Life is Good (已結業)

食物味道唔錯，餐飲服務非常差！食一個早餐，分別俾兩位服務員話。服務員擺低錯既食物，我地問呢樣係咩，就話我地自己點的。下一位又調亂同隔離檯既野食，未反應得切，就話我無出聲所以擺低。請問自己擺烏龍仲話個客無出聲，我回應點解怪責，就立刻超大聲：我錯囉！正常30分鐘內既早餐時間遇上呢兩位服務員，唔好成日問點解香港生意咁差…

放假出黎行下 黎到灣仔行到攰攰地就搵下野食啦 見到有間茶記就諗住試下啦 反正灣仔唔太多茶記冰室之類食店 咁下午茶時間就食茶餐點了瑞士汁雞脾拼薯條 熱檸茶， 43蚊，其實唔算太貴不過又唔算抵但呢個質素同份量真係覺得有啲唔值了。雞脾真係唔算大隻反而係有啲細，味道雖然正常還好不過太細隻了。呢種著條口感真係好一般唔太吸引既味道，真係覺得唔值。熱檸檬茶味道正常。環境算正常吧，唔駛等好耐位就有位。總結黎講，呢個茶餐對比呢個份量同質素唔值。

灣仔利東街Life is Good Cafe 👍Lee 間茶記包點好掂， 衣家仲做promotion 加1蚊送波羅包， 超值🥰波羅包剛出爐， 皮脆香口， 非常好味👍👍👍，咖啡香濃, 奶茶厚滑蛋撻：蛋香十足服務：快， 爽環境：新派茶記食品： 包點強項， 好過許多米之Lin 推介：波羅包， 蛋撻， 咖啡， 奶茶另外下午茶有個鷄比蛋包飯+加埋汁+特飲5x元最新限時優惠：4點後， 食滿40蚊， 加1蚊送包點！簡直： 益街坊/食客誠意推介， 絕對值得一試👌👍👍

自搬離灣仔區後, 時不時都會嚟這間前身係‘廉記冰室’ 嘅 Life is Good Cafe, 因為伙記同廚房都係舊班底, 食物同服務質素都有保證!👍🏻伙記介紹下午茶嘅新餐牌, 有招牌蛋包飯同夏日特飲, 一於試吓, 可選配雞脾、吉列豬扒或魚柳及牛扒，賣相顏色吸引又豐富。😋揀咗炸雞脾咖哩汁蛋包飯 + 特飲 - 咖啡紅豆冰。熱辣辣炒蛋包喺飯面, 加大大隻炸雞脾配上醒胃咖喱汁, 食慾即時大增!! 炒蛋香滑, 濃郁嘅咖哩汁料配上軟棉雞脾白飯, 簡直味覺響受!🥰再加上特飲咖啡紅豆冰, 濃厚咖啡配軟糯紅豆, 精神一振, 同以往飲開嘅至愛傳統咖啡好唔同, 喺消暑好介紹!!☀️🤗今次嘅全新食品 有滿滿嘅分量, 足夠下午茶 + 提早晚餐, 係扺食美味之選!!😋😋

常常經過這間茶餐廳， 早、午市都好多人排隊。身邊好多朋友、街坊及上班族都一致推薦。今午剛開完會路過，見有位，即入去試試。叫了招牌凍奶茶及蛋達。食品奶茶一流， 濃厚茶味，正宗港式口味。蛋撻好正， 熱騰騰、蛋味香、甜度適中、撻皮十分酥脆， 非常美味。食完蛋撻，唔夠喉，剛見到出爐波蘿包同鷄尾包，香氣撲鼻，非常吸引，一於打孖上。雖已七八成飽, 但仍快嘗熱辣辣波蘿包的皮鬆包軟， 心想如加一片牛油就更上一層， 另外鷄尾飽亦有老香港味道， 幾口食完， 回味無窮。有裝修， 清潔舒適， 多卡位。服務侍應爽快、有禮貌又親切。整體來說：$30幾一個下午茶， 非常滿足。平、靚、正的一間正宗港式茶餐廳。食品、環境、服務都非滿意。很難得， 這樣合口味的茶餐廳值得誠意推薦，有機會必將試試其他食品。

入去食lunch，啱啱食完放低筷子，就收走我d 餐具都算（因為lunch 人多，都知你想做多枱客），跟住隔離枱有人起身，佢就叫左5個人入嚟坐張只可坐4個人既枱。都其實明你咩意思，我都諗住飲埋杯野起身走，比你拍埋張枱。但我入完最後一啖，個丫姐就即刻沖過嚟，將我張枱拎起，拍埋過隔離枱。令到我個人坐左係到，但前面係無左張枱囉～周圍d 人望住我都O 哂嘴。服務態度勁差。。。。你起碼都等我起身你先搬走張枱，唔係突然沖過嚟就搬走，搞到勁尷尬！你放人入嚟無位比佢坐係你問題，唔應該搵我嚟玩。如果係咁不如你set 時限，每個人用餐15分鐘啦～平時食茶餐廳都知，要快食快起身。但人地唔會見我仲坐係到，就強行搬走張枱，趕我走囉…我都係食左大約20分鐘姐，唔需要咁。不會再去食

跟同事出外工作到灣仔時候，正正撞上放飯時間。 因為我們看到這間餐廳不用等位，所以就入了這餐廳。 在茶餐廳，我大多數會選擇常餐， 是因為我喜歡有蛋火腿有包有粉；但這間餐廳提供的常餐選擇卻是 新鮮出爐麵包 和 可選兩款配料的粉麵。 我一心想 出爐麵包配一碗粉麵 應該會吃得很飽吧！ 最後，我選了 合桃提子包 跟 雪菜肉絲司華力腸米粉。結果，我看到職員端上來的湯米粉滿佈油，份量亦不算多, 司華力腸切開一半；而所指的新鮮出爐麵包我一心想是微暖，而現實是放了一段長時間賣不出冷冷的包。 😅另外， 餐廳的環境同清潔度亦是我不喜歡的， 椅子跟枱面也有不少麵包碎，衛生感覺一般。