Le Cafe (香港諾富特世紀酒店)

营业中

休息中

疫情之下好多地方縮短營業時間呢間餐廳竟然下午沒有落場仲有嘢食而且仲要冇人係咁嘅情況之下急急腳衝左去效果唔係太理想，又未去到好差先講衛生:冇嘢可以投訴，見到有工作人員不停地用布清潔食嘢方便：可能因為冇人需要時候製造等待時候唔算太耐，唔係平時嗰隻速度食物質素：非常一般叫牛扒叫5成，出嚟嘅效果係三至四成佢哋返局嘅飛機餐麵包幾好洋蔥湯就偏鹹印尼炒飯似微波餐總括來講抱住食快餐嘅心態完全冇問題如果要求酒店嘅standard就唔好去啦希望佢疫情之後水準得到改善

唔知大家食buffet係concern「質素」定「質量」？作為一個有要求嘅人我兩樣都要食物種類係多但質素平平連佢標榜嘅生蠔都…可能因為價格較低唔洗400蚊位所致依然有幾樣嘢想推介*紅菜頭沙律*好香好夠味芝士切得好大粒*Pizza*超辣辣辣現場即製即焗小心俾人搶曬*自製pancake機*等候時間有啲耐同媽多小朋友圍住部機但真係好新鮮配雪糕一流*雪糕*全部採用M牌味道已經有4款朱古力，雲呢拿，士多啤梨同楓糖味魚生大家唔好expect啲咩唔會好鮮甜肉質都唔會好好志在飽肚循例都要share下伏位*碗碟*真係洗得唔太乾淨攞嘢食之前要小心*生蠔*佢地賣廣告嘅時候好吸引架點知食落…真係太太太細隻得條皮同夾極都夾唔起太細隻，點解可以細成咁架?*士多啤梨蛋糕*睇落真係好靚可惜食落假甜無生果嘅清香講款式講量呢度真係好多嘅但食唔食得中好味嘅嘢食真係睇您彩數啦

🏨Novotel Century Hong Kong又食又拎😋兩餐Buffet🦪今日會講下個自助早餐有幾正💕無錯！一起身第2日就要連食早及午2個 Buffet😝真係飽到上頂！早餐都係果啲啦⋯有Cold cut、egg & 粉麵station 、中式粥粉麵飯、西式早餐咩都有得食！生果同自製熱香餅！仲有好多野飲揀！最正、神奇地有益力多🍼而Lunch Buffet就有即開生蠔🦪同movenpick🍨又食又拎😋兩餐Buffet🦪 + DonKi Coupon都真係好抵啊🙌🏻

午餐自助餐抵食, 如果你鍾意食生蠔嘅呢度都算唔錯，不過今日啲生蠔就瘦咗啲， 之前見網上評論話有好多 蠔殼 碎，我自己冇食， 朋友食又唔見佢有投訴， 今日有栗子雞同埋炒牛兩樣都好 惹味， 上次呢啲薄餅好好食，今次就差少少。 中湯好味過西湯， 西湯好似白色嘅粉水一樣兼且唔係好夠熱。 侍應服務一流， 原則上你隻碟放咗喺枱面好快就會有人過嚟 幫你 收。 如果食一個鐘可以less45% 食到尾都有七折. 二百幾蚊非常抵食,整 體我都好 滿意。 應該會有第三第四次

有同事推介呢一間餐廳，所以就嚟試一試。 自助午餐可以由中午十二時食到兩點半。冷盤方面有生蠔，凍蝦，青口， 翡翠螺。 生蠔屬於中size但偏瘦， 食落有海水味又吾腥，凍蝦口感爽滑。餐湯有中西兩款餐湯，但味道都係麻麻地。燒牛肉就近乎係全熟，第一次喺自助餐食到咁熟嘅燒牛肉，口感就一定係韌。熟食方面， 辣茄汁羊肉丸，酸酸辣辣，羊肉丸又唔蘇，值得一試。 甜品選擇偏少，味道又一般。由於價錢都算平，想食簡單的自助餐都可以一試。

我比較喜歡中午buffet，可以全日只食一餐，價錢又平d今次張枱個位置幾好，窗口＋旁邊位食物款式其實不算多，不過有生豪，朋友說這裡生豪幾好味又唔駛排隊，不過我唔鐘意食生豪，所以就唔知了。我拿了兩次三文魚，師傅給了我很多，而且是腩位，所以我覺得很好味，而且都好新鮮又夠厚牛肉就太過熟，口感差d，唔知係咪甘岩燒得太熟呢，d豬肉好好味，又淋又半肥瘦，如果唔怕食肥膏的話甜品蛋糕以朱古力為主，味道夠濃，喜歡朱古力的就會喜歡，我就比較喜歡杯裝甜品，有些生果，有些慕絲，而且有些裝飾雪糕方面就有四款Movenpick選擇。

食過一次又要黎食因為呢個自助餐真係幾抵食 值得介紹一下重點係有主角生蠔 仲要任食如果係蠔控 黎食返佢一兩打 即刻回本值得一讚係職員收碟好快 唔會成枱係碟生蠔雖然係任食 但係都會按人頭比嘅一人一round大約比兩隻左右要食多啲就要勤力少少走多兩轉生蠔係中size 食落爽口有海水味 幾正魚生刺身凍盤食自助餐必定掃埋魚生刺身估唔到除左例牌有嘅三文魚外仲有呑拿魚赤身 牡丹蝦全部都幾新鮮 放心食另外凍盤有白灼蝦 青口同翡翠螺新鮮鮮甜 非常搶手黎到拎已經無左一半 好彩refill算快值得介紹嘅仲有清蒸魚同避風塘炒蝦有酒樓水準 絕對唔hea另一邊有燒牛扒同串燒檔必食嘅係雞軟骨串 好香口甜品方面 有movenpick 雪糕 非常軟滑

偷得浮生半日閑,閑日嚟呢度食, 十二點 食到兩點半就七折十二點至一點就有 5.5 折扣 唔駛三百蚊,如果鍾意食蠔嘅, 絕對係最佳選擇所有生蠔都係即開的雖然就瘦啲 但係望落去就 好新鮮,我自己就唔鍾意食,不過 屋企人 很喜歡, 總共 吃了 24隻. 其他食物中規中矩, 西湯認真麻麻地 中湯 質素 尚可, 壽司都唔錯不過舊飯好大, 不能吃得太多. 我自己最鍾意食清湯牛腩裏面啲蘿蔔, 拉麵都幾好食

好耐無食自助餐啦!今晚黎到Le Café，用openrice 訂位仲有折添,折左之後價錢好抵食! 值得推介!海鮮冷盤、生蠔、刺身應有盡有，淨係食呢幾樣嘢已經回到本。甜品區方面都有好多唔同款式選擇，所以我覺得女士食嘅話就最適合不過啦！熱葷個人比較少食,不過見到佢哋賣相都唔錯！始終食自助餐都比較少人食熱葷，個胃有位嘅都食多兩隻生蠔啦。❤️❤️❤️甜品方面就一定要食佢哋嘅movenpick雪糕任食,全部味試晒都得😋😋😋

做緊日嚐料理主題。食自助晚餐。今次個主題冇龍蝦，冇長腳蟹，冇鵝肝. 但係有生蠔。每人每次可以攞兩隻。首先講咗凍海鮮。佢有蝦，蜆，青口，螺，同埋蟹。不過唔係長腳蟹。其實我對凍海鮮冇咩興趣。平時只會食長腳蟹或者龍蝦。所以冇食到以上嘅海鮮。佢哋有生蠔，我攞咗四隻。非常之瘦同埋細。味道唔新鮮。有一隻有腥味地添。四隻裏面，只係得一隻可以接受。所以之後都冇再去拎生蠔啦。覺得好嘅機會率太低。雖然係咁，我覺得其他食物都唔錯。佢有和牛壽司。燒和牛肉。牛柳。串燒。佢哋啲天婦羅炸得好好味。仲有一盤壽司。有一般日式嘅小食。例如墨魚波波，大阪燒，叉燒⋯好鍾意食佢哋嘅蝦天婦羅。有刺身有三文魚，吞拿魚，帶子，同埋蝦。全部都唔錯。好鍾意食帶子同埋蝦。佢哋啲甜品蛋糕做得好靚。有細細件，亦都有一個大餅可以自己切。芝士蛋糕唔錯，不過芝士味可以再濃啲。抹茶豆腐配紅豆都好好味。有一啲日式嘅甜品都好好味。其實$426一個人，我覺得已經好好。咁嘅價錢唔可以同貴價自助餐比。食物種類未必有咁多，但係你比多50款食物我，我都食唔到㗎啦。所以冇投訴。服務員非常之友善，清理枱可以話係光速。基本上佢就係等我食埋碟上最後一件食物就會馬上收走我隻

國慶最後一日假期，去左灣仔 Novotel Century 既Le Cafe食自助晚餐，餐廳位於酒店嘅一樓。佢地唔大，野食都唔特別多，最勁有蠔、有蝦、有蟹， 原價 $598 扣左like 社交平台折扣，人均 NET $448.5，呢個價錢真係貴，去其地方食性價比更高。大家可以睇吓以下既相，佢哋有咩食：😅甜品、生果就有呢d，沒有特別驚艷。甜品有Movenpick Ice Cream 食物嘅質素呢就正常啦，都係果句，成$450一個人，可以食更好的。😆😆

📍Le Café 生蠔海鮮自助午餐話說參加左酒店Staycation「心悅有賞」套票包左自助午餐😛最開心係Lunch Buffet就有即開生蠔🦪同movenpick🍨好抵啊🙌🏻都有好多吾同的熱食、魚生款式同cold cut俾大家揀！包保食飽飽！ 當然味道同食物質素只能叫正正常常😋聽講平時呢度價錢都好抵！以呢個價錢食到lunch buffet 仲有即開生蠔同movenpick 俾大家食算係不錯了！性價比都叫高的😂都好推薦大家約埋一家大細來食😝

同老友傾心事❤️ 最好就係去食Buffet🥰第一次食Novotel buffet，估唔到好驚喜😋Book咗7點半，早左小小都已經爆場，咁受歡迎👏🏻，未食已經覺得有信心保證‼️未坐低已經見到廚師不停手開生蠔🦪！生蠔簡直是我杯茶，放低手袋👜即刻出去拎返兩隻先，為保品質，酒店規定每次兩隻，好彩都唔洗點排隊，我今餐食足半打先夠喉🤫食完生蠔順手點埋sashimi先，即點即切，夠哂新鮮，師父仲相當大方，片片厚切，滿足哂我的需要，加埋個炸大蝦蝦頭，脆卜卜好好味👍🏻 然後所有海鮮🦞我都一一KO🤪 鮮味無比啊～食夠生野要食熟野嘞😄 熱盤選擇繁多，有咖喱、牛肉、辣酒煮花螺、炒粉麵飯，仲有天婦羅、蒸蛋、連日式和牛火鍋和關東煮都有！講到和牛，不得不提那和牛壽司，真係超正！入口即溶，真係幾飽都唔可以錯過！飽未？飽就開動第二個胃👉🏻甜品，個宇治抹茶豆腐花真係無得輸，再加埋個movenpick雪糕，不得了😚 然後仲有好多不同蛋糕🍰/朱古力批等等，有兩個胃的朋友，性價比高都超標呀！最後明明食唔落，都要隊埋D新鮮生果，幫助消化都要啦！環境靚食物超級滿足的閨蜜之夜，美食當前，有咩心事都一掃而空啦！

如果你係生蠔同movenpick雪糕fans，咁就一定要去Novotel buffet, 因為呢度嘅movenpick雪糕係任食嘅,同埋生蠔都係即開任食而且唔使排隊。真係慳返唔少時間！因為食自助餐時間就是金錢😂另外都有其他凍海鮮畀客人選擇,refill程度都非常之快,而且海鮮肉質都唔差,淨係食呢幾樣嘢已經值回票價啦!其他熱葷就一般般,不過講真去食自助餐對熱葷嘅期望亦都唔會太高。食一碟已經好夠,始終個胃quota有限,當然食返啲貴價食物咁就最有value

開咗學半個月，終於有時間唞吓氣，約咗老友出去食自助餐！我哋7:00左右去到，全場滿座！好在一早訂咗位！放低手袋就即刻行出去睇吓有咩食，食物都幾豐富喎～ 一開波梗係要先食生蠔啦😬😬😬 每次兩隻，大致上都唔使排隊！生蠔旁邊係魚生，即叫即切，夠晒新鮮！大蝦蝦頭炸好咗，脆卜卜👍🏻凍海鮮就有蝦、螺同埋青口。之後就食燒牛肉，佢燒得比較熟，肉質比較結實。熱盤都有好多選擇，咖喱、牛肉、辣酒煮花螺、炒粉麵飯、即煮拉麵等等，梗有一款啱你心水。如果想健康啲，呢度亦都有好多沙律嘅選擇，不過我哋兩個都係食肉獸😂😂😂好快就進入甜品環節，必食嘅甜品有豆腐花、雪糕同埋朱古力批。其實佢呢度好多款甜品，好多賣相都唔錯，不過太飽啦～ 只能夠揀幾款😂 最後飲杯咖啡，食埋生果，真係飽到上心口！