La Postre (荃灣廣場) (已結業)

好耐冇出荃灣食飯，又想揾啲新嘢試，見呢間餐廳食物都幾吸引，就嚟試下！我地叫左兩個dinner set，有湯or沙律加一個主菜同嘢飲，甜品一件加29蚊就食到！湯配蒜蓉包冇影相，白湯係忌廉湯，味道似周打蜆湯，重蜆肉味，蒜蓉包好香蒜蓉味，好好食餐牌寫佢係玉米牛油炒飯，但賣相同食落都唔覺佢係炒飯，飯有淡淡牛油香，但淡而無味，似食緊有少少牛油香味嘅白飯，建議個飯加配菜or加少少腩汁食會好啲，牛腩粒略韌，食唔到有三杯嘅味道，似雲吞麵嘅牛腩，食物微暖黑毛豬扒肥肉較多，味道有鹹香嘅豬味，鹹味適中，如果少啲肥肉就更好，個扒都係微暖，配菜雜菌有大約3款菇，醬汁好濃，似忌廉黑松露意大利飯嘅味道，好好食，雜菌底部有些小沙律菜，熱辣辣上枱朱古力蛋糕，朱古力味非常香濃，唔會太甜，鐘意食朱古力嘅朋友一定好鐘意食呢個，但個人認為食太多會有啲漏

同學要出國。。搵間舒適嘅地方同佢食餐，有人提議到荃灣，我地真係好少到嘅地方，上網睇吓見呢到環境唔錯而評價都好好，於是決定book呢到。我地book8點，由於星期五餐廳告知用餐時間為兩個鍾。。心諗兩個鍾都十點啦！梗係無問題。早15分鍾到了有位可以先入座，睇吓餐牌。。。十點店員嚟問仲洗唔洗加單，雖然話用餐兩個鍾，但無趕我地走，食飽埋單走人，今晚之後唔知幾會再聚。。。同學話臨走可以食到間質素高又唔貴嘅一餐真開心！

荃灣廣場有新餐廳進場啦，係B1層，座位寬敞，環境精美，好舒適嘅感覺～ 今日帶埋媽媽嚟食晚餐～Menu有好多圖👍🏻一人一杯mojito，我要左藍莓芒果mojito，唔錯的芒果味飲品，芒果好甜！媽媽就要左士多啤梨mojito，比起芒果味呢個就唔算甜，媽媽好喜歡。第一次食呢個青檸香辣凍蜆，非常出色好好味，青檸帶酸味好開胃，可能有落到蜜糖，醬汁甜酸辣，味蕾好享受，真係好正！西班牙豬手好大份，好貼心已經起晒骨，啲肉已經前後一嚿嚿，好方便食，好香香草味，豬手外皮脆口，仲可以點埋蜜糖一齊食。甜品叫左一份鮮雜果麻薯窩夫一齊食，有好多款水果，有埋無花果，窩夫中間係麻薯夾心，好煙韌！

平時經過荃灣廣場，巳經覺La Postre門口好靚、好吸引、是一間很好高尚的食肆，原來是一間食西班牙菜的餐廳！今晚同朋友即管來食晚餐試下！啤酒海鮮火鍋：這是很吸引而且很新穎的火鍋！海鮮有包括：虎蝦、帶子、蟹鉗、蜆、螺肉，各樣海鮮都好新鮮，好鮮甜！火鍋有配自家製的蛋黃醬，味道超好！ 啤酒湯底也是新嘗試，易入口，簡值讚不絕口！芝士煎蛋餅：熱辣辣的芝士在蛋餅上面，加上鮮甜的蟹肉，真的是十分好的配搭！無花果脆批： 第一次食無花果做既甜品，很有意外驚喜！在酥皮上鋪上醃過的無花果，配上我至愛的吉士醬烤焗，味道跟口感十分好！

朋友說荃灣廣場地庫新開了La Postre，現在不用到尖沙咀已能吃到美味的西班牙菜，特意相約前去一試!這間分店裝潢幾華麗，空間感十足而且樓底也高，亦有不少卡座、半梳化位、圓形餐桌等，方便不同客人的需要. 鮮雜果莫希托 ($78) 大大杯的鮮雜果莫希托，內裡有滿滿的水果，包括: 蘋果、橙、藍莓& 士多啤梨等，難怪味道如此香甜~田園雜莓沙冰 ($68) 顏色亮麗的雜莓沙冰極之透心涼，酸中帶甜的沙冰最適合炎夏享用!芝士煎蟹餅 ($168) 即叫即製的芝士煎蟹餅需時約20mins，外表金黃惹味的蟹餅很吸引呢! 鹹香軟滑的芝士與嫩滑的雞蛋配上鮮味蟹肉，等候的時間實在不算甚麼呢~西班牙海鮮炒飯 (原價$298) (2人份) 於Open Rice訂枱，西班牙海鮮炒飯 更可享有$100 折扣，優惠到30/6. 大量的青口、蜆肉、大蝦等製成的海鮮炒飯，陣容豐富~ 炒飯帶點少辣，但更覺惹味好吃，喜歡吃西班牙海鮮炒飯的友人表示很滿足!鮮雜果麻糬窩夫 ($138) 同樣是即叫即製的鮮雜果麻糬窩夫，面層鋪面多款雜果，香甜多汁的芒果、雜莓、奇異果& 無花果，配上蜜糖以及一球香滑的雪糕，實在十分吸引; 切

荃灣廣場開左好多唔同類型的餐廳，今日放工同朋友去左食西班牙菜。😋前菜叫左靑檸香辣凍蜆($108)。首先，食物賣相吸引，已經令我們食慾大增，份量亦很足夠。青檸帶出蜆的鮮味，而且非常清新，少少🌶香辣令人食唔停口。絕對是值得encore的菜色。😋主食叫左西班牙海鮮炒飯($298)，價錢不便宜😲 但食物份量足夠，而且海鮮多，有4隻蝦、6隻青口、好多蜆和其他👍海鮮處理得非常乾淨，唔會有蝦腸、青口和蜆亦不會有沙，食得好放心😚海鮮新鮮好容易處理得好食👍最令我們驚喜的是炒飯好食，保留米粒的口感，又充滿海鮮的鮮味，炒飯加左青瓜粒、洋蔥炒，好清新。另外，有2片辣肉腸，食完海鮮又可以配腸食，不同風味😋我和朋友分別叫左熱仲夏水果茶($42)和荔枝莫希托($68)，兩款飲品都唔錯， 特別喜歡荔枝莫希托，好清新又加上薄荷，既冰涼又清新🍹甜品叫左雜果麻薯窩夫配雲呢拿雪糕($138) ，水果種類好多🍊🍓， 窩夫內軟外脆，加埋蜜糖和雪糕，又甜又凍又脆又熱，多重口感，非常推薦。😚 另外，餐廳食具靚，食物賣相出色，好適合喜歡食好野和影相的朋友🤗

見食評不差，即管去試試，地方喺荃灣廣場，方便易搵地方不大，枱與枱之間比較密 ，比較嘈雜， 不適合三五知己傾計， 去到時說用餐兩小時，但沒有其他客人等，他們不會趕客走 松葉蟹意粉-賣相好掂， 好有蟹味，好食 西冷牛扒 -味道一般 ,冇乜牛味 西班牙海鮮飯- 海鮮只有蝦，青口，蜆， 唔多海鮮 ， 飯底比較濕 ， 唔夠正宗 芝士焗牛油果 -成個牛油果都冇味 燒豬髀-肉質嫩滑，好入味見好多人都order個窩夫甜品 ，由於朋友已買蛋糕，所以下次可以試試，但又聞唔到 窩夫嘅香味🤔 唔知真係好唔好食🤔但係見係即叫即整整體上還可以 ，價錢可以接受， 服務都ok知道慶生，職員會免費影一張相送給我地，夠誠意

同媽咪去荃灣廣場買野，想返屋企之際突然好大雨，唯有食堆飯先再算。荃灣廣場原來開左地庫層，入面都好多野食，好耐冇食過西班牙菜，所以就膽粗粗試下La Postre, 結果俾想象中好好多👍🏼👍🏼兩個人叫左Cheese Crab Cake小食，以為都係細細份，點知食係上黎都幾飽。不過重點係好好味蟹肉加上雞蛋同芝士，蛋吸收晒蟹味，連堆芝士食落香口，又有咬口，正！另外叫左份西班牙海鮮飯，好似係呢度既招牌菜👍🏼👍🏼海鮮份量多，有蝦，青口，蜆同salami。口味同我係西班牙食既幾乎冇分別😋😋飲品我地就叫左杯水果菜同荔枝Mojito! 我自已就覺得甜左少少，不過都好飲！甜品叫左份雜果窩夫，佢仲有埋雪糕同蜂蜜。食落又熱又凍，非常適合👍🏼👍🏼

沒想到荃灣都開了西班牙菜，三個人馬上來試試看，沒想到人很多，等了差不多30分鐘，還好沒有讓我太失望。給那兩個set dinner, 西班牙炒飯，西班牙黑毛豬，份量很精緻，味道都很正！特別是西班牙黑毛豬肉香的不得了！不過西班牙炒飯有點太辣，單點的一個洋蔥湯，就真的一般般了！不過甜點就真的不錯！女生應該會很喜歡～不過人多時有條嘈。

約了朋友慶祝生日, 選了荃灣廣場新開的餐廳.餐廳裝潢很特別, 有一個活動大鐘, 有點走進戶外花園餐廳, 亦有些愛麗詩夢幻感覺.港女小姐非常喜歡. 餐牌選擇很多, 意大利燉飯, 牛朳, 沙律, 薄餅, 蛋糕,意粉,生蠔, 西班牙豬手,啤酒海鮮火鍋...原本想選$788 冰鎮海鮮2人套餐, (麵包蟹, 長腳蟹, 生蠔, 蜆, 蟹鉗, 青口,蒜蓉包...還有2杯香檳, 很適合慶生呀~奈何小姐竟然說今天不吃生冷食物於是吃熱葷吧~當然由小姐選先, 她決定吃芝士煎蟹餅, 和紅酒無花果芝士餅, 而我選了西班牙豬手必食.先來飲品,個人覺得鮮雜果莫希托必喝, 非常吸引!芝士煎蟹餅$168堅有蟹鉗肉, 松葉蟹鉗6隻, 芝士半熔, 令蛋餅很柔軟, 超正!西班牙豬手$388視覺上有些失望, 被醬淋了. 感覺會影響脆口感, 另外配蜜糖自行落. 懷著擔心吃了一口, 很驚喜~ 醬汁味道帶點點酸,有時咬到辣椒, 辣一辣 , 吃到有檸檬, 有橄欖油, 酸青瓜粒, 紅甜椒粒, 辣椒粒..好特別.豬手皮香脆, 很清新惹味, 完全沒有肥膩感.細心再看, 豬皮和肉中間. 很有骨膠原.甜品紅酒無花果芝士蛋糕完全不簡單杯內無花果以

位於荃灣廣場的西班牙餐廳，環境裝修得優雅別緻，帶有歐陸風格，舒適寬闊的空間，非常適合拍拖約會的餐廳。.餐具擺設乾淨整齊，有埋濕紙巾，非常貼心。二人餐，包括前菜、主菜、甜品及餐飲。.前菜：香辣青檸凍蜆凍蜆鮮嫩，味道微辣，酸酸甜甜，好開胃。主菜：西班牙海鮮炒飯望落好足料，賣相豐富吸晴，放滿晒青口、大蝦、蜆肉和辣肉腸。海鮮味道鮮甜爽口，炒飯入口微辣，胡椒味略重，但可以接受。.甜品：雜果麻糬窩夫食飽飽，要食埋甜品就更加滿足。由其係見到咁多水果，包括：香橙、奇異果、無花果、黑莓、草莓、芒果、藍莓，中間仲有雪糕，加埋蜂蜜和吉士醬，非常邪惡。窩夫口感加埋麻糬，食落去煙煙韌韌，搞到我地食完一件又一件，冇停口。飲品：荔枝特飲+雜果熱茶2人餐份量啱好，炒飯份量都十足，足夠3份量，但唔知係米太餓，所以都食晒，整體味道比預期高，價格合理。.值得一讚係佢地服務都好貼心，好照顧每一枱客人嘅需要。

父親節一家人吃飯 選了這家荃新天地新開的西班牙餐廳試試水個人最鍾意的是這個青檸檬凍蜆蜆肉質飽滿加上酸酸的醬汁 最是適合夏天的starter黑椒牛肋骨都幾好食啦 煮到好軟嫩輕易就脫骨 唯一就是無乜黑椒味 相比較 蟹餅就好普通啦 其實就是蟹鉗玉子燒？🤣主食比較推薦西班牙海鮮飯 好大一份海鮮都足料 有大蝦 青口同蜆 飯軟硬適中配上青紅椒丁 食落去又有黑胡椒帶出的少少辣味 讚👍🏻 卡邦尼出品正常 燒豬手都超足份量 最後賣單都不會很貴 總體來講都算好值得去的一間餐廳

話說之前經過尖沙咀厚福街果間，雖然系星期一，但都超多人！之後冇意間發現原來佢係荃灣廣場開左，二話不說約同事去Happy Friday laSet lunch 價錢豐儉由人我叫左個青檸酸辣肉丸意粉$68（已包一杯普通飲品），另加$20 多個湯+蒜蓉包同埋指定甜品（曲奇）再加$15 轉左個特飲生果茶湯唔夠濃，而蒜蓉包就唔夠脆主菜意粉都係一般，青檸味過多有啲苦澀味生果茶，生果新鮮只需要加$15覺得好抵甜品同事食嘅茄子肉醬千層麵燉蛋

朋友仔約我係荃灣食Lunch🥰前一日我就睇下openrice 有咩餐廳吸引一打開就話有間新餐廳睇啲相環境好似好靚咁，就想去試下啦我地今日提早左時間11：15左右到左餐廳開11點半我地就係出面睇下野等下裝潢真係好靚🥰我地睇下有咩Lunch set先我叫左個炭燒雞扒鮮菌闊麵+$20 upgrade有埋餐湯/沙律 ＆甜品因為朋友仔有選擇困難，所以佢叫左個廚司精選沙律好足料鮮菌洋蔥湯配蒜蓉包好香餐飲我揀左熱蜜糖玫瑰花茶，好香既玫瑰花味，再配合一些藍莓呢個就係廚房精選啦而我既炭燒雞扒燒汁闊麵，佢既燒汁甜甜地，好開胃而闊麵既質感好彈牙，岩晒我口味呢個就係甜品啦🥰仲夏鮮果茶兩個人食左$250食左個半鐘真係一個唔錯既環境同朋友傾計

同屋企人行過先知呢度開左西班牙餐廳🍄🍄，第一次寫食評，不過真係幾鐘意呢間店，大部分員工都好熱心❤️，著格仔衫嘅女仔應該係經理，她的服務很好，對老人家好有耐性，介紹俾我地啲嘢食👍👍最後希望可以保持水準