Lets Dog Cafe (已結業)

想講我最唔鐘意係服務差！好唔好食係其次！原本上去以為有狗仔玩，其實係狗主帶狗仔上去玩 = =" 失望...都唔係問題....最差係見到個似係負責人個樣！佢塊面勁黑！完全唔知咩事！我地都係第一次上去咋！唔鐘意新客？？我地去嗰日最低消費好似係$30點咗杯o野飲....一般cafe嘅麻麻地質素絕對唔會再去！除非鐘意俾錢受氣！

近排天氣好熱,除咗每日夜晚會帶肥仔落街散下步之外,都冇帶佢出去戶外玩啦!令願玩少d,都好過中暑咁辛苦!就帶埋肥仔去勝利道Lets Dog Cafe食飯！差唔多7點幾去到,我地好在帶book位！因為佢地好多人，我見有好多人無到位要食白果呀！D野食都ok喎,不過就等耐左少少！由其係個酥皮Pizza,真係好好味!!我哋兩個人叫左蒜香雞翼,三文魚酥皮Pizza,日式肥牛炒烏冬,芝士焗薯條,chocolate coffee同 hazelnut milk tea.. （我地好大食）D野飲都幾大杯！比起其他dog cafe D野食真係好食好多囉！而肥仔就食左雞肉芝士三色縲絲粉,佢超鍾意食,一見到有野食,即係唔玩lu.開餐先~~~肥仔仲識左幾個朋友仔tim呀！買單Total $284 （佢地仲要無加一,對面海間間都要加一！！！）

完全唔覺得呢間野有咩好 開頭係諗住可以同狗狗玩下點知唻到 cafe 一隻狗都冇, 只有其他客人帶唻既狗 一上到去, 老闆娘 / 樓面打開門就勁惡咁問有冇預約又一邊問幾位一邊打量我地...我地 1:20pm 上到去, 響樓下見佢貼張memo 話 2:30 包左場心諗都冇死, 一定食得切啦點知個樓面已經好似趕客咁話 "我地2 點半包左場, 你地2 點半之前好走啦" 既然你咁驚我地唔走, 咁你又比人上唻?!上去到有 2 台人響度, 一台有隻貴婦, 只一台有隻金毛我地上到唻, 樓面只係響門口指我地去窗邊坐,就自己去同隻金毛玩 (主人睇落係熟客)水都冇杯, 個樓面好冇禮貌咁飛本 menu 落唻完全覺得佢響度趕客囉果刻真係有衝動拎袋走人, 情願搭多程車去 TST 阿貓地攤!! 我同朋友 order 左個芝士腸 + 蛋烏冬 & 鴨胸 + 煙肉烏冬 ($50/碗)野飲就叫左杯熱檸茶 + 榛子咖啡呢度居然興幫客人落糖架喎咁如果我 sugar free 或者想要代糖咁點算 杯 coffee 就... 有 d 似 mr. brown 樽裝 coffee 既味道2 杯飲品唻到, 凍飲熱飲都飲得 8899, 成

之前因為佢係一間寵物餐廳而黎,點知超級失望而回!仲要焗住俾人厄!話說因為朋友要出國要搞個party,因為佢野pizza同狗狗而慕名而來一. 幾經辛苦去到竟然冇狗仔!!話休息!失望一!!二. 依到大讚既pizza竟然賣晒! 果日只係平日既7點幾!!失望二!!三. 我地有十幾個人,冇book既,一去到果個人就一直追住我地叫我地叫野食! 不斷叫我地快d叫野食,如果唔係廚房做唔黎. 邊有人咁吹d人客?四. 我地一d都唔肚餓..佢就轉0太叫我地叫d party份量既野食..話咁樣廚房會方便d!五. $60一炸汽水,同我地講有至少7-8杯係到,出到黎4杯ko晒!六. 叫左3盤野..果個人同我地講20人一定夠!之前好多大專生都係咁叫!!my god!冇人食得飽!!今次真係超級失望!!!未試過去間cafe d人咁自私!淨係想方便自己!!野食唔太差,但佢野服務態度真係零分!每人俾左$90幾蚊去左一間食唔飽又俾人厄既cafe!仲要俾人吹!真係勁不滿!搞到我朋友farewell party 失望而回!!

今日我同個FD去試下呢間狗狗Cafe,真係超正.....極力推介去試下!!我地一行到門口就廳到狗吠聲....之後就見到隻哥基。老闆娘話因為佢想我地地摸佢......-,-我坐底之後叫左個煙肉呑拿魚蘇皮pizza($48).....等左幾個字之後就嚟左(可能閒日少人,就咁快)。個pizza好好味...仲好味過pizza hXX(個人口味)原來隻哥基叫Bu Bu...好乘,好cute不過好多口水同好為食XD....伙記同老闆娘都好nice,好好人=]個都有好多棋反嫁....又有電視....又有狗狗,,一定唔會悶我地兩個人反左好內都唔洗$100總之一句講曬「平、靚、正」大家快D去試下la*閒日去有八折

記得勝利道有間狗cafe. Honey好鐘意狗仔,所以特登同佢上去試下.呢間係樓上cafe, 樓下冇招牌,　要睇門牌去搵. 仲要有鐵門鎖住, 要喺留下按門鐘至入到去. 行樓梯上一樓, 一入去, 有狗聲, 冇狗影. 好奇問吓, 老闆娘笑笑口話有幾個驚狗嘅客喺度食緊野, 所以冇放狗仔出黎! '點解怕狗又會黎狗cafe呢?' 老闆娘招呼我地坐低, 然後好快就放3隻狗仔出黎. 嘩, 好熱情, 好得意. 仲湧埋上梳化聞我地6個月大嘅baby! Honey掛住同3隻狗仔玩, baby好好奇咁望實佢地跑黎跑去！我就快快手咁order咗一個小食(菠菜煙鴨胸卷$36) 同埋一個洋蔥磨菇煙肉酥皮pizza($48). 地方好simple, 有7張枱, 大概可以坐20幾人. 好在有空間俾啲狗仔跑黎跑去. 有LCD電視, 我honey仲走去轉台, lunch hour得我地同埋兩台學生妹熟客, 有啲似學校canteen嘅親切感. 冇幾耐就上左個菠菜煙鴨胸卷, 嘩! 煙鴨胸加咗菠菜即刻冇咁肥膩, 口感非非常好，配埋real mustard,簡直係絕配! 好好味, 不過細碟啲(6小塊). 過多10分鐘,