影片
第一次饮天水围 LC Tea，拣咗梅香芭乐乌龙（大杯，$32）少甜少冰。新鲜芭乐打成碎，饮落有粒粒同椰果粒，好有口感，乌龙茶味淡淡渗出，夏天咁热饮，好清新解渴。本身饮品唔算甜，少甜会淡味啲，第一次饮，可以选择正常甜度。屋企人饮超级水果茶（大杯，$36），桃香乌龙茶底，水果新鲜好味，茶味够，好少铺头可以有呢款桃香乌龙茶拣，比较特别。富士苹果茉莉（大杯$32），正常甜，味道比较清甜，苹果味清新，甜度刚好，唔需要少甜。
继续阅读
今日天气热又晒，行开新北江商场，扶手电梯一上到去转弯就见到呢间新开嘅小店，一心谂住试吓究竟好唔好饮呢杯芝士奶盖宇治抹茶价值$42✨叫咗少冰CP值真系低，唯一OK嘅系佢个芝士奶盖，都几香几浓芝士味而佢个抹茶…其实饮饮下有啲嬲，真系好似饮紧水咁，已经叫咗小冰都可以淡茂茂平时唔系太难饮我都唔会点弹，但呢个真系唔得会唔会系店员加得太多水… 想像唔到如果唔少冰会点🥹新开张都唔系呢几日，可以改良下冲茶嘅技巧，抹茶乜嘢茶都好起码都要俾人饮到有茶味，冇茶味嘅我不如饮水
继续阅读