La Luna Bar & Lounge (已搬遷) 新店位置

呢間酒吧個裝修都有好有氣氛，佢哋仲有美式桌球玩唔需要特別收費👍🏻喺happy阿華時間你同幾個朋友傾吓計玩吓唔算太多人，坐得幾舒服食物方面可以嗌幫手嗌泰國菜同韓國野嘅外賣，食物方面泰國嘢夠晒地道，佢哋嘅炸皮蛋同埋泰式燒雞都好好味，而且價錢唔貴😍

尖沙咀飲酒 大家都一定想起諾士佛台如果尖沙咀飲酒加晚飯 大概一人就超三百了吧但最近發現到新大陸想不到尖沙咀有便宜又好味的酒吧餐廳！！La Luna 係一間可以吃到泰國菜的酒吧，他的運作模式是和一間泰國餐廳合作（但不知名），酒水同食物係分開結算的。我們點了約八個菜式，每個菜式只介乎$40至$60！結帳只是約500元！啤酒也超便宜的，我們在happy hour去，一杯也就40-50吧！菜色方面，味道與一般的泰國餐廳相似，有幾款菜式值得推介：1. 生蝦：蝦肉幾厚的 而且很彈牙 配上泰式汁 很辣但很惹味2. 酥炸皮蛋蝦餅：第一次吃 喜歡皮蛋的一定要點3. 生菜包：正常發揮 性價比高 4. 椒鹽雞翼尖：才$38一大盤 配啤酒一流唯一缺點就是，上菜時間較長，但食物環境和價錢都很高分，整體很不錯，一定會再去！

今晚約左個朋友食飯, 但係佢又未收工唯有搵個地方hea下等佢啦, 去飲杯野都唔錯La Luna之前都黎過, 因為佢環境幾舒服, 而家位置都幾方便係今晚book左既餐廳附近, 所以就揀左佢啦有選擇困難症既我唔知飲咩好, 但又唔想飲啤酒或者烈酒於是bar tender 就幫我調左杯cocktail, 一望落去好醒神既綠色飲落去有少少蜜瓜味, 於是就八卦問下呢杯野叫咩名同埋有d咩係裡面Bar tender話呢杯叫Fall in love, 入面有蜜瓜酒同桃酒, 驚我怕酸所以冇點落到LIME之後佢幫我落返D LIME, 成杯野既味道即刻FRESH左好多, Bar tender話因為夏天黎啦要調返D比較清新口味既cocktail, 呢杯Fall in love 酒精濃度唔算好高, 好適合女仔原來呢度仲有波枱, 之前黎都冇留意到, 岩哂鍾意篤波又鍾意飲返杯既朋友

呢間係位於尖沙咀嘅酒吧La Luna 環境幾好又有吧枱又有桌球俾我哋打 音樂又唔會太嘈我就同一個朋友一齊嚟小酌一杯 就去吧枱嗰度飲 順便聽下Bartender有啲乜嘢介紹 喺佢介紹之下揀咗兩杯La Luna 既signature drinkBooze Suzie ($78) 呢杯Signature cocktail 係比較適合女性 酒精濃度不是太高 係由火龍果 藍莓 熱情果 檸檬汁 再加上Tanqueray 調制而成 入口有濃厚嘅果味 伴隨著嘅就係Tanqueray苦味The Full Moon($118)呢一杯就真係堅料黎 自問酒量好就一定要試下 用左151 同Captain Morgon dark Rum, 加上肉桂同Apricot ，一比一嘅比例 一入口就係重重嘅酒味同apricot味 飲左兩啖就醉醉地值得一提就係呢間酒吧嘅音樂係幾up-to-date 同埋個Bartender又幾吹得水 感覺幾好 下次會再黎

翻學翻到好攰既時候，梗係要約friend去飲下野傾下計啦😍 今次搵咗間係尖沙咀，而且佢都幾大，有室內同埋室外既位。室內就氣氛high啲，因為有啲音樂。而室外就靜少少，好適合朋友仔去傾下計、談下心。我地見天氣吾係好熱而且想傾下計就揀咗坐室外。佢無論室外定係室內都有啲英文字既燈箱。我同朋友都好鐘意依啲，特別係佢既句子都好岩我地既心情。佢都有好多款野飲，我地通常都飲cocktail 同beer 所以都淨係比較留意依啲。Since 80’s😋依杯係荔枝酒嚟，佢真係好重荔枝味、甜甜地咁，好易入口，而且佢吾重酒味，好適合女仔飲。Millionaire😋我比佢個名吸引咗，飲完係咪可以做millionaire 🤣 依個就係用檸檬同埋青檸葉溝既cocktails。我覺得幾fresh，同埋有一另一番風味，比起一啲用甜味既酒。

星期日都要OT 唯有happy hour慰勞自己一下既然老公接我放工就帶佢去我嘅老地方新裝修過後多咗IGable霓虹燈打卡位 梳化位坐得好舒服 老公點Whisky Sour 以bourbon作基調 口感醇厚綿柔加上蛋白將酒體變得入口絲滑 檸檬汁帶出酸香 令人越飲越醒胃 我就鍾意飲重酒感cocktail Negroni最合我心意混合氈酒 甜苦艾酒 以及金巴利酒入口感覺強烈 味道先苦後甜 餘韻味帶回甘飲到一半我地去上層比賽掟鏢同鬥玩Beer Pong 上層都有戶外座位 坐係度嘆番轉shisha都唔錯 而且又有snooer區 唔使係樓下同人爭 不論以前還是依家 呢個老地方從來都無令我失望過

行街行到攰攰地,又未夠鐘食飯,有咩好做? 梗係搵個地方坐下, 檢視下戰利品,又回下氣咁。但咁既鐘數我唔可以飲咖啡。 我地就左去左赫得德道嗰邊搵間野坐低, 見到呢間地舖, 靜靜地又乾乾淨淨咁,就走左入去。入到去就講左我地知而家係hh而且有不同cocktail(唔止menu,係有你要求咩味佢就可以沖比你)我地嗌左2杯,一杯係signature cocktail🍸, 叫Kiwi Kiwi 🥝,小小酸酸地。越飲越肚餓。另一杯就係無名既。。。😂😂因為我地就係試想要咩味就由佢沖,我地叫左青瓜, 好驚喜,好清新。之前無入過黎, 夜晚經過都人多,估唔到cocktail 咁出色。埋單150蚊左右2個人!

食完晚飯，想飲杯野先返屋企。行過赫德道見到呢間La Luna入面幾多人，氣氛幾好就同朋友入去試吓。 😍我叫咗杯Mojito飲，杯野都幾好飲，酒味適中唔會太濃或者大淡味。同出邊飲開嗰啲都有d分別。至於我朋友就叫咗杯黑啤，黎到好大既一杯，一杯都夠飲呀😂同埋啤酒夠凍，最唔鍾意飲咗啲啤酒唔夠凍。見到酒吧入邊有得玩桌球同埋飛鏢等等嘅遊戲，如果同班friend嚟一齊玩應該都幾好玩。又或者同兩三個朋友一齊傾心事都幾岩feel 🥰

The Easter Holiday haven't been over yet!-黎到復活節假期下集!有好多人問我究竟飲酒有咩好?我想講你飲下咪知!想chill定想買醉?有好多人都唔識分,最緊要係知道自己飲黎為左咩,咁你就識得分你係飲緊酒定純粹想醉!👇-📌God Father -👉主要由Scotch whisky同Amaretto成份Mix埋,一般我地會用俗稱on the rocks形式用old-fashioned glass做擺樣.多數人都會鍾意飲佢,cocktails黎講絕對唔會太割喉,帶少少甜,好容易入口,我會推薦beginners可以order類似呢種cocktail起步!📌Dry Martini -  👉由Gin同埋Vermouth溝埋,一般會用olive同lemon twist做裝飾品,色水呈現半透明,而一般Martini會分開Wet, Dry or Dirty,其實係講緊Vermouth同Gin個比例,而Dry Matini既意思是就少d Vermouth!味道帶點苦澀,酒味好濃,唔係個個鍾意飲同飲得到,所以記得嗌酒之前google一下佢地成份,到時嗌左又唔會驚飲唔到啦

今日同女友出街食dinner,見時間尚早搵個地方happy hour,行開尖沙咀諗住今晚赫德道食附近都多酒吧是但搵間Hea下chill下作為哈日族的我，揀咗日本牌子嘅啤酒，今日突然間想飲黑啤，所以叫咗Suntory black，估唔到比想像中清，唔苦，易入口，我一啖都充滿麥香而女有麻麻啤酒我幫佢叫咗杯cocktail, 佢喜歡薄荷綠色，所以我揀咗grasshopper，外型好靚，薄荷綠色的base，上面就一層焦糖色的泡，有薄荷葉同奶整成，女友很喜歡，佢話好甜好啱女仔飲好似食緊薄荷糖咁

呢間bar第一次黎感覺幾好，同兩個朋友食完飯諗住坐低飲杯野！見到呢間吧裝修唔錯環境幾好人又唔多，感覺幾舒服！佢入邊有draft beer 飲，有Shisha .最正就係佢個露天平台，雖然個景唔係話好靚！但係超舒服超好坐！你入邊有鏢機，桌球，beer pong snap cup 一間咁小型既酒吧黎講，設施非常齊全！食Shisha $198 有14隻味選！it is a nice place for people to have a fun night !

今日放工口淡淡，多口問下對面個靚女同事得唔得閒，佢竟然話主動OK，仲提依提議happy hour ，我梗係即刻度下搵邊個好地方同佢hea啦，我又唔想去啲劈場，但係同佢齋傾又驚dead air , 所以搵啲地方有啲嘢玩，又有氣氛就最好啦。最後我揀咗La Luna , 最大賣點係佢有張pool 檯比我地玩，仲要唔使排隊！平時去諾士佛台打破閑閑哋一個鐘都成舊水呢下已經賺左啦!跟住我就叫咗杯黑啤，靚女同事就叫咗杯signature嘅呢since 60s , 係一杯volka mix 荔枝酒嘅cocktail , 我飲咗一啖，出奇地好味！唔會太甜，仲有雞乸咁大粒荔枝！令我下次都考慮唔飲啤酒飲，轉飲呢杯cocktail !

喺尖沙咀赫德道附近的幾間酒吧我都去過，但呢間以價錢來說都算合理，因為我比較喜歡飲1664的生啤，他們只是$58，算低飲！酒吧本身沒有提供任何小食，但店員可提供外賣餐單給顧客選擇，有韓國炸雞和泰國美食，如果想order泰式的話要每晚七點後才有，價錢方面（平靚正），大家也可以一試！

happy hour叫左杯151菠蘿汁，埋單叫左好耐都無人理，明明見佢見到你，都當你透明。比錢嗰時發現 佢收$130杯 (平時happy hr cocktail係$5x杯)， 我哋問咦唔係happy hour咩， 跟住佢話 呢個唔係cocktail，係用shot加菠蘿汁， 咁我哋話 下咁頭先happy hour叫嗰陣時你唔講聲嘅 ? 跟住佢冇再出過一句聲，唔再應亦唔出聲，好似我地係透明，但同時淨係黑面好惡好惡咁啤住我哋，啤咗好耐，我哋根本唔係想賴皮唔畀錢，亦都只係好禮貌o既語氣咁問一句jei (因為平時其他餐廳通常見你happy hr點 無happy hr 餐牌上又無註明幾錢o既cocktail，會出聲提一提)之後佢找數攞返張卡過嚟再繼續黑面同好惡咁mui咀啤住我哋 ... 都係想放工輕鬆下，飲杯嘢啫，好禮貌咁問一句換來當你透明又串又咁無禮貌o既對待？ 呢度o既待客態度絕對令你失望。佢似想趕客以後唔好黎咁。想放鬆，呢度o既態度只會令你更炆

去尖沙咀一蘭吃過晚餐後，經過赫德道還想喝兩杯啤酒才回家，看見Whale Pub現在變成了La Luna，天氣有點冷，門口亦有位，便與友人坐在門口喝兩杯啤酒。我獨愛Asahi Draught Beer，到處喝也差不多，Asahi味道較香濃，麥味亦較重，happy hour只售($48)，但留意隱藏性收費(食評最尾部份):Hoegaarden ($58) 味道較淡而且甜甜的，麥味亦相對不顯著，較適合女性。本以為這麼小的一小碗蝦條不計費，結帳時看到$20元/碗(另收加一)真的有點驚訝，加起來也沒有20條，難怪一早吃光也沒有給我們refill，收$20元本來是沒有問題，可是也應該先跟顧客說明。