Lemongrass (已結業)

希慎原來買衫之外，都有D特色野食係泰國菜。同朋友係下面買完對鞋揀左好鬼耐好累，要來食D 野啦！芒果乳酸又幾好味，芒果味好重唔似葵芳D $6 野，好飲好多。雖然叫乳酸不過同甜飲品差唔多啦，係比較甜既冰沙類飲品，芒果味比想像中濃，口感亦都好細滑。比較大既有泰式生蝦6隻又唔錯，好鮮甜，睇見都好晶瑩剔透，點埋個酸酸辣辣既泰式酸辣醬，真係好有鮮味而且味道豐富，口感夠爽夠滑，非常滿意。泰式粉絲大肉蟹煲隻蟹真心大，大大隻蟹入面亦都有好多肉，唔係水蟹啊，每啖肉都有少少香辣味，果然夠入味~~粉絲比較爽口，吸哂D香辣味真心好正，不過有D辣所以我朋友唔係太食到，由我吃哂。甜品都可以食飯既，唯一甜品飯係芒果糯米飯，芒果偏甜幾正唔知有冇浸過糖水呢？糯米飯好黏好甜啊，整體溝埋又幾好味，最好留肚食。

其實我都幾鍾意食泰國野~特別係佢既串燒~既然友人約到~而又有$60 現金卷，就緊係要試下新野喇~鐵板一口牛~因為鐵板的關係，一上檯就聞到好香~但黑椒味太重~食落有D辣~而且牛肉好"鞋"，好乾~有D難咬~整體~好一般~泰版燒豬手~超脆的外皮~再加埋嫩嫩的肉~真係再諗起到流口水~如果會切埋先上檯就更好喇~友人切得有D吃力lol~印尼炒飯~有少少鑊氣同好夠味~但就係太多油~食到尾見到個碟有好多油係上面~~串燒雞~無咩特別~雞肉好滑唔會乾~但係就唔太夠熱~

出開CWB捉精靈，咁捉到咁上下，就當然去食下野補充能量😁見希慎廣場入面有間泰野，就入去試下。可能時間尚早，我六點鬆已去到，所以無人等位。menu上嘅食物都好吸引，所以睇左好耐先決定到食咩。泰國臘腸炒椰菜苗👍🏻👍🏻👍🏻我食親泰國菜，必定會食椰菜苗！因為椰菜苗本身嘅味道偏濃，而我又最鍾意食濃味嘅野。椰菜苗又夠爽口，配埋泰國臘腸食，味道一流😋我係等一次食泰國臘腸，口感有點像台式香腸。係幾香口，不過都幾油，不宜成日食。生菜包👍🏻👍🏻👍🏻呢個也是我最喜愛嘅泰菜之一😍用生菜包著惹味嘅肉碎來食，永遠是沒得輸。呢度調得但味道不錯。香而不油。帶點辣，很惹味。不過這裡肉碎嘅分量略少左點。蟹肉炒粉絲成份menu入面，我第一眼俾吸引的，就是menu上嘅蟹肉炒粉絲的圖片。雖然知道相片只係提供參考。但我還是叫了。味道真的很不錯。炒得很香。只係少了點蟹肉。藍碟花青檸梳打完全俾它的顏色吸引了。其實味道同普通嘅青檸梳打沒什麼分別。不過勝在顏色真的好靚！

作為一個專業的小精靈訓練員，全天候保持飽肚狀態是常識吧，不是有稀有的小精靈出現是都冇力跑啊。路過希慎，肚子咕咕作響，立即去覓食醫肚。見下午茶餐好似幾吸引咁就入咗去啦⋯⋯閒日的下午茶時間沒甚麼人，全店只有兩枱客。叫了一客海鮮喇沙和一客軟殻蟹撈檬這個⋯⋯味道不太好，湯不夠香啊。而且碗裡面又幼麵又拉麵（還是這才是正常的？），感覺怪怪的。永不出錯的組合，至少我未吃過難吃的軟殻蟹撈檬，哈哈。軟殻蟹炸得香脆，而且比想像中大份，就是自己手殘，醋倒得太多，檬粉變得好酸呢。

跟友人這晚逛完了希慎商場內的誠品後，各人都提議在這商場內覓食，免得於天時暑熱的高溫下再周圍走。希慎商場都有個好處，就是頗多食肆選擇，而餐廳價位都是合乎經濟原則。可能是配合該商場賣的多是中低檔的店。 （不似時代廣場那邊走高檔路線）細看有一間新興的泰國菜餐廳「Lemongrass」，我也跟屋企人在奧海城吃過下午茶，質素不錯的。 這晚天氣熱就來個泰菜夜，刺激下胃口吧！餐廳設計配合返名字，香茅草/檸檬草就是在泰國慣常用來做解喝飲料的主要材料，帶點小清新，會給人舒服優閒感覺。開揚舒適，新興感，年輕有格調路線，塑造出一個時尚新代泰菜一面。不再是單單大象小象擺設，加添西式fusion 格局更見出眾鮮明！門口正放著牌寫上「咖哩炒大肉蟹」半價（原價$468，現只須$234）更吸引了我們目光及食慾！於旺區商場內，人流都頗多，店內都滿座，剛好有客走，我們等了約十分鐘就入座。餐牌中看到除了不少地度泰國菜式，還有些西式fusion 泰菜，非常新穎有創意！ 個人很buy! 我先點了一個椰皇$44 來解解喝，補充水分，一般泰菜館都是用椰青，而這裡的椰皇雖然看上去細了一點，但椰殻相對地薄，內裡的椰水反之更多！

今日係希慎附近有野做平時都好少黎呢頭食野所以都唔知食咩好咁岩見到間泰國野就試下佢一入到去發現呢間野都幾貴LUNCH普通一個SET都要$90UP我地2個人就嗌左2個SET再加2個小食我嗌左泰式無骨海南雞飯再配熱奶茶($93)呢個海南雞飯跟個湯都幾開胃唔似普遍個D餐廳咁係味精多不過要彈既係D雞同個油飯首先呢個餐要咁貴竟然比下欄野雞胸肉質比較鞋!!而個油飯就似白飯多D冇咩油飯既味道只係D飯係黃色!!!而杯熱奶茶...唔知係咪泰式既關係勁重奶味...一D茶香既感覺都冇差我友人就嗌左個馬沙拉咖哩牛腩白飯配凍奶茶($92)唔知係咪馬沙拉咖哩既關係D咖哩除左好重奶味之餘重好甜同我地平時食開既港式同泰式咖哩完全唔同有D係似麵包既味道我估應該呢個餐係要配包先好食我地就係嗌左配白飯用黎撈飯完全唔夾仲食唔落肚既感覺不過凍奶茶係好食過熱奶茶小食我地嗌左個蝦餅同串燒都算係不過不失

同女朋友探完熊大兔兔，佢就話想食海南雞，做男朋友的我當然say ok la。openrice見呢間泰菜唔錯，就上去12樓睇下，見好似坐得幾舒服，好多人食，而且唔洗排一於試下。見到promotion 大肉蟹做半價優惠，不論係胡椒蟹定咖哩蟹，都由$468減到$234，好正。但我地得2個人, 果斷地放棄左，叫左4樣野。馬拉盞炒通菜！未上枱都聞到香， 好新鮮，但如果炒耐少少會咬得開心D，結果我一個人食左3/4。泰式無骨海南雞飯!雞肉勁嫩滑，鮮味亦不俗，值得推介。配上的蘿蔔清湯，味道清甜。油飯其香口度合理，不膩口，但鹹咗少少。蟹肉炒粉絲!蟹肉豐富，粉絲幼細，調味平衡，但是，多吃幾口，覺得乾了一點點。(可能賣相無咁靚, 因此一上菜已經偷左D)仲有叫左個西米椰汁糕，2個人3百幾蚊，都ok la

今日行完希慎, 本來想去食foodcourt, 但女朋友想吾想食foodcourt, 但睇下有咩其他野食, 見到個咖喱蟹做半價, 好吸引, 就一於食啦咖喱蟹性價比好高, 234蚊其實真係抵!! 香濃惹味之餘又不太辣, 個蟹啖啖肉，黃咖喱加了大量雞蛋，味道香甜且濃稠適中，香濃惹味, 兩隻手是又剝又連忙急速送入口，再開心的吮指回味一番, 配埋薄餅點汁黎食, 真係一絕!!蝦餅有酥脆麵包粉外衣，咬開則口感彈Q、蝦味鮮濃，金黃美味, 點酸甜爽口的紫蘇梅醬品嘗, 夠晒惹味泰式 炒通菜, 新鮮清爽的馬拉盞炒通菜，少辣的口感，滿載的味道清新的蔬菜，別有一番風味

今日同班同事去試下呢間泰國菜，環境、餐牌望落都幾好，點知...我叫左肉骨茶配飯，餐飲熱咖啡，價錢係$86再加一等左十分鐘左右終於有餐飲，係逐杯逐杯黎...我杯熱咖啡放上枱已經唔係熱，暖暖地，無乜咖啡香再等多十幾分鐘就有野食肉骨茶望落好得，點知d肉完全無味，好似烚完放落d湯度，仲要無豉油點黎食個湯完全唔係個回事第一 又係唔熱 真係死罪第二 我認識既肉骨茶 一係重藥材味 一係重胡椒味 佢兩樣都無 反而係有少少甜肉骨茶入面材料有 腐皮、豆腐卜、冬菇一粒、排骨幾條(其實個人覺得算多)最後飲左半碗湯同食左兩匙飯我都有問d同事覺得點 有位叫咖哩既覺得ok 另一位叫軟殼蟹撈檬就連隻炸蟹都凍而且味道偏淡個人覺得銅鑼灣有其他泰國菜好味又平過呢間 真係無需要黎試順帶一提 邊等食物其實有聽到侍應大聲講粗口 個人覺得唔應該係客面前咁

在銅鑼灣和姊妹逛街, 今晚在希慎行Line friend store, 探望我最喜歡的熊大, 走的時候見到忽然在外下大雨, 便決定留守在希慎晚飯, 反正這裡都有不少餐廳選擇, 我們最後選擇了吃泰國菜。門口見到有半價蟹食, 我們立即心心眼。LG Pina Colada $54 Cocktail 價錢合理, 好大杯, 但初初來到好多碎冰, 好凍, 放久一點才喝比較好, 味道偏向較清, 椰味不太濃, 但配上香口食物就剛好。泰式生蝦刺身 $98 有六隻, 每隻都有份量, 口感一流, 每隻配上辣椒和蒜頭, 點埋泰式獨特的醬汁, 又酸又辣, 非常刺激又過癮, 蝦肉肉質爽彈, 無生味無怪味, 好新鮮呢!傳統咖喱炒大肉蟹 (半價後$234, 加一要計正價) 咖喱醬汁混有蛋花, 睇見已經好吸引, 個汁好香, 有椰奶和咖喱味, 辣度低, 正合我們意, 蟹肉超級新鮮, 沒有一點霉感, 蟹肉絲絲分明, 爽口, 有鮮味, 令人回味無窮, 忍唔住叫多一個薄餅點汁食。辣椒膏炒大蜆$138 特別叫了少椒, 驚以辣椒膏排頭的這個菜會太辣, 果然的確辣度溫和, 而且不是一味辣椒的辣, 帶點鮮味好惹味的味道, 個人喜愛這個

今晚同朋友行銅鑼灣希慎~誠品再上多幾層就見到有間泰餐lemongrass~尋開放式 空間感充足！所以就入左去食晚飯叫左杯芒果乳酸~份量夠哂多！入味香香甜甜~沒有過多酸味！感覺好清新！真係岩哂解口渴同埋消暑一流呀生蝦刺身~size適中，配上生蒜辣椒來殺菌再燻上香辣汁，生蝦入口爽彈！蝦既鮮味好強好味叫左個咖哩雞再加左份薯仔薄餅~呢款咖哩汁屬於甜咖哩~味道唔算辣~唔算濃！咖哩汁清香帶甜！岩哂唔食得辣既朋友們~薄餅內有薯仔粒！好有咬口又煙韌！即叫即整！入口時仲係熱辣辣的！薄餅邊位非常香脆！燻上咖哩汁真係無得彈呢

第一次吃，相信也是最後一次吃！點了2個set lunch，另追加2款小食主菜1 - 喇沙沙麵湯底只有顏色，沒有喇沙味，麵條竟有2款，一幼一粗有點奇怪，配料還算不少，中規中矩主菜2 - 肉骨茶有點似滷水汁味，醬油味重，用料方面有豆卜、枝竹、冬菇、排骨，配白飯還算可以，但絕對沒有正綜風味小食1 - 迷你生菜包個人覺得是較滿意的，但忘了拍照，肉醉少少辣頗惹味，但生菜可以多一點小食2 - 無骨鳳爪好失望，淡而無味

星期五晚收工好夜，又加班，放工單拖去銅鑼灣SHOPPING，　晚餐走去食泰國菜，來左呢間試下，只是瀏覽OPENRICE 找到呢間，好似賣唔錯。裝修好靚，有東南亞FEEL，香芒椰冰好好飲，唔係太甜，有椰香味，芒果也酸甜得宜，GOOD！呢個泰式一口牛，有香料和胡椒味，胡椒味帶點麻又辣的濃郁味，牛粒夠嫩滑，牛味濃又JUICY，最重要牛肉無渣，配凍飲一流。另外我無叫飯，食左個蒜香薄餅，都飽肚，有濃郁蒜香又煙韌，但好清新，唔會好多油咁，夠薄身，反而更有口感，原來配夾牛柳粒，正到暈！價錢稍貴，無計銅鑼灣區嘛。

今日同媽媽行開希慎先知道原來樓上有3，4層係食市！本身媽媽想食上海野，行到南小館門口就比對面呢間泰國野吸引。吸引既係友善既介紹，侍應哥哥話lunch送飲品同甜品。見侍應哥哥咁nice媽媽都放棄小籠包比面試一試😂以下係食物評價：海南雞飯 - 個油飯加左黃薑粉，幾香👍🏻 雞係滑既但略為多油左少少😬大蝦泰式金邊粉 - 正常水準，都ok既👌🏻加$30可以有2款小食好抵同埋份量剛好！唔會話多得濟食唔曬浪費！泰式鳯爪 - 好入味👍🏻生菜包 - 菜新鮮，味道都幾好👍🏻飲品同甜品就正常水準，因人而異啦😁PS : 儘管呢度既食物唔係話會令人覺得驚喜，但服務態度的確係呢間餐廳留住客人既本錢！侍應哥哥們都好有禮貌，sharp醒，對客nice！試問今時今日既香港有幾多餐廳可做到？重點係呢餐埋單只係$250有找！$250有咁好既service？我試過！我真係試過！

午飯時間約了友人在銅鑼灣用膳，因近期日菜吃得多，所以轉轉口味吃泰菜。是日到訪的餐廳 Lemongrass 在希慎廣場十二樓，一如其他同場的食肆，裝潢新淨光猛，在店中的一角，以粉筆繪有一幅富泰國風味的畫作，頗為搶眼。 午膳時間有十多款午市套餐可供選擇，筆者二人同行分別點了一客秘製肉骨茶配白飯及一客泰式無骨海南雞飯。另追加了一碟泰式炸蝦餅及一份泰式豬肉碎生菜包。泰式炸蝦餅一客只有一件，可考慮增加多一件感覺更為好看。就賣相而言，蝦餅明顯炸得比較老火，顔色頗深，幸而外皮仍見香脆，蝦膠足料彈牙，仍屬一道香口小吃。泰式豬肉碎生菜包亦是食味穩扎的食物，肉碎辣感不輕，惹味感強，以爽口生菜包裹那份刺激感得以平衡舒緩。秘製肉骨茶賣相足料，湯中有排骨、冬菇、杞子、豆卜、枝竹等食材。就靈魂湯底而言，口味偏甜，冬菇味重，反而筆者最愛的藥材味道放得輕。雖然整體味道有一定交代，但明顯不是筆者所想的肉骨茶，做法「地道」。泰式無骨海南雞飯用上的雞肉頗為嫩滑，鮮味亦不俗，值得推介。配上的蘿蔔清湯味道相當清甜，亦是比預期佳之作。至於香飯半身，其香口度合理，不膩口，但就飯粒色水均稱度而言，尚有改善空間。甜品木糠布甸隨餐附送，