Kafa Café (已結業)

近排愛上左kafa...一來近返工地點...二來服務一流...三來個環境好...還記得第一次去kafa食lunch的時候...我見到有個侍應生企左係門口我以為是入去坐到take order..但一入到去個侍應生已經提我話要比錢落order先坐低...個侍應生服務同禮貌都一流...因為有第一次好既impression...之後我都經常去食...成日都叫個度d湯粉...因為價錢合理...味道不錯..而且賣相很好...最重要係每次服務都唔錯比人一個好warm既感覺...好似尋日咁一入到去..個侍應生已經記得我...笑笑口咁問我今日係唔係又食湯粉...之後又問係唔係要飲latte要3盒coffee mate...個對答好似朋友咁...真係正呀~~~

係國慶來到奧海城同友人行街來到平日唔多會來到奧海城一期忽然發現一個亮起燭光咖啡室裝修美觀,好奇心下逗留觀看經待應介紹原來呢一間咖啡店係埃塞俄比亞咖啡專門店,見個待應服務誠懇所以入內一試,叫個香芒大蝦牛扒跟意粉,起初對食物無咩期望點知食落發現有驚喜,好食就唔在講佢服務亦非常好唔知係氣氛定係每一位待應對每一位客人親切笑容關係呢一個燭光晚對本人來講非常滿意.

母親節, 我同姐姐特登較鬧鐘起身請爸媽食早餐. 成日都食係食M記同KFC, 今次就試下KAFAo既早餐.分別要左牛肉意粉同豬扒螺絲粉早餐, 個扒韌得滯唔係好好食, 不過餐飲o既咖啡就唔錯.