La Terrazza Bar & Grill (已結業)

~純白色的陳設和場景往往是大多數女生夢寐以求的婚禮模樣。~而鄰近沙田大會堂的la terrazza， 正正給予筆者這種純潔幽雅的夢幻氣派，踏上槓型長樓梯直達餐廳後，眼前為之一亮。她分別設室內和露天茶座，室外位置除了有太陽傘的戶外餐桌椅、卡座外，還有大型滕製吊椅增添詩意，一切一切就如置身翠綠庭園內，享受藍天白雲，鳥語花香，還能飽覽城門河一帶景致，氣氛情懷輕鬆舒逸。由於今天陽光猛烈，故還是選擇有冷氣的室內部份用餐。純白與淺啡牆身、落地大玻璃、盞盞簡約白色吊燈、灰白雲石餐檯、拼合芥辣黃椅子、場中播放著輕快旋律，就成了簡潔純美與光亮的空間。午餐時段由中午12時至下午3時，2時15分扺埗的筆者趕好趕上late lunch的時間，餐牌上提供了多達11款選擇，亦有兒童餐供應，額外加15元就能擁有麵包、餐湯、沙律和飲品，十分划算，大家揀選以下午市套餐，準備大快朵頤!~甘筍餐包熱烘烘的甘筍包呈粉橙色，內裡藏有點點甘筍肉，不是普遍食店常見的現成餐包貨色，焗得外脆內軟，配上鹽味牛油是估不到的好吃。鮮橙沙律鮮橙肉酸甜多汁，沙律菜也夠新鮮帶點苦澀，唯醋汁酸度過強、味道單薄，缺少了橄欖油的軟潤，筆者吃不完整客。磨

知道呢到開左間新餐廳，即刻想黎試下。裝修過後成個STYLE唔同晒，高級左，靚左。呢到D SET LUNCH 由$58到$123 不等，包咖啡或茶。要加$15先至有沙律同埋湯，個湯係蘑菇湯，好好味，唔係太CREAMY。之後MAIN COURSE 有香煎魚柳蘑菇意大利飯，個人應為D魚辣左D，少返D黑胡椒可能會好D。至於D意大利飯，好CREAMY好好味，硬就硬左少少，不過正綜意大利野係咁架嗎。下面呢個係車厘茄大蝦繪長通粉，雖然我只係食左好少，但係佢個蕃茄味真係好重好香好特別，D蝦又多又大隻，可惜我唔多鍾意食芝士，下次叫佢走埋芝士就真係PERFECT啦。

從OpenRice上留意到沙田有新餐廳開幕，貪新鮮的我當然十分雀躍，趁著七一長假期拉爸媽來吃個下午茶，嚐嚐la terrazza bar & gill的水準。下午茶由下午三時開始供應，兩時四十五分到達，場內經已近乎滿座，大多在享有午餐。店員有善地問我們有沒有訂檯，那時候我們才醒覺原來唯一數張空著的位置都是有客人訂了的，在31度的氣溫下，烈日當空，真不想坐在室外，幸好店員趕忙安撫我們説有幾張檯已在結帳中，最後我們三口子等了大約五分鐘就被安排入座。下午茶餐共十款，由沙拉﹑三文治﹑漢堡至長通粉都有供應，價錢由$48至$88不等。小妹早在一星期前經過餐廳時已決定好要吃Grilled "US Angus" Steak Sandwich，而爸爸媽媽則分別選了French Toast with Fruit Salad 和 Fish & Chips，真令人萬分期待﹗餐飲方面我們都鍾愛咖啡，而店方共供應三款咖啡，分別是即磨咖啡﹑Caffe Latte和Cappuccino。媽媽點了Iced Caffe Latte，奶香濃且細滑，少冰，但咖啡味就不知道跑到哪裡去了，一點也喝不出咖啡來。不過這杯Latte就

去過沙田既朋友都知道，該區係繼銅鑼灣、尖沙咀等地方之後另一個被自由行「攻陷」既地方，一到食飯既時間必定「搵食艱難」。沙田區本身西餐既選擇就已經唔多，如果想搵少少above average既就更加少之有少。不過，近日美心集團喺沙田大會堂附近加左一間非常cosy 既西餐廳，成為「沙田友」想食好少少既地方既另一之選。餐廳位於沙田大會堂附近「美心皇宫」酒樓上面，前身係另一酒樓集團營運既餐廳，美心接手後用左幾個月refubrish終於喺近日靜俏俏咁開返。可能係新開張既關係，所有set lunch 同dinner 一律九折，而我當然唔執輸去試一試啦！餐廳既價位非常合理。雖則以香港overall既standard黎講略貴，但係喺沙田呢個咁貴租既地方一百幾十蚊去食個set已經係平常事。最特別既係呢度俾我好特別既歐陸風情感覺，由新城市廣場行過黎只不過三幾分鐘既路程，但係已經好似去左另外一個世界咁好relax。由於餐廳出面係一個好大既outdoor area，種滿左花草樹木，所以一眼望落去真係好似乜野煩惱都無晒咁呀！是日餐湯係磨菇湯，唔好以為佢冇乜野特別，因為一放上枱已經聞到好香既cream味同埋磨菇味，

住在沙田好多時食晏已經不知何去何從．．不想找上慣常的地部又不想跟上一眾人排長龍，找上開飯網知道位於大會堂側有間新開之西餐廳就碰碰今日運氣，做個先頭乒看過究竟．．門口已放上當日之餐牌，而且可能新開張關係、午、晚市套餐現均有九折優惠價錢則有$58-123.不等，菜式分別有煙三文沙律、意粉、磨菇雞肉漢堡、烤全隻春雞或安格斯牛扒種類也頗多沿樓梯上是一排戶外用餐區，我想秋涼天或晚上倒應不俗但中午時份的夏天嘛 戶外區其實佔地也很大．．進入餐廳內堂，裝修全用上白色及米黃作主調清雅且舒適．．花多眼亂下始終也是點上慣常愛吃之意大利飯作主角雜胡椒香煎魚柳磨菇意大利飯$68.（配上餐湯及沙律均加$15.又幾扺哦 ） 送來之小意大利包，軟軟綿、口感輕軟‧‧塗過附上之小小牛油磚、頓然增加美味道沙律是以橙為題，底層配上色彩繽紛之雜菜加上西式黑醋混合上一起吃酸酸甜甜、配對合格之一道一般來說西餐廳（湯或沙律只可以二選一），不知是否新開張做推廣竞然兩者一併附上，太有福了．．但味道又如何?入口之南瓜湯打做得尚算細滑，而且咸道沒有過於重手隱隱入南瓜清甜，滲入口腔、不錯雜胡椒香煎魚柳磨菇意大利飯，飯質絕對對板、軟糯中帶叮

係報紙見到介紹，去開沙田，特登去試下。穿過snoopy world，係美心皇宮旁上樓梯，位置有D僻，唔係有心去可能會走漏眼。平日的關係，人唔太多，最多都係得5枱人。侍應服務周到，環境舒適，其實個場地頗適合人包場做wedding party。可能天氣熱的關係，無人坐室外。Set lunch around $5x to 12x，選擇有凱撒沙律、2款漢堡、大蝦長通粉、肉眼扒等。加$15有餐湯同沙律。午餐包一杯餐飲。熱盤同冷盤的碟都有烘過同冰過，頗細心。餐湯係南瓜湯，略嫌南瓜味不夠濃，跟湯的包暖暖的。沙律無咩特別，主菜選了煙肉芝士蘑菇雞肉漢堡($78)同肉眼扒($123)，另加一個鮮果pan cake($32)。漢堡味道不錯，好香蘑菇味。而肉眼扒略嫌肥左D，但味道有水準。Pan cake味道清淡，但仍然食到蜜瓜的香味，2個人share剛剛好。下次可再試下其他款式。