影片
港铁观塘站 B1 出口, 步行约3分钟
继续阅读
开饭介绍
餐厅位于观塘的工厦，主打西式菜肴，提供各式意粉，牛扒等，每晚都有乐手驻场。
继续阅读
附加资料
Live band (Mon-Sat) : 7-10pm
营业时间
星期一至四
17:00 - 23:00
星期五至六
17:00 - 23:45
星期日
全日休息
公众假期
全日休息
公众假期前夕
17:00 - 23:45
以上资料只供参考，请与餐厅确认详情
已经好耐冇听过 live music喇，啱啱上星期六，有个玩开band 嘅朋友叫我去一间音乐餐厅食饭，就冇谂太多嘢，跟佢地一齐去食饭。间餐厅唔系好大又唔系好细，坐二、三十人左右，环境都算舒服嘅，个band 台都布置得唔错，唔系𠮶种Rock & Roll 好爆𠮶啲，而系走斯文路线。有琴、鼓、结他、Bass, 基本上都齐晒。音响质素方面，唔算好靓，但亦唔觉好嘈或好「拆」，整体听落都算舒服。乐手基本上系 one man band, 但食饭时候就够哂嘞，太多乐手可能over 咗。食物质素方面，整体几好，有几个晚餐选择，有汤、蒜蓉多士、沙律、主菜、餐饮，都系百几蚊，都算抵食。我叫咗个羊架，都几香口。至于服务方面，见佢地唔算多人，但都几好服务，几亲切。听啲员工讲，啲客可以唱埋歌，不另收费。本来都想唱下，但𠮶日咁啱喉咙痛（不是肺炎😅）唯有下次先挑战唱拉阔如果夹啱朋友嘅时间，我就一定会再去，亦响度同大家推介下😁
继续阅读
呢间Music cafe 都几得意，有啲似以前𠮶啲酒廊，有个琴手或结他手自弹自唱，玩拉阔音乐。如果客人有兴趣唱返首歌，亦可以同侍应讲，上台献唱，或者同乐手Jam 歌。我地夹开band 就特别有feel 嘅，因为香港玩拉阔嘅餐厅已经唔多，仲要可以比客 free jam 就更加难揾，呢样都算系佢地一大卖点。👍晚餐menu 嘅嘢都大路嘅，有意粉、牛扒、羊架，都系西餐嘢，质素唔会特别好，但亦唔系差。价钱就平均百几蚊一个餐，唔算贵，因为揾乐手现场演奏嘅成本都唔少，但令到间cafe 嘅气氛同格调高几班，食起上嚟就好feel 好多。同女友来撑枱脚就啱哂😛有一样唔好嘅系得一部客䢂，繁忙时间起码要等三、四轮先入到䢂 😕不过，后来听个侍应讲，可以行前少少去搭货䢂，因为有两部大货䢂，可以一次过载好多人，所以唔使等太耐。呢样就要等下次先试到，但我一定会再嚟嘅，亦会推介比其他朋友😎
继续阅读
呢排肺炎疫情严重，本来都唔系好想出街，更冇打算响外面食饭，不过昨晚要去观塘买嘢，所以就响附近逛咗一阵。行下行下听到有人唱歌，我以为附近有人唱紧K, 行去望下，原来系一间music cafe, 见到个男仔弹结他唱歌，即时令我谂起台湾𠮶啲音乐餐厅⋯好有𠮶种feel。🥰🥰我自己好钟意去呢种有人唱住歌嘅餐厅，一边食嘢饮嘢，一边听下歌，好relax 好舒服。于是忍唔住行咗入去，同个员工倾咗几句，知道原来新开冇耐，环境都几舒服，又干净，结果都决定坐低食个晚餐听下歌，舒缓一下呢排好掩闷嘅心情。😚餐牌上选择唔算多，有七丶八个晚餐，平均百几蚊，最贵𠮶个$188，记得好似系肉眼扒。牛，我唔系好啱。但警喜见到有个鹅肝，都系百几蚊，好抵食㖞。虽然惊食唔饱，但个侍应话有跟餐饱，又有跟薯蓉，咁就唔谂咁多，一于叫鹅肝。😋佢地上菜都几有节奏，先上沙律菜，食到咁上下就上餐汤同餐饱，之后就上主菜。最初真系以为件鹅肝会好细件，但出乎意料成只手掌咁大块，而且煎得几香口，真系几好食。👍👍👍可能而家出外食饭嘅人少咗好多，又或者可能系新开嘅餐厅，所以唔多人，眼见十几人，唔够二十人，对我嚟讲，仲好，因为太多人就会嘈，影响听歌嘅 feel。而且，人唔太多、唔密集，心理上觉得安全啲，冇咁容易传染到肺炎菌😆😆重点要提嘅仍然系有人现场唱歌，𠮶种feel 真系好舒服，响香港都好难揾到呢类行文青路缐嘅音乐餐厅。个侍应仲话可以点歌，甚至可以比客人 Jam 歌呢！咁正嘅音乐餐厅，真心要极力推介，我自己就一定会再去！
继续阅读
话说今日行开观塘果头…喺 openrice 揾下有冇音乐餐厅听下歌食饭…揾到喺骆驼漆大厦里面既一间餐厅…门口已经有不少 band 既贴纸…入到去里面非常宽敞……吾似其他民歌餐厅……呢度有哂成 set 鼓 keyboard 比乐手唱歌夹 band...问番老板……原来呢度久吾久有 open mic session…百几蚊又食又唱…几过瘾呀……不过果晚我就太怕羞…惊走音样衰…去到食方面… 呢间主打西餐厅… 有羊架牛扒…也有意粉等等……牛扒方面油脂分怖不错…食起上黎吾会太痴牙…只可惜太肚饿食完冇影相…饮品方面不过不失…都系一般野饮……如果有特色/创意饮品…分分钟可以吸多 d 客…起码多样卖点总括而言, 地点算系 OK..喺地铁站附近…有哂成套 band 器材之外…只需百几蚊就食到野同唱歌都不错~~如果有特色饮品/甜品会更好~~
继续阅读
钟意现场音乐嘅朋友，一定要嚟试吓。一边听住音乐，一边食晚餐，都几有气氛、情调。如果有歌想听，仲可以点歌。当然，始终唔系CD Player, 乐手未必一定演奏到，但都尽量满足。食物方面都算多元化，有意粉、天使面、牛扒、羊架、鸭胸、鹅肝等，都可满足大部份人口味。价钱唔算好贵，百松啲，最贵嘅安格斯肉眼扒都唔过二百蚊，（自己买一块都随时百几蚊）其实几抵食。至于质素，不能同扒房相比，但亦不过不失。有时出菜会几耐，不过，有乐手现场演奏，听住歌等，就唔系好觉耐。服务方面，整体几好，serve 嘅人唔多，但都系好有礼貌，识得待客之道。有时更会同客倾下音乐嘅嘢，所以叫Music Cafe 。总结系值得推介比朋友，尤其系喜欢音乐嘅朋友。
继续阅读