La Kaffa (已結業)

話說之前去睇莎士對比亞，趕住收工去北角食d野先睇劇，就試左佢。我地叫左幾樣野，但幾樣野都係凍的....先係個餐有碗mushroom soup，味道本不錯，但碗湯凍左咁，微溫，但談不上暖/熱。感覺好不新鮮...到個pizza~ 一樣，不知道點解烤出黎都可以只係微暖。而個西冷，同樣只是微溫，而真心難chew，明西冷本身係chew，但放入口，chew黎到係咁，最後要用吞。唯一是熱的是chicken wings 拚盤，亦係我覺得最好食嘅一道。玫瑰味雞翼可以一試。返食指數:2粒星(5粒最高)

工作繁忙，經常對電腦；回家休息，對著四幅牆；所以很想趁食飯時候，讓視覺及味覺帶來衝激！早前約了十多年好友到北角La Kaffa Café邊食邊分享生活事。 走進La Kaffa，覺得店內裝修很有心思，到處佈滿西方舊式火車站佈置，環境雅緻，座位舒適，讓我們準備坐上美食幻想號！ 就連menu都設計得像世界地圖一樣。今次我們選了【精選二人晚餐】(HKD428)。 當日的餐湯有【忌廉蘑菇湯】，賣相吸引，濃湯熱辣，芳香濃郁。 接著的小食選了【「有脆」搖滾雞配薯角】。 原來食起來要用特別方法，先要將香辣粉放進紙袋內，再放香脆炸雞，之後封袋搖滾數下便可。炸雞沾滿了香辣粉，辣辣地好惹味，雞肉十分嫩滑，確美味。 不得不提的脆爆的薯角，沾上醬汁後，味覺很不錯。 主菜，我們選了【西班牙海鮮飯】。材料豐富，有帶子、青口、大蝦、魷魚等，新鮮味美，肉質彈牙，海鮮飯沾滿醬汁，賣相跟味道都很有水準。 以及【8oz美國安格斯西冷牛扒 (配自家製薯蓉) (燒汁)】。牛扒超大塊，6成熟度剛剛好，切下去時還帶點血，味道軟腍，加上自家製薯蓉，十分軟滑，整體很好。 本應隨餐附送兩杯基本餐飲，但見其他食客的飲品很吸引，故補錢叫了【

兒時對懷舊火車情有獨鍾，經過見到火車主題的Cafe，當然要緬懷一下啦！雞翼三重奏 ($48)從左至右分別是檸檬、水牛城、玫瑰口味。每種口味各有特色，其中以檸檬味最有驚喜，少少酸的檸檬醬完美中和雞翼的膩感，味道好夾。招牌豬肋骨 (半份) ($98)豬肋骨味道濃郁，配上薯角和沙律一齊食，味道不錯。八安士安格斯芝士磨菇漢堡配辣肉腸及薯條 ($98)漢堡包相當足料，牛肉厚身juicy，加上太陽蛋及芝士一齊食，非常滿足。Tiramisu ($38)飲品亦相當出色，熱情果紅茶味道酸酸甜甜，感覺清新。

沒錯，是舊火車主題的餐廳哦舊火車、鐵路軌、售票處一一都喚起了我們舊日的旅遊回憶呢趟旅程先來一道西班牙海鮮飯海鮮材料相當豐富，有大蝦、帶子、魷魚、青口飯粒不硬，亦不太軟，口感軟滑憶起了西班牙的熱情舞步再來的是芝士蘑菇漢堡配辣肉腸及薯條分量非常巨型厚身的牛肉餅，咬下去時肉汁流出很濃郁的牛油香味，而且夾着芝士蘑菇吃的口感非常豐富共聚晚餐的同時，與好友商議着要再重新出發再度回味昔日的旅遊點滴

朋友住北角，話有間餐廳又好食又唔貴叫我去試下。Menu都有不少選擇，是有點兒fusion的西餐菜式。我們點了兩個main，一個沙律。先上了是日餐湯，是薯仔煙肉濃湯，配半塊多士。湯充滿薯仔的綿密感，加了煙肉碎更香，而且相信是加了點酸的忌廉，帶有一點酸味。不會濟，是個美味的開始。之後就上了巴黎牛柳粒扁意粉，一上台，香氣撲鼻，而且份量與餐牌內的一樣足料！牛柳粒大大粒又厚身，鎖住了肉汁，口感煙韌。扁意粉掛起了醬汁，配上青紅椒一起吃，清新非常。之後飲品來了～我點的是夏威夷果仁鮮奶咖啡，朋友的是抹茶紅豆鮮奶。我的咖啡味香，但喝不出果仁味。朋友說他的那杯很香很醇，紅豆也很大粒，甜度適中。之後沙律來了！我們點了帶子黑醋沙律，沙律菜很新鮮，十分爽口，配著黑醋感覺為我們消一消濟（意粉很大碟，已吃了2/3），帶子很嫩，很彈牙。消一消濟後，半隻燒春雞就來了！還配上了炸魷魚圈。燒春雞的外皮烤到金黃色，熱騰騰，香噴噴。我二話不說先搶了雞腿吃，肉質鮮美，保留了不少肉汁，美中不足是肉不太滑，但香味搭夠。

吃貨朋友素來食量驚人，不過從她口中道出食得飽的餐廳，確實令我十分好奇。餐廳處於北角較為寧靜的明園西街，燈泡亮晶晶，遠處也清楚看得見。環境佈置成火車內部，富有個人特色！食物選擇有套餐、散叫、全日早餐～價錢亦十分化算！先來餐湯，是晚餐湯為蘑菇湯～飲落有微微蘑菇味，質感滑身。配上烘得香而脆的多士，蠻滋味！蕃茄手工肉丸 - 以煎Pan形式送上，能夠保留一定熱度。肉丸有7粒，食落肉味甚濃，質感彈牙，配上酸酸味味的蕃茄醬汁更加開胃！底下披上薯茸，軟綿得來薯味亦甚重。焗意式香草芝士海鮮飯 - 飯量絕不惹少，但略嫌醬汁不太足夠！有蝦、魷魚等等的海鮮及西蘭花、紅蘿蔔的蔬菜作配菜，清爽而有嚼口，也不錯！香辣蕃茄海鮮扁意粉 - 以為份量淺淺，誰不知碟的圓坑很深，意粉份量多得很！最初食落酸酸，之後辣辣，百味交集挺開胃！意粉質感適中，醬汁雖不多，不過挺索汁！有魷魚圈、蝦、蟹棒作配菜，頗豐富～鮮草莓奶凍 - 甜品也是份量滿瀉！草莓及草莓汁皆酸度十足，呷一口都夠哂開胃～奶凍質感滑溜，奶味亦甚濃！免費餐飲 - 凍奶茶味道過淡，隱約飲到有微微的奶味～熱水果茶(另加$38) - 還是熱飲萬歲！配料有火龍果、草莓、藍莓、百

之前朋友話北角有一間野幾好味，就叫我同佢一齊去食。點知今次叫咗一個雜錦小食拼盤之後就奶晒野雜錦小食拼盤（炸雞翼，炸薯角，脆皮腸，炸魷魚圈）總共有四樣嘢食炸雞翼渣到好乾，啲雞肉老，一食就覺得好油膩同埋勁熱氣囉，轉感覺到食完呢一餐會好喉嚨痛！另外薯角又係炸到勁乾，有你得來又唔係好重薯味，真係勁一半。脆皮腸就算普普通通啦，同出面食嘅脆皮腸一樣都係鹹鹹地，脆脆地，好有腸味嘅。炸魷魚圈就外皮比較厚，真係入面都OK嘅，不過整體嚟講其實都幾難食，送上劣皮一個。

✿╮❤╭✿ ✿雜感女生 好味日記✿ ˚*•✰。La Kaffa ．環遊世界吃好東西。✰•*˚ ✿✿舌尖上的北角✿✿ ❤餓底飯聚❤ ❤ 北角已成為新的搵食好去處，其特色在於CAFE林立 今次和好友到La Kaffa 火車站式裝修設計 令人想一再品嚐這小站的滋味，今晚小試新推的二人餐 野生牛肝菌蘑菇湯： 香濃而不油膩，配上熱騰騰的多士，剛剛好 蕃茄手工肉丸： 肉丸人手打造，不散而有肉香，配上蕃茄薯蓉，的確惹味 黑松露pizza： 餅底薄而鬆脆，黑松露香濃惹味，又是一道令人回味的作品 焗意式香草芝士海鮮飯： 份量頗大，有大蝦、蟹柳和魷魚圈，香草味道不算突出，卻非常飽肚 忌廉曲奇朱古力： 香滑忌廉配上OREO，再加入極濃朱古力，實在是朱古力迷的最愛 荔枝紅茶梳打： 朋友點的，清新又香甜，面上有2粒荔枝，賣相還是頗合女生的 時令鮮果奶凍： 甜品之中，帶有新鮮水果，藍莓、火龍果片和草莓片， 既有鮮果又有奶香，非常美好的句號 MENU是地圖，裝修是火車站， 環遊世界吃好東西，會不會就是這家cafe的意念？ 小評： 味道：★★★☆☆ 環境：★★★★☆ 服務：★★★★☆

相隔了一段長時間沒見今天終於可以和你相聚於北角在明園西街內的一家咖啡廳先點了有三款口味的雞翼簡單的蜜糖是我的好選擇再來的是藍青口帶點奶油味的醬汁跟鮮甜的青口有種化學作用一口湯汁一啖青口肉只恨份量令人過不足癮西班牙海鮮飯是朋友的最愛這款海鮮飯飯粒很柔軟每粒米也被醬汁牢牢的包裹實實在在絕不欺場招牌的豬肋骨終於出場肉質異常軟嫩一刀切下去毫不費功夫肥瘦相間的豬肉滲出香酥油脂那是天下的大美味今晚這豐盛的晚餐會被記錄下來就像我們中學的大小事回想起來也會會心一笑

其實大半年前同朋友食過呢間Cafe, 呢間餐廳既食物素質唔錯, 中等價錢, 加上以舊式火車主題做裝飾, 所以令我地印象深刻!------------------------------【8安士安格斯芝士蘑菇漢堡配辣肉腸及薯條】HK$98 辣肉腸外皮脆口, 有點香草味. 件漢堡扒好厚好厚, 但略為乾左少少~ 不過有隻半生熟既太陽蛋, 食既時候蛋黃穿左, 所以整體食落冇咁乾...不過隔離既薯條有點林...【帶子卡邦尼長通粉】HK$78 初時意為好細碟, 原來佢隻碟都幾深, 呢個長通粉汁比較多, 非常開胃…食落又好creamy【巴黎牛柳粒扁意】HK$68 呢度既意粉質感偏向硬身, 個汁係辣辣地, 不過牛柳粒就韌左少少【有脆 搖滖雞配薯角】HK$58 每件雞都好脆, 啖啖肉, 唔油膩, 炸完既雞肉都唔會好乾, 點隔離既蛋黃醬, 好夾!【雞翼三重奏】HK$48 每款雞翼都好juicy, 分別有Lemon, Rose, Buffalo三款口味, 玫瑰味比較特別, 出面好少有, 微微既玫瑰香, 味道少少甜...Buffalo味有少少辣, 幾惹味~ 而檸檬味酸酸地幾開胃...

最近最珍惜嘅時光就係準時收工嘅時刻，真係好感動。今次要遠離工作地方，出左北角搵食，哈哈。點解去咗北角嘅？之前男友出開北角做野見到有間餐廳感覺我會鐘意，所以就去咗北角嘅LA KAFFA CAFE。地鐵站一出幾分鐘就到，容易搵。唔知食咩嗰陣，二人餐幫到你，呵呵，係太多選擇，決定唔到咋。室內環境有點Old American Country feel，感覺都好舒服，我鐘意佢地個收銀area，似電話亭。是日餐湯，忌廉湯上有煙肉碎，令湯嘅味道更濃郁。餐前小食：雞翼三重奏左：蜜糖味，雞翼香脆、可口。中：香辣味，增加味蕾刺激感，香濃唔太辣。右：玫瑰味，清甜玫瑰香。黑松露香菇pizza，餅底好脆，好足料，黑松露同洋蔥原來好夾㗎，黑松露同芝士油油地令香菇更美味，洋蔥就減底油膩感，食完都唔會重負擔。焗意式香草芝士海鮮飯，整得好靚，睇下左邊嗰塊其實係蟹柳棒，但初初以為係煙三文魚，俾男友笑我，夾蟹柳棒俾我話「食塊三文魚先拉」，哈哈。講番個飯先，味道香濃夠creamy，芝士份量剛剛好。水果茶，又一至愛之選，用新鮮生果，提升茶的味道，呢個就係我鐘情水果茶嘅原因，呵呵。十勝紅豆奶茶：男友點的，奶茶香濃幼滑，紅豆軟硬適

其實差不多每個星期五都會出街食，通常都係 openrice search 吓，而呢間亦係因為一個好友係荃灣嘅分店食過早餐都唔錯兼價錢相宜。 search 度北角有分店，近我收工過黎，所以今晚黎咗呢度。首先，一定要讚呢度嘅 service，真係好，有禮又溫文👍🏽👍🏽 係呢個食評我俾ok，都係因為服務加咗分，如何唔係，應該係😖但食物就失哂望😞我哋㪚叫再加$25變餐，有湯 or 沙律，飲品。揀了兩個意粉，係扁意粉先啱，呢度只有扁意粉或長通粉。薯仔湯到，都唔錯，但偏咸兼薯仔味唔夠，但都睇得出有用心煮嘅。松露香菇意粉到，嘩！乜咁大碟！ 份量似乎多咗啲，我同女友都唔算細食，但一望都知勁大！ 都幾香松露味，但一食。。。唔夠咸，好似差緊啲咁，都唔知點形容，唔好味囉🙄我個牛柳粒扁意粉終於到，一樣咁大碟！ 無咩香味，一啖牛入口，印度味 ?!?! 個隻香料呢，我就麻麻喇，再食埋個意粉，唉，中式煮法。。。跟住再食吓女友個個。。。係喇，係喇，唔好意思，唔係話我識煮嘢，但真係唔係個隻意粉feel。 我寧願係細細碟好好味，唔要大大碟唔好味呢！ 仲食唔哂添，我已經好努力，一向致力唔㗰嘢嘅我倆都食淨咗。 因為實在太

北角一向予人舊區的感覺，雖然近年都有頗多重建新廈落成，但始終走不出老區的影子。前兩天和朋友相約在北角買東西，正頭痕應去那裏搵食祭五臟之際，行經明園西街敞見一間門面裝修Classic的cafe，看看Menu以西式為主，心想這一排都很久沒有吃過西餐，遂跟朋友一起進内闖闖。餐廳以舊式火車站為主題裝潢，牆上掛滿了顯示不同時區的古典時鐘，一列列舊式蒸氣火車頭擺設架在牆上，隨處可見跟火車有關的裝飾，配合仿紅磚牆，木色餐桌枱椅，懷舊味濃厚。加上店內以淡黃燈光為主調，帶出柔和浪漫氣氛，配合心思精緻的小擺設、小盆栽等作點綴，角落處更放置了一些旅遊書籍讓客人們參考，切合火車旅行主題得來亦增添了優雅品味，是一間坐得舒服又很特別的主題咖啡室。打開設計像極了地圖的餐牌，居然設有目錄，細心得來有點攪笑，餐牌内種類繁多，供應多國菜式，還配上不同地方城市的名字，切合主題，圖文並茂一目了然。看着色彩繽紛又印刷精美的餐牌， 實在令人花多眼亂，最重要係價錢大眾化，讓人有一股款款點齊的衝動。這店的二人套餐其實算是抵食，$200至$500左右已有齊餐湯、沙律、小食、主菜、甜品和飲品，但礙於筆者食指大動，樣樣都想試，最後決定還是

曾經到過他們的天水圍分店食All-day-breakfast實在係唔錯! 今日到北角分店食個晚餐店內外環境都幾靚, 我同朋友叫咗一個西班牙海鮮飯同埋一份安格斯肉眼扒, 再每人加$25升級要餐湯餐湯係煙肉薯仔, 真係好濃, 唔會好水, 飲落去感受到薯蓉的質感, 多士就普通d啦!海鮮飯的黏度及米粒軟硬程度都合格! 成碟清哂, 好夠味, 帶子好大粒! 只係我覺得唔夠熱, 我個人比較鍾意熱辣辣!最後呢份安格斯扒真係ok, 好大塊, 而且好林好易入口, 好鬆化! 唔多根成塊都食得!最後加埋個荔枝梳打, 真係原粒荔枝放上去, 一上枱勁香! 好飲好飲!

放工和女友於La Kaffa Café 食dinner, 我們點了dinner set, 有蕃茄湯, 焗意式香草芝士海鮮飯、烤雞沙律、帶子卡邦尼長通粉、凍奶茶、鮮果奶凍和提拉米蘇, 蕃茄湯用新鮮蕃茄, 酸酸地好夠味, 焗意式香草芝士海鮮飯入面好足料, 材料有魚和蝦等、焗飯熱得黎溫度剛剛好, 不似一般焗飯太過熱而難以下嚥；烤雞沙律好大碟, 份量十足烤雞煎得好香, 沙律菜和車厘茄配上胡麻醬十分醒胃；帶子卡邦尼長通粉, 白汁食落不膩, 帶子食落彈牙,通粉爽口和煙肉好夠味、凍奶茶茶味香濃、鮮果奶凍士多啤梨和藍新新鮮, 配上奶凍口感一流, 最後提拉米蘇好濃好香滑, 美味, 餐廳食物份量十足,食物美味,座位寬敞, 環境舒適, 適合情侶約會和朋友聚會好地方!