Kafa Café (已結業)

服務生很熱情~當我在看餐牌時,服務生已經同我介紹~感覺很好,環境獨特,特別現在臨近聖誕節,佈置很好~食物很適合我~

行過奧海城二期，再來一期看看，入口即看到這間caf，見有雪糕賣，又夠平，Double-scoop只得25大洋，當然要試！選擇不多，但剛好有我鐘意的兩種，即是綠茶紅豆+金莎朱古力。以為如此廉價會很細件，卻發現全然不是呢，幾乎有haagen Dazs兩倍那般多！這樣抵食，味道會好嗎？結論是：還不錯~確實，雪糕不夠creamy，冰的份量較重，但因此亦突出了本身的口味。綠茶味濃郁，其中又混了不少甜而較黏的蜜豆，很好吃。金莎朱古力味道亦正，有脆脆的朱古力同果仁。和朋友share，食落都好飽。這個價錢這樣的水準，也算知足啦。

今日行過一期見到ｋａｆａ　ｃａｆｅ覺得好特別，所以咪行入去試下啦～點知未行到入去　，就有個服務生好主動行過黎介紹今日ｌｕｎｃｈ有點咩好食，有咩野食比較特別　．　之後　，　佢介紹左個＜吉列魚柳飯＞比我，重好詳細話即叫即做要等耐小小．．．．．不過唔緊要啦，好既野食都要等一等嫁啦～～原來服務生介紹＜吉列魚柳飯＞都幾特別個喎．．裹面有塊紫蘇葉，都幾好味　．再配多一杯埃塞咖啡，都唔錯嫁環境寧靜，服務又ｏｋ，味道都唔錯．．．．下次會介紹朋友黎試試

曾經有一段時間, 日日都去呢度飲下午茶, 得閒就去坐, 食完行番屋企,同佢地經理好熟, 大家有傾有講,工作氣氛好好但最近一次去, 驚覺轉哂人, 服務員(黑面) 仲好無禮貌. 態度差劣！！得罪人多，稱呼人少。希望負責人注重員工服務態度，尤其係服務差係致命傷，正所謂：一粒老鼠屎，壞了一煱粥。

今日同男朋友黎到kafa,感覺坐滿客人定必有驚喜....無估錯!!早餐\價錢低食唔在講,重好豐富!我叫個蕃茄湯粉配迷你芝士漢堡飽加杯咖啡,我男朋友叫個魚柳煎蛋配多士,前者湯粉蕃茄味適中多料,我見男朋友個炸魚柳好似好好味,試過夠熱唔腥,重有一陣香草味道,同服務員傾開先知道一個塊葉叫~~紫蘇葉~~同服務員傾開佢\仲介紹返佢\既咖啡係來自埃塞俄比亞.......\"超特別\"下次真係要call d朋友黎試下呢到d咖啡先得

之前老闆請食飯來過食，覺得呢度既cheese cake好特別, 男友生日帶他來試試,服務態度就有點懶散，問服務員洗手間在哪，她那木無表情，只站在原位，用眼望望左邊示意洗手間轉左既態度就真系有待改進

早放工又唔想咁早回家, 所以自己一個人去左kafa 飲杯野睇吓書...叫左杯朱古力沙冰, 味道淡淡無咩朱古力味...點解差左咁多架...去kafa 真係為左佢地有一個舒服既地方坐吓...至於佢地d 咖啡同服務態度認真麻麻………

以往係呢間kafa cafe 消費除左食野,飲野ok外服務都算唔錯…但係現在食物既品質,服務既態度一日比一日差….特別係服務方面每位服務員都經常(黑面)沒有笑容令人感到害怕……….

之前朋友來過食早餐，拒話分量少，唔好食，而且收得貴。我未試過，所以今次想試試系0米0甘唔可以接受。我叫了個午餐-三文魚菠菜面。我問姐姐餐飲包什麼。姐姐話普通咖啡，〇茶或〇水。我要了杯咖啡，然後再要杯。姐姐話如果怕飽，可以要個三文魚salad，如果真系食唔灑，餐廳都可以打包。姐姐再話特色咖啡跟餐只系加$6。之後我同姐姐講都系要番三文魚菠菜面。收錢後番埋位，我覺得點計條數都好似收多左0我。我走番去問條數點計，原來姐姐收了我兩個三文魚菠菜面餐。0下? 我都無話要兩個餐。姐姐即時同廚房更正。但誰知?!服務員竟然令了兩個三文魚菠菜面來。跟住我地同服務生講只叫了一個，拒一臉惘然，停灑手腳，呆望我地。野食方面，唔掂。菠菜面完全系整定gei，而且林灑，仲凍灑添。咖啡方面，無羊特別。

上完課程發展處的工作坊，在奧海城一期找到這間Kafa Cafe。這間cafe吸引我的地方是它有供應埃塞俄比亞品種的咖啡。今天顛倒眾生的咖啡，源產地並非什麼超級大國，而是常鬧饑荒的埃塞俄比亞。而咖啡這名詞正正是源於埃塞俄比亞一處名為咖非(Kaffa)這地方。我點了一客西多士茶餐，問男店員若餐飲由普通即磨咖啡改為埃塞單品咖啡需補多少錢。他一臉茫然，看看餐牌上說轉特飲加8元，便說應該是8元。問他兩種單品咖啡有什麼分別(名字記不了，總之是埃塞俄比亞的地名)，他亦回答不出。算了，餐飲點埃塞咖啡算了，名字好記點。他收錢時再問一問旁邊的女同事，告訴我只加5元就行。更好。然後，他向旁邊的女店員說：「這個咖啡你不懂的了，讓我來吧！」然後看看盛咖啡豆的櫃子，猶豫一回，再回頭看牌子，自言自語說：「唔，是E字頭那個......」更詳細的不說了，總之是那男店員嘗試了幾番沖調，終於在15分鐘後給我送來了一杯埃塞咖啡......西多士賣相甚佳，咖啡亦尚算香濃，酸味及苦味較突出，但容易為人接受。不過盛餐的盤子大小不夠同時容納食物碟及杯底碟，是一個小小不足。

在奧海城，你可以逛的不多，但正因如此人流也不多。不過適逢上週日是教育展，二期來了不少人，只有退去一期。啊，找回想要的寧靜了!　原來一期亦開了好些新食肆，如小小小店-juicy juicz、主打海南雞飯-ampm，以及這間非洲風味咖啡店-Kafa。時值下午茶時段，就與龍點了兩個餐慢慢嘆。龍要燒雞扒湯通粉，想不到雞扒燒得幾好，有皮香肉嫩的效果，是不錯的飽肚之選。甜魔我就揀了Blueberry cheesecake，藍莓醬夠多夠香，可芝士餅比我想像中稔好多，一點都不實淨。有一點幾好的，是茶餐可以揀花果茶，我飲了芒果茶幾香!　雖然店內座位不如看來舒適，而且餐檯有點搖晃，不過我們二人都幾享受悠閒的時光。奧海城，幸而還有一期的後花園!

如要食新鮮魚湯米線,必定要食魚好味到連湯底到飲埋好食過魚米家的米線

之前一期要溫書考試, 所以周圍搵cafe 坐每次都係叫tea set, 有一次叫左latte, 味道都唔錯, 最好就係環境, 有cushion o既sofa, 又有報紙雜誌, 正~!!

在奧海一期, 一入商場轉左邊就係.今晚晚餐去了這兒, 不過唔好太遲, 因為佢地收九點.點了個set, 忌廉汁三文魚菠菜麵, 份量不多, 但味道不俗. 加左杯朱古力咖啡. 幾好, 接近starbucks水準. 因為唔夠飽, 再加了件cheese cake...好好味.有梳化坐, 有雜誌睇. 環境舒服...很好的一餐.

回想起昔日女待應既招待,朋友般既談吐,直到今日來到每日至愛午膳的KAFA.發現朋友般既女待應已經被調走左啦換,來的是一個古怪的男待應,佢既招待技巧尚算專業….可惜略欠真誠-欠缺朋友般既感覺,同其他待應比較稍為遜色….最奇怪之處,算係佢服務既技巧---明明座無虛席卻游說客人先選購,就會有位進食,結果店外企滿已ORDER而冇位坐既客人,呢個從未見過既情況都算幾特別!!平日我地欣賞佢地服務快捷,品質OK,真誠對待客人,先至每日到來,但係如果呢個情況持續的話,我唸大家都有機會轉換地點啦p.s.希望佢地可以回復舊有既服務啦………….