Lockeroom Dining (朗晴坊) (已結業)

之前睇到報章雜誌訪問，見到有間餐廳以球迷為主題，老闆仲著埋波衫咁上鏡，作為一個熱愛足球的我，無理由唔去捧下場架。因此，放工就即刻上左去朗晴坊支持一下。入到去，裝飾見到都係有好多簽名波衫，仲有埋球員閃卡，感覺好親切。不過，裝潢有特色，但野食都有水準。我地叫左個龍蝦配牛扒、汁燒牛肋骨，兩個甜品：甜鬆餅、橘子芝士蛋糕。主菜來之前，有蒜蓉包、沙律。蒜蓉包叮到岩岩好，沙律好有心咁獨立冷藏，食落口好爽口。餐湯內的磨菇粒好有口感，以杯裝形式上幾新穎。先講龍蝦，佢用加左沙律同蝦籽，十分惹味。牛扒呢，七成熟，燒到岩岩好，十分多汁。汁燒牛肋骨，每條都易切易入口，多汁之餘，食埋佢個紫薯，仲好甜tim。甜品高質，無得頂。最後仲配埋兩杯熱飲，我地叫左熱檸茶同熱奶茶，店主好貼心，將溫度沖到無咁熱，能夠可以即刻入口。

依間用球迷做主題既西餐廳，周圍都掛滿球衣同足球明星既閃卡，七點半未到已經座無虛席！晚餐有套餐供應，都幾抵食，百幾蚊至到二百幾蚊不等，已經包左沙律、湯、蒜蓉包、主菜同餐茶，依家撞正生日或者紀念月份仲有甜品送！沙律配黑醋汁，最特別係有百香果爆珠，食落酸酸甜甜好開胃！個蒜蓉包好有驚喜，烘到外脆內軟，係真係好鬆軟果隻，食落好香口好好味！主菜嗌左香烤Creekstone肉眼扒配鵝肝，仲有波士頓龍蝦松露忌廉汁扁意大利麵，鵝肝雖然比想像中細舊，但煎得岩岩好，入口即溶，好有油香！食落似食緊加厚左既燒鵝皮，肉眼食落無筋有牛味，肉質唔錯！最有驚喜係個扁意大利麵，炒得乾身，麵質好彈牙，就算係忌廉汁食落一啲都唔漏，松露味恰到好處，夾埋一齊好香，龍蝦食落彈牙有鮮味，唔錯！甜品嗌左橘子白朱古力芝士餅，仲有三重奏心太軟，前者餅底Keep到好脆口，芝士餅夾埋橘子食落好清新！心太軟焗得啱啱好，真係好軟，朱古力味好濃又唔會太甜，正！整體食物質素係水準之上，雖然侍應人手比較少，但都Keep住係咁加水，值得一讚！

餐廳既裝修好特別，雖然系西餐但感覺進入左個足球世界咁，完全可以估計到店主系阿仙奴既忠實粉絲。安排座位後，我地兩個人叫左個dinner set同一個單點meat，最後仲叫多左個心太軟甜品😋Dinner set 包含左是日精選沙津同餐湯，個湯系黑松露磨菇湯，賣相精美外個湯濃郁得黎好有口感。薄荷特飲      ＄39    74分薄荷味重，杯面上有幾塊薄荷留有餘味，另外飲品吾算太甜同埋清清涼涼，好岩配上呢餐飯到食。波士頓活龍蝦（ 半隻）配白松露忌廉意大利飯         ＄148      75分RISOTTO煮到好creamy，粒粒飯都平均整到味道濃，意大利飯仲加左黑白兩種松露，將成個味覺昇華左，另外飯粒口感軟硬適中，個口感就好似整到粒飯咁岩熟與未熟之間。波士頓龍蝦有半隻，都算大隻而且爽口。香烤美國1855頂級牛肉眼扒（330g-350g）  ＄248       75分塊牛肉眼扒煎到香口，油潤適中而且足夠大塊，揀左7成熟而且碟上而非鐵板，所以都吾會煮到過熟。朱古力三重奏心太軟   ＄68      78分見到好多枱都點左心太軟，心太軟整到好流心之餘朱古力味亦好重，仲有配上奶可以倒埋一齊

一直都知呢度係球迷嘅世界，估唔到原來都好啱啲好fancy嘅女士過嚟食飯😂😂同朋友一齊黎食，掛住影自己食物唔記得影埋佢果份。每一個餐都會跟蒜蓉包，沙律，餐湯同飲品。蒜蓉包新鮮熱辣送到上嚟，好香脆， 忍唔住食朋友嗰塊蒜蓉包🤤🤤新鮮嘅沙律送到用個樽裝住，大家要自己打開。估唔到沙律入面仲有我最鍾意嘅爆珠🤣🤣🤣 好有驚喜之後就黎左套少女粉紅嘅杯，原來入面係南瓜湯，繼續SURPRISED 😍😍😍 即刻相機食先。第一次見飲湯用啲禁靚嘅餐具😍😍😍😍 打卡一流，味道都一流。清甜南瓜味，好似再加左啲蘿蔔粒增加口感，好飲。牛柳扁意大利麵 ($148)估唔到一碟有五件牛柳，對女士嚟講係多咗少少😅所以我都分咗啲畀朋友食，牛柳煎得好香，邊是脆的，大約有五成熟，肉汁均被鎖住。如果想再食熟啲就要落單同師傅講聲。扁意大利面有好多大蒜片，彩色椒煮埋一齊，感覺好健康👍👍朋友點咗牛小排，一上碟係有好多塊薄切牛小扒，煎得好香同埋食落去有啲甜甜地嘅燒汁味。另外佢嘅薯菜唔係一般薯蓉！！！佢係有紫薯做出嚟嘅薯蓉！！！！！！超級特別，兼好好食！！下次要試。餐具繼續咁fancy，令成杯熱檸水高貴左😂😂 應該不少女士喜愛的款式 (得熱飲先

唔係俾足球發燒友邀約食飯，都唔知原來旺角有一間以足球為主題既西餐廳。餐廳既都係以足球為主題，入面放左好多波衫、球員閃卡做裝飾、仲有一個以球衣佈置既卡位，真係好岩帶足球迷黎呢度食飯。同朋友叫左兩個set, 套餐都會有餐湯、沙律同蒜蓉包。特別要提下個餐湯-蘿蔔蓉湯，好清新特別，好少地方飲過。波士頓龍蝦配白松露忌廉扁麵 雖然個波士頓龍蝦只得半隻，但都有成隻手掌咁大，而且非常有肉地。另外個白松露扁麵非常濃味，除左濃濃忌廉汁之外，仲有龍蝦味，但無好膩既感覺。香煎海鱸魚柳意式鮮蕃茄莎莎 唔想食得咁heavy, 所以點左個鱸魚配鮮茄莎莎配紫薯球，感覺好似健康啲。鱸魚煎到好香，唔腥，仲要無骨既，岩哂我呢啲懶吮骨既人，配上酸酸地既蕃茄莎莎，好開胃！睇落個份量好似好少，加埋個紫薯球就岩岩好。黑松露香脆薯角每次食西餐都會叫小食過下口癮，而薯條、雞翼呢啲都會係必點之選。今次就試試呢度既黑松露脆薯角，黑松露味好香，薯角都好大條，感覺上唔係好熱氣，容易令人食完一條又一條。朱古力三重奏心太軟+雪糕 女人總係有第二個胃放甜品既，而且跟dinner set ，甜品可以有6折優惠，咁抵又點抵擋得住呢？每款甜品都好吸引，但

在旺角逛街逛得有點累朋友就帶我去了這間於位朗豪坊隔壁的西餐廳食飯想不到朗豪坊附近也有這些平價高質的食物位於朗晴坊的Lockeroom dining地點十分便利可謂旺中帶靜整幢大樓都是餐廳其實選擇尚算豐富我們大約六點入座所以人流較少不需等候座位便能入座這裡裝潢簡潔不時看到關於足球的裝飾如果是班迷一定為之瘋狂餐點方面也非常吸引我們點了兩個dinner set包含主食、沙律和餐飲1. 香烤澳洲羊架配德國腸2. 脆炸流心低卡芝士吉列西班牙橡樹果黑毛豬柳首先沙拉方面十分可愛放在玻璃罐裡面有我最愛的爆珠配以意大利黑醋醬十分清新開胃我點了脆炸流心低卡芝士吉列西班牙橡樹果黑毛豬柳整塊豬柳很大塊炸得很香脆肉質嫩滑沒有因為炸過而變硬而且重點是整塊都是肉絕不是炸粉多於肉的那種！豬柳間夾了一層芝士是整塊豬柳都有夾心芝士一點也不吝嗇碟上的配菜令我驚喜因為看似沙律菜但有用心地用牛油伴過所以新鮮得來又有濃濃的牛油香羊架是我朋友點的他點了八成熟切起來剛好不會太硬而且有咬勁羊味也不會太腥適合不愛羊腥味的人我們額外點了咸蛋黃雞翼吃起來不咸也不油咸蛋黃包裹在外令咸度剛好雞翼咬下去多汁炸了外層包住肉汁保留了雞翼的鮮味不錯的選

今日黎朗豪坊睇戲平時都唔知食咩 原來戲院隔離譚仔果棟樓都有好多野食見到呢間老闆勁中意阿仙奴 勁多足球⚽️裝飾 足球既主題咁咁岩男友都係阿仙奴fans同埋野食都好似唔貴 同幾吸引就黎試下啦（我男朋友聲稱佢唔係追星果類人）侍應哥哥介紹話都係套餐最抵食 沙律、湯、主菜 、再加杯$29飲品 我哋兩個都勁中意食牛排 叫左兩個都有包牛排既餐前菜：沙律 好得意既用心之作佢係用個瓶裝住 幾Fresh + 新鮮既沙律菜 同紅黃三色椒配埋黑醋比你點 好開胃蒜蓉包好軟脆既蒜蓉包 勁中意呢隻口感既包冇平時果d咁熱氣 又索到濃湯 勁滿足湯： 南瓜濃湯飲得出非罐頭湯好濃好足料 食到好多南瓜蓉 幾有口感主菜：香燒美國Creekstone 牛肉眼拼法國鵝肝（$218）半隻波士頓活龍蝦拼美國Creekstone西冷（$248）牛排🥩： 叫左五成 完全做到五成效果切開入面有小小生 唔會過un西冷感覺上更加易咬， 兩款都重牛味鵝肝好香油香 熟度岩岩好龍蝦：原來唔係芝士焗 係千島醬焗 好有驚喜 好鍾意千島醬味 冇芝士咁漏隻龍蝦都好多膏配菜勁特別～ 係d 甜紫薯蓉 好正 飽得黎又夠特別原來同牛排都幾夾！ 仲有小小菜

聽講呢間餐廳由球迷經營所以就嚟朝聖😂😂呢度嘅煮食選擇比較多有牛肉豬肉羊架等等 我哋叫咗set dinner所以有蒜蓉包湯沙律 做前菜同埋包埋飲品我哋第一個叫嘅主食係羊架配腸 羊架一啲騷味都冇亦都好新鮮 細細份 再加埋腸仔 分量適合 另外佢都會有唔同嘅配菜例如番茄蔬菜同埋蕃薯蓉第二個主食係鵝肝牛扒 鵝肝好飽滿 入口即溶配埋牛扒其實好大份 適合大食嘅朋友😂😂 伴碟同上一份一樣都係有蕃茄 蔬菜 番薯蓉飲品方面我哋叫咗一杯pineapple juice 同埋一杯 凍柚子茶最後我哋每人叫咗一份 甜品一個係心太軟另一個係熱香餅 心太軟佢上面鋪咗一層薄嘅朱古力 半溶嘅口感非常滿足😍😍 另外熱香餅都好夠厚度仲有兩塊連埋set dinner叫仲有折 非常抵食

今日放工同朋友嚟到呢間 出名由球迷經營嘅餐廳我哋叫咗set dinner 大約百零二百蚊就包蒜蓉包餐湯沙律主食同埋飲品 我哋叫咗一個 法式鵝肝蒜蓉包 佢嘅鵝肝都好新鮮同飽滿入口即溶值得推介 我覺得佢嘅蒜蓉包其實水準好高首先佢係脆嘅但係又唔會脆到硬然後佢係有牛油同埋蒜蓉燒焦咗少少 所以好香脆主食方面我地叫左一份豬梅肉 一份牛肋骨豬梅肉我鍾意佢嘅醬汁少少酸 再加埋海鮮帶子都係新鮮嘅 伴碟都唔會馬虎有蔬菜燒焦咗嘅蕃茄 仲有兩粒大荔枝好甜好多汁 最特別係佢嘅薯蓉因為佢之前係用紫薯而家都係用返番薯而唔係用薯仔所以甜甜地另一份煮食我哋叫咗豬肋骨 佢嘅厚薄都係超級抵讚因為薄得嚟又唔會冇口感一啖食落去亦都唔會太膩 同樣地伴碟都唔會mark苦亦都係有菜有蕃茄同埋蕃薯蓉總括而然覺得呢度雖然係行球迷風 但係好多 detail位都做得好好 例如餐廳擺設同埋serve嘢食 值得再尼食

朋友仔係阿仙奴嘅忠實粉絲。由讀中學開始，已經撐阿仙奴。佢睇英超，只會揀有阿仙奴嘅賽事。即使要捱眼訓，無論阿仙奴係贏係輸，佢都會撐到底，支持自己心愛嘅球隊。我個人對足球無咩認識。阿仙奴是甚麼？英超是甚麼？關於足球，我腦海裡一直浮現一個個甚麼嘅問號。朋友仔為咗令到我了解更多，佢喺OpenRice 上面揾到有一間以阿仙奴球隊為主題嘅cafe，佢邀請我去呢間cafe食晚餐，話想上去cafe興奮一下，順便享受cafe嘅美食。店內有大量球星閃球，簽名球衣，連cusion都是阿仙奴。可謂足球狂熱店。我地6點多來到，有得坐一個超正既位，可謂私隱度勁高。除了店內的裝潢，食物的質素同樣重要。價錢不算貴，SET的選擇超多元化，10多個SET，如果一大班朋友，可以叫多款share食。首先講講沙律，用一個玻璃樽入住，好fresh, 沾沙律醋食。餐湯用一個好靚既杯入住，湯亦好creamy，沾蒜蓉包一流。卡邦尼幾乎每個西餐廳都有，但好食既不多，意粉硬度適中，煙肉炒得香，溫泉蛋超正。蛋汁混合卡邦尼醬汁，真係百吃不厭。波士頓活龍蝦半只配美國牛西冷。龍蝦，哈哈哈，朋友竟然不吃，我就不客氣了，成隻自己獨食先。鮮味龍蝦，啖啖

今日去旺角行完街之後搵野食，見到呢間都幾近食西餐，於是就黎試下。佢裝修係用足球既風格，雖然我對足球冇咩認識，但都睇得出係幾有心思既佈置呢到有dinner set可以簡，有意粉飯或者扒餐，每個餐都有沙律、湯同埋蒜蓉包。咁我地兩個人就叫左一個意粉一個扒。首先就食沙律先，估唔到佢啲餐具咁靚。呢個沙律係用醋黎做醬汁，酸酸地幾開胃。蒜蓉包就細細隻，但幾好食。湯碗都好靚，呢個係南瓜湯，幾特別，不過湯唔算好濃，同蒜蓉包幾夾。我地仲叫左個小食，呢個係芝士流心蛋大啡菇，都幾足料，芝士流心蛋之外仲有好多蔬菜係中間，好juicy呢個係黑毛豬扒，肉唔錯，7成熟都好諗，好有肉味。白汁龍蝦意粉，龍蝦好食，醬汁夠多，唔錯最後仲食左個心太軟做甜品，朱古力味超級濃，不過外皮唔太夠硬，但整體黎講呢餐都算唔錯

平時去開各式各樣嘅其他Cafe，今次唔去B Duck，Hello Kitty呢啲女仔主題cafe，陪男朋友黎一間用足球⚽做主題嘅餐廳！餐廳入面有勁多阿仙奴簽名球衣同其他裝飾品！而野食方面，我哋叫咗兩個set dinner，有沙律有包有湯有嘢飲，另外仲叫咗個水牛城雞翼！雖然佢係係用足球做主題，但係用嘅餐具出乎意料地非常女仔，行古典Style，莫非係要安撫下d女朋友們比佢地打下卡？沙律都靚過人！用杯裝住嘅係南瓜湯，外貌吸引，味道唔錯！蒜蓉包厚身又脆口👍🏻水牛城雞翼偏辣，好惹味！牛排調味幾好，仲有塊鵝肝，香噴噴入口即溶！兩款主菜都分量十足！雞皮好脆，雞肉唔會過熟

你係咪阿仙奴迷？係嘅話，「LOCKEROOM DINING」就岩哂啦！而我黎呢間餐廳，就只有兩個原因1️⃣野食：快，靚，正2️⃣位置：極近我，一收工行5分鐘即到.餐廳位於朗豪坊格離嘅朗晴坊，所以位置真係一流一出LIP 門，已經見到室內人頭湧湧，坐無虛席，好彩前面咁岩有客人買單，我地先吾洗等位.我地被安排坐係餐廳嘅皇牌位巨型鳥籠位感覺好特別要好好彩先有得坐架.SET DINNER 有成18款，有主菜，餐湯，沙律，蒜香牛油法包同埋飲品，價錢都係由$118-$248之間，夠哂貼地，如果叫埋甜品，六折就可以食到添.牛柳約五成熟，入口極之軟嫩，牛味濃郁，而且火候控制得宜，所以可以封鎖到肉汁，加分意大利麵用青紅椒，大蒜等炒至入味，條條都掛到醬汁，好JUICY.本身跟餐會附送兩塊，但由於真係好正，所以我地決定加碼排包焗至外香脆內鬆軟，啖啖係濃郁蒜蓉牛油香.除左新鮮沙律菜，仲有青紅椒，蕃茄仔同爆爆珠配上胡麻醬，清爽開胃.以大量鮮蕃茄打成嘅，入口有一粒粒嘅蕃茄碎，口感十足柚子茶甜度岩岩好，吾會好甜.用辣椒同蒜片爆炒過，條條都沾滿蒜香又帶香辣，最正嘅係入口係鹹蛋黃嘅沙沙口感，真係超惹味鹹蛋控必食！.炸雞翼非常香脆

Fatbrown 系阿仙奴忠粉，香港一直都無咩足球⚽️主題Cafe 女朋友近排系佢朋友ig 見到呢間以阿仙奴為主題的cafe，即刻叫左Fatbrown 去朝聖一番Cafe 裝修別出心裁，有特別包廂，情侶們可以request 獨立預空間<蒜蓉芝士包>跟餐送但一點都唔頹，蒜蓉包口感QQ軟熟，識落有啲似排包，除咗蒜蓉味仲有好香嘅芝士味<西班牙黑毛豬黑醋意大利扁麵$128>黑毛豬薄切但好大塊，豬肉片勁爽，少少豬肉的咸味配埋少酸黑醋，好味意粉係扁嘅，加埋黑醋炒，幾入味<朱古力三重奏心太軟$68>見到個個都帶心太軟，Fatbrown 呢個甜品迷無理由唔叫心太軟外面係好濕潤嘅蛋糕，中間超級溜心，一畢朱古力溜心好似噴泉咁湧出嚟

餐廳老闆係阿仙奴球迷，牆上掛住鑲晒框嘅簽名阿仙奴球衣，地下就用仿草皮地氊，最搞笑係廁所門口就貼咗阿仙奴死敵熱刺嘅鐵牌，阿仙奴球迷見到肯定好high，不過熱刺球迷都唔駛嬲嘅，開吓玩笑啫。雖然今日係平日夜晚仲落大雨，但餐廳都full咗，食物質素應該唔差。今晚就叫咗兩個set dinner。【是日精選沙律】沙律用個玻璃樽裝住，都幾精緻。沙律菜好新鮮，有甜醋沙律醬，清甜開胃。【是日餐湯】青青哋色以為係青豆湯，但飲落似蘿蔔味，最後都冇特別深究，湯夠熱好飲就得。餐湯配蒜香牛油法飽，超鬆軟。【低溫煎焗挪威三文魚柳蘑菇香檳汁$168】低溫煎焗後嘅三文魚魚肉仲保持嫩滑。蘑菇香檳汁就夠creamy，將魚肉蘸嚟食別有一番風味。【香燒美國Creekstone牛肉眼拼法國鵝肝$218】Creekstone農場出產嘅靚牛肉，叫咗五成熟，肉色鮮嫩肉味豐富。法國鵝肝就油脂豐富。兩款主食都配咗燒番茄、蕃薯蓉、羽衣甘藍，比一般薯菜特別啲。【朱古力三重奏心太軟 原價$68】跟餐可用六折享用大餐牌內嘅自家甜品。作為心太軟迷嘅我哋唔會錯過。用金色邊嘅透明玻璃碟裝住，再配金匙更，影相一流。朱古力味濃兼有流心效果，不錯不錯。