Little Cove Espresso

营业中

休息中

Little cove espresso西貢海旁廣場兆日樓地下1-2號呢間長期好多人排，想去幾次都食唔到，今次就因為一早入去獨木舟，所以佢一開舖就去食，終於有位😂唔使等！Breakfast Bowl⭐️⭐️⭐️⭐️✨價錢：🇭🇰$120火箭菜好新鮮，炒蛋好香滑，牛油果入口好creamy，個重點係甜薯！香口得黎又唔會乾，夠甜，🤤🤤🤤🤤🤤Smoked salmon on sourdough rye⭐️⭐️⭐️⭐️價錢🇭🇰$102三文魚足料既，加左d檸檬汁同d香料，幾fresh ，配火箭菜同芝士，幾夾，煙三文魚控不能錯過！Flat write⭐️⭐️⭐️⭐️拉花靚，咖啡味唔錯！飲落滑身👍🏻👍🏻👍🏻Chocolate ⭐️⭐️⭐️⭐️個天鵝🦢拉花好特別，好靚，朱古力味未去到濃，不過都ok la，（小弟係飲朱古力控，所以like濃厚d朱古力味）入西貢點都要一試！

成日見到呢間西貢cafe都好想試呢日就一早嚟呢度食個靚brunch估唔到已經排長龍Cafe係西貢海滂附近裝修以純白色為主環境好chill 有室內外座位太肚餓又多人等就坐咗外面可能近海滂當日有風都唔算太熱食物都有好多選擇健康啲有yogurt/smoothie bowl 麵包類飽啲/邪惡啲又可以揀其他主食類French Toast超多人推介 嚟到當然要試下見到十枱有七枱都叫咗😆一早就啪個french toast罪惡感真係大到🤰🏻除咗因為好想食 都係好想食😂French Toast即叫即製所以要等耐啲擺盤好靚而且超大份兩塊厚厚嘅多士疊起上面灑滿花瓣同開心果碎西多士入口有肉桂香外層帶少少酥脆質感好鬆軟 唔會過濕有牛油香個人覺得蛋香多啲會更正夾埋蜜糖一齊食簡直係邪惡之最不過就真係會太甜Pulled Pork BenedictEgg Benedict唔算太大份酸種麵包放上手撕豬肉 水波蛋麵包非常脆口帶煙韌有麥香手撕豬肉調味好有中東香料味一絲絲嘅質感唔會好乾不過味道較淡流心蛋黃汁同荷蘭醬(Hollandaise sauce)好夾中間夾雜青蘋果片同菠菜感覺冇咁膩-Cafe環境真係幾Chill食物係唔錯

去西貢一日遊時，行到攰可以去Little Cove Espresso食個下午茶，但可能要排一陣隊。餐廳有分室內和室外，所以有帶狗狗嘅主人都可以黎呢間Cafe👍🏻【French Toast】$94十分有驚喜嘅French toast😍味道十分豐富，肉桂粉，蜜糖同開心果碎，在加埋多士中間嘅Mascarpone（Mascarpone係一種意式軟芝士，軟硬程度介於忌廉與cream cheese之間，有輕微的甜味和濃郁的口感），整體好夾同好味😋 【Matcha Latte】$50正常的抹茶latte，幾好飲，但個人認為可以甜多少少😂

尋日和好友一行四人入西貢半日遊，下午去了其中一間人氣Cafe叫 Little Cove Espresso食野。排隊等位期間俾餐牌我地，可以先揀野食，我地前面仲有一檯可以入座，我地揀好野食，到下一檯入得去，又問多我地一次食乜，並告訴只有一小時用餐時間，感覺已經麻麻。當我地入到去，坐左二十分鐘，所有飲品和食物全部無上檯，後來問先知漏單，安排混亂，未入座先落單，出來效果更差更混亂。再過些時間，終於有野上檯，但仍然漏左一份主菜，要再等。諗住好好飲杯咖啡，食個branch，所有放假心情被這餐下午茶破壞曬。服務安排，員工質素和態度全部需要改善，雖然食物質素不錯，但也不推介這間Cafe，而且西貢也有不少cafe可以選擇。

第一次來，是平日星期一下午一點半後，非常多人所以也等了40分鐘。食物賣相吸引及味道尚可。但是服務真的一般，安排座位是餐廳的責任，不應連續兩次要求人客移位。相信不會短期再次光顧。

Organic Scramble Eggs on Sourdough Rye $105The scramble eggs were creamy and milky. The avocado and rocket were served along the freshly baked sourdough rye. Thus the whole meal was more layered🤤🤤Chia Pod $70This is a really nice breakfast bowl with fresh strawberries, banana and mixed seeds. Using coconut milk and the whole pod taste much sweet and healthy! Also, the pod is sugar free, so it’s definitely a lower cab choice to go!💯

假日遊西貢🚢⚓️位於西貢一間人氣coffee cafe☕️長時間都是排長龍✨✨食物的擺設非常精美，打卡無難度📸就如看到藝術品一樣《French toast 》的擺設充滿著夢幻的感覺，未吃先興奮🤍🤍而且是好好味！💕《Middle Eastern Lamb 》的羊味很濃厚，喜歡吃羊的朋友可以嘗試一下🌈味道相當不錯！⭐️在飲品方面，點了Affogato🍨☕️，不失霸氣，相當好味✨✨雖然要等位，但是值得的！🌈🌈

7月尾左右帶埋隻狗狗去食，係户外位坐低左，之後同一位男侍應講，佢俾menu我地，佢話佢地就快last order, 所以要快啲叫，隔左都唔知有冇1分鐘，我哋諗住是但叫啲野食既時候，有個女侍應走岀黎話last order過左，仲話狗狗一定要落地，叫我哋走。心諗開頭就一早就唔好俾我地坐低啦，同埋啲態度真係唔憂做咁，不如你係門口貼住唔歡迎狗隻入內，咁等啲主人唔使入黎受氣，係其他社交平台 pages都見到好多狗主有不愉快經驗。

💛Little Cove Espresso @西貢📍西貢西貢海旁廣場兆日樓地下1-2號舖趁平日少人d同朋友一齊去西頁行下🌊之前一直bookmark左little cove好耐 今次終於可以過嚟試吓😍 冇諗過平日Lunch hour 都咁多人 我地等左起碼30-45分鐘💦如果唔怕熱其實坐室外位置就會快好多就有位～▫️Beef Ragu Papardelle $120闊蛋麵麵條煙靭有咬口🤤蕃茄醬好香濃 牛肩肉牛味重而且幾juicy 面頭仲有巴馬臣芝士碎🧀🧀 ▫️Pulled Pork Benedict $120手撕豬肉份量好多 豬肉切得好幼細✨ 豬肉調味濃郁 應該係落左中東香料🧐所以食落好惹味😋 配上蘋果醋荷蘭醬既酸味 又辣辣地又酸酸地 可以享受多重口味 再加埋班尼迪蛋汁一齊食真係好豐富🤤▫️Smash Salmon on Sourdough Rye $120有好豐富既煙三文魚同火箭菜🌱火箭菜可以中和返煙三文魚既油膩感✨煙三文魚面頭仲有d辣辣地既香料🌶▫️Smash Avocado on Sourdough Rye $90牛油果🥑配埋天然烤母麵包係健康之選🌟 牛油果醬好幼滑👍🏼 不過略嫌酸種麵包韌

如果唔係西貢咁格攝又成日塞車真係都幾鍾意去西貢行個圈休閒一下咁啱又過去開嗰附近就專登揸左入去西貢市食返個lunch依間Cafe都幾多人排隊有室內同室外不過咁熱梗係等室內啦🙈Menu勁多唔同款式嘅brunch睇埋OpenRice嘅相同comment款款都好似好吸引真係花多潦亂🤯最後驚食包太飽所以就叫咗款湯Shakshuka嚟到之後外表真係好靚其實睇英文都唔太清楚佢係咩嚟食落去佢好似羅宋湯味道有少少辣蕃茄味都幾重上面有兩隻流心蛋同埋好多芝士旁邊重有幾塊法包烘得啱啱好脆脆地點入個湯到都唔會淋晒整體來講都真係幾好食而且呢度嘅環境都唔錯㗎入嚟西貢嘅話真係可以chill下休息下

Little Cove Espresso位於西貢海旁，可以話係西貢人氣最高嘅cafe。平日中午12點前到達，都要乖乖排隊等位，可想而知係有幾受歡迎。餐廳色調以白色為主色，裝修採用乾淨簡約既風格，室內外都有座位，方便帶埋寵物用餐既朋友。🍴Pulled Pork Benedict手撕豬肉班尼迪蛋係必試既招牌菜，流心蛋配蘋果醋荷蘭醬，層次好豐富。面頭既青蘋果，可以中和油膩感🍴Smoked Salmon on Soughdough Rye煙三文魚多士好似冇咩特別，但廚師用既煙三文魚好好食，唔會太咸。麵包包邊脆口，包身煙煙靭靭，配上火箭菜同忌廉芝士，係最傳統既完美配搭。咖啡質素above average，不過就冇大驚喜。不過我而家後悔緊冇試佢既french toast。

難得閒日放假，於是專登入去西貢玩返轉！平時星期六日睇呢間野係超多人排隊！所以星期三即刻入去試吓！係無乜人架！女朋友嗌左個banana smooth bowl! 香蕉🍌味唔算好濃！但好在唔係好甜！兜野好好食！而配料就有士多啤梨，合桃，椰子！mix埋一齊好夾！另外嗌左個all day breakfast！都係素食黎！有蛋，南瓜，火箭菜，蕃茄，牛油果！然後上面加左好多香料～食落去稍為有少少辣～同埋比較重口味！有少少印度香料feel，有別於其他café 嘅食材！未必岩每位客人架～大家可以衡量下嗌唔嗌！最尾食個toast with cream! 呢個我覺得最好食！佢個toast拉埋啲蛋香一齊焗！真係好香！而啲麵包亦都好鬆軟好冧！上面唔係雪糕黎架！而係cream!So far, 呢間café 都係西貢獨有only! 野食都幾好食幾有特色！亦都可以打卡用！

星期三下午，我同朋友去依間食lunch。我哋大約11:45到，我哋排第三。等左大約20分鐘就到我哋了。店舖雖小，但俾我感覺好乾淨，好relax。由於當日天氣實在太熱，所以我哋揀咗坐室內。當日我同朋友叫咗smoked salmon on sourdough rye，pulled pork benedict，Matcha latte。由於朋友推介食Smoked salmon on sourdough rye，所以又不妨試吓。淨係個賣相已經好得，因為有好多煙三文魚。而味道亦不錯。之前都好想食benedict，不過就唔知邊間嘅benedict好食，今次就試下Pulled pork benedict，果然無令我失望。依個配搭唔錯。至於matcha latte，就味道一般。不過整體上，依間食肆係可以再encore嘅。

今日放假嚟咗西貢周圍行吓 當係喺香港郊遊下🤤 lunchtime嚟咗呢間好出名嘅cafe 點知條隊超級長 女朋友話肯定係好好食 所以先咁多人排隊 唯有堅持排隊😮 店員都好細心 俾本menu我地睇 可以一路喺烈日當空下排隊同埋一路揀吓淨間食乜 menu係全部英文嘅 畢竟西貢都好多外國人居住 但我地見到前面有幾位女士想要中文menu 原來都有供應嘅🙊我地連同兩個友人 四個人嗌咗三份主食同埋四杯野飲☕️Pulled pork benedict 手撕豬肉幾好食 調味係非常入味嘅豬柳再手撕出黎🐷 仲有隻班尼迪蛋同埋波菜係天然酵母麵包上面 有菜有肉 感覺幾健康Smoked salmon on sourdough rye 有煙三文魚同埋火箭菜喺天然酵母麵包上面 煙三文魚上面有微辣嘅香料 非常惹味🐟Lunch bowl揀咗Pistachio chicken 有烤雞肉 牛油果 番茄 青瓜 火箭菜 紅洋蔥等嘅配料 食起上嚟好飽肚 又唔會有罪惡感😇飲品方面嗌咗圖中嘅iced latte同埋matcha latte 味道正正常常 另外仲有兩杯冇影到嘅mango smoothie 呢兩杯好啱消暑🥭

📍西貢 𝚂𝚊𝚒 𝙺𝚞𝚗𝚐❝再訪西貢人氣cafe🏖smooth bowl出色!❞之前食過一次有少少覺得overrated😢今次再食 試新野有驚喜!🤤french toast都有所進步😆人龍仍舊都係咁長🤯🥣🥥𝐒𝐩𝐢𝐫𝐮𝐥𝐢𝐧𝐚 𝐁𝐨𝐰𝐥 $85 (4.5/5)新試💚係香蕉🍌椰子奶🥥同螺旋藻smoothie bowl😆綠色架! 好香甜順滑🤤食完一啖又一啖!🥄有椰子乾片🥥nuts & granola🌰同士多啤梨🍓mix埋一齊口感好豐富🥰🐑🎃𝐌𝐢𝐝𝐝𝐥𝐞 𝐄𝐚𝐬𝐭𝐞𝐫𝐧 𝐋𝐚𝐦𝐛 $125 (4/5)新試💛手撕羊肉好重羊羶味🤤底下係椰菜花,南瓜醬🎃同chickpeas~ 充滿印度風味😚佢有pat mint yogurt 我覺得酸澀左d🤥(我麻麻地酸澀既yogurt)🙈🍞𝐅𝐫𝐞𝐧𝐜𝐡 𝐓𝐨𝐚𝐬𝐭 $94 (4/5)比上次更好食! 睇相發現今次多左醬同開心果💖多士點中間香滑既mascarpone,蜜糖🍯同肉桂粉好夾😋但都仲係覺得麵包可以索多d蛋漿🙈🐷🍳𝐏𝐮𝐥𝐥𝐞𝐝 𝐏𝐨𝐫𝐤 𝐁𝐞𝐧𝐞𝐝𝐢𝐜𝐭 $120 (4.5/5)之前食過一樣咁中意🥰青蘋果絲同有印度風味既手撕豬肉絲好夾🍏sourdough厚身軟