K&L Dream Cafe (已結業)

今日和朋友相約yoho附近食晚飯，一下就去咗雞地嗰邊，見到一間似曾相識，但又好似新嘅餐廳，見餐牌都唔錯，咁就入去試下，簡單地點咗兩個晚餐套餐，挪威煙三文魚卡邦尼煙肉全蛋闊麵和慢烤美國穀飼豬斧頭扒(蜜桃芥籽醬)，因為套餐所以有例湯和頭盤，首先嚟咗個凱撒沙律嘅頭盤，沙律菜都好新鮮芝士都幾香濃，作為頭盤都好醒胃，跟住就係粟米忌廉湯和蒜蓉包，蒜蓉包外脆內軟好香蒜蓉味，粟米忌廉湯都好creamy，賣相都唔錯；跟住就係全蛋闊麵同埋穀飼豬斧頭扒，兩個伴碟都好靚，睇得出好有心思，全蛋闊麵食落仲有自家製嘅感覺，比較彈牙；斧頭扒由於慢烤嘅關係，肉質都好淋好入味，加上蜜桃芥籽醬，食落特別醒胃，真係不二之選，而且份量剛剛好，一個人食都唔會過飽；跟住原來仲有甜品送，甜品就係奶凍，上面仲有香香嘅薄荷葉，食落都好滑，好好味；我哋仲order咗一杯玫瑰咖啡和一杯北海道黑糖咖啡，由老闆娘親自沖製，咖啡香濃順滑，為呢個晚餐畫上一個完美句號。

鳳攸南街食好西~~都有一段時間冇嚟到鳳攸南街食la週邊食店又有一番新氣象🙃@_kldream_這間新開cafe 以白色為主色調 設計簡約清新🌿🌿午市餐單唔算多 但款式選擇吸引👍亦有 All Day Breakfast 🥩🍖🍔🥗🍝🍛👆三點鐘還有英式下午茶嘆吓~~是日餐湯~~粟米忌廉薯蓉湯 甜甜🌽+🥔蓉 creamy好味又飽肚👍#煙燻手撕黑毛豬肉雜菜絲漢堡配薯條平時牛肉漢堡食得多🍔 今次叫個豬肉漢堡食吓~~🍞兩面烘過 入口脆脆的 好似食緊多士咁👍🐷肉絲好惹味唔柴口 配上微酸爽脆雜菜絲 這個配搭好正~~🍟入口鹹香鬆脆 這個🐷🐷Big Mac 😋#熱情果薄荷梳打靚靚打卡飲品📸 酸酸甜甜涼透心🍹

好順利大廈個面不嬲都好多野食揀, 今日俾我發現有間新開ge 餐廳叫K&L Dream cafe! 裝修簡約得黎又有D 氣氛!我同朋友晚上7點黎就仲有D 位, 去到7點半已經差唔多滿座 ! 估唔到都幾多人黎試!由於我地兩個女仔唔想食太飽,揀左一個dinner set同一個主食黎食!Dinner set 包左凱撒沙律,是日餐湯同蒜蓉包, 都幾豐富! 佢個蒜蓉包真係勁正, 又香脆,又大舊,仲要辣辣, D 蒜蓉醬又多又均勻!巴馬火腿牛肝菌汁全蛋闊條麵 $128呢闊條麵估唔到又幾creamy wo! D牛肝菌味同parma ham亦好咁夾! 仲要入面好多蘑菇片! 啖啖都好多料! 口感豐富!紅酒燉牛頰肉配中東小米 $198中東小米非常軟熟，完全唔似食緊飯！而且入面搵雜俎好香的蒜蓉醬，撈埋一齊食非常美味！牛頰肉調味亦好出色！好快食晒成碟！凍柚子檸檬茶$42呢個幾特別，係平時茶餐廳的檸檬茶再加柚子蜜！但竟然唔會太甜，成件事中幾match

今晚同姊妹行過搵飯食，無意中見到呢間新開既餐廳，裝修睇落好靚好舒服，就直接入去試，無論飲品食物湯類既質素都好高，味道好好，牛扒煎到外脆內軟，餐湯好足料又大碗，田螺好似酒店食既一樣，飲品直頭無得彈都係用新鮮水果整，而且老板娘好客又親切，餐牌上仲見到有tea set, 下次會黎試埋👍🏻

試下元朗呢間新開無耐嘅cafe，到晚市時餐廳會調暗光線，配合埋簡潔而優雅嘅裝潢真係幾有氣氛💗🥣 是日餐湯及蒜蓉包 $28/位今日係青豆忌廉湯，真係食到豆蓉同皮，口感唔錯，健康又creamy。蒜蓉包值得大力推薦，好脆身香口🤤🇬🇧 英式魚柳配薯條 $68先食個前菜，估唔到份量十足👍🏻 魚柳好厚身，外層炸得酥脆，內裡肉質嫩滑，個sauce超正，我哋點晒一滴都冇剩😂 薯條係厚切，口感一流，食得出係新鮮出爐😋🐖 鮮牛油果醬烤焗美國豬鞍扒配黑松露野菌飯球 $208份量好多，牛油果醬唔會成pat嘢，而係有粒粒牛油果👍🏻 豬鞍扒大大塊，容易切開，肉質鮮嫩好咬。底層有好多蕃薯蓉，呢個我最鍾意，香甜綿密🥰 兩個黑松露野菌飯球幾特別，我第一次食，外層酥脆，內裡risotto帶有淡淡嘅黑松露香味，口感creamy。蔬菜有西蘭花、蘆筍、車厘茄等。呢個主菜真係好豐富😋🐟 有機藜麥文里醬烤焗鮮三文魚柳配刁草忌廉汁 $198擺盤非常精緻有心思🫶🏻 呢個主要係阿媽食嘅，佢話三文魚柳味道鮮甜又夠嫩，加埋藜麥幾有咬口。另外亦有蕃薯蓉同蔬菜～ 整體健康又好味🙌🏻🫖 熱洋甘菊茶 $19食飽飽要飲啲茶嘆下，價錢又幾抵，茶具靚💕

平時收工經常都會喺元朗食飯，今日喺雞地附近見到一間西餐門面已經好吸引，即刻同朋友入去試吓。K&L Dream Cafe 地址係元朗鳳攸南街9號好順利大廈地下60號舖。餐廳地方雖然唔大，但係望落去幾浪漫，而且裝修得好舒適，比到我一種好放鬆嘅感覺。甘筍忌廉湯，湯賣相已經好吸引，入口味道香甜，香味慢慢滲出，我自己好鍾意個口感同味道。蒜蓉包一上枱已經聞到香味，熱辣辣香噴噴，入口香脆沾少少湯一齊食，無論味道同口感都係非常夾。芝士烤春雞配松子仁白松露意大利飯。烤春雞有半隻鋪係意大利飯上面，仲要燒到金黃色，賣相非常吸引。雞皮非常香脆，加上有少少焦香，味道層次更加豐富，燒春雞肉質嫩滑多汁，味道香濃，最正就係雞嘅肉汁滲咗落意大利飯入邊，意大利飯帶小小忌廉香味，加上燒春雞嘅香味，味道真係一流，意大利飯亦都做得好出色，煙煙韌度口感豐富。燕麥啤酒燉紐西蘭羊膝，第一次食羊膝用啤酒調味，估唔到可以令到羊肉肉質非常嫩滑。加上羊肉嘅香味，真係好好食，沾少少芥辣，令到味道層次更加豐富。玫瑰蘋果梳打，味道清新加上玫瑰嘅香味，味道真係好清香。估唔到喺元朗搵到一間咁好味嘅西餐，價錢公道合理，而且食物質素非常高。

有新開張既餐廳 緊係要衝去試🥰 簡約裝修 整體用餐得幾舒服👍🏻 星期六中午去到 預左要等位😛 不過好彩大約20分鐘就入得🤭 餐廳好細心 有提供vegetarian set menu 👍🏻 加分😝 另外有意粉 risotto, pizza, all day breakfast afternoon tea set, snacks, appetizer 供選擇😆 叫左兩份set lunch 💓 餐湯係pumpkin cream soup 😋 my favorite! 好滑身 濃郁 唔會太過creamy 比例唔錯👍🏻 友人中意濃口味就另外落左pepper 叫左個平時少機會食到既意粉 😝 虎蝦蜜桃忌廉汁蝴蝶粉 個汁真係第一次試 估唔到幾有驚喜😍 入口充滿蜜桃既甜 好特別 加埋忌廉奶香👍🏻👍🏻 極適合女士😋 入面仲真係有切片蜜桃咖😍😍😍 虎蝦都有3隻 🤪 意大利巴馬火腿黑水欖薄餅配沙律 🥗 新鮮焗好 熱辣辣上台😆 屬於薄pie 成塊好cheesy 🥰 芝士愛好者必點 沙律用左酸酸甜甜既醬汁 夠refreshing 👍🏻 Mocha 😋 係朱古力味偏重既mocha 😙 Flat white

元朗最近開了不少新餐廳，這次就去了一家咖啡店，是位於雞地的小店。店舖簡約風裝修，牆上掛著植物裝飾，令人感覺舒適☺️。食物選擇挺多的，跟午餐附送餐湯和飲品，也可半價升級飲品。-▪︎是日餐湯隨午餐附送的餐湯，當天的是忌廉薯仔湯，熱辣辣的味道很香。餐湯質地較濃稠，口感幼滑香甜。裡面餐有薯仔粒，所以口感較豐富。-▪︎凍檸檬茶 HKD$3 | 熱玫瑰鮮奶咖啡 HKD$22 吃東西前飲挺解渴的，凍檸檬茶色澤較深色，茶味甘香濃郁，不會感到苦澀。熱玫瑰鮮奶咖啡賣相吸引🤩，有大量花瓣做點綴。玫瑰味道清香，咖啡味道濃郁。-▪︎慢烤加拿大保濕豬肉眼配蜜桃芥末籽醬 HKD$118豬肉眼較厚身，肉質爽口煙韌，帶點油脂挺香口的。醬汁味道香濃，甜中帶微咸。有蜜桃感覺較清新，薯蓉口感香滑，另有蔬菜拌著，所以很飽肚的。-▪︎刁草蒜香牛油焗鯛魚柳配南瓜薯蓉 HKD$88魚柳賣相很大件，煎到金黃色的賣相。魚柳肉質嫰滑，外皮脆卜卜挺香口。底下的南瓜薯蓉質感綿密，而且份量挺多的，也是有蔬菜拌著吃。-

#ftf_元朗美食盡顯誠意咖啡店食物質素高，擺碟見用心，員工服務熱心，經常友善咁問嘢食啱唔啱口味，令人感到份外親切。法式芥末籽蜜糖燒豬仔髀意大利飯 $168⭐️⭐️⭐️⭐️⭐️豬仔髀肉質鮮嫩，火候控制啱啱好，鎖住肉汁帶蜜味，好滋味！意大利飯軟硬適中，稀稠度剛好粒粒飯都沾滿忌廉汁，但又唔會膩，伴匀三色椒粒同香菇，口感豐富多層次。巴馬火腿牛肝菌汁全蛋闊條麵 $128⭐️⭐️⭐️⭐️⭐️呢個強烈推薦！先講醬汁，牛肝菌味道香濃突出，rich 得黎夠creamy。全蛋闊條麵唔係好煙靭嗰種，但夠闊身有口感，而且好掛汁！Parma ham份量都唔少，有鹹香！南瓜湯⭐️⭐️⭐️⭐️⭐️南瓜甜味香濃，質地豐厚滑身，真材實料，飽肚感Level up ！蒜蓉包⭐️⭐️⭐️⭐️⭐️香脆，勁多蒜！我鍾意！沙律⭐️⭐️⭐️沙律菜好新鮮，帶有芝士、蕃茄仔、麵包脆粒，呢個配搭冇話特別突出，但都好難唔好味，哈哈！洋甘菊茶 $19⭐️⭐️⭐️味道不過不失，解膩一流！回頭率🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩子 #吃到懷孕

happy friday 同朋友嚟到呢一間元朗新開嘅cafe，見佢門面幾靚燈光昏暗己有情調。叫左兩個餐湯兩個主菜同一杯嘢飲白湯飲得出有薯仔嘅粒粒，味道都唔錯。但係更加值得讚嘅係佢嘅蒜蓉包，大大嚿而且搽滿晒蒜蓉醬非常香口。巴馬火腿牛肝菌汁全蛋闊條麵 $128呢個意粉非常creamy,牛肝菌味好出，估唔到同parma ham咁夾。鍾意佢啲意粉口感偏硬，而且闊同厚嘅面身可以包裹醬汁嘅油脂，非常配合濃郁嘅醬汁，亦有陣陣蛋香。雲霧煙燻法式櫻桃醬嫩煎鴨胸配紅酒梨 $198呢一度送出場非常有驚喜，又侍應捧住一個裝滿住煙霧嘅碟，你到枱前邊打開個蓋，煙燻嘅味隨即散開。本身覺得櫻桃將同紅酒梨咁甜呢一度主菜可能怪怪地，但係估唔到呢一個甜嘅醬汁同鴨胸原來係咁夾，反而反而更加帶出到鴨胸嘅香氣。 另外佢嘅配菜唔係一般嘅薯蓉而係用上番薯蓉，你點都要讚下餐廳幾細心。係呢一度甜味為主嘅菜番薯蓉比起普通嘅忌廉薯蓉一定更加適合，而且冇咁油膩。嘢飲方面叫咗蘋果玫瑰花茶，幾香蘋果味而且有加果糖，唔鍾意飲茶淡茂茂嘅朋友都可以叫黎試吓。

今日放假，下晝去左元朗嘅YOHO Mall睇戲，睇完戲已經係夜晚七點幾，之後就開始搵嘢食，喺商場入邊通常都食連鎖店多，行返落去鳳攸南街，見到有間西餐廳門口，仲有燈飾好靚吸引咗我入去頭盤有沙律菜加南瓜忌廉湯+ 蒜蓉包❤️沙律菜非常新鮮上面鋪滿左麵包粒，每一粒都卜卜脆，入面仲有好多火腿絲配合埋沙律醬一齊食真係好好味蒜蓉包香脆可口，香濃嘅蒜蓉味而南瓜湯就有好濃郁嘅南瓜味夠晒creamy ,味道啱啱好挪威三文魚卡邦尼煙肉闊面$158意大利麵做到剛剛好，軟硬度適中，配合埋卡邦尼嘅醬汁真係好好味 ，仲有四大片三文魚，份量非常多經過煙燻後，帶有鹹鹹嘅味道，三文魚完全沒有魚腥味😋慢煮巴馬火腿黑松露野菌釀雞卷$188雞卷入面有非常香濃嘅黑松露味道，雞肉仲要非常嫩滑，餡料香濃令人食到停唔到口入面仲有一些蘑菇粒讓左入去去骨嘅雞腿上面這道菜需要用好多時間同心機去煮廚師做得非常出色鮮雜果薄荷梳打$23，飲品入面鋪滿新鮮嘅蔬果有芒果肉有蘋果藍莓同埋青檸，真係飲品嘅健康之選飲落又夠清涼舒服新鮮芒果奶昔$24，飲第一啖已經有好香嘅芒果味，奶味亦都非常濃郁，唔會太甜，夠晒凍，仲有非常飽肚嘅感覺，味道出眾，整體來講非常好飲

豬按 厚身，但一d都唔鞋，好淋，配菜都好食！加餐有埋湯同沙律！沙律菜好新鮮！南瓜蓉好甜！好好味😋肉眼扒夠大份，7成熟，岩岩好，入面夠紅，但又唔會冇血水！闊條麵個汁夠哂濃郁食夠$400送小食一客！送左青口！大大碟！冇揸流攤整體有90分😋😋服務又好！好抵食

前日同朋友試左依間西餐廳  一入到去餐廳氣氛裝修得唔錯  服務態度幾好 一坐低就有人倒水俾我哋然後我地叫左兩份野食 飲品方面都好特別可惜掛住飲同食忘記咗影相ಥ_ಥ 食物方面好食又整得幾靚！打卡一流😝下次再試其他！

今日咁岩路過去yohomall 見到呢間cafe新開張環境同裝修幾靚 價錢都ok就入去試下lunch我叫左個紅酒燴鴨脾risotto首先黎左個綠色既湯 因為我唔太好蔬菜湯問左員工之後知道今日係青豆湯亦係我平日唔太會食既不過試飲完都覺得ok 青豆味唔會太重 都幾creamy最尾都飲左大半碗 之後就到主菜黎到個擺盤同出面食高級西餐dinner既差不多 係lunch食到咁有心既擺盤有少少超出期待切開隻鴨脾時比想像中更淋 肉質好嫩滑而個risotto都係比較正宗會硬身少少果種 唔會好似其他餐廳咁煮軟身d總體黎講 環境同食物既性價比都高 會再黎👍🏻👍🏻

難得今個weekend得閒 帶媽咪去元朗行街兼搵好野食 今日very hot 行到攰攰去 行到雞地果邊坐企食個lunch 環境幾好 我地都算早到 揀左個窗口位坐 幾舒適ge 我地點左2個lunch set 包是日餐湯及主食 另外特飲半價 南瓜忌廉湯好濃郁ge南瓜味 味道岩岩好 連唔鍾意忌廉湯ge媽咪都話正 虎蝦蜜桃忌廉汁蝴蝶粉＄82有3隻大大ge蝦 幾鮮甜 加左蜜桃感覺幾fresh 配合埋忌廉汁蝴蝶粉 好正好滿足 松子仁紫蘇青醬烤雞扁意粉＄82媽咪左呢個意粉 我都試左幾啖 食到d松子仁好有口感 烤雞都好食 成個意粉都唔錯 青檸薄荷梳打（＋＄21）媽咪點左呢個 我又試左兩啖 感覺好fresh 大熱天時飲 好爽 熱情果薄荷梳打（＋＄21）另外我點左呢個 比起青檸梳打 呢個更正 d熱情果子好有口感 咬落好得意 總括而言 呢間cafe都好高質首先環境舒服 職員好nice 有職員見到客人拎一袋二袋 會主動拎個籃比客人放野 呢個舉動好加分 另外食物水準都唔錯 有機會會再幫襯