影片
以上资料只供参考，请与餐厅确认详情
之前朋友话呢间麻薯包好食，老公公司喺附近，就叫佢去睇吓，点知佢行过去有少少唔就脚。我同佢讲如果超过$20就睇吓先，太贵就唔买，去到见买二送一，每个计落$12，价钱合理唔贵。买咗三款，卖相都几靓，一款紫色应该系芋头，一款绿茶里面有红豆馅，另一款佢话咖啡，里面系朱古力馅。因为放工买返嚟我都系预听日食，返热之后面包好松软啲馅唔系好甜，但紫色𠮶个芋头我觉得普通冇乜特别，唔多觉有芋头味，绿茶就几好食，老公话咖啡𠮶个都几好，如果呢个优惠冇变，$12个唔贵，下次可以试吓其他款，不过我不嬲都钟意食绿茶呢个一定要再试。
继续阅读
是日去咗葵兴做嘢，我话想买面包做早餐，Office同事就带咗我嚟呢间KOL Bakery。叫得KOL，卖相当然要够打卡able。紫色嘅系芋蓉麻糬QQ。入面除咗有麻糬，仲有好香好滑嘅芋蓉。啡色嘅就系朱古力麻糬QQ。入面有满满嘅朱古力酱，但系又唔会太甜，大人小朋友都咁啱食。绿色嘅系宇治抹茶麻糬QQ。入面除咗有抹茶酱，仲配有红豆，钟意抹茶嘅就一定要试。黑白芝麻做外层嘅就系糖不甩麻糬QQ。入面真系有花生同椰丝，好有糖不甩风味。最后橙红色呢个就系OPPA泡菜餐肉麻糬QQ。入面有泡菜、午餐肉，混入埋麻糬，结合咗咸、甜、辣嘅味道，够晒gimmick。
继续阅读
哎呀我好好好好喜欢应该就是对这间店铺的评价终于有在葵芳工作的机会30度还有特地绕路在烈日下走十分钟来买面包伯爵茶奶酥bagel 抹茶原粒大红豆白玉麻糬包差不多香港吃过最好吃的麻糬包包
继续阅读
最近见到呢一间面包店嘅麻薯包好吸引 而且佢仲有得堂食 可以叫店员即刻翻热！最钟意系佢个芋蓉麻薯qq 卖相真系好靓 铺满晒紫薯粉 入面系香滑绵密嘅芋泥 再加埋烟靭嘅麻薯 再配埋松软嘅面包 口感真系相当之丰富！
继续阅读
近来KCC 附近新开左越黎越多嘅餐厅。先几日行过发现依间名为KOL Bakery 嘅新铺。 新开张其间Bagel 同麻薯QQ $28 蚊一个，买一送一。价钱黎讲十分抵，于是一口气买左4个一试，分别系伯爵茶味Bagel,爆浆朱古力麻薯QQ，绿茶麻薯QQ，芋蓉麻薯QQ.每个咬开都有足料麻薯，食落烟韧弹牙，而且唔算太甜，感觉健康，就算摆过夜，第二日食，面包质感同麻薯都仲系同即日食一样咁新鲜。值得encore.地址：KOL Bakery葵涌葵安道1号KCC 号地舖
继续阅读