La Bons Cafe (已結業)

難得男友由台灣去大陸路經香港, 家住灣仔既我特登帶他來La Bons一齊試新野.位我就一早訂好啦, 接電話嗰個男人好好禮貌咁同我講話位只係留15分鐘, 我覺得都合理. 不過問題係當我地出發去餐廳嗰陣有個女侍應打黎問我係咪黎緊, 聽落仲好冷冰冰, 就似乎係趕客, 講真就算你出面有客人等緊位, 都差唔在等埋我嗰十分鐘, 我係黎就自然會黎, 唔黎你咪俾個位人囉, 唔駛打黎催.入番正題, 我男友叫左澳洲殼飼松露肉眼扒套餐, 個餐包:1. 雜菌田螺沙律2. 雜菜湯頭盤來講冇咩失手, 個雜菌田螺sauce都算幾香.3. 澳洲肉眼扒 + 松露呢個肉味都ok喎, 比較林所以相對地冇咁有咬口, 但味道來講好唔錯!五成熟, 煎得o岩o岩好, 冇over-cook到4. cheese cake (加錢換成心太軟)呢個簡直就係掂! 熱辣辣o既朱古力o係個鬆包入面, 一切就漏出o黎.甜度適中, 食落唔會覺得好"漏"好heavy, 就算平時唔特別鍾意食甜野既我都覺得正!5. 餐飲咖啡, 冇咩咁特別.----------------------------------------------------------

上半天都陪了石頭和雲貴川所以將下半天留給親愛的因為之前親愛的和她的中同來過她好想帶我來這裡試試所以今晚就達成她的意願吧!入到去環境好一般, 甚至叫有點差俾差不多成$90一位卻要坐個逼逼的檯與檯之間的” 一線天” 真係令我坐得不自然和鄰檯太近, 令我覺得店方係咪想maximise利潤沒有裝修, 殘舊的白漆油再加上冷氣機滴水對一間西餐廳來講, 這裡無環境可言不是點蠟燭就可以有氣氛有環境!接到以前返學用的”Folder” menu, 真係滴滴汗怪不得這裡係”café”, 和樓上cafe與出一轍要了carbonara, medium steak, 同心太軟親愛的要了湯, 我就要了salad個湯都ok creamy, 不過mushroom味唔出, 罐頭的朋友？salad普通至極, 當吃點纖維算, 吃了一半算啦個短法包外皮放涼了還未算淋, 暗裡說好彩其實main dish本身都想試下d risotto不過無耐先係al dente吃過不錯的, 不想有太大對比又見到隔離染黑了的血盤大口, 所以無試墨魚汁的東東main dishes來啦. Carbonara 個樣比意粉屋的還差(唔係話意粉屋做得差…大家

在 Openrice 內, 灣仔區的食肆, 這一間算叫做有較多笑臉, 所以跟女朋友一試.晚餐, 叫了兩個 "餐" - 什麼燒春雞 set dinner $108- 什麼蝦, 磨菇 忌廉汁 扁意粉 set dinner $83- 心太軟 $20(對不起, 實在記不起全名是什麼)就如之前眾多食評所寫的一樣,- 意粉方面味道比較淡一點, 但仍算可口, 中規中矩- 肉類方面的處理就差得太遠啦, 燒春雞完全冇味, 汁冇味, 不可接受, 相信廚師們在肉類方面要認真不點功夫- 心太軟的朱古力濃而不澀, 中上之作- waiter 收野次數太多同太頻繁由於跟預期一樣, 所以沒有太失望, 但奉勸名位, 在這間食肆, 盡可能都不要叫肉類食品

一直都想試下呢間餐廳，今晚我們的餐單如下：頭盤係香煎法國鵝肝配意大利黑醋汁伴薄多士 ($63) 和凱撒沙律 ($43)：鵝肝好香，配黑醋汁吃唔覺得膩！凱撒沙律既 sauce唔香和 bacon太焦，麻麻地！餐湯加錢轉左洋蔥湯 ($10) 和意大利黑松露菌忌廉湯 ($25)：洋蔥湯沒有濃郁既洋蔥味！黑松露菌忌廉湯就幾 creamy和充滿菌香！主菜係焗法式沙巴翁日本鯛魚柳 ($93) 和 Carbonara意粉 ($63)：鯛魚柳腥而無味！Carbonara意粉就好唔 creamy和 sauce唔香，但意粉煮得啱啱好，有咬口！甜品要左心太軟加雲尼拿雪糕 ($28) 和 apple crumble ($13)：心太軟幾好，有濃郁既朱古力醬！apple crumble就奶味重左 D！我們要左支 white wine ($220)，但麻麻地好飲！呢度既餐枱好細，同隔離枱又近，坐得唔舒服！食物質素無想像中甘好，但價錢唔算好貴！

九月廿六日(星期五)早於上星期便訂了位!一行五人前來吃個午餐,雖然有期望,但不敢太高,怕上次Al Dente的事件再發生!希望大,失望大...抱著一試的心出發!訂了一時,剛好一時到達!店舖門外已經有人等位了!幸好留了位!裝修沒有,而且牆上都有點污穢,只是有白布作為裝飾,不過坐位尚算在得舒服!可惜人太多,環境都頗嘈雜先看看menu,有比目魚,當然叫這個呢!配了意粉!老公叫了個羊腩先來的湯都算有水準,我要的是紅湯,足料,而且很鮮味,我試過白湯都不錯呢!再吃吃餐呢,是比較硬身的,但入面很鬆軟,加上牛油是不錯呢main course等了一會就到了!比目魚雖然比較薄身,但是都烹調得不錯,配合出魚的鮮味,而且忌廉汁又不會蓋過魚味..老公的羊腩都同樣出色,帶點羶味,我都接受到,而且煮得剛好!加上意粉/飯都是個不錯的選擇!餐飲都有特別的選擇,要了個荔枝茶,不重的荔枝味,算是清清的!..而同事的那個蘋果茶的色素太可怕了,整杯是深綠色的!最後,我們苦等了廿分鐘才來的心太軟也沒有令我失望,果然如其他食家所說一樣,"好"!外面的蛋糕層十分鬆軟,而內的朱古力漿就像泉水湧出來..good good!值得帶其他同事

前日終於去左試呢度最出名既心太軟~雖然係星期六既中午~冇BOOK到位都唔會太多人~我地4個人叫左4份LUNCH SET~有-甘荀忌廉湯 / 凱撒沙律 配 法式餐包 -煙肉三文魚白菌扁意粉 -香草汁龍利柳飯 -肉眼扒配薯菜 -心太軟伴雪糕總括黎講佢既餐都係水準之作,個餐包仲要係熱辣辣入面軟林林好好味~而我為左佢而黎既心太軟就更加不得了~食完2日都仲回味緊~真係太鍾意佢LA~我下次會再黎食佢架~^^

昨天跟女性友人到訪此間餐廳其實試過兩次在早一天訂位都不成功這次去踫下運氣看可否walk-in19:45 到達又發現餐廳不是想像中的"爆滿"尚有不少空位, 可能是平日吧環境: 比較暗, 裝修簡單, 勝在枱間的空位雖然不多, 但沒有太狹窄的感覺.服務: 整體沒什麼問題, 但一如其他的食評, 服務讓人感覺"好趕". 例如: 前菜及湯還未完成, 主菜就急不及待出現...碟收得好趕...等, 這些都不應該在意菜餐廳出現吧...食物: 我們點了牛扒set dinner 跟 羊架set dinner. 事實上不論雜菜湯, 沙律跟他們的主菜都沒什麼驚喜, 算是一般的水準吧. 牛扒5成熟尚算捻, 羊架7成亦沒有"鞋"的感覺. 終於到了甜品時間, 當然不少得心太軟, 另外還要了一客焦糖布甸. 布甸一般, 且沒想過...是凍的...而心太軟果然是鎮店之寶, 沒有"甜到漏"的感覺, 且是即叫即制, 很新鮮的感覺. 外層蛋糕有口感, 內裏軟心味道亦十分適中! 我想這個心太軟絕對可以替他們留住不少客人價值: 每人一百元左右, 不算昂貴, 且心太軟實在令人激賞

早一晚打去book第2日食lunch啦~點知都係full house!嘩~咁我同個frd就一早12點3由金鐘答叮叮去啦! 點知叮叮太多人, 遲左一個站先落!去到12點4個字, 人唔多, 所以先至有得walk in!與友人到訪的目的只有 1個: 試心太軟其實我與舊同事都試過好多次, 只是帶朋友仔黎試下...頭盤:salad/ 南瓜忌廉湯小食: 西餐包+牛油(自己搽)主菜: 牛扒+羊扒+美國薯條甜品: +20蚊有share1個心太軟飲品: 熱檸tea/蜜桃tea大滿足!!! 超飽!!!

Was in the Wanchai area for meeting, and saw the good comments about Le Bons Cafe, so we gave it a try.OMG, worst meal I have ever had. Beef (claimed to be good quality) was tough and no seasoning. Risotto was over cooked rice mixed with a little bit of cream, rice was cold. In the menu it was supposed to have crab meat, tuna, and a few other ingredients, but we can't see any trace of crab and it was so fishy.Pasta was also over cooked, and no seasoing, it came with a piece of oyster, but it

昨晚同朋友一齊去食飯,4個人叫左4個set dinner,然後再叫甜品頭盤有沙律或湯揀我揀左沙律,但沙律醬和橄欖油好少....食的口感好乾....主菜揀左牛扒,羊扒,海鮮墨魚汁麵,意大利飯除左牛扒(6成好硬不太入味!),其餘三個都好好味!食墨魚汁麵,大家食到好似中毒咁意大利飯好香~羊扒唔太酥~幾好味!!!食完叫餐茶最後叫埋4個甜品:蘋果tart,Tiramisu,凍焦糖布甸及心太軟($20淨叫,$28有埋雪糕,我只叫了$20那款)4個味道都不錯,尤其蘋果tart加左d 奶~同埋熱辣辣的心太軟味道真係好正好想叫多個~不過會肥.....>.<所以無叫tiramusu比較重酒味,因為我識整,所以覺得不太特別!平日去,都坐滿人~當然我係預早訂位la大家不妨試下丫~

本人來la bons cafe不下十次，對其食物之水準都無懷疑。只係侍應每個都冷冰冰，不senitive，有d態度更差。之前食生日飯，因為食物質數不俗，介紹一行十行朋友來食，帶蛋糕收切餅費，我們可沒所謂，因為佢地本身有cake賣，怎知個侍應無啦啦走來問我地全張枱；你地切蛋糕未？全部人都 O 晒咀，無晒surprise囉，點解唔問帶蛋糕來那個人呢？到切蛋糕，將一幢碟、一堆叉放係枱面都算喇，仲要無刀囉 !! 放底就走左去，侍應夠人手不過對眼生係頭殼頂，最後要來隻匙更來切，作為壽星女，咩mood都無晒。本人十分後悔介紹朋友來呢度食，以後亦會減少幫襯既次數。講真灣仔區好多好野食，佢既價錢可以食到好多野。

已同男友係第2次黎呢度食野..今日仲的多個朋友黎試下整個白汁白酒青口先...好多白汁幾正...酒味又唔係好出..都唔錯...係細左dd....個汁點面包仲正呀..哈..好過擦牛油之後就黎雜菜湯喇...不過我都係中意飲白湯多d今次就叫左一個意粉同埋一個意大利飯..個面有點乾味道都幾好....飯就好濕...唔夠漏..我中意d好漏架..不過都係我自己覺得者...朋友就覺得冇咩野..終歸都係抵食既...服務我就覺得唔錯喇...d侍應幾細心又問我地d野岩唔岩食咁..我係咁問佢野都冇黑面...哈哈...犀利今日太飽喇...冇食到人人讚既心太軟...下次要有所保留先...哈哈..

見到好評如潮, 就當然要嚟試一試, 可能就係咁期望高咗, 失望亦都大咗!晚上七點多嚟到, 要留低電話等位, 過咗一陣, 好快就有位啦!店內光線略暗, 幾有氣氛, 簡單小店的裝修, 感覺幾舒服.餐牌內全是set dinner, 選擇了一個魚柳飯和一個鴨胸意大利飯.餐包 - 暖暖的, 好軟熟, 好好味, 可能係全晚最好味的!餐湯/沙津 (任選一樣) - 餐湯係無得揀, 只有一款雜菜湯, 味道普通.- 沙津都係菜為主, 加一粒車厘茄, 幾新鮮.主菜 - 魚柳就ok啦... 煎得有少少燶同埋鞋咗少少.意大利飯質感唔錯, 茄汁太多, 無咩芝士味.餐飲 - 都係叫咗普通奶茶咖啡, 無特別.甜品 - 心太軟要加$28的.即叫即焗, 幾大個, 可以揀配雪糕球.係整得幾好味, 外層蛋糕脆脆地, 又夠軟, 唔會太甜.內裡的朱古力漿好多, 溶溶地咁, 唔錯. 的確係要推介的.另外要一提的係服務, 幾亂, 同埋態度唔太好, 收碟好快, 但經常收漏! 感覺係想盡快趕客走咁...

慕名為左心太軟而黎哈.就順便食埋個lunch喇餐湯青瓜蓉忌廉湯一直以為青瓜極其量只能用作沙律事實上,融入忌廉湯內味道恰好主菜分別有魚柳配香檳蟹肉汁雞扒配蜜糖芝麻汁雖然味道上不像菜名的味道但依然是好吃的 兩款都好入味雞扒亦夠淋欠的就只是賣相 雞扒only最欣賞既係係經濟實惠既價錢下竟然可以食到水準之上既作品加上菜式既獨特並唔可以係一般餐廳度搵到絕對感覺到大廚既用心良苦最後不得不提既係是主角還是甜品的心太軟很喜歡熱熱的感覺外硬內軟感覺一流流出的朱古力槳既暖入心又甜入心連平時不愛吃甜的朋友只吃了一口也忽然愛上直頭想encore

今日係祖安日, 所以本身要教0既水都推0左, 專心陪她, 呵呵!!! 今日第一站係<車仔麵之家>, 不過原來紅日係唔開0架, 所以直接去第二站 <La Bons Cafe>, 0黎呢度0既主要目的當然係試佢0既心太軟, 不過順便食埋個tea. 餐廳入面唔算多人, 環境都唔錯, 而且唔會坐到好迫. 當中發生0左一件小插曲, 就係因為冷氣臨時要清潔, 所以我地俾服務員每隔三十秒轉0左一次位, 總共轉0左三次, 都真係幾"蚊陣"0架, 不過我地個日心情都幾靚, 所以冇俾呢件事影響到, 哈哈!!! 其實當時個服務員0既態度都好好的, 同埋係咁講唔好意思!!! 1. 挪威煙三文魚柳, 意大利香草腸, 野菌奄列伴栗米火腿田園沙律 ($35) ~ 個名勁長呀, 其實簡單d 0黎講就係奄列拼沙律, 哈哈!!! 呢個就普通d 啦, 可以唔洗試!!! 2. 欖油鮑魚汁野菌, 素鮑片, 紐西蘭牛柳炒烏冬 ($42) ~ 呢碟就係炒烏冬, 素鮑片好好味, 而且覺得好鮮甜喎, 不過唔係素0黎0架咩??? 牛柳就一般啦, 不過烏冬好有咬口, 好味道. 仲有青蘋果汁都好飲, 可以一試