Le Sucre (已結業)

間中都會去新蒲崗食晚飯，食來食去都係商場裡面連鎖餐廳，或者街口餐廳，都食到餐廳位置都識背，今晚又過黎搵食，卑我響越秀廣場後門個邊找到間隱世小店。餐廳座位20位內，裝修簡單，但又有心思咁掛起黑膠唱片，好有studio feel。 餐牌選擇豐富，由精緻前菜、主菜、甜品到飲品，一應俱全！我地睇左好耐都好難決定，又想樣樣食哂，又怕食唔哂會浪費，餐廳老闆好好人，幫我地去選擇菜式又可以大包圍咁食：雞翼配黑松露醬($58)雞翼共有五隻，炸到好金香，雞翼底有沙律吸哂d油，雞翼食落唔會有膩感，配上黑松露醬簡直絕配！黑松露醬安格斯牛肉菠蘿芝士配薯條($118)主菜方面，老闆有建議安格斯漢堡/軟殼蟹牛角包，我地選擇左安格斯，因為冇咁炸。 漢堡包烘到剛剛好，脆口得黎有少少軟身，唔會咬到嘴唇損。菠蘿放安格斯扒上面，牛扒吸左菠蘿甜味，幾層味道夾在扒裡面，好滿足feel!!法式蘋果金寶配雪榚($78)本來好想食梳乎里，但朋友好想食crumble，就遷就下佢。從未試過咁蟹味gei Crumble!! 餐廳好用心咁在雪榚頂部做花裝飾，crumble面有好多脆脆蓋住，crumble甜味剛剛好，配埋雪榚&脆脆，會食唔停口！

過咗最餓嘅7，8點食飯時間，諗住同朋友細食啲，share看似1個人份量嘅嘢，點知好飽呀！小食叫咗蛋黃醬芝士蟹肉多士（HKD78/4件），睇落以為細細件，一咬好大啖肉喎，正！用法國麵包做多士係啱嘅，如果唔係承受唔到蟹肉嘅重！我覺得有少少芥末味，都唔錯。重頭戲係黑松露醬軟殼蟹芝士牛角包配薯條（HKD148），因為我超鍾意食軟殼蟹，呢度仲超大隻添！黑松露醬都好似有少少芥末味，開頭食都唔錯，包又脆，味幾清，不過食多幾啖開始有啲鹹，一個人食晒可能會滯少少。甜品係飯後必須嘅，法式蘋果金寶配雪糕（HKD78）原來係夢幻組合！焗到香脆嘅曲奇碎，加上微酸又軟嘅蘋果粒，心心眼半爆發喇！夾埋雪糕一齊食，冷熱混合嘅感覺好正囉！PS. 花係餅嚟嘅，可以食埋。開頭見杯有機熱帶果綠茶（HKD36）咁細杯覺得實唔夠飲啦，原來中途會幫你加熱水繼續飲，老闆又幾禮貌，呢個半晚餐加半宵夜都食得幾開心。美咪指數：8.5/10抵食指數：7.5/10

朋友遇到傷心事，我遠赴新蒲崗，到她家附近坐下聽著她訴心聲。食物已經不是首要，反而是寧靜的環境，這店柔和的光線，令我的朋友冷靜下來蛋黃醬芝士蟹肉多士@多士好脆，啲芝士多到拉哂絲再兜圈都仲得而且蛋黃醬的味道係和每一啖的蟹肉非常夾龍蝦仔牛角包配黑松露醬薯條@酥脆的牛角包入面啖啖都係味道咸香滋味的龍蝦仔，足料！味道非常濃郁，入口卻不油膩夏日炎炎最好就係飲番杯冰凍嘅消暑特飲菠蘿梳打@菠蘿味甜度高、酸度低巨峰梳打@提子味比較清淡，剛好清哂薯條的油感來迎接甜品朱古力心太軟配雪糕@心太軟嘅流心程度唔算誇張，贏在味道香濃得嚟唔會澀，簡簡單單配一球Creamy嘅雲呢嗱雪糕就夠正真心呢個係值99分的甜品，喜歡甜品的朋友一定要試

早幾個月係網到見到雜誌介紹呢間店既牛角包，終於有機會試到，但原來除了雜誌介紹的小龍蝦味，仲有滑蛋芝士煙肉，但我堅持食小龍蝦牛角包🥐$158呢個牛角包比想像中脆同爆涵，我地一行三人又想試，廚房肯幫我地切三份，非常好！龍蝦沒有腥味都幾新鮮，連配角薯條夠熱點少少黑松露都變得好好味！食返少少沙律菜中和冬陰公意粉，如果唔係店員推薦我應該不會叫，心諗一人幾啖啫！點知出奇地夾，是香口系列🍤$88值得一提係呢度既甜品，出品速度慢過主菜，以往係酒店食芒果拿破崙都係雪櫃拎出來，唔多唔少都林左，但呢個廚房堅持即叫即做，所以一定要等！餅燒過咁，芒果另上，所以餅完全脆度100分！仲有自選的芝麻雪糕，唔係牛奶公司的，好有芝麻味。擺設上的蝴蝶🦋原來係威化餅入口即溶。仲有姜味梳乎厘，焗到同個兜高到一倍高，廚師仲提住我地一定要立即食唔好比相機食先，的確一放低即食係最好味口感最好！似乎廚師對自己甜品有特別強的要求😆😝好事一則，隔離枱走時比了張午餐收據我們，上面寫住寫晚餐有85折，嘩，我同我的朋友埋單時開心咗85% 🤣🤣如果晚市有午餐咁既套餐會多點幫襯

去到mikiki商場，諗住食晚餐但又唔想食啲連鎖店，喺附近小巷尋找到一間西餐廳。熱嘅cappucinno誠意滿分，足夠香滑嘅泡沫😋 餐前小食係配有黑松露醬嘅炸雞翼，一上菜黑松露嘅香氣撲鼻，雞翼炸得啱啱好，脆卜卜。而主食方面我揀咗黑松露醬安格斯牛肉菠蘿芝士漢堡包，牛肉煎得好香口，黑松露醬依然香噴噴，好好味🤤 想問佢邊度買先知原來係獨一無二自家製嘅醬🙈 佢個餐包埋甜品，我揀咗心太軟，佢配埋我最中意食嘅雲哩拿雪糕，超滿足👍🏻 推薦推薦😆

今次真係不得了！點解?因為好耐未試過一路食一路嘩嘩聲 事緣朋友介紹話mikiki對面有間舖頭食西餐甜品好正 咁我朋友都算係食家 平時會搜羅四方美食 佢介紹到應該堅係好西 首先黎個小食先 蟹肉多士 呢個多士呢 總共有4件 非常香脆 因為我中意巨峰提子 於是叫埋巨峰疏打 又係好濃 唔會話淡淡地得小小味 主菜就係黑松露醬軟殼蟹芝士牛角包配薯條 一咬落去非常juicy個自家制黑松醬入口濃郁 非市面上調配好既黑松露醬可比。 最後就係我最愛既蘋果甘寶大大粒蘋果肉 口感好實在 食到新鮮 整體咁多道菜都非常高分 不枉我山長水遠專程入黎試呀！

今日行去mikiki，經過呢間餐廳。見到d相同d客人食既野大大份好似幾吸引咁，我又走左入去食😸上網睇原來呢間話大坑都有，搬左過黎。有好多人都為左呢間餐廳而黎，好似好厲害咁喎！等我又試下先！😀環境唔錯，坐得幾舒服。雖然餐廳唔算大間，但望到出面，對住個公園d花花草草，又幾清新舒服。成枱都係野食，好豐富呀！叫左個廚師推介👨‍🍳:黑松露醬軟殼蟹芝士牛角包配薯條🍟好大個牛角包！🥐食落仲係暖笠笠！呢個最重要架。一啖咬落個牛角包，好鬆脆，啲麵包碎係咁跌😋牛角包好香，甜甜地。👍由於個包真係太大，最後決定分開黎食！有兩大隻軟殼蟹，份量好多！😍炸得好既軟殼蟹真係好好味的！佢炸得好靚，仲好熱辣辣。再配上黑松露醬加芝士，令到個口味更加濃味！👍正！仲配埋大大條既薯條，又係岩岩炸好！食落好脆，同好香既薯味。點埋茄汁就更加好味喇！我仲點埋黑松露醬食，另一個口感。都好match,好味！🍟我好喜歡食雞翼，所以叫左炸雞翼配黑松露醬 🐣超邪惡的炸雞翼！😀炸到金黃色，仲落左啲調味粉。雞翼大大隻，食落好香脆惹味。再沾d黑松露醬，另一種口味😋！食得多油膩野，叫左杯野飲解解膩。朋友叫左泰式青檸梳打，佢話夠唒酸🍋我就叫左杯：巨峰提子

每款主菜、甜品、飲品都好吸引，真心驚喜！😍1.龍蝦仔牛角包配薯條(黑松露醬)（$158)🥐未食睇見已經覺得好吸引，你睇下，超厚多龍蝦仔肉嘅餡料，牛角包又烘得好鬆脆，薯條又厚實大條，再點埋黑松露醬，perfect！彤樂評分：10/10 
2. 酥炸軟殻蟹配黑松露醬 ($108)🦀香脆軟嘅殻蟹，點上濃香嘅黑松露醬，好好食，而且份量岩岩好！推！
👏🏻👏🏻👏🏻彤樂評分：9.5/103. 64%朱古力心太軟配雲呢拿雪糕（$88)
勁多流心朱古力漿，蛋糕好軟熟，食一兩啖cake，再食啖凍冰冰嘅雲呢拿雪糕，好幸福呀！
彤樂評分：9/10 
4. 芒果拿破崙配雲呢拿雪糕（$88)
🍨又係我嘅大愛拿破崙，真係超酥脆，加上芒果，好清香，唔會膩
😁彤樂評分：9/10 
5. 意大利蛋提拉米蘇配雲呢拿雪糕（$98)
食得好驚喜，有好香濃嘅蛋味，不過一個人真係食唔晒
😅彤樂評分：8/10 6.香濃黑芝麻奶昔（$48)🍼如果想飲杯野，黑芝麻奶昔絕對係唔錯嘅選擇，黑芝麻香滑又濃郁！
彤樂評分：8.5/10

今日難得來到新蒲崗 用OpenRice 找新餐廳試圖片跟評論都不錯就進來店內裝潢不錯 環境清潔 坐位舒適 雖然地方不大但相對闊落 menus 中文 英文加圖片很細心服務員還好 上菜速度也快 重點來了 黑松露牛肉漢堡配薯條 外觀上不吸引 主要原因是漢堡包沒有烤過 一看就知是那家買的菠蘿沒有把罐頭糖水沒乾 也沒有輕煎一下 罐頭糖水味把整個牛肉的味道吃掉 單吃牛肉還是能吃出松露味 肉質不乾不柴但也沒有肉汁 薯條放的鹽比較多 可以蓋過薯條的雪味但還是能吃出品質不好all days breakfast 滑蛋算不錯 很滑但沒有蛋香味 法包沒香味 香腸還用藍白包裝袋的（暈比廚師雞肉腸還差的）煙肉也差不多 完全不能吃番茄用蒸的 沒有煎沒有焗 炒菇沒有牛油沒有欖油 不知用什麼炒中間的沙律還有幾條頭髮 本人進來主要還是甜品 主菜再差還是給點幾會吧 加上網上評論不錯 Tiramisu 外觀上跟圖片的差不多 但用那些cooking chocolate 伴碟是什麼鬼 真心第一次見雪糕很普通 tiramisu 質感過實 沒有咖啡香也沒有酒香味 完全唔係tiramisu味度還有那個芒果那破倫 （以生氣中沒拍照）芒果

睇介紹嚟試下，見到消費較高，不過一場嚟到，決定一試。食完後覺得：好彩有食龍蝦包：包脆涵滿，口感平衡，薯條夠脆，配松露醬，無敵。意粉：開頭擔心蟶子有沙，不過老闆介紹，一試難忘。蟶子一食已經知係新鮮嘅，一粒沙都無，證明工夫做足;平時食卡邦尼會覺得好重味，呢個汁就剛好，有少少辣，更令人追住食^^飲埋咖啡同 菠蘿soda，已經覺得完美PS 蝕咗，食完先知原來甜品有米Chi lin 水平，下次一定要食埋呢個價錢，無論食物同服務水平，無可能唔返轉頭

由大廚响大坑舖時跟到佢嚟新蒲崗，有咩吸引到我同老公山長水遠由香港走出九龍食餐飯？無他的！因為衰鬼真係整得好鬼好食！好食到一個點係，唔食一排就會掛住佢嘅味道！真係撞鬼！新蒲崗舖未落過，今晚就同老公拍拖嚟食！撇低咗响大坑舖時食咗第一次已經日講夜講話好掛住個龍蝦包嘅阿仔！就講下大坑店時已經大賣嘅龍蝦仔牛角包配薯條黑松露醬先啦！已經分唔清尼味嘢嘅賣點究竟係龍蝦還是個包定還是係薯條抑或是個黑松露醬！媽我真係好亂！龍蝦仔咪以為係出面食一陣雪味果啲！佢係新鮮無比！混埋大廚精心調配嘅醬汁，連埋鬆脆嘅牛角包！真係一試難忘！尼味係我每次必食嘅！咪睇少伴碟嘅薯條配黑松露醬呀！薯條係我愛嘅粗薯，炸到剛剛好！每一條點大大pat香噴噴嘅黑松露醬！至高享受！另一味至愛——法式鴨髀伴日本太陽蛋多士！令我日思夜想嘅鴨髀今晚再同佢相遇，果然無令我失望！鴨髀一啲都唔油膩，肉質仲要係超軟淋，但個皮又脆脆的，口感豐富又勁香口！然後一口啜埋個日本太陽蛋蛋黃！Wow！不要問，只要食！今晚仲試咗新嘢——酥炸軟殻蟹配黑松露醬！軟殻蟹大大隻，份量一啲都唔少，炸得恰到好處！我同老公你一舊我一舊，秒殺咗佢！到甜品時間啦！今晚老公食64%朱古

之前上 OpenRice 睇過食評， 大部份人都讚賞甜品超水準， 所以， 我同老公就在情人節當晚黎試下新野. 當晚我們未夠 7 點到達， 雖地方不大， 但感覺環境舒服， 而我們很快就 order 左食物先點左蘋果梳打黑松露忌廉湯， 質感十分之厚身， 好重松露味道酥炸軟殼蟹配黑松露醬, 我十分之 like 呢個小食， 十分之脆同入味， 喜歡食炸野的朋友，這個必叫， 一定要食。 值得一試!!龍蝦牛角包配薯條， 牛角包烘到脆身，龍蝦肉直頭每啖都有, 勁多料，超好味！❤️❤️🤤 食完呢個已經有 d 飽!!!白汁帶子意粉， 好重忌廉味， 意粉軟硬道適中，帶子都好美味!朱古力心太軟配雲呢拿雪糕, 心太軟是我必選的甜品，只睇賣相已值回票價. 上到枱個心太軟仍然暖笠笠，我就趕快切開佢，睇下佢有幾流心啦😂結果一切，朱古力醬就流哂出離，流心程度十足呀!!! 個人覺得冇流心的話， 就唔係叫心太軟， 所以十分期待😎 而食落口朱古力醬既朱古力味夠哂濃，甜度適中🤓至於個雲呢拿雪糕就係自家製，有少少似雪芭口感. 其他裝飾都可以食呀⋯⋯意大利提拉米蘇配雲呢拿雪糕, 甜品既賣相已經加左唔少分😂上面係雲呢拿雪糕，同樣都係自家

My friends and I were not finished our conversation at the dinner place, so we decided to switch to another restaurant.The place here has a pretty good decorating, we felt comfortable chilling so as to finish our conversation. We have ordered some drinks and desserts that we were interested in.I ordered a Caffe Mocha, it's taste good with no doubts.The Chief would come out of the kitchen and communicate with customers like us, asking or preferences and giving recommendations.The egg pudding has

又返嚟食啦～咁岩係鑽石山做野，咁近新蒲崗！點可以唔嚟食呢～～上次嚟門口格離封咗板～原來已經整返好～ 今次一嚟除咗想食返好香蛋味嘅tiramisu 仲有以前係大坑食過嘅龍蝦牛角包都返咗嚟！大廚話以前勁受歡迎，決定係LeSucre重新推出～～認真唔講微！兩個女仔食係岩岩好再食到個甜品～勁足料，牛角包烘到脆身，龍蝦肉直頭每啖都有❤️❤️🤤我的最愛～～～食過返尋味嘅意大利蛋芝士餅～～無食一排水準依然keep住高質！下午茶時間無咁多人～傾多陣計都Okay~~~

最近愛上了吃甜品！因為身邊多了個愛吃甜點的傢伙🤣我們經常經過這家甜品，它裝修比起一般的甜品店較舒適恬靜點，適合坐下聊心，坐下享受一下鬧市中的一點寧靜。除了甜品，也有西式麵與法包，可以讓你埋飽肚子。它的甜品出色在即叫即整，很有口感！價格比一般是會貴了，不過你值得嘗試！ 這裡可以說是享受甜品的一個地方👍🏿今天我們看中了這個曲奇窩夫配雪糕如圖示 一盤都可以吃進肚子裡，包括那蝴蝶哦🤤窩夫熱氣逼人，入口外脆內軟的口感一流！曲奇配忌廉雪糕一齊 ,或配窩夫都是令人齒甲流香。