ka-to卡噹拉麵

营业中

休息中

這間拉麵店位於荃灣AEON的美食廣場內，鄰近荃灣西站，主打價廉物美的日式拉麵及小吃，玻璃窗能觀賞到廚房的製作過程，看得見的衛生。美食廣場內設有大量座位，亦有專人負責清潔，適合多人聚會。豚角拉麵 - $49醬油湯底味道鮮甜清爽不死鹹；有多塊角切豬腩肉，肥瘦相間不膩不柴，先煎後燉大大減去了油脂和肥膩感，香味濃厚且入口帶化；煙韌彈牙的拉麵份量十足好掛汁，還有香蔥、木耳絲及筍片等。慢煮雞胸拉麵 - $65咖喱湯的質地較為濃稠，有濃厚的香料氣味，帶微辣的辛香；三塊慢煮雞胸厚度十足，嫩滑多汁不乾柴。慢煮叉燒拉麵 - $65奶白色的豬骨湯充滿油脂及膠質，有濃厚的鮮甜味；大大塊叉燒採用肥瘦適中的一級豚肉，以炙燒帶出豚肉的脂香，幾近入口即化。照燒雞翼(5件) - $35肥美飽滿的雞中翼塗滿日式照燒醬汁，鹹中帶甜，又有粒粒白芝麻。煎餃子 - $28五隻日式餃子外脆內軟，採用五花腩作肉餡，豐富的脂香特別香口。

#chuchu食在荃灣📍 ka-to卡噹拉麵 最近AEON做Promo，行完街就喺度食埋嘢，呢度早排下裝修完就喺超市隔離food court！💡 每個月都有唔同的特別推介優惠！$38震撼優惠價！—————————————————————❣️ 自選拉麵 $80 ($38+5+6+8+8+15)有30幾款餸可以揀，每個餸都係$6-12，可以瘋狂叫，豐儉由人！🐷就揀左＋$5豬骨湯＋自家拉麵＋$8溏心蛋＋$15雞叉燒＋$6雞髀菇＋$8芝士魚豆腐！豬骨湯底香而不膩，唔會好油！自家拉麵都爽口彈牙！雞叉燒好嫩滑，燒過好好食，食落去好多肉汁！雞脾菇都好正係燒過，好似有一層焦糖喺面咁！. ❣️ 自選拉麵 $89 ($38+5+5+6+8+12+15)自選拉麵本身有經典配搭，有醬油湯、拉麵、蔥花、味筍、木耳絲！🐷另一碗就揀咗＋$5豬骨湯＋$5烏冬+$8溏心蛋＋$15雞叉燒 ＋$12帝皇蟹柳＋$6芋絲特別推薦雞叉燒同糖心蛋✨.❣️ 雞肉軟骨串 $12入面有粒粒雞軟骨，食落去有粒粒口感！.❣️ 手羽餃子明太子 $38手羽燒得好香口，入面嘅明太子好足料，鹹香味好重，亦都唔太辣，可以加檸檬汁！.❣️茉莉花茶 +$9❣️Cok

又係食日本嘢嘅時候啦！今日喺AEON行完街就過嚟食嘢，呢間店位於超市food court，位置幾方便，隨時都可以食到日本拉麵！🧡雞叉燒拉麵（咖喱湯）$58雞肉叉燒有驚喜喎，本身幾厚切又有少少焦香嘅味道，呢個咖喱湯底味道幾好，但記住趁熱食，因為佢本身比較杰身，如果擺得太耐就冇咁好食，嗰種咖喱味就係日式正宗咖喱味道，甜中帶微辣，小朋友都食到嗰隻辣度，入面仲有蔥花同木耳點綴，味道不錯！🍜慢煮叉燒拉麵 $58白湯豬骨湯拉麵，湯底鹹鹹香香，叉燒經過火炙，超級肥美入口好香濃，整體配合味道唔錯！🥟煎餃子$28餃子配呢個沙律醬幾好食，沙律醬仲加咗七味粉，係日式餃子嘅味道，餃子只係經過一面煎香，唔會炸得太過分，配沙律醬好食！🍡雞肉軟骨串 $12雞肉丸子入面有粒粒雞軟骨，食落去有粒粒口感，醬汁鹹中帶甜，都唔錯！🔥餐廳有時會有$38震撼價小食：💛手羽餃子明太子 $38手羽餃子入面嘅明太子好足料，鹹香味好重，亦都唔太辣，建議可以加檸檬汁增加風味！🔥照燒雞翼（3隻） $25呢款雞翼小朋友都應該鍾意食，味道幾香口好似平時BBQ嘅雞翼一樣，仲加咗白芝麻粒粒提升滋味！💚飲品方面，有大量日式飲品選擇，試咗蜜瓜乳酸梳打，

今日過嚟AEON買芝士，發現原來入面有美食廣場，都有幾多餐廳可以選擇，最後揀咗呢間拉麵🍜，佢個價錢幾吸引🤩。最平$38就可以食到一碗辛辣肉醬拉麵🍜，個湯底係醬油湯底，味道剛好唔會太鹹，配菜仲有木耳絲、蔥同筍。而主菜辛辣肉醬好夠鹹香，帶微微香辣味😚。餐廳主打嘅$42自選拉麵🍜，包含左醬油湯底，自家拉麵，蔥花，味筍，木耳絲，仲可以加$跟其他餸。⭐️加$8轉左豬骨湯，湯底好香濃嘅豬骨味⭐️加$5轉左烏冬+$6雞髀菇🍄‍🟫 煎到好香+$8燒竹輪卷🍢+$8芝士魚豆腐🧀+$12 帝王蟹柳🦀+$15 雞叉燒🐓雞肉肉質鮮嫩，而且煎到好香，絕對要點啊！小食都有好多款可以揀，🍢雞肉軟骨串$12，雞肉同軟骨變成一粒丸子咁樣食，口感軟嫩，咬落去食到豬軟骨，外面嗰層掃上一層燒汁食落甜甜地。山藥雜錦燒$38呢個感覺好似食緊章魚🐙燒咁，入面都有少量章魚。✏️沒有加一服務費

2025.2.12大約兩個月前，同舊同事提起拉麵，佢就介紹左哩間店比我，係商場入面既 food court，非常抵食而且好味。但我好少會去food court食野😮甚至起疑問，food court啲野真係有咁好食咩？半信半疑就放假去試。🤔🤔哩間店係以自選配類形色黎點單，我就揀左慢煮雞胸拉麵改醬油湯底（原配係咖喱湯）🍲🍲🍲飲落味道偏甜，後勁有小魚乾嘅味道， 然後有醬油香味，醬油嘅鹹味偏淡，鹹香較小，有啲似整關東煮嘅湯底。🍜🍜🍜麵身係中細直身麵，目測麵身偏白色，食落爽滑彈牙，軟硬適中。🍥🍥🍥配菜有：厚切雞胸叉燒3塊+大量竹筍+青蔥+木茸雞胸叉燒係用低温做法，切得好厚，食落鹹味較淡，冇血水冇雪味，鮮嫩多汁，缺點有少少腥😗竹筍的量好多，食落甜味較重，口感爽脆，冇怪味。雖然係food court既店，但因為佢係有一面係玻璃窗可以望到廚房，見到入面非常乾淨整齊，配料用既鐵兜都分得整齊，咁啱見到一位女廚師教緊個湯底，睇到都流口水丫🤤💸💸💸價錢方面，我只點拉麵+支樽裝茶，只係$66，無可厚非係幾咁抵食！！非常平民價！！😊😊😊支付方式除左現金，仲收八達通同信用卡同其他電子支付，好方便😃下次再過黎荃灣我會

AEON超市Food Court的「卡噹拉麵」🍜絕對是荃灣平民美食店!餐廳主打日式拉麵配創意湯底，辛辣肉醬拉麵＄49（醬油湯）🤤推薦必試🔥辛辣肉醬拉麵，濃郁醬油湯底自帶辛香層次，加上厚切彈牙雞髀菇、爆汁魚籽福袋與蒜香點綴，辣得過癮又滿足！慢煮雞胸拉麵＄65（咖喱湯）慢煮雞胸拉麵以咖喱湯作靈魂，雞肉嫩滑不柴，配半熟流心蛋與拉絲芝士魚豆腐，日式與港式風味完美融合😋小食同樣出色！燒雞翼（5件）$35 超抵食，外脆內嫩帶蜜糖焦香日式關東煮＄46足料大碗，蘿蔔、竹輪吸飽湯汁超鮮甜🤩加$9即享手搖水果特飲大大柸菠蘿烏龍茶夠果香清爽，荔枝茉莉綠茶甜而不膩，解辣一流！人均$100內飽到捧腹，難怪成灣景廣場打工族飯堂！🥘😍 

好似車仔麵形式嘅拉麵，可以自己揀湯底同餸🤣可以揀到自己啱嘅口味👍🍜芽菜山、雞胸、雞髀菇、溏心蛋醬油湯拉麵芽菜山真係好多🤣食到尾都仲有芽菜食，好爽口👍雞胸好嫩滑，雞髀菇輕輕灼過，好爽脆彈牙💕溏心蛋好甜，醬油味好出🍳🍜鳴門卷、豬叉燒、味噌湯加辣拉麵豬叉燒帶肥膏，好軟腍！味噌湯好濃味，加埋辣就好惹味😍鳴門卷就中規中矩！煎餃子🥟煎得有啲參差😂有幾隻燶咗 皮薄不過 一夾就散🫢肉調味都唔錯📍ka-to卡噹拉麵 (荃灣)荃灣大河道88號灣景廣場購物中心地下20號舖

荃灣Aeon內既foodcourt原來臥虎藏龍，今次見到呢間日式拉麵，但可以自己選送選湯底，價格合適，另有震撼價38一碗辛辣肉醬拉麵既promo好抵食！我地唔好食得辣所以揀左咖喱湯底同豬骨湯底，拉麵湯底偏濃，粗麵同細麵都相當掛汁。我地有揀帝王蟹柳、豚角、炙燒牛肉、溏心蛋，一碗大概80蚊左右，好大份好足料。溏心蛋煮既恰當好處，肉類都烹飪既幾好。另外嘢飲都好多唔同茶款揀，+9蚊就有大大杯。小食我地嗌左手羽餃子明太子，表皮酥脆，內裡滿滿明太子，一口咬落去超鮮！鍾意食拉麵既朋友一定要去試試！

震撼價: 辛辣肉醬拉麵 🍜$38配料: 雞髀菇+$6 &牛蒡卷+$8原來喺荃灣AEON嘅food court開咗好多新嘅餐廳😂呢款拉麵都幾特別😂首先有一個$38嘅震撼價😆超級抵食😊配搭佢自家製嘅麵條同埋湯底😂呢一個辛拉麵味道都幾特別😏配搭少少微辣嘅肉碎😂更加惹味😀加上佢仲有好多嘅配料選擇😆揀咗一個幾特別嘅牛蒡卷😃唔係度度有得食😂麵條偏幼身😋但係都掛汁慢煮叉燒拉麵🍜$58配料: 芝士魚豆腐+$8 & 帝王蟹柳+$10 &雞叉燒$16相對呢個湯底就會鮮甜😊有好重嘅豬骨香味🤣呢個選擇咗啲特別嘅配料😃蟹柳真係超級大條😂雞叉燒都係第一次食😗雞肉鮮嫩😙叉燒表面有燒過😆所以有炭燒嘅香味明太子多士$38表面有巨量嘅芝士同埋明太子☺️極度邪惡😌但係幾好食明太子雞翼$38將明太子放入係雞翼入邊😏口感唔錯+$9 蘋果汁 & +$9 茉莉花茶任何拉麵仲可以以優惠價換購飲品😀果然性價比好高

荃灣抵食自選拉麵位於Aeon入面嘅food court 位置好方便～🍜自選拉麵 $38已包括醬油湯底 湯底都幾香唔會太鹹 額外加咗辛辣同蒜蓉醬料 （+$3） 有勁多生蒜🧄夠晒惹味 而自家拉麵 拉麵硬度適中入面重有好多葱花、味筍、木耳絲 獅子狗 （+$8）芝士魚豆腐（+$8）🥓豬叉燒 （+$15）有啲似豬五花 薄薄地入口即溶🍜自選拉麵 $38呢碗我哋揀咗烏冬（+$5）配味噌湯（+$5）濃郁嘅麵豉湯可以一路飲一路食 再加埋蒜蓉醬料 （+$3） 超級重口味勁正！芋絲（+$6）大根（+$8）全部都好入味！🥚流心蛋（+$8）如果係切半上會更好賣相會吸引啲～🥓雞叉燒（+$15）厚切得嚟又啖啖肉 重少少焦香味🥟煎餃子 $28沙律醬中仲加咗啲七味粉 配埋煎咗一邊嘅餃子一齊食好食😋🥪明太子多士 $38濃郁嘅明太子香氣 配埋酥脆多士又帶著微辣的明太子味 推介！草莓荔枝綠茶 +$9無糖可樂 +$8ka-to卡噹拉麵 (荃灣)荃灣大河道88號灣景廣場購物中心地下20號舖

荃灣日式超市翻新後，亦新增了一個小型美食廣場內有不少日式美食餐廳。這家拉麵店的所有拉麵及湯底均自家製造。另有自選拉麵選擇。慢煮叉燒拉麵（豬骨湯）叉燒慢煮嫩滑柔嫩，拉麵麵條有彈性湯汁用豚骨、雞骨慢熬而成，味道鮮美而濃郁。雞叉燒拉麵（咖喱湯）燒烤後的雞肉嫩滑充滿肉香麵條吸收咖喱湯汁的香氣，增添了咖喱的香辣和濃郁。雞肉軟骨串雞肉和軟骨結合，既有嚼勁又不失滑嫩，表面刷上一層醬汁，使得味道更加豐富，讓人食欲大增。手羽餃子明太子外皮酥脆的無骨雞翼釀了明太子肉質鮮嫩多汁，口感更加豐富。煎餃子脆皮的煎餃子與內部的柔軟形成了鮮明的對比。

【荃灣——自製二郎系】香港有得食二郎系拉麵嘅地方唔多，但小編近排發現荃灣Aeon 新開嘅Food Court 入面有間拉麵店 @katoramenhk ，可以試下自製二郎系拉麵。原因係佢除咗一啲基本款，仲採用車仔麵嘅方式，客人可以拎張紙選擇自己鍾意嘅湯底、麵同配料，選項超過三十款，豐儉由人，總有一款啱你心水。如果想慳錢，亦可以選擇$38嘅醬油拉麵，當然就只有基本配料（蔥，但大概都可以睇得出呢間拉麵店係主打價格親民嘅路線。自選拉麵 （＋豬骨湯＋自家製粗麵＋蒜蓉＋蔥花山＋芽菜山＋溏心蛋＋雞叉燒）呢個就係小編自製嘅二郎系拉麵，大致要有嘅嘢都有。尤其是芽菜山，份量非常之夠，口感爽脆，菜青味有少少但唔算強。不過我只能講佢係低配版二郎系拉麵。因為佢嘅豬骨湯真係唔多掂，口感偏薄，骨香同油香都欠缺，連一般拉麵店嘅豬骨湯都好過佢，所以同二郎系拉麵嗰種有背脂嘅豬骨湯真係大相逕庭。好彩，佢有蒜蓉可以加，而且份量唔少，彌補返佢個豬骨湯唔夠濃郁嘅特點，亦都有返二郎系嘅影子。其他配料例如溏心蛋、雞叉燒都唔錯。雞叉燒其實就係橫切嘅雞卷，肉質偏軟唔乾，味道帶甜同炙香。最後講下個粗麵，食落口感偏淋，唔夠彈牙，身為粗麵控

最近收工去開荃灣西間Aeon買野～發現咗呢間隱藏喺food court入面～係主打大大碗抵食日式拉麵店嚟🍜～多數嘅日式拉麵都係set好咗配搭～但呢一間創新手法係可以自選所有拉麵嘅配搭架！每一款拉麵湯底/配料等等都可以自由搭配～貓大餓底一不小心點了太多⋯到拉麵上桌時看到排成整座山的滿滿配料有點嚇呆了⋯😹當然如果有選擇困難症的話～還是有set好的拉麵配搭～ 只要$49-58/碗‼️再on top加配自己想吃的配料哦👌🏻每一碗基本都配料青蔥木耳味筍等等～很推介他們的雞叉燒😋～當日其實是看到他們Menu有明太子多士～衝着明太子三個字而去的😹結果可能是太晚了早已賣完😿

🕛中午去買餸買水果🥝咁啱撞到個街坊🧑🏻‍💼聊左兩句發覺原來大家都未食晏😄我哋見依家AEON裝修完喺超市隔離有個細版嘅food court✅咁就一齊喺度食個晏嚕🤗🥢我哋揀咗間做緊優惠嘅拉麵🍜$38就有碗辛辣肉醬拉麵🧑🏻‍💼街坊食辣呢碗👍我哋就揀自選組合嘅拉麵😍想要乜湯底、食乜就揀乜👅呢個好讚呀💯而且價錢仲好親民添🥢🌶️辛辣肉醬拉麵：呢碗我見到湯上面有一堆小山嘅辣肉醬🌶️街坊話味道唔錯👍辣d仲正👍🐷自選拉麵：我揀咗自選嘅拉麵🍜花多眼亂😍差唔多有成30款嘅日式地道菜式揀🥢樣樣都想試呀😛濃濃嘅豬骨湯底🐽爽口嘅牛蒡卷、厚厚又多汁嘅豬叉燒再加多隻流心蛋🥚唔錯🥳🐣自選拉麵：另一碗就試吓個味噌湯底🔥味道都唔錯✅拉麵底就好推介自家粗拉麵喇🍜我好鍾意食粗身啲嘅麵🥢有咬口又彈牙👅雞叉燒都好嫩滑😍配埋腐皮油揚就係一碗屬於自己嘅拉麵🍜有意思呀🥳🐤手羽餃子明太子：係呀係呀😅又係明太子呀✅呢個手羽餃子明太子脹卜卜又香口👍大滿足呢🥳📌加$9就可以距埋梔子花綠茶🍵草莓荔枝綠茶🍓好抵飲噃💯

荃灣西附近的aeon mall翻新過後，地下開了一個food court，包含了各種餐廳美食，今次剛巧品嚐了這間拉麵店，價錢相宜又可以自行配搭配菜，非常經濟又口味豐富。原來現在有優惠價$38就可以有辛辣肉醬拉麵，我和朋友便點了一份試試，還額外加了一大碗芽菜山。辛辣湯味真的頗辣，帶點酸辣的味道。額外加了一份大根，吸收湯底的味道。亦試了蟹籽福袋，是內面有飽滿的蟹籽粒，和外皮軟糯的魚肉皮。另一份即點了自選拉麵，有燒雞脾菇、溏心蛋和豬肉叉燒。豬骨湯底要+$5，味道也不錯，帶點胡椒的味道。麵條亦有質感頗彈牙。叉燒口感亦軟熟不錯。燒雞脾菇表面經過切開，令食物更容易熟，表面有燒過的香味，亦很軟身，不會很韌。最後點了一份山芋燒小食，口感為軟綿綿的，很軟糯。