Le Sucre (已結業)

新蒲崗新派小店今次和朋友黎到新蒲崗提早慶祝聖誕節，一齊來食聖上誕大餐同埋食一流既甜品👍🏻首先，我地叫左龍蝦汁海鮮扁意粉$88每條意粉都吸收了濃濃既龍蝦汁味道，食落不會太濃，味道剛剛好。配搭的海鮮都十分新鮮，最欣賞是炸魚塊粒，咬落易入口同埋有濃濃既龍蝦汁。之後，輪到主角出場，因為甜品才是這餐廳的招牌菜。意大利蛋提拉米蘇配雲呢拿雪糕 $98由於係12月前來，甜品碟上有聖誕老公公既裝飾，超有聖誕氣氛，同好友一齊提早慶祝聖誕節。由意大利蛋整成既提拉米蘇，配搭雲呢拿雪葩十分出色，一次過食哂呢兩個食物係好夾。提拉米蘇中間食到有脆口既感覺，食落知道係浸滿了香濃咖啡既手指餅，比起以往食開既提拉米蘇都沒有食到脆口既口感。呢個係我食過最有口感既提拉米蘇，一試難忘。加上，雲呢拿雪葩都十分清新，我一直對雲呢拿雪糕感覺麻麻地。但今次是雲呢拿雪葩既感覺，令我重新喜歡雲呢拿味道。我最後食左兩個雲呢拿雪糕🙈芒果拿破崙配雲呢拿雪糕 $88拿破崙既酥皮需要好既技巧先會整到好鬆脆嫁。今次既芒果拿破崙做到一咬即散既效果，大廚總建議我地一層一層咁食，一層加上中間既吉士醬，另一層塗上旁邊既芒果醬，啖啖芒果果肉配上脆脆既酥皮，口感

屋企附近的小店，原來由大坑開過來，失敬失敬。店內走較樸實的vintage風。食物選擇唔太多，但都有一啲平時小食到的選擇。蟶子皇意粉超級足料，啖啖都係蟶子肉。個汁底又夠Creamy，入口口感好豐富。雞翼比較簡單一點，但都幾好味道。飲品都不錯，跟餐配算是精緻。甜品絕對係亮點，一客窩夫已經有好多元素。窩夫餅脆脆，有蛋香。配上雲呢拿雪糕，一冷一熱又好夾。面裝飾用的小花都係威化薄脆，好貼心。仲有一款特別的甜品，就係薑汁梳乎厘，不過大廚建議我地上枱即食，所以冇時間影相。梳乎厘最重火候，佢哋控制得好好，令到個梳乎厘夠鬆軟又夠口感，再加上薑汁的元素，實在係錦上添花。除咗甜品好味到估唔到連個曲奇餅都咁出色。曲奇鬆脆到入口即溶。一間較為精緻的Cafe，走中高尚路線，在新蒲崗區算係新的嘗試，又擴闊左小區內居民的選擇。

必試推介 💗薑汁雲呢拿梳乎厘配雪糕 今日原本只打算食晚餐，經過左一間西餐廳，試左一個好特別的甜品， 好好食，甜品整得 好有heart,甜品師傅好好傾，傾落先知原來 佢就係大坑好出名Pudding嘅甜品師傅,做過兩間米芝蓮 和國金地方既 甜品師傅今日試咗薑汁雲呢拿梳乎厘配雪糕$98, 入口即溶, 蛋味濃郁， 熱辣辣嘅梳乎裡配合冰凍嘅雪糕 ，冷熱交融的感覺特別配合，配上雲呢拿味既rum酒汁，旁邊很有心思的放了用威化紙做的蝴蝶 和花花襯托，仲可以食添 感覺幾得意，亦有 小去荔枝味爆珠和oreo餅乾， 所以食落去整體感覺很豐富，甜品師傅對食物嘅品質和味道非常 著重 所以不允許食客拍照這個甜品務求可以做到熱辣辣入口，食到品質最好嘅一口， 起初我都認為影一張相啫，都唔會好耐，但食落之後我就知點解了如果你都想知點解你就快啲去試下啦另外，試了💗蛋黃醬芝士蟹肉多士$78/4件，蟹肉多，入口豐富，💗黑松露雜菌扁意粉$88，也值得一試👍👍，松露味夠香，不油膩，意粉軟硬度適中，口感一流滿意程度🌟🌟🌟🌟🌟這個價錢可以食到米芝蓮師傅的心思菜和甜品，真算超值了我敢說如果店是開左尖沙咀，銅鑼灣一帶，價錢一定高40%以

鍾意食既一間甜品店師傅開新店，唔駛過海就食到緊係要去，店舖開正係Mikiki對面都幾方便，好期待食番個甜品呀！店仔細細係轉角位，入面都係有十幾個位，好彩都早去到有位，用左工業風設計，牆身痴左好多黑膠唱片營造氣氛。前菜小食要左《酥炸軟殻蟹配黑松露醬》($98)，成隻蟹都好酥脆，最緊要係炸完之後又唔油，配上法國黑松露醬好高級呀。主食叫左《香蒜辣汁忌廉蟶子皇扁意粉》($168)，蟶子真係超多仲要好大隻仲要啖啖肉，真係成碗意粉都有勁多蟶子又勁大舊，意粉軟硬度岩岩好，忌廉汁均勻咁痴哂係每條意粉度，仲帶少少辣味勁惹味。甜品係重點一定要叫《意大利蛋提拉米蘇》($98)，係舊店食過真係一試難忘，新店呢度依然高水準，材料一樣用上意大利蛋勁香滑，入面加上超香既咖啡餡同面頭有雲尼拿雪糕，必試仲有《雲尼拿梳乎里》($98)，一出黎漲卜卜入面超香滑，甜品真係依然超級好食。野飲叫左《有機柑橘洋甘菊茶》一上已經聞到好香茶味，店員見飲完就好主動Refill真係加分，仲有《青蘋果梳打》，有漸變色好靚。店名：Le Sucre地址：新蒲崗寧遠街3-23號越秀廣場地下G01號舖餐牌:

新蒲崗新開的cafe主打甜品雖然地點唔就腳但絕對值得一試!特別要推介梳乎厘真係一個好考功夫的甜品廚師非常有心機擺碟 整得好靚但並唔係為gimmick而係一心想把甜品做好 睇得又食得廚師堅持唔俾食客影梳乎厘想食客立刻食因為梳乎厘係要即食先好味過左一陣就會塌 食客就食唔到最好食的效果亦會浪費左廚師的心機從廚師的呢份小堅持 就睇得出用心梳乎厘比其他店鋪的要高得多真係唔容易 顯示出廚師功架講返味道 好欣賞佢面頭有焗到一層皮的效果額外增加口感層次薑汁係另上 自身的薑味並唔係好出但淋上原味梳乎厘之後好神奇地就食到好濃烈的薑味真係好有化學作用梳乎厘好有蛋白的質感唔會全空氣感仍有實在的感覺 係好出色的梳乎厘雖然冇相 但文字上都俾個5星佢!講返主食 雞翼炸得非常香脆而且味道豐富有少許香茅味但黑松露醬就唔夠突出被重重的雞翼調味料蓋過虎蝦兩大隻 不過唔算非常新鮮 一般貨色但冬陰公湯味道調教得好出色辣度同酸度恰到好處 平衡得好好好有泰國的味道扁意粉偏硬 本人就鐘意呢個軟硬度 比較有咬口呢度主打甜品 所以甜品的選擇比主食更多一個成功的甜品 除左味道賣相都好重要淨係見到d蝴蝶都知係心機之作賣相得之餘食落都好好味好

🦀酥炸軟殼蟹配黑松露醬 $98軟殼蟹好大隻 炸得好香脆醬用法國黑松露製成 好香濃 同蟹好夾😙--🦐冬陰公湯虎蝦意粉 $88隻蝦好大隻 啖啖肉 好爽個湯好酸 好開胃 仲有好濃既蝦味 飲哂咁濟😛--🍮雲呢拿焦糖燉蛋配雲呢拿雪糕 $68每次食焦糖燉蛋都好期待卜碎焦糖面個下😙脆脆既焦糖配香滑既燉蛋👍🏻--🍨薑汁梳乎厘配雪糕 $98空氣感十足 有蛋香得黎唔腥微微薑汁味 冬天食好溫暖既感覺😀如果大家都想試 記得快影快食大廚對佢有一份堅持 唔想佢塌左唔靚唔好食大家都要尊重返大廚 聽佢意見呀😜--呢到既大廚係老闆之一 五星級餐廳岀生會岀黎同客人傾計😙另一老闆亦親自岀黎招呼客人 全部都好nice新浦崗雖然唔係一個非常就腳既地方但環境幾靜 同朋友慶祝生日 傾計 呢到好岩👍🏻我睇過個lunch menu都係60蚊左右一set係附近返工既絶對可以試下lunch set😘

新蒲崗 算是一個老區 , 最起碼我認為是這樣 , 區內大多數以茶記或中式食肆為主 .... 某日我就在 越秀廣場 發現了一家門面頗信得過的西餐廳 Le Sucre , 於是便入內幫襯 , 一嚐究竟 ~Menu ~ 先點一杯 青檸梳打 解解渴 ~軟殼蟹配黑松露醬 $ 88 : 賣相精巧 , 新鮮炸起熱氣騰騰的軟殼蟹炸得色澤金黃甘香酥脆 , 入口有蟹味且不覺得腥 , 伴上一碟味道精妙的黑松露醬 , 完全不會覺得燥熱或乾口 , 很好吃 ~法式油鴨髀配法包 $ 138 : 法式油鴨肶 Duck Confit 也 , 味道油潤豐腴 , 鴨味濃香細緻 , 可見廚師的廚藝確是高超 , 配上法包一起來吃 , 口感和味道皆是一絕 , 識食的吃過就會知道是好貨 , 不懂的講多都無謂 ~薑汁梳乎厘配雪糕 $ 98 : 乃是餐廳的名物 , 保證即叫即製 , 製作需時15至20分鐘 , 店員千叮囑萬叮囑 " 不能拍照 " , 事關梳乎厘焗起便要新鮮即吃 , 以保持其完美口感和品質 .... 剛剛焗起的梳乎厘 , 質地鬆軟 , 口感輕柔 , 配上富有蛋味的特製薑汁 , 味道絕不平凡 , 超讚 ~Le Sucre

前幾天和朋友經過新蒲崗見到到間新餐廳Le Sucre，想食下西餐和甜品，好奇心驅使入去試下，首先order咗蛋黃醬芝士蟹肉多士，原本一個order要4件，但要食其他食物，問店員可不可以order2件比我們，店員應承咗可以。蟹肉很新鮮多士鬆趣，值得一試。之後order了一個炒滑蛋煙肉牛角包，仲有跟厚薯條，牛角包size大，食落很鬆化，還有伴菜，健康之選。最後，order埋個甜品就完滿，因為店員介紹咗個焦糖芝士蛋糕比我，有一點吸引到我是和文華酒店的芝士蛋糕一樣，買相很吸引，除了有芝士蛋糕之外還有跟雪糕和裝飾等，食落真係在文華酒店食一樣，以後不用去到咁遠食。

呢日咁岩同女朋友夜晚行到去新蒲崗附近👫，去到越秀廣場附近先知原來新開左間西式既甜品店😍，咁入面既裝修雖則好普通，但重點坐得夠舒服，店鋪亦播放輕鬆既音樂🎼我就同女朋友嗌左鮮嫩鴨肶金磚伴多士🍗同埋冬陰公大蝦意粉😛首先講下個鴨肶，肉質嫩滑，師傅仲提醒我地要連上面既日本太陽🥚🍳一齊食果然味道更上一層樓🏬，另外冬陰公大蝦意粉，我地辣度選擇左中辣因女朋友好辣得，如我地所料真係好惹味冬陰公味好突出，大蝦🍤亦都好正，之後師傅出左黎介紹佢地既餐廳先得知原來已經開左個半月，真係孤陋寡聞，最後亦嗌多左個薑汁梳乎厘配雪糕😍，師傅亦重點提唔可以影相要快啲食因為要趁早食先最好，但我見賣相咁得都係忍唔住偷影左😜蛋味好重而有薑汁既陪襯，真係好正，口感亦相當之好。呢餐食到超滿足 下次一定會再黎😋

放左工同媽咪去搵好野食～行下行下先知原來宜家新蒲崗有好多野食🤭見到呢間小店幾吸引～就試下啦😀👉🏿✨雞翼配黑松露醬 hkd58💸📌雞翼即炸，食落口好新鮮，個皮炸到脆卜卜，岩晒我😆佢啲黑松露醬調得好好，配埋雞翼食係畫龍點睛👍🏿👉🏿✨冬陰公湯虎蝦龍粉 Hkd88💸📌冬陰公湯底唔會話做到好辣，食唔到辣既人都食到🤨但同時又做到好惹味喎！虎蝦肉質彈牙，湯入面都有蝦米同蜆肉，食落好香食完正餐例牌要叫甜品🤣👉🏿✨意大利提拉米蘇配雲尼拿雪糕 hkd98💸📌個擺盤已經做到好令，食落係真係同出面唔同。老闆親自做，好smooth，好濃郁👍🏿正呀！加埋雪糕一齊食仲食！👉🏿✨薑汁疏乎厘配雪糕 Hkd 98💸📌老闆好注重個食物質素，所以一上台就要食啦，唔好手機食先✨果然！係好食到爆炸，我同媽咪都大讚呀！個底滑到好似登蛋咁，薑汁唔會話好拿喉，食落岩岩好👍🏿唔好睇佢係薑汁就唔叫，真係好食到想ncall🔥🔥👉🏿✨柑橘洋甘菊茶 Hkd 36 💸📌從來未見過啲茶包係full晒啲花，沖第一轉已經好濃郁，解膩一流👍🏿👉🏿✨泰式青檸疏打 hkd58 💸📌最愛酸酸地，甜度可以講小甜，醒神又開胃😆

在這短短的一兩年間，發生過太多未曾預料的事情，一波未平，一波又起 蝴蝶效應之下，根本沒有可以停歇喘息的時間，只可以硬著頭皮向前邁步 時間，改變的不單是事情的走向，更可以改變一個人的思考、行為模式與習慣 由小事說起，以往怕麻煩，極少踏足新蒲崗、九龍城及土瓜灣，現在卻總於該地流連 為的是在飲飲食食、娛樂消閒的同時，尋找能夠讓我避離煩憂的空間 酥炸軟殼蟹配黑松露醬 $98 炸物當然要趁熱享用，軟殼蟹件件金黃酥脆，每咬一口都伴隨著卡滋聲 內裏保有大量水分，油感不至重膩，而且調味點到即止，鹹得適度，不沾醬亦無礙 不過黑松露蛋黃醬比例是店方自家特調的，以免浪費其心思，蘸著沙律菜吃添味剛好 法式香酥油鴨髀伴日本太陽蛋及法包 $148 戳破滑溜太陽蛋，橙黃蛋漿源源溢出，香而不腥，重點是蛋白仍是嫩口 手執刀叉，誰知只須按壓鴨脾，輕輕扒開，絲絲嫩肉立即離骨，還不需到切的步驟 鴨肉腍綿程度表露無遺，鹹香油潤依舊，沒有半點霉感，伴著蜜糖，鹹甜交加更滋味 店方建議將鴨肉置於法包上吃，但擔心狼狽，加上喜歡分食以嚐原味，還是專心為佳 雲尼拿焦糖燉蛋配雲尼拿雪糕 $68 吃焦糖燉蛋時最興奮的莫過於敲破焦糖

今晚同老友見面，順便比手信佢，地點就約喺屋企附近啦。越秀廣場地下呢間Le Sucre cafe，其實就正正喺mikiki對面，地膽如我地就一啲都唔陌生。坐低睇下個menu...咦，點解有種似曾相識嘅感覺咁？原來主廚就係來自大坑果間輕食甜品店呢！即刻有種他鄉遇故知嘅感覺，先叫兩杯飲品先！Chocolate milkshake ($58)朱古力味非常濃郁，原來落左足足三球雪糕！咁足料，跨張啲講，下午茶飲一杯都飽飽地呢！軟殼蟹配黑松露醬（$88）餐前小食之選，軟殼蟹新鮮炸起，熱辣辣、又厚肉，黑松露醬感覺高貴，而且真係有松露香架！香蒜辣汁忌廉聖子皇意粉（小辣）（$168）主食我地仲order左呢個，簡單幾樣食材，辣椒、蒜蓉、忌廉汁，調製成一味惹味意粉！聖子皇亦絕不欺場，啖啖肉架！甜品時間，主廚拿手之作，點可以唔食呀？首先食左個tiramisu with vanilla ice-cream ($98)，份量大，軟滑香甜，揉合咖啡、甜酒、可可粉同蛋液嘅美食，即使正餐食幾多都抵擋不住呢！最後亦係最期待嘅甜品，就係薑汁Soufflé ($98)，呢個甜品係主廚引以自豪之作，佢仲千叮萬囑我地唔影得相，因

今日同老公帶埋囝囝約左朋友行下新浦崗Mikiki商埸，仲未有聖誕裝飾，行左一陣，見對面街有間裝修唔錯的甜品餐廳就膽粗粗入去試新野，唔試由自可，一試，食物賣相已經吸引😍，好味的聖子意粉食完有小小辣🍝，唔多食辣的我都ok可接受，小食的惹味雞翼，亞囝都食左兩隻😋😋，炸軟殼蟹配黑松露醬絕配呀👍，又唔會好油，仲好脆口添，海鹽薯條配上香濃茄汁🖒，濃縮左的巨峰梳打好好飲🍸，好濃縮呀，至於甜品我地就叫左梳乎里同心太軟，梳乎里帶點疆汁，嗯……好好食呀😋😋😋，可惜冇得影相啊，可能師傅怕掛住影相會影響個甜品呀，流心朱古力心太軟一流😋😋😋，甜品仲有蝴蝶同朱古力裝飾，加埋雪糕球，亞囝都話yummy yummy,簡單的一餐但好滿足呀😎，食得出師傅好用心製作👍👍😋😋，環境都好舒適，唔會太逼，要叫埋其他friend黎食先得。

阿朱媽未試過寫食評，但今次既第一次就比左呢間餐廳啦！👏🏻👏🏻👏🏻👏🏻。今日見有時間帶埋婆婆、同我個小魔怪一齊去試下呢間係mikiki對面，位於越秀廣場地下既新餐廳去試一試！😋😋😋去到見到個餐牌，我既選擇性困難症又出現左～經過老闆同廚師既介紹後⋯我決定食～龍蝦汁扁意粉～黑松露扁意粉同埋英式早餐！廚師既廚藝真係食得出係用心整作！材料新鮮！我地三個人食到飽飽肚。最重要佢地最出色既甜品，因為我實在食得太滿足😋😋😋😋個肚已經無位可以再放😭😭😭😭，下次一定要再黎！呀！唔記得講廚師哥哥提我下次黎可以食冬蔭功虎蝦意粉同埋忌廉聖子皇扁意粉！仲有鴨脾配金磚法式多士添！👉🏼👈🏼👉🏼👈🏼我既選擇性困難又黎啦！😓😓😓

今年嘅生日，朋友邀請我去新蒲崗一間新開輕食甜品店Le Sucre 慶祝，來到甜品店即被室內裝修所吸引，因為呢間餐廳位處角落位置，所以好開揚，對出係一個小小嘅公園，令我感到十分舒適，店內播放一些輕鬆嘅歌曲真係唔錯。當然令我驚喜嘅就係當日嘅美食😋😋😋先有炸軟殼蟹、炸雞亦，而兩樣炸嘅食物都伴有黑松露醬。跟著送上嘅係小小辣嘅白汁聖子扁意粉，重有鮮嫩鴨肶金磚伴蜜糖吐司以及煙肉滑蛋芝士牛角酥👍👍最後就係甜品出場啦⋯⋯超級美味嘅Tiramisu，好有酒店大師級嘅風味，最令我驚喜不已嘅事情：就係甜品師傅特別為我嘅生日而製作嘅朱古力心太軟啦，佢重响木盤上面用朱古力寫上我的名字及祝賀嘅生日🎂字句真的令我難忘啊！很窩心