LAB10 (已結業)

今日去旺角LANGHAM PLAZA 行街, 點知見到間新餐廳, 朋友都不約而同話不如試下~去到坐低，我地見到好多選揀，咩都想食。。。哈哈太耐冇食過燒肉了！我地一開始先點左特級薄切和牛肉眼～呢個和牛肉眼既雪花紋分佈平均，店員會幫我地燒埋，因為個火都幾大，同埋唔洗太熟，燒左AROUND 2MINS 已經可以食得~另外我地都點左個牛肩肉，牛肩肉都算厚身，放入爐燒一陣，再點上醬汁，牛肉味濃，又香口，食落唔錯！我地仲叫左韓國炒粉絲，好滑溜，食得好滋味 =]最後仲飲左個人蔘雞湯，好重人蔘味，幾補身咁。而我地仲叫左個RED HOT, 入面係APPLE/ STARWBERRY/ HONEY 既SMOOTHIE, 好健康清新 ~下次可以再食其他, 環境舒服, 食物質素都好OK!

今日黎朗豪坊食飯，發現呢間新開無而既韓國菜，野食方面主要係燒肉，但亦有其他熟食選擇。我地點左一份厚切牛舌，護心肉，豬頸肉同鰻魚炒飯。野食黎得超快，肉類分量都唔少，夠2-3人share~牛舌好厚切，而且爽口，點青檸汁好味~而豬頸肉同護心肉既質素都唔錯，護心肉好瘦，但食落都唔會好un~而豬頸肉就肥瘦適中，幾彈牙~最正係呢個鰻魚炒飯，鐵板上熱辣辣，炒飯底好香好夠鰻魚汁，入面都有幾多鰻魚粒，呢個飯真心推介! 而飲品有多款生果smoothies, 感覺健康！整體呢度野食都好唔錯，可以encore!

好耐無去朗豪坊, 原來10樓開了一間新的韓式餐廳。今日就和友人試下。可能新開的關係, 餐廳很乾淨企理。這間餐廳有韓燒食又有其他韓國菜式選擇。 來到一場, 當然要點韓燒來試試, 這裡的燒爐是無煙抽風式,覺得乾淨無煙味。 我們揀了牛肩肉$175牛肩肉有7片, 牛肩肉都算厚身。放入爐燒一陣, 馬上試下,點上醬汁, 好有牛味, 又幾好食。 柚子黑椒豬頸肉$98黑椒豬頸肉有十多塊。豬頸肉面鋪上小小的柚子。燒后的柚子黑椒豬頸肉, 點上醬汁, 十分惹味又有柚子香。 鰻魚鐵鍋炒飯$128鰻魚鐵鍋炒飯又係另一推介。店員端上來時, 提醒我們要把飯撈勻,以免飯在鍋底焦燶。鰻魚切成一粒粒, 夠肥美, 但略嫌鰻魚不夠多。不過鰻魚炒飯的確很美味。來餐廳,這個鰻魚飯是必食的。 脆香芝士炸雞$68 炸雞炸得香脆。點上芝士醬, 不俗。

今日想食韓國菜🇰🇷黎到朗豪坊搵到呢間新開嘅韓國餐廳😄呢到主打無煙韓燒🍢但是日喉嚨痛😷與韓燒無緣不過見到旁邊嘅客人燒🔥堅無煙出架咁就唔怕燒到成身臭啦😙好番下次黎試先無得食韓燒都唔緊要😄呢到有多款嘅熟食任你選擇🤗韓牛三重芝士薄餅🍕味道似食芝士漢堡包咁🍔不過變左pizzaPizza係薄果隻😎焗到微微脆用左3款芝士🧀更香濃鰻魚炒飯🍛用鰻魚燒汁炒😚濕濕地但炒到珍珠米粒粒分明🍚用鐵板上嘅關係🍳有少少飯焦😋好味

fusion  韓國菜@朗豪坊間餐廳喺角位，有啲似飲品店。原來係出面有得買嘢飲，入面係食韓國嘢，仲有燒肉𠻹 餐廳中央有棵樹，周圍都擺放咗好多綠色植物～ 座位之間隔開咗，傾偈都 free 啲。既然飲品都係 signature，就點咗杯 CoCo，主要有椰青水同西瓜汁，係用新鮮果汁調出嚟㗎。生韓牛伴雪梨牛油果嘅牛肉完全無血腥味，好滑好滑 平時生牛肉係配雪梨，拌埋牛油果原來都好夾，勁好食！特級薄切和牛肉眼嘅雪花紋分佈平均，左邊嗰塊脂肪係用嚟塗一層油喺個網先燒，店員話咁樣會易燒啲。佢好快手咁幫我哋燒肉，因為油脂豐富，個火都幾大，睇住佢整好精彩 塊和牛燒得好靚，可以點生蛋汁或者卷蔥，有幾個食法。生蛋汁仲有啲泡菜粒，好惹味～韓式豬大腸係我哋自己燒嘅，不過好易燒喎～ 啲豬大腸洗得好乾淨，預先已經腌好，辣辣哋有咬口。除咗 fusion 嘢同燒肉，都一樣有啲傳統嘢食。點咗個韓式石頭鍋飯，用個得意煎 pan 裝住，更加易拌～

行過朗豪坊，有間新韓燒，即刻去左試下間舖個樣都幾有型...銀色為主但舖頭中間有棵樹geee 好得意見到佢又有韓燒又有小食...忍唔住都叫晒韓燒我地叫左我護心同埋三色五花肉兩個都好唔錯牛護心牛味都濃，而且軟得黎都有d 咬口，唔會太肥👍豬配上唔同ge 醬...令到味道更好，同埋無咁油最欣賞係佢地個爐...超勁火，但一d 煙都無...抽風超勁...食完完全唔覺自己有油煙味丫！前菜叫左個生牛肉牛油果配雪梨汁呢個絕對係驚喜之作...唔太食生牛肉ge 我都覺得好好味...佢完全無牛ge 血腥味...加上梨汁ge清新，成件事好balance 👍呢間野都值得食下，比預期每樣野水準都唔錯

二人為左唔洗排隊去試呢間新野，門口見裝修唔差所以入左去，叫左五花腩、冷面、牛油粟米同2杯沙冰，首先講三色五花腩 130蚊，得9塊仔，短過我隻手指尾，無醃過，個面得幾粒黑椒，三色係2塊生菜加一粒車厘茄，有三個醬，無味既，仲要係燒完塊五花肉之後點個醬黎食，咁同平時煮熟塊肉之後點豉油食無分別。另外，牛油粟米 35蚊，黎到原來就係一條粟米切開四舊，再加兩粒仔牛油，四舊粟米加埋都仲細過部iPhone 6s，35蚊一人兩啖粟米。仲有冷面 75蚊，份量等於一個營多，史上最難食。最後沙冰 35蚊杯，menu每款有兩種生果， 實質係一炸冰水冰碎 架2隻糖漿成本都唔洗5蚊 真心思樂冰都好飲過佢 35$最小都放啲topping or 加埋啲果肉一齊blend. 講就smoothie 其實姐係碎冰糖水. 真心第一次忍5住打食評 從來未試過食完一間餐廳要再食另一間去填飽個肚.新開張都甘… 希望會有改進 打完醒起未講環境同服務 講返少少好嘢 一入去有個manager都係正常有禮 但坐底等左5分鐘都無比menu 要問成餐飯 嗰班waiter喺後面一直傾計同埋大嗌輪到衞生懷疑冇洗過個爐 仲要搵到條鐵線係個爐到.其他都

係朗豪坊的頂樓，開左幾間新野，望下依間鋪入面乾淨光猛，仲以為食西餐野，望多兩望發現係食燒肉，又幾特別,聽介紹主打都係韓國菜，韓式燒肉，但加入新式的風格，令我幾期待都要試d招牌菜，最穩陣，所以叫左牛肩肉，三色豬五花，鰻魚鐵鍋炒飯，生韓牛伴雪梨牛油果，仲有特色飲品，captain lab和goldcoast首先黎五花腩先，伴隨後有3隻醬，青檸醬清新的爽甜，菠蘿生薑醬甜甜地，生薑我個人覺得同五花腩最夾，之後就到食牛肩肉，嫩嫩的牛香，有海鹽，辣椒，仲有隻忘了，但3款配料配牛肉，都各有出色，真係有思考過的配合鰻魚鍋飯，都係有韓式的拌飯風味，每啖都食到鰻魚，驚唔飽，叫個好食的飯最穩陣，韓牛伴牛油果係今餐的主角，清新的牛油果食到韓牛本身的牛鮮味，加埋幾似忌廉的味道

上個月行過朗豪坊見到封咗版裝修準備轉成韓式餐廳都已經有啲期待今日行過原來已經開咗見到入面裝修相當有科技感入到去見到佢用啲Test tube做裝飾好靚好特別坐低個感覺真係好似以前返學做lab咁好懷念因為新餐廳所以我哋樣樣野都想試下前菜我哋揀咗生牛肉伴雪梨牛油果雪梨絲清甜配埋牛肉好搭牛肉同平時喺韓國食嘅有啲唔同顏色唔係血紅 食落唔會有血水味但係牛味一啲都冇減少呢個我哋超推介燒肉方面店員推介特級薄切和牛肉眼同埋秘製牛護心肉店員話佢哋都係用澳洲或者韓國牛肉所以肉質都係比較好薄切和牛需要好有技巧咁燒如果唔係就太熟浪費左舊肉就唔好所以會有專人幫我地燒一食落去有一種入口即溶嘅感覺護心肉牛味濃郁而且醃得相當入味真係冇推介錯最後主食我哋揀咗鰻魚鐵鍋炒飯同其他嘢一樣都係keep到水準因為佢上菜嘅時候係成個鐵鍋上仲係好熱 如果鍾意食飯焦嘅話可以等一陣先撈勻 咁會仲好食

Attracted by its trendy design and the great variety of food on the menu , we went into this newly opened Korean Cuisine & Bbq restaurant to have a try!! Waiter said it has just opened for 2 weeksWe ordered a little bit of bbq, and some other dishes! The beef sirloin and rib fingers was really good, especially the rib fingersthe kimchi tofu soup is good too, not too spicy! The bibimbab is very big portion with a very nice price!

朗豪坊新開左一間新派韓國料理，六點去到淨係得兩枱人。入到去坐低，明明冇得嗌lunch set ，waiter都比埋lunch menu 你，而且圍埋傾計唔理你。鵝肝炒飯，85分，份量少，炒飯底無特別，但勝在鵝肝多，有四舊。光剪得好肥美，好香，嗰醬甜甜地，入口即溶，正！人蔘雞湯，65分，淡而無味，無人蔘味，無雞味。湯底有幾粒米。雞好嫩但唔滑，好可惜尼個湯無味。卡邦尼年糕，90分，煙肉煎得好香又有肥有瘦，年糕有煎過先煮，特別正！可惜份量太少。2個人，唔夠飽。。。

朗豪坊最近好多新餐廳，呢間10樓嘅韓式餐廳取代左之前嘅日本野。裝修設計走簡約潔白風🖱，感覺型枱有格調，正正係潮流所趨。外面設有外賣飲品區，人流遠比店內用餐區多。當日大約8:45pm到達，食客不多。其實除左韓燒，仲有其他韓食。同一般韓燒好唔同，冇左平日傳統嘅抽風機，反而將個抽風機裝係燒爐到，所以成個格局同一般韓特店好唔同，冇理由唔試下啦~點餐冇耐先上韓燒嘅牛肉。牛肩肉（$175）Chuck Eye Roll牛肩肉一客7片🐂，採用左無煙抽風嘅韓燒爐，韓燒完都可以無一身油煙味啊😆👍🏻。講番牛肉，肉質柔軟有牛味，唔會切得太薄身，口感唔錯，點左甜味醬汁更好味😋。脆香芝士炸雞（$68）Crispy Deep Fried Chicken 韓炸雞真係同韓式冇關係🇰🇷，每件都細細嚿，肉質唔夠嫰滑，個醬又淡到冇乜作為，味道非常一般，不推薦。鰻魚鐵鍋炒飯（$128）Eel Fried Rice Bibimbap賣相普通，但味道又出奇地好👍🏻。鰻魚切粒， 肥美嫰滑🐟。飯以燒汁炒過，味道十分濃郁，的確頗為美味。飯量不少🍚，不過食落較濕💦，與平日的炒飯口感分別頗大，感覺更像燴飯🤭。須要改善之處是鐵鍋底油量頗多，油

朗豪坊10/F開左間新韓西Fusion餐廳，父親節又冇book枱，睇完戲見呢度暫時唔洗排隊就一家人入去試下！可以叫牛/豬/雞/海鮮自己BBQ, 又有韓食同西餐，都好多選擇！價錢又OK! 我地咩都叫D！豬五花！牛肩肉仲正！牛味好重好juicy重點係爐兩邊就有抽風，燒完都唔會成身燒烤味！鵝肝石頭窩炒飯！好邪悪但又好香又有D飯焦！韓國海鮮蔥薄餅！好脆好多料！西餐一樣出色！海膽蟹肉忌廉意粉！有驚喜可能新餐廳試業中，仲未係好多人，但價錢食物裝修都不錯！順帶提下，餐廳出面有個Juice Lab! 有鮮果汁smoothies! 賣相同味道都不錯！好過飲糖漿糖水！