LINE FRIENDS Cafe的食记– 香港沙田新城市广场的西式甜品/糖水主题餐厅

mf_aimeeng

等级3

前排係沙田返工，放工諗住買野飲順便買埋俾男朋友。咁我唔熟沙田，就去咗新城市入面買。戈陣喜茶仲係排到蛇餅咁，仲要等候時間成粒鐘，我覺得太耐就無去排到🤢。跟著見到對面line friends 原來都有賣幾款飲品，係好奇心驅使下就去咗試下。我就買咗兩杯熱既「RJ棉花糖焦糖牛奶」同「SHOOKY曲奇牛奶」拎走☺️。個職員都幾有心，知我想易相就無級蓋先（不過唔知點解另一杯「SHOOKY曲奇牛奶」就直接級咗，搞到我影唔到相🤷🏻‍♀️）。佢仲有送貼紙既。其實佢兩杯野飲都擺得幾靚，又有幾個吧位俾人影相。但係戈日個職員就有d甩碌😂，因為杯野飲如圖係滿到爆咗，搞到佢個熱飲杯蓋整咗好耐先得(另一杯就如名係有塊oreo係頂啦😂)。飲落口其實d味一般，唔特別出眾，都係普普通通咁。同埋因為我拎住佢地搭地鐵返男朋友屋企先飲，塊餅就軟晒，棉花糖戈杯就無問題。值唔值得飲就真係見人見智，佢杯野飲名我諗應該係用d角色嚟命名，但係就唔見佢個杯有返相應既裝飾（除咗貼紙）。總結係佢d嘢飲影相係ok好睇既，飲都係ok既，可惜佢開係喜茶隔離，如果唔係應該多人買d。

其實佢兩杯野飲都擺得幾靚，又有幾個吧位俾人影相。但係戈日個職員就有d甩碌😂，因為杯野飲如圖係滿到爆咗，搞到佢個熱飲杯蓋整咗好耐先得(另一杯就如名係有塊oreo係頂啦😂)。
飲落口其實d味一般，唔特別出眾，都係普普通通咁。同埋因為我拎住佢地搭地鐵返男朋友屋企先飲，塊餅就軟晒，棉花糖戈杯就無問題。
值唔值得飲就真係見人見智，佢杯野飲名我諗應該係用d角色嚟命名，但係就唔見佢個杯有返相應既裝飾（除咗貼紙）。
總結係佢d嘢飲影相係ok好睇既，飲都係ok既，可惜佢開係喜茶隔離，如果唔係應該多人買d。