Lúa

营业中

休息中

連相都唔想影，一嚟到服務員服務態度差黑面，叫咗牛肉河，豬肉雞翼蛋飯，香茅檸檬雞翼，食物都是一般，不值這個價錢，三樣嘢要成四舊水，唔建議大家過嚟食，差差差😤😤😤😤😤😤

一碟香茅豬肉飯 豬肉凍 飯又凍！味道完全無特別！唔好食唔緊要，凍就代表無誠意！你叮熱返佢都無咁嬲，仲要賣$128！憑咩呢？態度差，十張枱得一個收銀一個樓面，枱枱客上菜都等勁耐！價錢同質素不平等！放幾張枱係露台打下卡呃下人黎就可以，試過就一定唔會有下次！真心垃圾！P.s 其他小食質素都係好差，入座時枱上還有汁醬！

銅鑼灣真係多野揀多野食既, 有時會想食D未食過既餐廳, 見到呢間未食過, 而且格局好似又幾特別咁就入左去試下啦, 坐低點餐, 因為見到又好似出面越式餐廳都有既食物, 見到黃薑雞撈檬未試過就點左.不過一食就覺得 黃薑雞 同撈檬好似格格不入, 或者好似食緊黃薑雞既米線咁既口感同味道.黃薑雞份量正常, 口感又無咩特別吸引之處, 只係有好多汁可以撈檬, 但食落去同食米線既感覺差唔多吧呢個價錢食呢個味道就真係有D失望了, 感覺完全唔值, 雖然環境同裝修係算唔錯, 不過食物就唔吸引了.

平日中午時間諗住食lunch ，見外觀唔錯，有裝修，就入咗去。餐廳座位好多，但係以平日番工時間黎講，客人數量算少。叫左碗生牛雜錦湯河，我習慣加海鮮醬同辣醬，食完都覺得無味，而且扎肉太硬，湯底本身冇咩味，份量亦不足夠，性價比偏低，真係少失望。😣本身勁鍾意飲越南咖啡，於是叫咗杯越式滴漏咖啡，唔知係唔係啲咖啡粉浸得太耐，飲落除左覺得好好好苦，就係好酸，感受唔到咖啡香，完全冇嗰種越式咖啡嘅精髓，大感失望。

每次經過Lúa，都會忍唔住望上去掛滿燈籠🏮嘅露台，成間餐廳嘅裝修都令人好似去咗會安古城一樣🏞️，好有越南風情🇻🇳。〰️🍽️ 香茅青檸葉煮鮮蜆(辣) | 💰198 🌟依個蜆一嚟到已經聞到好香嘅香茅同青檸葉味，入口清新得嚟又帶有少少辣同微酸，啲蜆全部都好新鮮，而且煮到啱啱好唔會老，仲要大大隻又無沙。 🍽️ 小食自選拼盤 | 💰296依個拼盤可以喺九款小食入面揀三至五款，每款都有兩件而價錢都係唔一樣。1️⃣ 即叫即製手工粉包 : 個皮薄得嚟但係煙韌，入面包住木耳碎、沙葛碎同碎豬肉，配埋上面嘅青瓜同炸乾蔥，加埋好似魚露嘅汁真係好好味2️⃣ 豬肉春卷 : 入面包住豬肉、白同紅蘿蔔仲有木耳，加埋酸酸哋汁味道係幾好，只可惜唔係即刻炸，個皮唔脆入面都唔熱3️⃣ 柑桔汁雞翼 : 雞翼好大隻，而且嫩滑有肉汁，不過食得出唔係即炸同已經放咗一陣，所以個皮食落好厚又唔脆4️⃣ 香茅牛串伴秘製鹹蛋黃醬 : 食落香料味好重，但係冇牛味，上面嘅鹹蛋黃醬入口亦都好似消失咗咁5️⃣ 甘蔗豬串 : 依個豬肉串食落係有肉汁同有豬肉味，蔗汁嘅甜味亦都好出 🍽️ 特選自拼撈檬 | 💰129烤牛扎肉嘅黑椒同香料味好出，食落有肉味，香茅豬肉係薄切，成碗餸嘅

今日落大雨，想揾間好坐啲既餐廳，呢間之前嚟東角bookmark咗想試，餐廳有用心設計，環境幾靚，有地下同二樓兩層，待應帶咗我上二樓用餐。今次食lunch試咗A餐豬湯檬($78)+熱越南滴漏黑咖啡($12)，但餐廳有加一收費，埋單要$99。A餐豬湯檬($78)跟香菜，香菜自動另上。湯檬好夠熱，湯底好濃郁好好味，扎肉好有咬口，口感幾好，豬肉丸都唔錯，其他配料都好味。食到中途加少少辣醬調味，但覺得自己做錯咗，碗湯檬本身幾好味，其實唔洗額外加調味已足夠。熱越南滴漏黑咖啡($12)之前試過其他越南餐廳既越南滴漏咖啡幾好味，今次加錢試埋，揀咗黑咖啡走甜，有點後悔揀咗唔甜，杯黑咖啡本身無豆味，太苦澀，一定要有返啲煉奶先可以中和到陣味。由於黑咖啡太苦，勉強飲兩啖之後放棄。今次既lunch幾好味，豬湯檬會想返嚟再試，注意餐廳有加一收費，同埋lunch hour都幾多人，可以晏少少避咗peak hour嚟試會好啲。

今日即興約咗烹飪班同學出嚟銅鑼灣食午餐，但係佢要2:15由西灣河趕到嚟，佢推介嚟呢間喺崇光百貨和世貿中心中段的一間兩層的越南餐廳，佢話唔記得條街叫乜名，但係間鋪係紅色嘅，一樓外面掛滿燈籠，叫我睇吓搵唔搵到，果然俾我搵到了！烹飪班同學因為食牛會敏感，所以叫咗雜錦豬湯檬粉，$119，佢話啲湯好好味，啲豬肉和豬肉丸等等味道都好出色！我叫咗生牛肉雜錦牛肉湯河粉，$119，啲湯底好好味，而且唔油膩，我都飲咗三分之一碗湯。我哋兩個碗湯粉都跟埋一碟越南湯粉應有的所有香草和香葉還有辣椒青檸和桔仔，好認真！令湯粉的鮮味及香味充滿層次！烹飪班同學覺得鮮熱情芒果沙冰張相睇落好靚！今日又好熱，我哋終於每人叫咗一杯，真係超好飲！佢仲食埋喺杯嘅西柚片，我嗰舊就唔小心跌咗落地。還有，呢度嘅樓面職員服務態度非常之殷勤，烹飪班同學叫我出去露台搵啲掛喺一樓嘅燈籠做背景影返張相留念，有位樓面職員一聽到就主動替我哋揸機，烹飪班同學仲話有越南帽做道具。臨走之前，烹飪班同學問樓面是否夜晚依然有live Music，有人唱歌，樓面職員回答只係逢星期五及星期六晚才有，如果我冇記錯應該係晚上七點，如果唔係就係八點。今日我哋嘅午餐平均每

心血來潮突然間好想食越南野，咁岩係銅鑼灣東角附近見到「Lua」呢間特色越南菜餐廳，比佢紅色既牆身吸引住，加上露台位掛滿燈籠好似置身係會安古城一樣好有feel😍成個view搶眼之餘仲好靚, 打卡更加一流👍🏻店內闊落坐得舒服, 整間餐廳充滿異國風情Dinner set $248 + 必食既班蘭法包$118 🐤前菜 - 酸甜柑桔汁無骨鳳爪酸酸甜甜, 只有少許辣味, 非常爽口開胃 🦐小食 - 越南大蝦米紙卷大蝦好新鮮,入邊有檬粉同埋生菜、蘿蔔絲、青瓜絲配料,加埋煙韌既米紙食落去都幾清爽！加埋酸汁一齊食會更開胃 🐮主菜 - 生牛肉雜錦湯河入面有黑柏葉、牛扎肉、牛皮、牛肉丸、牛肋骨、生安格斯牛肉片等多種配料,湯汁鮮美濃郁，不油膩 。黑柏葉爽口彈牙, 牛肉鮮嫩😋熟度岩岩好, 牛扎肉口感比較紮實 🍮甜品 – 越南烏龍茶果凍烏龍茶既茶味唔算濃,配埋d奶蓋同菠蘿蓉一齊食味道都好夾 🌮班蘭布甸法包配自家製椰子雪糕 (需制作約20分鍾)佢除左賣相吸引, 咬落去脆卜卜好香口同陣陣班蘭味🤤每一啖都好有口感, 真係好好味😋班蘭控必試！

這家餐廳裝修好看，服務不錯。點了越南法包，麵包皮酥脆，豬肝醬和扎肉融合的不錯，香菜是靈魂。椰子咖啡很特別，點了少糖，有椰子糖的香味，上面撒了椰子碎，還是比較用心的。

岩岩開果陣已經好想去🥹Sogo附近一間靚靚越南菜 樓上室外位置滿天燈籠🏮好似搬左會安古城過嚟🤩價錢中上 但款式多 試左d平時未試過嘅野食🥰一定要坐樓上打卡位 超好feel💕🍗街頭小食滋味拼盤 ($208)勝在多款大盤 每款有兩件左右😂以炸物為主 有春卷 炸雞翼少少油膩🍗純魚扎肉 甘蔗豬串 蝦串香草味濃 🌟🥘手打肉丸酸甜湯配法包 ($88)豬肉丸煙煙韌韌幾好食 重點個湯酸甜適中 點法包🥖唔錯嘅開胃菜😚🦀炸原隻軟殼蟹米紙卷 ($188)內餡有軟殼蟹 檬粉 生菜 蘿蔔絲 一定要點醬食 好味好多🤤🌟🍝酸辣香茅炒虎蝦扎肉檬粉 ($128)呢款唔錯🤩有魚蛋條 蝦肉 檬粉炒得好香 口感煙韌彈牙 調味酸酸地偏辣惹味🥭鮮芒芭菲 ($98)食到呢度已經好飽😂配料較多 有兩層椰子奶蓋 同大量芒果粒😚最驚喜有麻糬粒 🌟Tropical Passion Sunrise ($88)Rum vodka + passion fruit ~易入口又好濃酒Phu Quoc Ocean Paradise ($82)似梳打水😂Screwdriver ($118)橙汁vodka 面頭仲有支啤酒 好fruity 超大杯的說

食左600幾蚊 但完全唔值！上菜慢啦，次序唔啱啦最嬲尾先上嗰個頭盤啊跟住份量過少兩個人二人餐一個人食都唔飽，不過態度幾好，另外叫咗一個蜆煲價值198但係入邊嗰啲只不過係$100都唔使嘅錢嘅份量啊

Lúa (銅鑼灣)自制豬扎肉串燒🍖🍖豬扎肉、豬肉丸搭配各種香料腌製後串起來烤製，外層焦脆👏👏多汁鮮嫩的口感😄😄自制牛扎肉串燒🥩🥩牛扎肉用左優質牛肉🤩🤩散發出撲鼻的肉香🥰🥰入口即化的口感👍👍豬湯檬🍲🍲湯頭清香濃郁😙😙肉質嫩滑👍👍豬骨和各式材料熬煮而成😍😍肉類好多又豐富👏👏十分抵食😋😋自家製魚扎肉三味漢堡🥯（3塊共450克）【原味，胡椒味，茴香味】魚扎肉三味漢堡融合了多種食材❤️❤️口感層次豐富😄😄新鮮肉質細嫩的魚扎肉👍👏再淋上自制的爽口醬汁😆😆正👍👍一口咬下去，肉汁多，完美融合🥰🥰令人回味無窮😜😜 原味，胡椒味，茴香味各有特色😋😋牛油果慕絲芭菲配自家製椰子雪糕🍨🍨牛油果慕絲香滑綿密，清新順口😍😍濃郁細膩的椰香❤️❤️牛油果的清新✔️✔️是健康甜品🤩🤩銅鑼灣東角道26號怡安大廈1樓13-15號舖及地下13-16號舖整體評分：5/5味道：5/5環境：5/5抵食：5/5

自從年初到訪越南旅之後，一直對美味的越南菜念念不忘🥹銅鑼灣這間餐廳裝修超有越南風味，漫天燈籠🥺酸甜湯配法包🥖🍅必點😼越南法南出名好吃，用這個來蘸上酸酸甜甜的湯，超開胃！小食方面推介豬腩串燒，肥瘦相間，醬汁酸辣惹味，而且超大串😹2-3人點一串都足夠。鮮芒芭菲也很不錯🥭滿滿的鮮芒果肉、椰汁奶蓋，𥚃面還有蜂蜜蛋糕、麻糬😳😳值得一試！其他食物水準正常，春卷可以一試，外皮很酥脆，雞翼就稍為油膩。鮮芒芭菲 $98大叻特色手打肉丸酸甜湯配法包 $88豬肉BB蝦炒碎米飯伴春卷甘蔗豬串 $128特式越南豬腩串燒 $58小食自選拼盤 (3-5款）$172

被這家越南餐廳美麗的外觀吸引，一直都渴望到來一趟。餐廳內的漫天燈籠確然壯麗，美不勝收。牛肉雜錦湯河，跟有檸檬角及大量芫荽。呷了口湯，果然清淡無比，馬上放入所有芫荽及檸檬汁，竟也未能突出鮮味。雜錦有牛肉、牛腩、牛丸、牛肚和扎肉，但跟湯一樣都是不夠味的。河粉軟滑卻不夠爽，大量芽菜再進一步沖淡了湯，這碗湯河未如人意。反觀法包就高分得多。首先法包極度的脆，包肉亦不飽滿而軟。香茅豬肉充滿香茅味，肉片又厚又腍。而最精彩的必然是多到爆瀉的鵝肝醬溢瀉湧出，此為之醬爆！雖然邊食邊跌，有點狼藉，不過每一口都是幸福！小食拼盤選了豬肉春卷、桔仔汁雞翼以及串燒牛肉。豬肉春卷脆而不膩；雞翼雖無甚桔仔味，倒也算大隻，肉亦細嫩有汁。沒有想到串燒牛肉，居然是一團免治牛肉捲在一條香茅來燒，難道蔗蝦變成茅牛乎？！串燒大蝦無可否認蝦是巨型的，奈何不知為何蝦肉超級紮實，莫說爽口，要從竹籤扯出來也甚是艱，配的蘸汁應該是甚麼牛油之類，卻又是無味的，食完只覺一口的油。飲品是越南百分百甘蔗汁配鹹柑桔。飲到蔗汁的香甜，鹹柑桔的味則是微乎其微，可有可無。裝潢引人入勝，惟食物只有法包可取而已。

睇到有人話OK特意帶同母親大人去試試南瓜花抄豬肉南瓜花又涩豬肉又鞋生熟牛肉湯河內面竟然有兩塊牛皮，問店員點解會俾牛皮客人食？佢話有客人喜歡牛皮又厚又韌咬唔入！！用嚟點燈籠？？香茅豬肉法包，豬肉攪爛曬好似一pat醬好似有啲雞肝加入去咁嘅味道， 腥腥哋蒸手工粉包比較正常三色冰淨係好多椰醬嘅味！同其他（越南）餐廳啲三色冰好另類，唔好飲完全唔合格