Lockeroom Express (已結業)

【⚽️偽球迷的午餐🍔🍟】奧運狂熱下，就陪足球迷食個午餐，延續運動感覺（運動….之後再做吧🤣）食物選擇都幾多，漢堡、意粉、意大利飯、雞翼、甜品……「餐湯自由斟，啱曬鍾意飲湯嘅朋友🥣」餐廳仲掛滿阿仙奴球衣同隊旗，如果播埋歡呼聲同足球主題曲就更加入型入格了！睇波就梗係食burger同薯條啦！呢度真係有啊！而且午餐價錢親民，學生餐價錢，非常抵食～🔥橄欖油脆炸法國雜磨菇$42⭐️⭐️⭐️⭐️⭐️我最愛食炸菇，但好少地方炸得好食😋呢間係推薦的👍🏻👍🏻菇新鮮炸起，炸漿唔厚但夠脆，少少鹽，點唔點醬都好食！🔥美式安格斯牛肉芝士漢堡$58⭐️⭐️⭐️⭐️貴為Burger粉嘅我，覺得好好食喎！而且以咁嘅價錢，真係食得好開心🥳薯條都食晒！

炎炎夏日想食啲輕怡少少嘅野，同朋友喺尖沙咀附近行完街，去咗呢間位於彌敦道恆豐中心地下的「Lockeroom Express」食lunch。店內裝修佈置以足球為主題，啱晒一眾球迷⚽️餐廳採取自助形式點餐及取餐，另外餐具同餐湯都係自取冰島鮮蝦菠蘿漢堡漢堡包印有餐廳名字，好特別，麵包口感鬆軟，帶有牛油香！Juicy又鮮甜嘅菠蘿夾住脆炸蝦堡，香脆可口，啖啖鮮蝦肉🍤伴碟仲有金黃香脆炸薯條，夠晒飽肚煙三文魚露筍南瓜汁扁意粉扁意粉軟硬適中，有麵粉香～加左南瓜汁、露筍、煙三文魚粒及南瓜粒一齊烹調，配搭都幾特別，好好食哦波士頓活龍蝦半隻配蝴蝶粉可以選配鮮番茄汁或白松露忌廉汁，我就揀咗酸甜開胃的鮮蕃茄汁🍅波士頓龍蝦肉都幾彈牙，味道鮮甜～配上帶嚼勁的蝴蝶粉，好吸汁呢特濃朱古力蛋糕合共有四層的特濃朱古力蛋糕，入口軟滑，層次同口感都好豐富，甜甜的，帶香濃朱古力味熱檸檬水及熱咖啡

油尖旺區俾人感覺嘢食特別貴，不過最近就比我喺佐敦搵到一間好抵食嘅餐廳！餐廳都好有格調，裏面有好多波衫，以球衣做主題。餐牌亦有好多選擇，價錢相當合理。美國黃油大雞髀扒$88 鐵板上個雞髀外皮真係非常香脆，朋友同我share佢食咗好多皮，味道鹹香出色，雞髀仍然保持鮮嫩有水份，配搭脆卜卜薯角，keep住熱辣辣，質感一流。卡邦尼溫泉蛋天使面$58估唔到呢款面嘅份量都有好多，排到密質質，每一條天使面均有卡邦尼溫泉蛋汁，味道香濃。朱古力三重奏心太軟$48（半價）一切開就有好多朱古力漿流晒出嚟，朱古力味都濃郁，亦唔會太甜，作為飯後甜品不錯。水果紅茶$33 （ 半價）草莓梳打$29飲品方面，跟套餐有半價優惠，比較欣賞佢水果茶真係一粒糖都冇落，入面多款水果材料十足，仲有用熱情果帶出嘅甜味，解渴又健康！朋友嘅草莓梳打打卡都一流呢

Lockeroom express 係快餐形式，喺cashier order完之後取餐，食飽之後自己放返好餐具， 外面仲有是日餐湯任飲，今日就係羅宋湯呀。凱撒沙律 $42羅馬生菜好新鮮爽脆，仲有啲煙肉碎同埋芝士碎提升口感，中間夾住好多麵包脆脆好好食，配埋沙律醬味道更豐富。鮮牛油梨醬鮑魚芝士腸飯 $72鮑魚肉質夠曬彈牙及軟淋， 當中有大量配菜包括蘑菇洋蔥彩椒啡菇，鮮牛油梨醬味道好清新又夠creamy，完全唔似快餐出品簡直係超班👍🏼波士頓活龍蝦半隻配白松露忌廉天使麵 $88一入餐廳就見到人食緊龍蝦就心旭旭叫返份試下，首先講返其實份量真係好多， 龍蝦又大隻，肉質彈牙，而白松露忌廉好濃味，一定要試下。鹹蛋黃雞翼 $38鹹蛋黃系列嘅小食都非常鍾意， 今次嘅雞翼炸得好好外脆內軟，咬落去啖啖肉汁， 以鹹蛋黃味亦都好出，四隻都唔夠喉😍

呢間西餐廳喺佐敦，要落一層樓梯地庫。如果想價錢親民少少又食到西餐喺油尖旺附近的話我會選擇呢間，之前有食過，記得係真係幾平幾抵食主要係人均消費幾十蚊就可以，而且我幾鍾意佢哋嘅自助形式，出面有張枱可以無限拎湯飲同埋飲品，真係唔使驚唔夠飽，好似每日嘅餐湯係紅湯或者白湯。其實西餐意粉同扒都未算係我嘅最愛，反而每次食西餐，我都會點返個蛋糕食，總係覺得西餐外國嘅蛋糕比中式嘅蛋糕好食！所以成個點餐食物嘅重點我最鍾意食係個朱古力🍫蛋糕，好濃朱古力味🥰

佐敦行街，想買薯條🍟食同埋漢堡🍔，發現間質素好又好味道嘅西餐快餐店，取餐同收餐都係以自助形式。.進入快餐店，地方寬敞，裝潢擺設都以阿仙奴為主題 ，見到好多簽名紀念球衣同擺設，感覺舒適。 打開餐牌以西餐為主 ，有薯條、意粉、湯、小食同甜品。.波士頓龍蝦🦞意粉 $88配白松一露忌廉汁就好正，龍蝦有好多膏，味道鮮美，好高質!.🍔美式安格斯牛肉芝士漢堡$58漢堡包烘過都好鬆軟，牛肉有厚度好juicy，夾著蕃茄同生菜同埋芝士，好味道。配炸薯角🍟，好脆同有濃郁嘅薯香。.🥩紐西蘭草飼牛肉眼意粉 $68肉眼扒厚身，7成熟度，重牛味道，都有肉汁，配以蒜蓉汁，提升牛肉嘅鮮美。烤茄子🍆、翠肉瓜🥒、蕃茄仔🍅，口感豐富。意粉嘅份量都好多!.🍝煙三文魚露筍南瓜汁天使麵南瓜粒、煙三文魚、露筍及南瓜汁，配料新鮮，醬汁好平均沾掛上天使麵，天使麵有嚼勁，整體味道幾好!🥣點餐後就可以自助形式取餐湯，今日喺磨菇湯，有磨菇碎粒，真材實料，好美味!

先講講環境先，門面唔算起眼既，係路邊行樓梯落去先入到，可能因為呢個原因，起呢區呢度算比較少人既餐廳🥰入到去見到掛左幾件親筆簽名既波衫，拎野食既牌仔都貼哂波衫貼紙😳落足心機，仲播住細細聲既音樂，算坐得幾舒服🤤自助湯bar: 呢度有個自助湯bar既，今日係番茄湯😌唔會太濃，唔洗怕飲完要係咁灌水🤓龍蝦汁雜錦海鮮飯：番茄味好出而又唔會搶😋雖然吸哂d汁，但飯粒依然粒粒分明有咬口😋。海鮮唔會話好有鮮味好濃味🙊，但勝在份量唔錯啖啖都有海鮮🥰配埋番茄汁好惹味波士頓龍蝦意粉：呢個價錢食到龍蝦，勝價比真係贏哂😎龍蝦本身加左千沙律醬去焗既，入味之餘，龍蝦會好香口😍重點係竟係有蝦子! 即刻加分🤤。意粉方面，偏意粉真係索汁d😋餐廳仲一d都唔吝嗇，就咁睇已經見到好多松露，忌廉汁包住d麵，好濃味！大滿足🤤🤤冰島鮮蝦菠蘿漢堡：今日最鍾意係個漢堡🎉首先個包好軟熟，而且一d都唔乾，仲好有香味，入面仲搽左牛油，好香口🤤個蝦餅好厚身，個皮又薄又脆，入面仲好彈牙又keep到好juicy好濃鮮蝦味👍🏻大讚，菠蘿有燒過，夾埋千島醬perfect match😎心太軟：面頭鋪左一大塊薄朱古力片，食落多左份香甜味🤭紅棗茶：同樣非常足料😋

做完body check，行過恒豐商場竟然發現lockeroom開分店！ 但呢間lockeroom express 佈置主題都係一貫球隊波衫風格，但食物style完全不一樣，呢間快食自助為主。話雖快食，質素都一樣高質2個人叫左好多野食，食到個肚脹爆：安格斯牛肉芝士漢堡$58水牛城雞翼$38白松露忌廉什菌配蒜蓉包$42鮮茄藍蟹肉扁意粉$62Cappuccino $23紅棗茶$19Burger 好足料，芝士溶溶地，好正！白松露忌廉什菌好夠味！仲用黎點薯條食👍🏻，蒜蓉包係自家製，牛油味香濃。雞翼酸辣味好夠，又味大隻。意粉分量意外好大分，又足料，好多蟹肉同蕃茄仔，好味！橘子白朱古力cheese cake

🐷🎈佐敦阿仙奴主題 大件夾好食快餐⚽️👍🏻💥白松露忌廉野菌意大利扁麵 $62好食指數：🐷🐷🐷🐷🐷🐷🐷🐷🐷9/10回頭率：🐷🐷🐷🐷🐷🐷🐷🐷8/10呢款意粉真心高質！意粉夠多汁夠奶味，松露味非常香，見到醬汁入面有一塊塊細松露碎，明顯真材實料，唔係只係用松露油。意大利麵雖然唔係手工制，但係生熟程度可以接受，唔會過於硬或腍。💥美國黃油大雞髀扒飯 $48好食指數：🐷🐷🐷🐷🐷🐷🐷🐷8/10回頭率：🐷🐷🐷🐷🐷🐷🐷🐷8/10呢個雞髀飯絕對值呢個價！雞髀外面煎到非常香脆，放喺到一陣雞皮都依然係脆脆地，但裏面雞肉好滑，又唔多肥肉，外脆內軟非常香口。而且調味足夠，鹹鹹地送飯一流。佢哋仲有自助調味料，可以自助選擇四種醬汁：咖喱汁、黑椒汁、生薑汁、薯蓉汁。推介咖喱汁同黑椒汁都唔錯，另外兩款就比較稀唔係好夠味。💥美式安格斯牛肉芝士漢堡 $58好食指數：🐷🐷🐷🐷🐷🐷🐷7/10回頭率：🐷🐷🐷🐷🐷🐷🐷7/10呢個burger賣相雖然麻麻哋，望落去以為塊牛會好乾，又好似得好少醬。但食落有驚喜，牛味唔算濃，但調味十足，肉汁唔少，所以完全唔覺得乾。麵包底面有烘過，整體不過不失。💥特濃朱古力蛋糕 $32好食指數：🐷🐷🐷🐷🐷🐷🐷🐷

終於放假啦！！！今日同男朋友喺佐敦恆豐中心地下喺 Lockeroom Express 食平民價西餐！之前食過喺朗豪坊附近嗰間 Lockeroom Dining環境不但有球迷特色而且性價比高果然嚟到 Express 都不負眾望我哋叫咗 1客凱撒沙律水牛城雞翼 4 隻波士頓活龍蝦天使麵 配 白松露忌廉汁冰島鮮蝦菠蘿漢堡 (附炸薯條) 白松露忌廉炒惹菌 配 自家製蒜蓉包 (2件)凍檸茶熱柚子蜜實在好豐富呢要值得一讚嘅喺白松露忌廉汁相當出色好creamy 又有少少松露香味唔會好膩點埋蒜蓉包食 大滿足 ( ´▽｀) 啊！差啲唔記得佢哋有個自助添飲嘅甘筍湯添幾多都得 喺免費㗎雖然飲落剩係得碎濕濕嘅紅蘿蔔味道好濃郁 似喺用咗雞湯搭救 總括嚟講呢間西餐廳都值得一試！

球迷梗係要去足球餐廳啦！lockeroom喺佐敦恆豐中心開咗express, 以快餐為主, 而家用openrice同外賣平台仲有折扣優惠, 性價甚高, 真係要分享下。點完餐記得飲番個自助南瓜湯潤下喉！波士頓活龍蝦半隻配蝴蝶粉呢度最出名焗龍蝦, 新鮮即叫即做, 蝦肉鮮甜爽口, 配埋個白松露忌廉汁, 濃沃惹味, 真係食到停唔到口！龍蝦汁雜錦海鮮飯雜錦海鮮都幾多料, 用龍蝦湯汁燴飯, 感覺似西班牙炒飯, 未食已經聞到香噴噴！ 明太子南蟹肉野菌忌廉飯明太子鹹鹹地, 蟹肉好鮮味, 配野菌忌廉汁燴飯, 口感幼滑軟熟, 的確唔錯！鹹蛋黃雞翼鹹蛋黃甘香撲鼻, 雞翼炸得脆卜卜外皮鬆脆, 鹹蛋黃控必食之選！朱古力三重奏心太軟朱古力味道濃郁, 外脆內暖, 流心朱古力幼滑香甜! 意想不到的驚喜甜品！

位於佐敦既Lockeroom Express以快餐形式營運，落單後可以自取餐湯(當日係蕃茄湯，都幾足料嫁~)、水同餐具，當然食完後都麻煩大家好好收拾啦~餐廳掛滿阿仙奴球衣珍藏，整體設計十分型格！佢地呢度既定價唔貴，而且食物質素都唔錯，性價比極極極高！卡邦尼溫泉蛋意大利扁麵 $58意大利扁麵份量勁多，口感彈牙，而且忌廉醬汁完全包裹住每條扁麵，食之前先將溫泉蛋刺穿，將蛋汁同麵條拌勻，好CREAMY呀~裏面仲加有大量既煙肉，所以食落又香又惹味~龍蝦汁雜錦海鮮意大利蝴蝶粉 $62同樣份量超足既意大利蝴蝶粉！龍蝦汁味道幾鮮，帶點酸甜比較清爽。裏面有超多雜錦海鮮，好似魷魚粒、蜆肉咁，仲有D紅椒、青椒等，豐富滿足~美式安格斯牛肉芝士漢堡 $58佢地既漢堡包一樣足料到暈！漢堡會配搭炸薯角，好香口~烘過既漢堡包好軟熟，中間既牛肉漢堡煎至外層微脆內Juicy，豐盈既肉汁加埋半溶既芝士，好難唔好味啦~高質喔冰島鮮蝦菠蘿漢堡 $58蝦餅新鮮即炸，夠哂熱辣辣，而且外脆內彈牙，仲好鮮味！菠蘿片清甜多汁，配搭蝦餅可以減輕膩感~加埋蕃茄片、生菜同沙律醬等，好味喔白松露忌廉炒野菌配自家製蒜蓉包(2件) $42呢款係松露

約朋友係佢公司附近食飯，同事介紹佐敦恆豐中心有間西餐廳 Lockeroom Express，其實位置都好方便。首先要到收銀處付款買食物，就會給一個電子牌，當食物有得拎就會響起，自己拎食物，店員都會幫助。👍🏼雜菜湯，唔會太酸幾好。記住自助自己拎。👍🏼水牛城雞翼，大大隻，有微微辣，有雞肉味，好好juicy，醬汁好野味($38)👍🏼龍蝦汁雜錦海鮮蝴蝶粉，配鮮尤魚粒，蝦、蜆肉、番茄粒、洋蔥等等，龍蝦汁酸酸甜甜好開胃($62)👍🏼美式安格斯牛肉芝士漢堡配薯角，個包有焗，包邊少少脆，肉汁好juicy。($58)👍🏼黑松露薯角，熱辣辣，卜卜脆，外脆內軟。($32)😊檸檬茶紅茶($23)蜜糖柚子蜜($23)真心推介，CP值高，價錢合理，店員服務有禮貌，環境衛生。

◅ ◄ Lockeroom Express💛 ► ▻ 快餐都要食豪啲😋👦🏻👧🏻小編之前都到訪過lockeroom係油麻地嘅分店知道佢哋係佐敦開咗新分店，就緊係要試試～呢間分店係快餐模式，估唔到都keep住高質，仲有鮑魚龍蝦食🤪✃- - - - - - - - - - -❀ 波士頓活龍蝦白松露忌廉扁麵 $88 ➤ 𝟒/𝟓龍蝦爽口彈牙，配埋面頭嘅芝士醬，真係好惹味可惜略嫌細隻，同埋龍蝦鉗嘅肉質差少少🙈每款都可以自選意粉/ 扁麵/ 天使麵/ 蝴蝶粉，幾多配搭㗎～pasta醬汁夠晒creamy，白松露味道都好突出 ( ´▽｀)❀ 鮮牛油梨醬鮑魚芝士腸蝴蝶粉 $72 ➤ 𝟑.𝟓/𝟓鮑魚煮到好淋好入味，同埋一啲都唔細隻😍不過鮮牛油梨醬冇乜味道，同埋好多三色椒...：（❀ 鹹蛋黃雞翼 $38 ➤ 𝟒.𝟓/𝟓必 點 ！$38有4隻大大隻嘅雞翼真係好抵！鹹蛋黃醬舖滿晒隻雞翼，仲要超juicy，真係勁好味😋❀ 朱古力三重奏心太軟 $48 ➤ 𝟒/𝟓超流心嘅心太軟，面頭仲有層朱古力脆皮，整體偏甜～❀ 比利時窩夫 ➤ 𝟒/𝟓❀ london fog ➤ 𝟒/𝟓✃- - - - - - - - - - -🎐Lo

我對足球冇興趣，不過對呢間啲嘢食好有興趣呀😍😍好耐冇試過三個女人行街，行到攰就求其搵咗間望落乾淨同舒服嘅餐廳坐低，朋友好興奮，因為佢係足球迷，我就冇理咁多即刻睇吓有咩食先。見到種類都幾多，仲要好平，我哋三個人叫咗三份主食、兩份小食再加個心太軟都係300零蚊，咁嘅價錢去邊度搵🤣我最鍾意芝士安格斯牛肉漢堡，$58，仲有好多薯角，真係又抵食又好食。牛肉都大塊，好有牛味，上面有好多芝士，好正。另外亦叫咗鮮蝦菠蘿漢堡，都係58，入面嘅蝦餅好似泰式炸蝦餅，加大大塊菠蘿，都幾夾喎。另外仲有個主食叫咗蟹肉海鮮扁意粉，蟹肉都唔少，加埋其他海鮮，配上濃濃茄汁，都好味。小食就叫咗黑松露薯角同雞翼，早知就唔洗單獨叫薯角，因為漢堡本身都有，搞到最後勁多薯角🤣不過黑松露味係好味啲嘅😋而蛋黃雞翼都唔錯，好似係38一份，有4隻。最後就係心太軟，好濃朱古力味，真係三重奏，面都有層朱古力，好滿足呀😍😍最後梗係食唔晒啦，因為紙盒裝，我哋直接打包拎走當宵夜。