影片
星期一last day，星期日临急临忙揾下附近有无散水饼卖。见到有新开嘅西式饼店就胆粗粗WhatsApp问下，因为太急要货都谂住未必得，点知对方一口应承，顺利解决问题。点知星期一返工先发现计漏隔离组啲同事，临急临忙又WhatsApp加单，又谂住未必可以，点知对方又话无问题！临出发去拎饼之前再多口问一问上司数量够唔够分，点知经理话我数漏咗啲supporting staff… 真系头都大… 去到studio求救，Joey原本谂住帮我赶制细size嘅puff，但系因为我系lunch time出嚟所以时间唔够，咁Joey又帮我揾到一啲almond chocolate放入细袋独立包装，都几靓，唔算太失礼，另外吹水期间佢知道我准备走又送多咗一樽朱古力俾我。Joey真系一个又nice又sweet嘅小女孩。见到啲饼好靓，返到公司我都偷食咗一件！Matcha tart真系好出色！卖相同味道都一流！我离开香港之前都应该再买多一个蛋糕试下！
继续阅读