影片
朋友介绍话呢间好好味，咁我就试吓啦，佢话遇到戴眼镜嘅男店员会好味啲。我同店员讲，自己冇食过呢间，有冇乜嘢推介，点知个店员答我冇…咁我就是但叫一个啦。落完单之后，店员会即刻煮，所以都系热辣辣嘅。返到屋企打开个盒，有少少吓亲，因为真系好少虾仁，买相睇落去有啲寡。但系蒜蓉味同辣味都好够，所以啲扁意粉食落去都几惹味。份量嘅话，男人可能唔够食。如果钟意食意粉嘅话，试吓呢间都冇妨，因为呢度附近好似都冇乜西式意粉食。
继续阅读
lazy pasta真系冇改错名我去落单点阵就冇咩事，餐牌话冇天使面，我本身都系想食青酱鸡肉意粉到我太太落单果阵，佢叫咗麻辣鸡煲阔条面“唔该要麻辣鸡-”“冇鸡”佢等咗几秒谂住可能店长会提议下其他肉，但系佢咩都冇讲，连望都冇望我太太“咁可唔可以要虾？”“得”“要阔条-”“冇阔条面”“咁有咩拣？”“得意粉”“哦，咁意粉啰”由落单去到收钱，佢系完全0眼神接触，好似我哋落单系得罪咗佢。不过唔紧要，香港大把食肆都系咁，嘢食好食咪当收货。但系边有喺太安楼咁多人去食宵夜嘅地方8点已经咩料都冇？ok, 佢整好咗我哋攞返屋企食。真系好笑，我要意粉佢就俾咗阔条面，啲面仲要煮到劲淋，青酱仲要冇乜味唔知系咪沟过生粉水定点，鸡又真系得几粒。麻辣果个除咗麻辣之外都冇乜其他味。咁讲真50几蚊嘅意粉我都唔会有咩大期望，但系都唔会去到一间外卖店连单都落错，咁嘅味度质素，只可以话食得饱。咁lazy不如让返个舖位俾其他会俾心机嘅舖去做。食果阵冇心机影相，当我lazy啦
继续阅读
新鲜即煮好味意粉，大大盒，味道比想像中好，卡邦尼汁浓浓，热辣辣，仲有必备蛋汁。青酱意粉有惊喜，叫左2盒，两样都比想像中好味我同我老公2个人食，食唔晒。下次都会要黎帮衬！
继续阅读
同事买外卖叫左一个卡邦尼寛意粉一个蕃茄忌廉海鲜意粉结果两个粉调转左 🤦🏻♀️🤦🏻♀️咁都算啦 小问题黎点知一打开盒见到一旧旧蛋碎都唔系好开胃一d都唔creamy 味道亦好淡意粉系即叫即炒预左系烚定哂意粉再炒可惜意粉烚过左火 口感太淋 麻麻地买个叮叮意粉都好食过佢 至于个蕃茄忌廉海鲜意粉同事都系觉得味道太淡而且唔够汁整体黎讲又系麻麻地不过同事话店员非常热诚有礼貌去叫外卖话转头拎店员好好提佢慢慢唔洗急 希望味道上可以改善下有机会会再试下既
继续阅读