KiKi麵店 (K11 Musea)

营业中

休息中

K11新商場Musea 當然是一眾文青鐘意打卡的香港人一個新的落腳點！Kiki面自己煮就煮得多，今次難得開左實體店，就一直都想嘗試，由於新開張，都有好多人排隊，大約等左15分鐘之後就安排入座，喺等候期間已經睇緊佢嘅餐牌。簡單嘅麵條除咗有拌麵的方式，仲有湯麵方式～辣雞拌面第一下吸引左我，一上黎紅當當的雞粒吸引住我，拌麵底下充滿着蒜香豉油香嘅湯汁，汁量啱啱好掛住每一條麵條，專業廚師真係唔同，面條條條分明，唔會煮埋一pat!仲叫埋杯奶蓋烤茶芋圓，一級棒，好似去左台灣咁！

上網抽到電影優先場，今日第一次過黎呢個新商場。本身最想食既係拉麵，不過見到條人龍就卻步...咁啱見到呢間食Kiki麵幾新鮮，就入黎試下啦！由於我自己一個人，佢安排左我坐喺bar枱邊邊位，店員見我拎住2個袋，即刻就比左個籃我載袋，呢點要讚！個menu都算多麵揀。我見好多人都係叫套餐，不過我想食嗰個麵冇得喺套餐到揀，所以就冇叫到啦。叫左個胡麻棒棒雞伴小醋麵，賣相都ok既。但係個店員上菜時竟然就咁pek盤麵落張枱，跟手就一支箭入返廚房，唔知以為我喺茶餐廳食緊飯！講真碟麵係百幾蚊，仲要加一，唔係話好貴，但至少都要正常咁上菜呀！講返個麵，其實我係第一次食kiki麵，麵質幾好，係稍嫌佢啲雞肉少左啲，味道唔錯，份量對女仔黎講係夠，如果係男人黎食應該唔太夠飽。性價比黎講...只可以話，喺呢個商場入面，呢個價錢都算係可以黎食下既...不過綜合埋啲服務，我試一次就夠了。

<跟女朋友吃飯系列•五十九>得悉K11 muse開幕，就跟女朋友有協議：要吃盡所有在muse內的（日本）餐廳。今天先來第一擊，明星舒棋代言的Kiki麵在尖沙咀開設第二間分店，感覺不錯，但未必會再來。餐廳位置位於新開的K11 muse，裝修很豪華，或許租金很貴，所以在服務方面也有所調節🙂餐廳內外採用開放式設計，客人可透過開放式設計欣賞廚師精湛的廚藝。看著他們煮出一個個麵來，也對它倍感信心。餐廳也採用電子化運作，從落單開始，需要scan qr code拿取籌號，順道排隊，但自動化只是一步，或者需要設置大型電視螢光幕，讓客人知道真實排隊情況。食物方面說回食物，不過不失。點了1）蒼蠅頭拌麵 配 麻辣蹄花 加 熱白桃烏龍另點了2）櫻花蝦蟹粉撈腸粉先來了1），其實單看字面，根本就不會知道是什麼，讓我翻譯一下，簡單一點就是 免治牛肉拌麵 配 麻辣豬手。感覺整體不俗。拌麵採用kiki拌麵，或許這就是賣點之一吧！配菜是辣蒼蠅頭，將它拌上kiki拌麵，很好吃，麵質十分彈牙，連我家也煮不到。可惜份量太小，很快便把它吃完。麻辣蹄花，骨肉分離，配上辣汁，配合得十分出色！熱白桃鳥龍很好，雖然用茶

寫完新商場探路part1,當然會有個part2 啦本應唔係簡依間餐廳,可惜今日人流超勁不論係food court定食店,全部都要等最後就簡左舒淇麵店試下佢一早知佢有出即食麵,但從來冇試過咁而家就試下係咪咁好食先三點零去攞飛,要等五十個.....誇張但無阻我要試味既決心等了又等,一等就等到四點三Anyway, 難得黎到麵同茶都要試下苿莉綠茶,有淡淡苿莉清香茶味較重,都啱我口味,不錯叫左個榨菜肉絲麵,榨菜分量多麵的分量都合理,麵質偏硬,但可以接受湯底味道都不錯但價錢偏貴,98蚊碗啊....總括黎講CP值一般....要排咁耐有點不值以上食評只反映個人立場,如有雷同,實屬不幸

今日係尖咀食完晚飯，行經八月尾先開張既商場K11 Musea...發現原來開左間KiKi麵，平時都有幫襯開KiKi麵，最鐘意食佢個隻椒麻拌麵，麵質同口感都很贊，不過因為食左晚飯，所以就幫襯KiKi麵同鋪位既KiKi茶。我地叫左個「白桃烏龍」少糖、少冰 杯野飲都好大杯，飲左幾啖，味道黎講普普通通聞落去有清清地嘅桃味，飲就飲唔多到白桃味，相反茶味好濃，飲到後期冇咁凍...啲冰溶哂之後...桃味就出番黎...所以可能叫熱飲或者微微冰，個味道會更理想

本身非常鍾意Kiki 蔥油包裝面Noodle bar 已經想去好耐加埋新商塲K11 Musea 今晚要獨食即刻去試好多人排隊一位唔洗點等食物選擇非常多伴麵、湯麵、飯、粥、腸粉、台式特飲可惜menu 冇相片像台式炸雞粒雞肉軟滑多汁麵軟硬度perfect for me炸蒜加生蒜加汁與麵非常襯麵份量剛好Bar 枱位可插USB又可看到師父煮麵杯蓋可轉動大口飲奶蓋非常暢快奶蓋加紅莓完全減去「溜」的感覺加上烤茶又唔會好甜係伴麵最佳伴侶仲有好多麵想試下次再去

Went here for lunch and wanted to try their store special so did not order their lunch set. Their special is tomato soup noodles with fried tofu and fishballs (紅白丸子千層腐皮番茄湯麵)...and it is disgusting. The soup was only lukewarm and is basically just pureed tinned tomatoes. The fishballs are handmade but they are so fishy ('seng') that I didn't finish them. The tofu was the only ok bit about this dish. I ordered dessert at the same time as the noodles because they use an order form where you have to

身為KIKI fans 想試新開的noodle bar 好久了，但一直未有時間到IFC。今日因工作關係反而去左K11 MUSEA。選左新推出既紅白丸子千層腐皮蕃茄湯麵（98元），估唔到蕃茄湯勁鮮甜，千層腐皮更係驚為天人，一絲油膩都冇。魚丸都OK，紅的帶點紅菜頭味，幾有趣。同事就試左麻辣肉片紅白麵，辣度剛剛好，仲有點點 aftertaste。鴨血同豆腐都有台灣風味，下次要再叫一個自已食。飲品方面點左紅莓雪絨KiKi烤茶，不會帶甜且茶味香濃，讚！