影片
以上资料只供参考，请与餐厅确认详情
这个新商场在地铁站上盖真方便，落雨也不怕。和朋友睇完戏揾地方食啲嘢，我们又不是太肚饿见到甜品厨窗，不如坐下吃件蛋糕🍰啦！近排大热蛋糕店🍰件装蛋糕或个装蛋糕都有很多款式，不同种类不同味道好吸引。草莓拿破仑🍓至爱草莓拿破仑🍓，酥皮松脆忌廉幼滑香甜，配埋草莓酸酸甜甜好好味。抹茶香芒提拉米苏🥭这款味道好特别，平时吃开提拉米苏系朱古力味道，而这件就用左抹茶做底味加入芒果做馅料的。日式焦糖布甸芝士蛋糕🧀焦糖布甸结合芝士蛋糕是什么味道，就是好味啰！滑滑日式焦糖布甸🍮好动L，上层令面滑嘟嘟有蛋香下层就是香甜嘅芝士蛋糕。梳乎厘芝士蛋糕🍰吃完几款不同口味的蛋糕，想吃番件清清地嘅疏乎厘蛋糕，超软熟软绵绵的疏乎厘夹住芝士味道，也很喜欢。
继续阅读
今日放工去The Southside Food Court买甜品返屋企Surprise女友啲蛋糕个样都几精致 不过比起连锁店𠮶啲当然就会贵价少少 但最紧要系好食草莓甜心忌廉蛋糕 Strawberry Cream Cake 鲜香芒芒忌廉蛋糕 Mango Cream Cake我自己比较钟意食水果蛋糕 所以叫咗两个cream cake 蛋糕都好软绵 啲cream亦好滑 加埋鲜水果 - 芒果大大旧啖啖肉 士多啤梨唔酸 - 食落感觉好light亦唔会太腻草莓拿破仑 Strawberry Mille Feuille拿破仑酥皮带点酥脆 中间嘅吉士亦唔会过甜 加埋士多啤梨嘅酸酸甜甜 更加中和到成个甜品嘅味道 好味道除咗呢啲之外 呢度仲有梳乎厘芝士蛋糕/巴克斯芝士蛋糕/水果水晶芝士蛋糕/提拉米苏/咖啡卷等等 下次可以在试下其他味道
继续阅读
今日去咗黄竹坑，行过见到有个Oasis Food Social，类似美食广场，但未入去已被呢个饼柜吸引咗。食完饭就买咗几件饼，返屋企食。🌷草莓拿破仑拿破仑酥皮松化、微脆唔戒口，吉士酱滑身唔会太甜，酥皮和吉士酱，中间又夹住士多啤梨片，士多啤梨片薄而清甜。🌷巴斯克芝士蛋糕蛋糕的面层好似烧㶶咗的颜色，当然唔会有㶶的味道啦！芝士蛋糕口感比较软身，带少许水份，味道唔会太甜，但又会有芝士的香味。🌷朱古力脆脆卷甜品我好少拣朱古力，因为好惊好甜或者好腻。呢个食咗半个都唔觉腻，但就唔系好觉有脆脆口感，只系中间有啲朱古力粒有时会有少脆，同埋一啲圆形的白色粒粒，口感烟韧。🌷梳乎厘芝士蛋糕口感软绵湿润，芝士味较淡。食咗几款甜品好满足，味道都系偏向轻甜。而我自己较钟意草莓拿破仑和巴斯克芝士蛋糕。
继续阅读
食过这间店的蛋糕，非常好味! 但 Oasis 根本无人服务这店，每次 order 蛋糕都要企系等成15分钟先叫到服务员出来售卖. 每日中午体验仲差，等咗成20分钟，仲要问左几次服务员先有人出嚟，出到嚟个服务员仲要黑口黑面!! 完全吾想卖俾你咁!
继续阅读
和友人在黄竹坑商场内的Oasis Food Social 吃过午餐后，途经这由艺人龚嘉欣与日籍烘焙大师𢹂手合作推售的蛋糕系列，我当然就要试试啦！～香印蜜语忌廉蛋糕蛋糕面的原粒香印提子味道清新香甜，与蛋糕中间夹著的忌廉提子片互相挥影。白滑忌廉和松软蛋糕配合得宜，味道适中，令人不知不觉便吃掉整片蛋糕。～鲜香芒芒忌廉蛋糕芒果肉酸酸甜甜，非常醒胃。松软蛋糕夹著白滑忌廉和香甜芒果肉，味道和口感十分讨人。～草莓拿破仑这个口感和味道层次极多元化的甜点让我喜出望外。既有脆口酥化的饼块，又有香而不腻的绵滑吉士馅再配上新鲜士多啤梨片作为主角，让这甜品增添了既甜蜜又醒胃，十分好味！这店的蛋糕制作得漂亮又精致，食味有水准，值得捧场一试。
继续阅读