Lamlam脷 (已搬遷) 新店位置

話說呢間鋪有一輪係超火熱🔥既！佢由網店做到變實體店！實係非常勵害👍🏻👍🏻👍🏻👍🏻👍🏻我呢d唔想排隊等餐死既人，當然係等熱潮過左先去架啦～～～地點有小小難搵（唔熟太子既朋友仔會仲難搵！）佢地有分普通千層蛋糕🍰同流心千層蛋糕🍰今次就點都要試下佢地既成名佢：流心千層蛋糕啦！🍰 📌📌每人好似限購2件～～而流心既呢就只得朱古力🍫味同抹茶🍵口味而我今次就各揀左一件喇~*以下既食評係經我放左係屋企雪櫃之後拎番出黎既感覺（即日食的，雪了大慨2小時）🍫🍰: 好香濃既朱古力味，而且唔太甜！食得多都唔會覺得死甜得好緊要🤣🤣🤣流心感覺幾特別！但太小流心位😭😭😭😭😭佢既質地真係唔夠laxxm細滑，始終小店...做到咁已經好好👍🏻👍🏻🍰🍵🍰： 好甘香好濃既日本抹茶味，唔係用普通抹茶粉hea你既感覺！ 食完個口腔仲會有餘韻的～呢個既cream反而做得比朱古力味嗰件細滑！ 比較驚喜😋😋😋有機會想試下堂食，睇下個感覺會唔會唔同😊😊😊

支持小店，好欣賞店主的用心製作。今日未開門就來排隊，已經排長龍，好彩唔使半個鐘就到我地，但是半個鐘已經由7款 賣淨3款 🤣🤣高質素 千層蛋糕🍰👍🏻👍🏻👍🏻佢一cut落去唔會散，出面有啲食過唔得，一cut 散晒，完全咬落冇口感！呢個真係可以一切就咁多層一齊！甜度適中，香濃忌廉加上一層層薄薄既蛋皮，雖然食材簡簡單單，但就係喜歡佢呢種無花巧而食到食物本身既美味。Cream同皮嘅比例啱啱好一比一，唔會話cream特別厚，而且一件cake嘅size都幾大，完全唔膩口，一個人食一件係絕對無難道。仲有價錢平，平lady m一半啊！

同事是這個餅店的常客。IG超紅的店，開到去實體店，更方便了。聽同事說訂單一般都排到幾個月後。所以同事吃完一個就會訂下一個一直痴食，都痴左好多隻味。流心抹茶流心朱古力earl grey今次係tiramisu千層蛋糕面鋪滿朱古力粉一層層pancake夾住mascarpone cheese仲有浸左咖啡酒既手指餅（雖然浸得不夠濕潤均勻）好味！好邪惡！食完成咀污糟貓。唔通係髒髒蛋糕？有個定期餵食既同事真係好幸福。

森仔家姐平日對森仔太好。所以我決定買個芒果流心千層蛋糕，哄下家姐。e間店細細的，但很出名。所以，森仔特登去到太子買反家同家人食。e個芒果流心千層蛋糕，真係不得了。入面有新鮮既芒果感覺真係好正，而且係超香甜。可能夏天是芒果季節，所以芒果不但止好甜，仲有一種好清新的感覺。配合理d cream一層又一層的，口感層次分明。同時每一啖也吃到芒果，真係正正子！而中間的流心芒果亦好澎湃， 慢慢流來的，爽到不行。最重要既佢，唔算好甜，連我不愛食甜品的也覺得好好食，食左1/4個🙈🙈而新鮮既芒果亦降低cream給人的飽滯感覺。正！整體而言，芒果千層流心蛋糕比其他坊間既芒果千層蛋糕好食，且流心e個帶來很多驚喜！連不愛甜點的森仔也讚好，可想像幾正！森仔好期待之後有更多不同生果口味的千層蛋糕🤤

今日去開太子，就諗住早啲到，去lamlam脷試下個係ins好出名既抹茶流心蛋糕。我地行左大約10分鐘就到，去到大約12:35到，舖頭出面已經有十幾個人排緊隊。lamlam脷好準時，一到一點就開門有得入。舖頭入面地方唔大，有四個位可以畀人坐，如果想堂食既朋友可能要早啲到啦。抹茶流心同朱古力係呢度既招牌。叫左伯爵茶同埋抹茶流心，一個$32。抹茶流心千層: 流心主要集中係前半部分，抹茶味好濃郁，抹茶粉帶甘苦，好好食，性價比高。伯爵茶: 伯爵茶味濃，唔會好甜。 P.S. 伯爵茶十分受歡迎，係開門10分鐘已經售罄。比起伯爵茶，我更喜愛抹茶流心。係ins上面可以睇到黎緊第二日有咩口味同賣曬都會有更新。除左切件外，佢仲有個裝蛋糕可以預訂，不過已經排去到11月。

今日剛經過傳聞中叱吒IG界的Lamlamli試下佢哋出名嘅千層蛋糕啦。 真係好誇張每日每人只限可買兩件， 未開門都已經有粉絲排隊， 而且開門後不到十五分鐘至半小時內已經售罄， 仲犀利過某某大型千層蛋糕店。 當我去到的時候幸好人流已退，還以為沒機會買到，點知仲剩餘兩種口味，最後一件美祿千層蛋糕都畀我買到， 另一件是焦糖牛乳千層蛋糕。 美祿千層蛋糕感覺一般， 反而焦糖牛乳千層蛋糕有驚喜， 忌廉打得好滑牛油味好出， 有輕微嘅焦糖味唔會覺得太甜，又真係幾好味喎

OH YEAH OH YEAH～～ 吃到喇耶～OH YEAH OH YEAH～～原本上星期嘅三人小聚係食呢間千層蛋糕...可惜朋友下晝三點幾去到已經 賣！清！光！非常沮喪無計啦...搵日晨吉咁早拉多個朋友出去買！舖頭開1pm，未開門已見一堆人排隊...好彩早到啫～店舖限定每人只可買2件cake...一係搵FD一齊去，要不就再重新排隊...事前做定功課，鎖定要邊幾隻口味，但大前提係入到cake shop仲有貨...因為佢哋星期一至五只賣50件蛋糕，而週末就賣100件...真係手快有手慢無。另外，店舖門口有一級，店內亦唔大... 輪椅朋友入唔到呢，所以請店員幫忙吧～今次買咗:抹茶流心千層：食得出用料唔差，抹茶味好濃郁，有回甘記住苦味 & 回甘 係兩回事...苦味會令人皺眉，而回甘令人一口接一口咁食朱古力流心千層：食店用咗valrhona...見到呢個牌子就知朱古力質素唔會差得去邊...尤其食到流心醬果部分，幸福指數大飊升！濃濃朱古力味又不太甜伯爵茶千層：由第一啖至到最尾一啖都係香濃嘅伯爵茶味道唔假又無精味...大愛！伯爵茶狂熱fans必試！百香果芝士千層：千祈唔好比平平無奇嘅外表就以為味道

今天剛吃完午飯，路過見到好多人排隊。雖然我巳吃飽，但上網一查知道呢間千層蛋糕好有人氣，當然我又去排下隊啦😬。可惜，伯爵茶千層蛋糕和檸檬芝士千層蛋糕已經賣完。唯有點了一件百香果千層蛋糕。百香果比較淡，芝士味重，但意外地吃到千層蛋香味🤩！整體而言，千層軟滑濃香，不錯。下次有機會，我會試下伯爵茶千層蛋糕🍰😋

一次網上胡亂搜尋時留意到有網友介紹這間人氣小店，除說好食弘，如要訂一個也很不容易排隊也得排上半年，因賣餅與整餅的是同一人，看罷心癢癢試下訂，並不是我十分愛吃，只是純粹因為好奇，果然不虛傳，我11月中訂，要家陣個蛋糕終於到手返到屋企梗係拿拿臨品嚐，然後寫返低個感覺先包裝簡約，可算是無任何花巧或特別，送禮會普通了一點，不是說簡約不好，只是色調及盒子外觀似乎無特別，不什凸出，故就算朋友收到也難有深刻印象。外觀外觀不錯，切開後會看到分明且平均的層次，這可是很巧手功的，易切，不會黐刀，共切到8小件 味道我選的是伯爵茶味，茶味濃，餅皮簿簿(只嫌蛋香不足)，cream切每層簿簿，不膩且茶味夠濃，在口腔內會留下陣陣茶香除等得耐，蛋糕還是很有驚喜的，因與外間鋪頭賣的價錢算便宜(伯爵茶味6吋$160),因個人覺得個餅皮同cream的成本其實好鬼低，但花的是心機與手藝，大鋪賣的樣醜無味的也不便宜，與這個完全無得比，值得推介，但攞餅時住得遠者記得算備乾冷，因店內並無提供，雖說半小時至9個字內回到家裡即食或放雪櫃便無問題，但大熱天時咁樣拎返去，15分鐘返到都死，一定走樣

終於食到呢間💁🏻‍♀️講左好耐又就左好耐終於食到啦🤗😭由網上經營lamlamli_bakery一直人氣高企到而家開左地舖,真係睇住佢愈做愈大，好評如潮😍✨我相信ιg界好多人都會羨慕呢個後生既老闆🙆🏻‍♀️🙆🏻‍♀️咁多人讚嘅千層蛋糕係咪真係咁好味？我可以同你地分享下啦😎.去到店外大約2:00,都有幾個人排我前面,一條人龍都ғυll了，因為小店都唔算大,但都有幾個堂食 既位！我買完就揀左堂食！但好多個都外賣👅一人做餅真係見唔易既事！每日數量不限同款式都唔同！堅持兩個字好重要當日同朋友購買了三件抹茶流心、朱古力流心、伯爵茶✨✨$32/ 件切件蛋糕約＄32至＄35一件其實真係相當抵食啊我覺得.千層蛋糕對比lady м 較細！獨食兩件其實都可以😂😂💁🏻‍♀️伯爵茶千層蛋糕(HKD32/件)有茶片淡淡嘅酸味老闆話伯爵茶濃到一個味先有呢個效果㗎！整體清清地但Earl Grey味好出眾！真心講茶味比起Lady M更濃好好食！ 好食過流心雖然流心都好食😂😂😂💁🏻‍♀️朱古力流心千層蛋糕(HKD32/件)可能對佢期望最高但反而3件之中呢件最失色呀！味道不夠濃！但流心效果都足夠！好彩有層厚厚嘅朱古力粉調調味😌😌💁

食的味道不錯，可惜要訂成大半年先有。Cream 的味道如果再突出多少少就更加好。味道唔夠lady M 濃，價錢亦偏貴，亦沒有蠟燭 刀叉提供。另外，如果可以，應該加長營業時間更好。

之前唔記得係新假期定邊個飲食網站出咗個千層pancake既排名榜 而呢間LAMLAMLI就係第一位🤓Lady M先排第二咋😲IG d 人成日話開舖頭15分鐘後就賣晒千層pancake 所以我同男朋友今日一朝就出咗嚟太子排隊等開門😂😂😂鋪頭開1pm 我哋搭12:54pm左右嚟到 前面已經排咗22個人🙈🙈每人限買兩件pancake 幾驚我哋買唔到哦🙈🙈鋪頭都準時開門 好彩到我哋嘅時候仲有抹茶流心同新出嘅雲石千層pancake😭鋪面都設有四個座位 我哋就買咗嚟堂食😚兩件pancake嘅賣相都好靚😍😍仲好流心㗎😍 抹茶既味道偏苦澀 唔多帶甜 適合鍾意抹茶澀味嘅抹茶控☺️男朋友就唔多鍾意啦🙉 pancake大概有16至17層蛋皮🤔中間嘅cream份量都幾適當 不過就略嫌唔夠滑 放落口唔會有即化同即溶嘅感覺🤔用叉吉落去嘅時候好難吉得好完整好靚 所以share食嘅話都好易散開😪而雲石千層面頭係淋左棉花糖😍打咭一流🙊不過蛋皮同cream都係嗰個問題😪😪好懷疑究竟香港排名榜第一位係點得嚟嘅🤦‍♀️(我同男朋友都覺得Lady M好食好多囉🙇‍♀️🙇）件pancake為30幾蚊一件左右 厚度同size唔算好多 c

之前上網睇到有人話好食過lady m即刻想試不過真係好難買1點鐘開鋪 已經有7至8人排隊好彩最後有幸買到兩件試不過唔係自己鍾意既口味 都唔錯之後訂咗一整個蛋糕係香芋牛乳 好正 有一粒粒牛乳真材實料

終於食正LamLam脷嘅千層蛋糕喇!真係好薄皮，我覺得薄過Lady M囉，正抹茶千層蛋糕好足料，仲訓練埋你有幾Lady, 因為d抹茶粉勁多，大啖d都好易跌出嚟。同埋我鍾意佢有抹茶嘅苦味，唔會甜到膩死你

❤️Dessert Makes Everything Better❤️想試呢間專賣千層蛋糕既人氣小店好耐😻但總係的唔起心肝去排隊，男友知道後就自告奮勇幫我去排隊😽小店每日1點鐘開鋪，但係未開鋪已經有人龍，據聞多數開鋪後半小時至個多小時就會賣晒！男友話當日都見到有人插隊，希望大家去既時候自律，對其他排隊既顧客公平呀😽🔻抺茶流心千層蛋糕 ($32件)第一次食流心既千層蛋糕，睇到都已經流晒口水😻個Cream好滑，抺茶味亦比平時食開既濃郁好多，有回甘。但對於抺茶控既我黎講，再濃味d會更加岩我😸🔻伯爵茶千層蛋糕 ($32件)食完濃味既抺茶，食返個清清地既Earl Grey味即刻balance返！茶味比起Lady M更濃，加上Lady M唔再出伯爵茶😿大家絕對可以試呢個止癮🙌🏻由於今次我地隔左一段時間先食，建議大家買完蛋糕盡快食，或者雪凍再食，味道應該會更加好呀！呢間店既千層蛋糕係咪好食過Lady M就暫時仲有保留，但絕對性價比高！我決定下次親自去排隊，即買即食，試下味道係咪會更加好先😻下次目標係Tiramisu同埋焙茶😽⚠️以下提供「購買攻略」比新朋友😽☑️逢星期一休息☑️每人最多買兩件切餅☑️留意小店IG