咁...所以別有一番風味...都唔算多蚊, 厠所都好乾淨...服務:waiter都幾有禮貌, 水都refill得好快...我落左order先知pizza唔記得揀千島醬味..佢o地都肯再做一個比我...讚!我想冬天再O黎, 感覺應該好唔同...下次我想試豬手, 羊架同北京填鴨卷