2
0
0
港铁中环站 D2 出口, 步行约4分钟 继续阅读
电话号码
37912389
营业时间
今日营业
12:00 - 15:00
18:00 - 00:00
星期一至五
12:00 - 15:00
18:00 - 00:00
星期六
18:00 - 00:00
星期日
全日休息
公众假期前夕
18:00 - 00:00
付款方式
Visa Master 现金 美国运通
座位数目
50
其他资料
Wi-Fi
酒精饮料
外卖服务
加一服务费
食记 (2)
时间对人类黎讲,可以系话朋友,亦可以系敌人,佢可以帮你分辨黑夜,处理自己既生活节奏;同时亦可以摧毁你拥有紧既青春,人生。我地可以做既只有好好利用呢位朋友,等佢变得更加有价值。所以今晚黎到中环呢间新开既高质日本铁板烧「Kura Teppanyaki & Bar」,好好享受下呢段时间由Bar枱师傅亲自系你面前操刀,将火之艺术发挥得淋漓尽致。餐厅标榜既价钱可以话系非常亲民,食物质素比我预期中更加好,绝对系近期食过既高性价比之一。📌Spicy Cheese Edamame - $58👉前菜一定要由轻身开始,由「辣味芝士枝豆」打头阵,用铁板煮出黎既比平时食开既水煮更加惹味。卖相睇落够翠绿饱满,辣味唔算好重,轻轻有少少带出果种香口感。📌Chopped Tuna & Spring Onion w/ Caviar - $128👉不得不赞呢个「碎葱吞拿鱼配鱼子酱」几有睇头,其实佢由底部一块法包多士承托住。中间由碎葱吞拿鱼他他配沙律酱做主角,正所谓鲜花都需要绿叶扶持,所以面头上会见到鱼子酱加埋金箔加强视觉效果。Staff建议一啖过,成个层次感出哂黎,非常奢华。📌Mizuna Vegetable Salad w/ Crispy Potato - $88👉第一次试呢个「脆薯水菜沙律」,原来水菜睇落少少似火箭菜,其实入口几爽脆,但重点系呢个沙律有个特别之处。加左炸香左既薯仔丝,面头洒上木鱼碎、紫菜丝配合紫苏油醋,成个口感变得相当丰富。📌Chef Recommended Sashimi - 👉度身订造既季节性刺身拼盘「料理长特选刺身」,成个摆盘好有心思,完全满足埋相机既胃口呀。刺身分别取决当造既鱼类,例如鰆鱼配上柚子胡椒,鱼脂味重,肉质入口结实有咬口,唔错;深海池鱼配上梅酒黑醋,鲜甜肥美,清爽够弹性,Staff会建议连同无花果一齐食,口感最fit;慢煮八爪鱼加左松露枝豆蓉,卖相相当靓仔,肉质经慢煮过後变得软腍;旁边仲有一细只泽蟹炸得香黄香脆,仲可以过下口瘾!📌Boiled Clam w/ Shiso & Pollock Roe - $98👉黎呢到必定要试既「紫苏明太子煮酒蚬」,Chef先将汤底经清酒煮过,带出浓厚既酒香。再配合明太子、紫苏将鲜味迫哂出黎,建议连同蚬肉连汤一齐食,会更加惹味。最後可以挤少少柠檬汁饮埋个汤,咁就最满足啦!📌Hokkaido Scallop Teppanyaki - $158👉好野唔好比佢停!再黎就系轮到帆立贝,呢两大只「北海道帆立贝铁板烧配红椒汁」卡士十足。Chef放系铁板将两边煎香,表面煎得带少少焦香,里面香甜多汁,肉质食落够弹牙,再连埋底部既红椒汁,将香味更加昇华唔少。📌Confit de Canard Teppanyaki - $198👉正所谓无肉不欢,不得不试既「铁板油封法国鸭腿」,Chef将鸭腿以慢煮手法再经煎香。外皮做得非常脆口,但里面仲保持到粉嫩多汁,肉质食落完全唔乾,食得出火侯控制相当恰当。可以配搭底部既蔬菜一齐食,成个主菜会减少油腻感。📌Australian Black Angus Beef - $388👉第二道主菜「澳洲安格斯黑牛」亦系必食推介,Chef首先将安格斯黑牛煎香大概到5-6成。再加埋日本订制既南高梅酱,带返少少清香味,再洒上岩盐,将肉味带出,最後伴埋照烧汁,味道相当惹味。牛肉入口柔软,咬落相当Juicy,牛脂味浓。加埋旁边既薯蓉,绝对系完美既配搭!📌Fried Rice w/ Sea Urchin & Crabmeat - $128👉一客睇落好似好简单无难度既「海胆蟹肉炒饭」,但其实里面功夫非常多,一路睇住师傅炒,就知道无返咁上下经验的确炒唔到。饭粒卖相企身,饱满胀卜卜,金光闪闪有咬口。而最吸引当然系一大旧海胆摆系面之余,炒既过程不断会加埋海胆同蟹肉一齐炒,色香味三样齐哂,呢个价钱我谂中环真系食唔到! 继续阅读
(以上食记乃用户个人意见 , 并不代表OpenRice之观点。)
我同老公都系1月生日,所以再次出动搵好野食~朋友介绍有间新开食铁板烧兼有好多清酒的餐厅,所以胆粗粗上去试试。冷静:环境系典型中环Fine dining的餐厅。一入门口有一排排雪柜放咗好多款清酒。餐牌唔系好多野食,只有2,3页。热情:员工,师傅们会亲切为你介绍清酒,食物既食法,唔系单纯只系上菜,服务。唎酒师介绍完点左一支易入口,清淡的有气清酒。头盘:吞拿鱼腩多士,吞拿鱼肥美鲜嫩水菜沙律:沙律菜+炸薯丝,看似简单但配上特式酱汁开胃无比。辣味芝士枝豆:好有特色惹味刺身拼盘:摆盘精致到好似一盘美丽的花卉咁:有2款白身鱼+慢煮八爪鱼主菜:香煎带子配红椒汁,大大只刺身带子煎到啱啱好,鲜味无比,配上红椒汁非常夹羊扒配羊肠,当羊扒在铁板上煎时,整间餐厅都散发住羊味,以为会好骚,食落却只有羊肉的油香。慢煮油鸭肶: 鸭肶慢煮左,保留肉汁系𥚃面,外皮煎到香香脆脆紫苏叶清酒煮蚬:蚬肉大大只,唔系一般既细蚬,啖啖肉。食完饮埋个汤充满紫苏叶清香味海胆蟹肉炒饭:非常欣赏师傅炒饭既技巧,炒饭面仲加左炒滑蛋同大大份海胆。我成日以为食铁板烧系唔饱的,但我真心错了。呢一餐,真系饱左成晚。值得一赞的系餐厅无加一服务,系希望大家欣赏餐厅既食物,员工的服务可以将欣赏化做员工的奖赏。咁有品味的餐厅文化,你话点会唔系冷静与热情呢?唯一觉得不足系菜式好似暂时少左dd....... 继续阅读
(以上食记乃用户个人意见 , 并不代表OpenRice之观点。)