Lockeroom Express (已結業)

係佐敦居然有足球餐廳，掛左好多球衣。好似話係阿仙奴既球迷開既，呢d我就唔係好識啦，但呢日日餐廳就好手一食吖!午餐餐飲似半價，下午茶就免費~卡邦尼溫泉蛋意粉：好香濃既cream加埋溫泉蛋，意粉掛汁，好正哦！~明太子藍蟹肉野菌忌廉意粉：藍蟹肉同野菌份量超多，每啖意思都可以食到，加埋明太子，勁惹味，一陣就食晒成個意粉啦!鹹蛋黃雞翼：每隻雞翼都比鹹蛋黃包住，雞翼又大隻，炸到好香脆，食到好滿足！黑松露薯角：一上就聞到超香黑松露味，薯角熱辣辣，而且份量超多。朱古力三重心太軟：雖然價錢比平時貴d, 但份量都比平時既大，心太軟唔會太甜，可以同朋友share呢個邪惡~餐廳係自助形式，自行落單同取餐，取餐處有幾味醬汁同餐湯，可以自已拎架！

窮遊香港-佐敦隱世高質西餐 意粉好好食 鋸扒餐都係$48-$68 性價比好高值得bookmark.今日呢間係佐敦彌敦道旁邊 商場低層 變得唔太起眼 環境裝修都同足球有關 如果球迷去佢應該會好鍾意 牆上面有唔同嘅波衫 足球等裝飾 下面講吓有咩高質位啦（餐牌放OpenRice）.呢日平日晚市唔算好多人 座位幾闊落有自助區 可以拎醬料 餐具仲有粟米湯任飲.意粉真係幾好食 大概$58-$88呢度嘅意粉可以自己選擇 加分有意粉 扁意粉 天使麵 意大利飯 蝴蝶粉而且呢到既意粉 軟硬做得啱啱好蝴蝶粉彈牙 有口感啱晒我口味⭐️卡邦尼溫泉蛋意粉$58😋溫泉蛋流心 卡邦尼汁醬汁幾多😋完美癡到喺意粉上面 牛奶芝士味好平衡😋而且配料都幾多 高分會回頭.⭐️波士頓活龍蝦配蕃茄汁蝴蝶粉$88😋龍蝦幾鮮甜 而且明顯食到鹽香鮮味👍🏻呢隻龍蝦 食得出店員有用心燒過（如果係串燒店 單點半隻可能已經過百）😋番茄汁 小小甜口 又加咗啲茄肉又係好啱我口味.⭐️冰島鮮蝦菠蘿漢堡$58👍🏻炸蝦餅 好香口 爆熱 勁厚身👌🏻菠蘿多汁 夾住番茄同生菜👍🏻🔥旁邊嘅薯角 仲要爆爆爆脆（可以睇片聽聲）👍🏻簡單嘅炸薯角 要做到外脆內軟 真係唔係咁易😱

為左個白色情人節又星期日， 上網搵左間阿仙奴迷，足球迷必到的餐廳，而且地點非常方便，連接佐敦站的恆豐中心。掛左幅大大的阿仙奴旗幟， 仲有幾件波衫（老公講完球員名，我只記得帕金，哈哈哈哈）價錢非常貼地，雖是快餐下單但店員非常熱心有禮。餐牌呈綠色似草地，點餐後有自助熱湯，味道不錯。西班牙黑毛豬柳飯 ：瘦肉部分有嚼勁，肉質滑嫩但不會失去韌性。四種配汁自由斟，均媽梗係4款都要曬，返埋位慢慢試。安格斯牛肉芝士漢堡配薯角好靚， 塊肉好厚， 好多肉汁juicy, 蕃茄新鮮，芝士香濃，多重味道享受。鮮蕃茄藍蟹肉海鮮扁意粉（可選配天使面或蝴蝶粉或Risotto ）賣相吸引， 蟹肉滿滿，海鮮主要係鮮魷魚，口感豐富。小食： 水牛城雞翼4件 小小辣，脆皮，入曬味，非常惹味。另一個胃就係cheese cake 同心太軟掙扎，最後揀左心太軟，濃厚朱古力味，溫暖流心，蛋糕鬆軟， 滿足圓滿。仲有好多野想試想食， 服務又很親切，一定會再來。

前排番咗學 之後就順便去佐敦食飯今次去咗間以足球⚽️為主題嘅西式快餐店店舖係自助形式嘅 食客先畀錢落單再等攞嘢食有個位置可以攞餐具、餐湯同水嘅😚.同個朋友因為有嘢做 兩點幾先得閑食飯有啲肚餓嘅關係 所以都叫咗幾多嘢食🤣🤣食咗咁多嘢 覺得整體食物都唔錯嘅👍🏼👍🏼特別係個漢堡同蝴蝶粉😋😋😋✨美式安格斯牛肉芝士漢堡配薯角(💰$58)漢堡有牛肉 芝士 蕃茄 生菜 同啲秘製醬汁牛肉幾厚身 調味啱啱好 而且唔會好乾身👍🏼再熱辣辣脆口嘅薯角 唔錯😆😆😆.✨波士頓活龍蝦配白松露忌廉蝴蝶粉(💰$88)平時去cafe食個黑松露意粉都係差唔多價錢但估唔到今次用呢個價錢會有龍蝦🦞都幾抵🤣龍蝦幾食落肉質都幾彈牙同幾肥美配上濃郁黑松露味嘅蝴蝶粉 正🤤🤤.✨鹹蛋黃雞翼 (💰$38)炸得幾香脆 面頭仲有啲鹹蛋黃 好邪惡😈.✨特濃朱古力蛋糕(💰$32)濃郁嘅朱古力味 底下仲有啲朱古力脆脆添🤩.✨朱古力三重奏心太軟(💰$48)冇🍫🍰個款咁甜 啱哂想食甜品又怕甜嘅人😙.✨是日餐湯:粟米湯 (免費)入面都有唔少粟米粒 幾有口感鍾意飲餐湯嘅 仲可以免費飲🤣🤣.✨熱鮮水果紅茶(💰$29)味道有啲酸酸甜甜咁 幾開胃

大半年前去過lockeroom 食晚餐，佢用足球做主題，而且食物質素都相當唔錯，印象幾深刻。今次無意中openrice 見到lockeroom express，佐敦行開就去食下。佢既快餐係西餐，用紙盒裝住，但入面既食物都幾高質，而且價錢相對實惠，特別係小食。咸蛋黃雞翼（4件）$38呢4隻雞翼大大隻，佢表皮炸過好香脆，再加埋邪惡咸蛋黃，一拎過黎已經聞到好香，食落除左有咸香，雞肉仲好嫩，唔會炸到乾曬，配啤酒或者梳打水一流明太子藍蟹肉野菌忌廉意大利粉 $68賣相好靚，蟹肉加明太子既組合好夾，而且夠曬醬，條條意粉都可以掛到汁，好creamy，加埋野菌，口感好豐富。波士頓活龍蝦半隻配白松露忌廉扁意粉$88佢嘅波士頓龍蝦半隻都有唔少肉，而且好明顯食得出係有經過調味，而且用叉一起啲肉就已經上緊，食龍蝦最驚就係蝦肉太梅，但佢呢個完全冇問題。白松露味好香，加埋龍蝦肉同扁意粉，呢個份量就算男仔食都夠飽而且用黎打卡就岩曬。朱古力三重奏心太軟$48呢個食落朱古力味極濃，入面都做到流心效果，有d似brownie，不過如果配埋雪糕就更加正，可以又冰又熱，刺激味蕾。買單先二百幾蚊，食到超級飽，而且個環境係好舒服。見

幫襯過槍迷Eddie開的主題餐廳印象良好，知道他在佐敦開了Express路線分店。週末下午經過決定一試。餐湯自助任添，是日為粟米湯。發現號碼牌是阿仙奴球衣款式，興奮請職員借來幾個不同款式留影。先來凱撒沙律，生菜乾身爽脆，加入煙肉碎麵包粒，不錯。另點一些小食分享。黑松露忌廉野菌，香氣濃郁，以蒜蓉包點上醬汁一流。水牛雞翼表面香脆微辣，肉質保持鮮嫩，惹味可口。十分搶眼的龍蝦扁意粉，茄汁酸甜，龍蝦開邊以芝士焗香，肉質結實，抵到爛。肉眼扒味道香濃，醬汁自由配搭，典型快餐店特色。此分店走express路線質素不俗，且價錢更大眾化，值得光顧。

相信唔少人幫襯過或者起碼聽過香港有間阿仙奴餐廳⚽️，原來佢最近仲喺佐敦開咗副線「Lockeroom Express」。餐廳位置非常方便，皆因喺正佐敦站E出口連接住嘅恒豐中心，落雨都唔怕。同時，正門更設喺彌敦道，往來尖沙咀時必定會經過。星期六晚同呀爸呀媽買完嘢就帶咗佢哋嚟開餐，幸好我哋早食飯，所以唔使等位，但過多陣，餐廳已經坐滿人。呢度採用自助模式，落單、取餐以至收拾枱面，全部由客人自己搞掂；不過店員們都好有禮貌，樂意協助👍。整體環境亦算乾淨企理。餐廳食物選擇多，意粉、扒類、漢堡包同小食等一應俱全，最重要係定價平，主食平均$5X就有交易😁！晚市無飲品優惠，可自行選擇飲唔飲啦，唔飲的話其實自助區都有提供水。波士頓活龍蝦(半只)配白松露忌廉汁意大利扁麵($78)，佢應該係全個餐牌最貴嘅項目，都好合理吖，話晒有半隻龍蝦喎！🦞龍蝦上面嘅原來唔係芝士，而係沙律醬，估唔到味道都幾鮮，肉質好彈牙。呢道菜可以揀忌廉汁或者鮮蕃茄汁，意粉亦有多款選擇，我哋揀選嘅扁麵口感唔錯，有嚼勁。其實其他餐廳可能用上一模一樣嘅配料造菜，但鋪上碟擺盤靚仔啲，價錢就隨時貴一倍🤔。鮮蕃茄藍蟹肉海鮮天使麵($58)，哇呢碟真係超痴

今日去佐敦買野，黎左呢間係恆豐個度的餐廳食午餐❤️歐美風格的餐廳，主打西餐同all day breakfast，店舖坐位亦都非常舒適💖👍🏼餐廳還設有自助餐湯區，羅宋湯任飲 ！飯前飲好開胃🥘-明太子蟹肉忌廉野菌扁意粉🍝好濃厚的忌廉汁，蛋肉份量多 💖味道口感都好多汁🤤-美式安格斯牛肉芝士漢堡份量夠大又配埋薯塊，而且塊安格斯好重牛肉味👍🏼芝士己溶在包裡，配上番茄生菜好好食🤤-黑松露香脆薯格好正好香濃的黑松露味，即叫即炸脆卜卜🎊-鹹蛋黃雞翼外面炸到脆卜卜，成層都包住好多咸蛋黃😍裡面的肉汁都會乾身😆-甜品朱古力心太軟入口即溶 好甜 飯後share食埋甜品好滿足😄-飲品草莓梳打及熱柚子蜜，口感都不錯👍🏼

lockeroom express 位於佐敦恆豐中心，印象中這個位置以前一間舊式Cafe，常常經過卻沒有慾望進去。但自從轉手成為現在的足球主題餐廳之後，櫥窗外看到掛起來的阿仙奴球衣，對餐廳興趣大增，剛巧球迷男友提起FB 波友group 都有推介呢個餐廳，週末就陪男友去餐廳朝聖。這間lockeroom 是自助形式，餐湯、水和醬汁可以自取。我地叫左牛扒同黑毛豬扒，價錢都只是$60左右，另外再叫一份鹹蛋黃雞翼。切開黑毛豬扒，肉質粉嫩，食落肉質鮮嫩多汁而且好有肉香，呢嗰價錢但有咁嘅口感同味道，真喺喜出望外！牛扒都不差，完全不鞋口，加上黑蒜醬汁就更加惹味。新鮮炸出來的鹹蛋黃雞翼，拿上手還是熱燙燙，等涼掉一半後才食，雞翼被鹹蛋黃醬汁滿滿地包圍著，咬落雞翼表面，濃濃鹹蛋香酥口裡爆發，雞翼皮還帶微脆，好味爆登！價錢同食物質素，尤其是喺嗰黑毛豬豬扒同埋鹹蛋黃雞翼，可以話喺抵食到爆，好食到呢餐都未落肚，就開始Plan 定下次幾時再黎幫襯過！

足球特色的裝修，環境舒適，外賣快餐的特色。另設自助形式拎醬料、餐具、紙巾、水、湯，提供多款醬料醬汁選擇～免收加一服務費#波士頓龍蝦意粉 #🍝 #白松露忌廉意粉 $78有半隻波士頓龍蝦，肉質彈牙鮮甜小小咸，選了天使麵硬度適中，配松露忌廉醬汁足夠，味道濃郁，整體感覺很配搭₍ᐢ.ˬ.ᐢ₎好吃，推介#廚師推介 #紐西蘭草飼肉眼 $68自選醬汁選了黑椒汁，肉眼扒七成熟，嫩滑多汁而且不會硬，配飯（珍珠米）不錯#法國炸菇 #脆炸法國雜蘑菇 $38外層香脆而且炸至乾身，蘑菇大大顆，爽口彈牙多汁，超喜歡她的醬汁：芝士醬和蜜糖芥茉醬，都很好吃😋#安格斯漢堡 #美式安格斯牛肉 #芝士漢堡 #脆薯角 $52甜甜的麵包配芝士、安格斯漢堡扒肉質不會粗糙，跟秘製醬汁很搭配。脆脆的薯角是我喜歡的那種#全日早餐 $58用3.6牛乳炒蛋，滑蛋配上3.6牛乳，又香又滑服務質素：8/10環境舒適度：7/10ᶘ ᵒᴥᵒᶅ個人口味評分：8/10

今晚出左尖沙咀果邊行左陣, 經過見到地下玻璃有個好搶眼嘅阿仙奴旗, 先知原來Lockeroom開左新分店😆!由於小妹同朋友未諗到食咩於是就落去望下, 門面由外至內都一樣掛上滿滿嘅球衣, 球星相, 足球等等……記得之前食過兩次都覺得唔錯加上menu同之前唔同, 所以就決定試下😊!🌟羅宋湯🥣🌟水蜜桃梳打🍑🌟柚子蜜🍊🌟咸蛋黃雞翼🐔雞翼好香口, 外皮幾脆, 肉質唔乾, 加埋份量岩岩好嘅咸蛋黃醬, 咸咸香香幾惹味!🌟橄欖油脆炸法國雜蘑菇🍄份量激多😯, 蘑菇咬落去爆哂汁, 極juicy😋, 沾埋附上嘅兩款醬汁開胃又好味!🌟鮮蕃茄藍蟹肉海鮮天使麵🍅🦀🍝蕃茄味幾濃, 天使麵煮得岩岩好, 軟硬度適中, 入面仲有好多蟹肉, 墨魚蜆肉等海鮮, 十分豐富!🌟紐西蘭草飼牛肉眼配飯🐂牛扒無筋, 口感軟腍, 味道正常發揮!🌟特濃朱古力蛋糕🍫🍰黑白朱古力味濃郁, 甜度適中, 細細件岩岩好!

今日放工後約左同朋友買外賣一齊食，一去到門口姐姐已經好有禮貌好熱情地招呼，同埋即刻衝入廚房問同事準備，因為應該已經準備關門，好感動我哋仲趕得切🥰thank you!!龍蝦松露汁意粉龍蝦松露汁意大利飯成飯龍蝦係到！超正！先南瓜海鮮意大利飯😍勁多海鮮！南瓜都多多的！個飯塞滿左😂！鹹蛋黃雞翼黑松露薯角好味😋薯仔好多！但略嫌鹹咗少少。蒜蓉包雖然我買打開嗰陣都林左但都好香。好surprise嘅係外賣袋係用保溫袋🥰黑色幾靚！一打開超級香仲好熱，仲要全部都係大大份塞滿了成個外賣盒！超級滿足！

終於有機會見下朋友，和朋友去佐敦行街，之後來到恆豐中心嘅Lockeroom Express 。餐廳為足球⚽️迷設計，坐位尚算舒適。🐓法國野菌鮑魚雞肉香草醬 (意大利飯）$68Abalone,Mushroom, Chicken in Pesto Sauce (risotto)大大隻鮑魚，剩係賣相都已加分，香草味濃，意大利飯粒粒分明，煮得熟透入味。🦞 🍝 波士頓活龍蝦半隻配白松露忌廉 (意粉）$78Boston Lobster (half) with White Truffle Cream (Spaghetti)估唔到幾十蚊嘅價錢都有龍蝦食😋，龍蝦鮮嫩彈口，芝士味濃，意粉再配上香濃白松露，海鮮味十足。🥗凱撒沙律 $42Caesar Salad每一餐飯都好鍾意order一道菜，新鮮蔬菜灑上芝士粉，健康感大增。🍗鹹蛋黃雞翼（4件）$38Salt Eggs Yolk Chicken Wings (4pcs)呢個係encore之選，炸得香脆嘅外表被鹹蛋黃包圍住，肉質非常嫩滑多汁。🍊 🍰橘子白朱古力蛋芝士蛋糕 $28Mango White Chocolate Cheese cake 多層次口感嘅蛋糕，

最近發現一間足球主題嘅西式快餐店，四周掛滿簽名球衣同球會裝飾，球迷就當然要去打卡啦，不過就算唔係球迷，呢度嘅食物水準同價錢都非常吸引嫁。估唔到快餐店都有波士頓活龍蝦配白松露忌廉天使麵，松露味好香，天使麵亦唔會煮得太軟，鋪滿芝士嘅龍蝦仲幾大隻，肉質結實爽口唔會霉；美式安格斯牛肉芝士漢堡配薯角嘅牛肉厚身，肉質鮮味，兩份主食份量都夠晒大份，絕冇偷工減料。小食係非常邪惡嘅鹹蛋黃雞翼，炸雞翼炸到脆卜卜，上面有好多好多嘅鹹蛋黃，認真推介！＊餐湯係無限添飲嫁，點餐後需要自己去自助餐湯區裝湯。飲品我地叫左清清地嘅蜜糖柚子茶同鮮水果紅茶，而甜品就係特濃朱古力蛋糕同橘子白朱古力芝士蛋糕，佢地嘅蛋糕口味都偏甜，兩款蛋糕真係好濃牛奶朱古力同白朱古力甜香，面層朱古力慕絲同芝士蛋糕質感細滑，鍾意食甜野就一定好滿足喇。

呢間位於佐敦嘅足球餐廳同旺角的有點唔同，就係主打輕食，以快餐嘅形式，有自助水機取水同餐湯，都可以隨意時添飲食物有多款選擇，都係用外賣盒裝。鮮蕃茄藍蟹肉海鮮飯 $58鮮羅勒香蒜煙肉芝士腸意粉 $52美式安格斯牛肉芝士漢堡 $52水牛城雞翼$38🍛鮮蕃茄藍蟹肉海鮮飯嘅蟹肉同海鮮味道很香濃又好味😘🍝鮮羅勒香蒜煙肉芝士腸意粉甘香，加埋蒜味及煙肉唔錯😋 🍔美式安格斯牛肉芝士漢堡牛肉出色🐓水牛城雞翼酸辣好嘢味