Lincoln Kitchen (已結業)

pizza同湯落足料， 又唔需要等太耐又好食，推介大家去試下。。。。。。。。。。。。。。。。。。。。。。。。。。。。。。😚

成日經過見到都無客喺入面，但因為火炭無乜嘢食，所以有日就同朋友一齊走咗去買外賣。喺張menu上面有意粉同pizza ，全部都跟湯或沙律，仲寫明外賣全單九折。我同朋友叫咗一個肉醬意粉同一個12" pizza外賣, 當時無其他客，我地都等咗有45分鐘先有得拎，真係好慢。俾錢嗰陣，發現佢無計到九折俾我地，問佢乜唔係外賣九折咩？收錢嗰個答唔到，佢同事似係幫佢解圍話要12:30前先有九折。個九折都係平嗰少少，所以都無同佢嘈落去，俾咗錢就算，但真係自己唔記得俾九折個客，又或者有條件先有九折嘅話，係咪舖頭嘅責任去講清呢！？到講食物味道，基本上都ok,但又唔會好味到想食多次。重點係我地叫咗個肉醬意粉，個味都唔難食，但完全唔係肉醬意粉嚟，個意粉一d番茄汁都無，所謂嘅肉醬都係得幾粒好細嘅，唔細心睇都根本望唔到有肉。仲有成個主要都係芝士醬，一開個意粉蓋一睇，係黄色而唔係紅色。其實等外賣嗰陣聽到班後生仔一邊煮一邊喺度話乜乜材料無晒，乜煙肉得返三塊，嗰陣已經feel 到唔對路，明明無材料整肉醬意粉又唔出聲，求其整個意粉出嚟就算，係咪當d客傻㗎？呢間嘢d價錢同pizza hut差唔多，而且行過對面街就係pizza

喺呢度附近返工,見佢裝修完環境唔錯,諗住試一試,叫左個pizza,可能係即叫即整,個餅底真係好脆,d料都好足,好食!都係等左10分鐘左右!仲有佢地個湯,都係好足料,唔錯,會再幫襯!!