Lockeroom Express (已結業)

每日放工都有個巴士站喺恆豐中心落車，佐敦嘅一個老牌商場，千年如一日，悶氣沉沉。有一日落車，望住個地嘅時候見到地牢新穎嘅裝修，朝氣勃勃，形成好大嘅對比，店名似曾相識，決定落去望吓。有驚喜，係因為價錢優惠，快餐自助形式，依然保持到食物質素。店員服務細心，態度亦很親切，值得一讚！餐廳佈置都是阿仙奴主題 ，環境清潔衛生，座位唔太多，繁忙時間就可能要搵位，自助形式，首先買飛付款，餐湯免費任飲，然後就可以坐住喺度等食啦！全日早餐 $62價錢經濟實惠，真材實料，一見到就已經知道好豐富。3.6牛乳炒蛋入口嫩滑、脆煙豬腩片味道鹹香可口、炒野菌口感一流、德國腸煎到非常香脆、茄汁燴豆如果送多士食就一流。水牛城雞翼 $38外脆內軟非常香口，推介水牛城汁唔錯，好惹味。美式安格斯牛肉芝士漢堡 $58Burger 賣相有水準，有 chop 夠特別，美式安格斯牛肉牛味算濃郁，醬汁好 match, 夠晒 Juicy, 食落有驚喜，肉汁豐富，漢堡包烘底加分。卡邦尼溫泉蛋 意大利飯 $58呢款卡邦尼真心推介，好高質！意大利飯 creamy 口感適中，芝士味非常香，醬汁真材實料，滲透滿每一粒飯。泡沫咖啡估唔到連杯 cappu

一直都想知lockeroom express同之前食過兩次既lockeroom dining有咩分別🧐今次終於黎到啦😆✨波士頓活龍蝦(半隻)配鮮番茄汁意大利天使麵 $88 呢個係必叫既☺️龍蝦大大隻又多膏 肉質彈牙👍🏻仲要勁大兜天使麵好重手🤩又唔會煮得過腍 味道好唔錯啊！性價比高😎✨美式安格斯牛肉芝士漢堡 $58幾欣賞個包😆微微烘過 個包又唔會乾身😋牛肉唔算厚但呢個價錢算係咁啦！仲有薯角添😛✨水牛城雞翼 $38(又要再講一次我好少辣都會嫌辣)呢款水牛城個醬酸酸辣辣幾惹味 呢種辣我ok!✨白松露忌廉炒野菌配自家製蒜蓉包 $42蒜蓉包記得襯熱食！之前係dining食過已經覺得正 呢度仲要可以點埋白松露汁😍又香又濃味😝✨特濃朱古力蛋糕 $32估唔到件蛋糕咁大件！目測仲有三四層😱朱古力味果然係特濃😆淨係略嫌甜左少少~✨香濃朱古力 $22 👍🏻👍🏻

喺尖沙咀附近行完街，一直行返過佐敦，諗住同朋友食快餐，點知搵到呢間express，見到呢個字應該可以快食就入去啦。首先環境真係幾唔錯，雖然好多嘢都係自助，但係好齊全，亦唔會覺得好麻煩。《水牛城雞翼》$38醬汁好夠，亦都有水牛城嘅辣味，加上雞翼即炸，好脆好味。《凱撒沙律》$42呢個沙律估唔到都幾好味，生菜好新鮮好爽脆，麵包粒食得出唔係擺咗好耐嗰啲，幾唔錯。《黑松露香脆薯角》 $32超香黑松露！薯角稍微有啲未夠林，不過亦都係另一種口感，比較爽，外皮香脆，好好味😋。《明太子蟹肉野菌忌廉天使麵》$68天使麵係我最愛，呢個面整得好creamy，即使放耐左都唔會好乾，無晒汁，同埋明太子加蟹肉絕對係一個完美嘅組合，好香，野菌嘅份量好多，推薦呢個。《西班牙黑毛豬柳意粉》$58豬柳煎得幾好，唔會好韌，有彈性，食得出唔係預先煎好，不過略嫌意粉冇乜味，如果可以多啲醬汁就會更好。自助區仲有餐湯任飲，係香草薯仔湯，好好飲，稠稠到 飲到粒粒薯仔碎，飲品方面唔算太出色，可以接受，總括來講快餐的話呢度嘅質素算係幾唔錯重點係價錢好平！

行過佐敦, 發現恒豐商場有間餐廳, 原來係lockeroom! 之前都有係油麻地食過, 好有水準, 見呢度個餐牌價錢仲平D, 就同朋友入左去原來呢間餐廳係快餐形式, 姐係自己去櫃位點餐, 之後有人會送餐餐廳環境都幾好, 當然唔少得既係阿仙奴主題既裝飾「波衫」啦！出面有張枱，擺滿哂各款醬料，自己鍾意拎咩就拎咩，仲有羅宋湯任添，好正😍叫左個Lockeroom 雜扒，有齊豬扒、雞扒、牛扒、司華力腸，認真啖啖肉！仲要味道好好👍🏻抵食！美式安格斯牛肉芝士漢堡：呢個估唔到咁好食☺️塊牛肉漢堡勁juicy!!!!!!!而且好高質，比得上好出名嘅漢堡包🍔店白松露忌廉炒野菌配自家製蒜蓉包: 超級creamy😆啲野菌切得大大舊，好有口感！配埋蒜蓉包食，一流👍🏻鹹蛋黃雞翼：上面鋪滿鹹蛋黃醬，勁邪惡😆呢餐真係又抵又好味😋決定要再去食呀！

今晚嚟到位於佐敦嘅阿仙奴主題快餐，餐廳嘅佈置都係球隊為主。呢度自助形式，係自己落單，唔洗收加一😍 而湯係任飲嘅，今日嘅係芋頭湯。Lockeroom 雜肉扒鐵板（$108）- 鐵板熱辣辣，仲夠晒豐富，有豬、牛、雞、腸仔，仲跟埋薯菜，一定飽肚。凡嗌鐵板餐，仲可以半價享有小食、飲品同甜品添！波士頓半隻龍蝦意粉配蕃茄汁（$88） - 鋪上芝士係面嘅龍蝦味道濃沃，質感彈牙，但隻龍蝦肉有啲小。意粉仲有幾款選擇，我就嗌咗意大利扁麵，用蕃茄汁煮更加開胃。水牛城雞翼（$38）- 有四件好掋食，肉質都好juicy，係個醬汁太酸唔似buffalo sauce。雜果賓治（$29）同草莓梳打（$29）

無意之中發現呢間餐廳，門外掛滿球衣，價錢幾平，就入去試下。呢度半自助形式，仲有熱湯提供。今日係忌廉湯呀。我地叫左兩款唔同味道嘅雞翼，鹹蛋黃脆薯角，牛肉漢堡，牛肉眼飯同兩款蛋糕。好快可以拎野食啦，鹹蛋黃雞翼同水牛城雞翼，雞翼大大隻同入味，唔錯。鹹蛋黃脆薯角，同雞翼一樣好重鹹蛋黃味，分量又好。安格斯牛肉芝士漢堡，牛漢堡好多汁好 juicy，再配個沙律醬好夾。紐西蘭草飼牛肉眼飯，牛扒煎得岩岩好，7成熟左右，肉腍。橘子白朱古力芝士蛋糕同特濃朱古力蛋糕，甜度適中，我就鐘意特濃朱古力蛋糕多啲。

今日同好姐妹去咗佐敦食西餐大家唔想食得太飽嘅情況下就走咗去嗌high tea入到去個環境好舒服呀音樂relax好多好似有特色嘅西餐 喺出面都冇乜點食過明太子蟹肉意大利粉蟹肉鮮嫩；明太子味道唔會蓋過鮮蟹肉味意大利粉醬汁 味道 適中 唔會過鹹；再加上洋蔥調味,食落好有質感再叫咗個法國鮮炸 雜菇 醬料背芥末汁綠色再加明太子沙律醬； 兩種味道混合刺激味蕾最後就係 我覺得真係一試難忘隻鹹蛋黃雞翼； 接近原著鹹蛋黃放喺雞翼上雞翼體積偏大再加上有用時間調味過非常入味食落去 飽腹嗰種層次散發出黎： 雖然係屬於炸物 但食落去又唔會好油膩：非常難忘：飲品叫左：水蜜桃同士多啤梨梳打 有個蘑菇湯係 可以任refill :呢度先有呀～最後仲食左仲地既雪糕：士多啤梨同芒果椰子系列： 加上食物裝飾非常治癒👍

Lockeroom Express係Lockeroom Dining嘅姊妹店，兩間都係阿仙奴主題餐廳⚽️ 比起Lockeroom Dining ，呢間餐廳價錢相對平啲，以外賣快餐為主🥡 話哂都係足球主題餐廳，餐廳入面當然唔少得波衫同波鞋，球迷們見到一定好興奮🤫 餐廳係自助形式，喺收銀處點完餐就可以等去取餐處拎餐。店內設有自助bar，可以自己任舀免費餐湯，揀醬汁同拎餐具👌🏻❤️ 美式安格斯牛肉芝士漢堡 $58麵包上印有Lockeroom嘅Logo😎 麵包好鬆軟，有用牛油烘過！中間塊牛肉煎得啱啱好，咬落去有肉汁。夾埋芝士、蕃茄同生菜，配搭經典😄 仲有跟埋薯角，薯角炸得幾香口。成個餐分量都算多，對男士嚟講都好夠飽💁🏻‍♂️❤️ 美國黃油大雞髀扒配意粉 $48可以揀配飯或意粉。雞髀扒都幾大塊，啖啖肉，外皮炸到好脆😼 意粉就無調味嘅，要去自助bar揀醬汁，可以揀蒜蓉汁、黑椒汁、燒汁或黃咖喱汁👀 伴碟仲有茄子、翠玉瓜同蕃茄仔，有輕輕烤過。呢個價錢我覺得係幾有誠意！❤️ 鹹蛋黃雞翼(4件) $38$38有4隻雞翼好抵呀😝 望落個樣就知好邪惡啦～勁多鹹蛋黃醬！食落好脆好juicy，好香鹹蛋黃味😚❤️ 朱古力三重奏

朋友係足球控，前幾日佢帶左我去呢間lockeroom express食 dinner，估唔到性價比都幾高。首先要讚下佢啲羅宋湯，好濃味無溝水，而且仲可以自助添加，讚！食物方面，我同朋友各自點左鐵板扒餐: 紐西蘭肉眼扒同黃油雞脾扒。兩塊扒都幾大塊，而且肉質唔會鞋拾拾。配菜仲有薯菜，翠玉瓜同矮瓜，唔洗甘dry!另外仲點左龍蝦汁雜錦海鮮意粉：用料好足，有魷魚，蜆肉，蝦等等，意粉好多，就算一個人食都好飽。小食試左水牛城雞翼：個水牛城醬少少辣，好惹味！

呢間快餐店係我食過食物最高質 種類最豐富嘅😍 意粉 意大利飯 甜品 漢堡一應俱全小食先要水牛城雞翼同黑松露薯條 雞翼個汁非常香濃 酸度辣度都剛剛好 而薯條新鮮滾熱辣炸出黎 溫度可以迫到黑松露嘅香味滲出黎 未食入囗已經聞到我傻左🤫🤣主菜食左明太子藍蟹肉野菌忌廉天使麵 蟹肉份量多到嚇親人😋 撈落濃滑嘅忌廉入面 食到停唔到口 而天使麵亦都口感彈牙 不錯不錯然後係龍蝦汁雜錦海鮮意大利飯 呢個相對冇咁濃味 清淡啲 但有好多海鮮 特別係爽脆嘅八爪魚 龍蝦汁似平時出去西餐嘅龍蝦湯🤣🤣 幾香特別要提嘅係order完食物 食客可以去自助區度拎西餐湯飲！😍 基本上係任飲架 今次係忌廉湯 口感都幾滑溜最後要食埋甜品 心太軟勁重朱古力味 未食已經香氣撲鼻🤩 另外一件又係朱古力蛋糕 比較偏向cheesecake feel 但又唔會太濃芝士味 幾好

餐廳：Lockeroom Express (佐敦)地址：佐敦彌敦道216-228號恒豐中心低層地下16號舖餐廳放滿阿仙奴球衣，完全感受到阿仙奴球迷嘅熱情❤️餐廳以快餐為主，不設加一，價錢親民，仲有免費餐湯任飲，醬汁亦都係自助式。1️⃣波士頓活龍蝦(半隻)配白松露忌廉意大利扁面 $88🦞唔駛$100就有龍蝦食，龍蝦表面鋪滿芝士，入面都幾厚肉，仲要有膏添，都真係幾抵。2️⃣紐西蘭草飼牛肉眼 $68🥩配意粉，肉眼扒夠曬大塊，即煎夠晒新鮮，食落都幾軟腍。3️⃣美國黃油大雞髀扒 $48🐔配飯，雞扒好厚身，好鮮嫩亦夠Juicy。4️⃣鹹蛋黃雞翼 $38 (4件)即叫即炸，鹹蛋黃好香，食落香脆可口。5️⃣蜜糖柚子茶 $23 (凍)清甜潤喉，解渴一流。6️⃣鮮水果紅茶 $33 (凍)真係用水果製作，味道有層次。

去過「Lockeroom Dining」既你都知佢出名平。靚。正😂但其實係佐敦嘅分店，更係上班族嘅福音😍以外賣為主打，同時可以係自助形式嘅堂食價格更親民，仲免埋加一👍特別係自助區既精選餐湯，任添全飲今次係蕃茄羅宋湯，酸辣開胃，暖笠笠～.【餐牌】.【白松露忌廉炒惹菌配自家製蒜蓉包 $42】有雜菌又有蒜蓉包，真係超抵食👍隻隻雜菌都沾滿白松露忌廉汁口感軟滑，每啖都食到陣陣白松露忌廉香而蒜蓉包脆香十足，食落Chap Chap 聲😂沾少少松露汁更有層次感添😋.【紐西蘭草飼牛肉眼意粉 $68】可以揀配白飯或意粉牛肉味突出而濃厚，上枱已係7~8成熟🥳味道甘香，油花豐富醬汁有咖哩汁，黑椒汁，燒汁等擺哂係自助區到任拎貪心D可以試哂幾種味架🤣.【鮮蕃茄藍蟹肉海鮮意粉 $62】意粉用蕃茄，彩椒炒至入味入口彈牙又Juicy仲有鮮蟹肉嘅加持肉嫩香滑，大讚😍.【雜果賓治 $29。鮮水果紅茶 $33】前者味道夠Fresh又解渴👍後者果香十足，仲有粒粒新鮮水果添🥳.【橘子白朱古力蛋芝士蛋糕。特濃朱古力蛋糕 $32】前者朱古力味突出淡淡嘅芝士香加上橘子嘅微酸易入口之餘，口感豐富🥰如果你係朱古力控，呢個特濃朱古力就最岩啦

呢間足球主題餐廳⚽️之前油麻地分店💛新開張無耐曾經出過食評介紹過，原來早排佢地係佐敦又再開多一間分店，疫市下短短半年已經開左兩間店，不得不讚老闆厲害👍🏻.佐敦新分店店內同油麻地分店一樣都係掛左唔少店主珍藏既簽名球衣👕，而今次新分店就以快餐店形式經營，免收加一、餐湯任裝任飲不特止，主食更加低至48蚊就有交易，價錢絕對係非常親民‼️🤩******************************🍴雜菜湯🥣 (Free)餐廳入口既自助區有齊餐湯、熱水、醬汁同餐具供客人自取，餐湯係一大鍋咁擺係度任由客人去裝，非常大方🤗當日供應既雜菜湯極之足料，一撈起就有好多椰菜🥬同青紅蘿蔔🥕，味道比其他餐廳飲到既無咁鹹，比較適合大眾🙆🏻‍♀️-✨ 黑松露香脆薯角🥔 ($32)薯角有鹹蛋黃/黑松露兩款口味可供選擇💁🏻‍♀️，新鮮炸起既薯角果如其名十分香脆，黑松露醬同薯角既份量亦俾得大方，薯角澎湃到裝滿晒成個紙盒，紙盒底部亦見到有唔少黑松露醬，以呢個價錢黎講CP值絕對超高，相信無乜餐廳會俾咁大份😳-✨ 白松露忌廉炒野菌配自家製蒜蓉包🍄 (2件) ($42)之前係油麻地店食過佢地主菜既白松露忌廉汁已經好欣賞松露香濃突出既味道

🔑Lockeroom Express 🚅🧭路痴地圖 比一啲好似我咁嘅唔識嘅人🧭🙇🏻‍♀️以下路線並不完全準確 有錯請見諒同更正🙇🏻‍♀️🚂為左方便大家認路 會由火車站出口出發🚂⚠️請自己選擇最合適你嘅搭車方法⚠️.其實OpenRice 帶左我行側門😂其實可以係佐敦E出口 搭扶手電梯上到LG層🙆🏻‍♀️轉左手口直行 經過賣CD舖頭 間舖就係你隔離😸.🥑鮮牛油梨醬鮑魚芝士腸 扁意粉🍝呢個意粉唔會煮到好淋 😋面頭有大大隻鮑魚 夠哂鮮味同有咬口😆兩大條芝士腸亦整到好脆口🌭而個牛油果醬 令成個意粉食落好清新 🍃💰$72.🇺🇸美式安格斯牛肉芝士漢堡🍔面頭有佢地嘅logic 🌼味切果時 望落去以為會好乾身👀食落又唔係 中間有好多醬🙌果塊牛肉都好大塊 幾厚下🥩食落仲保留到肉汁 💦所以都係一款唔錯嘅漢堡包🍔💰$58.🥚鹹蛋黃黃脆薯角🍟鹹蛋黃味食落好香 唔算太鹹😂真係好好食 整到好脆😄但似乎鹹蛋黃醬唔夠多🙈食到後尾點埋茄汁更夠味🍅如果係薯角就更加好🤩💰$32.🍫朱古力三重奏心太軟🍮呢個真係冇得輸🥰心太軟外層烘到好脆😙入面嘅朱古力醬做到少少流心效果🧐而且好濃朱古力味 又唔會太甜同膩👍🏻💰$48.🍫特濃朱古力蛋糕🍰蛋糕

見網上啲人話呢間西式快餐店幾抵食，去開佐敦就去試下！🤩可能餐廳係自助形式，所以啲食物同用料就算去到西餐嘅質素，但定價都唔高，仲有自助熱湯供應，人均消費都唔洗 $150 就可以食飽飽！未入去已經見到牆上掛滿咗阿仙奴球衣，感覺好熱血呢！🔥鹹蛋同雞翼向來都係絕配！雞翼皮脆內嫩，上面仲有勁多鹹蛋，勁香，勁邪惡！牛肉眼雖然無想像中咁厚，不過都煎得啱啱好，嫩滑唔會硬，可以配飯或意粉，而醬汁都係自助，有燒汁、蒜蓉汁、黑椒汁同黃咖喱汁揀，避免咗平時食意粉唔夠汁嘅問題呢！漢堡有烘底，內脆外軟，蝦餅炸得金黃脆口，爽彈有鮮味，夾埋原片菠蘿，酸酸甜甜，中和蝦餅嘅油膩感，仲有蕃茄同生菜，夏天食幾開胃！薄薄嘅芝士蛋糕已經有 4層，上層嘅橘子同啫喱酸酸甜甜，中層嘅白朱古力芝士蛋糕細滑，最特別係時中間有層粒粒，間唔中有少少脆脆，加埋軟硬適中嘅餅底，食落好有層次！