JC Cafe & Bar (已結業)

位於小巷內的一家酒吧餐廳，唔係朋友帶黎都唔會知道有間咁抵食既餐廳呢間酒吧有多種午餐供人選擇！而且最平居然有48蚊！除主菜又有沙律、餐湯、蒜蓉多士、甜品、飲品，是一感覺好傳統既西餐廳！座位寬敞又舒服！有好多梳化位！如果有好多人仲有vip zone! 一見到有飛鍊同骰盎，真係即刻好想玩！可惜午餐唔可以玩！相信夜晚黎飲野都是不錯既選擇！沙律和蒜蓉多士雖然味道沒有特別，但勝在比其他餐廳做得多的是有誠意，唔係淨菜，有鴨胸，同埋唔係淨包，感覺開心左！要讚一讚就是份量勁多！無論扒定意粉都好多！豬扒居然有2大塊😯而且意粉帶媽媽煮既加菲貓茄汁意粉既感覺！同埋豬扒煎到脆脆地！味道不錯！配菜可選飯、薯菜、意粉！但雞扒當天就麻麻，雪味重！最後仲有甜品，類似雪米糍，當日係水果味！但食左都食唔出係咩生果，只係甜味，有點似荔枝，但係紫色。如果各附近返工，可以一試！

同個朋友好耐冇見，佢話想坐低飲杯野食Ｄ小食所以就揀左呢間JC BAR & CAFEHAPPY HOUR由6點鐘開始至9點鐘，期間有特價既小食，而且價錢都唔貴叫支裝啤酒都係$30起, DRAUGHT BEER都係$3X起，係尖沙咀真係好難搵到呢個價錢特式炒德國咸豬手呢款唔係特價小食，份量都幾足，皮同肉既比例都岩岩好都係即叫即炒，唔係炒好一大碟然後你叫就拎出黎比你果Ｄ仲有3色椒同洋蔥，炒得好入味，一Ｄ都唔馬虎架個黑椒汁都好入味，少少辣，岩哂比較重口味既人仕烤焗魷魚同樣地都係即叫即烤，一上枱就聞到好香魷魚未配左WASABI豉油，食落係熱同埋脆卜卜，好惹味，餸酒一流！！雖然係特價小食，但份量都好多架，２個人食都食唔哂呀蒜蓉茄汁腸唔好以為係普通茄汁撈埋Ｄ腸仔比你食呀佢用既係珍寶腸切片，珍寶腸應該預先炒過先再落醬汁煮食到個皮都有少少脆既，同豬手一樣都係三色椒同洋蔥伴碟個蒜蓉茄汁仲有少少辣味，好好食呢間CAFE & BAR既環境都幾好，仲有波睇坐得都幾舒服，但如果有波睇既時候就可能會嘈少少平時想食少少野飲杯野傾計既都會推介呢個地方

朋友住喺尖沙咀天價豪宅，中午約食lunch，竟然就咁喺呢一條街，佢仲話其實係夜市叫做有客，賣得貴啲。但午市或下午茶好多選擇，平到我唔信，果然一去到門口見到個老土嘅價錢牌，但係價錢就真係嚇得我暈，心諗食物一定又係好難食的紅汁白汁，但係坐低叫咗個香草豬扒飯，仲有送一個沙律或湯 跟多士，個沙律份量係好足夠唔係細細份，仲係啲菜都算係叫做用沙律菜幾新鮮添。到上主菜是：嚇死兩大塊香草煎香晒嘅豬扒，睇嚟都係用油炸而唔係煎，算，lunch 係咁上下，但係裏面都仲有肉汁juicy的，廚師亦都有炸後定一定，冇咁油膩！同場嘅朋友亦都有叫到雞扒意粉，就只得一件雞，有煎香甘黃，但係我覺得都唔錯，亦都唔會太味精嘅味，而且裏面嘅肉，幾滑，都係火候啱，唔會太硬太乾身，另一份叫炒烏冬就比較普通啲，反而一個朋友叫巴東牛肉肉質啱啱夠諗，唔會太鞋，亦都㗎喱不是太搶喉，好多香草味的！瀶尾仲有個雪糕糯米糍做甜品。

啱啱喺K11開完會，搵午餐食，路過赫德道有個bar & restaurant, 入去食午餐，叫咗豬扒配意粉，雞扒配意少，豬頸肉炒意粉，set lunch 仲有沙律或湯加蒜蓉包，我就揀咗食沙律，個豬扒意粉有兩大塊大豬扒仲有意粉，超級抵食，男士啱啱好夠，女士可能覺得太多肉。豬頸肉炒意粉好味，仲有好多豬頸肉，仲包埋個甜品糯米糍及飲品。埋單加埋一都係每人$70落樓,lunch hour 略為多人，侍應都比較忙,但係食物quality OK!絕對可以係一個幾好的選擇!

平時好少行呢條街，lunch time經過見到都幾多人係入面食，所以本着試新野嘅心態入咗去食。餐牌都有幾個set揀，意粉、飯、薯菜。我叫個set D蒜香煎雞扒配蒜蓉汁加薯菜。餐湯係羅宋湯，個湯唔太鹹但味道又夠。餐包係蒜蓉包，烘到好香脆！熱飲叫左熱檸茶幫助消化。到主食個雞扒又成個手掌咁大塊，又厚身。雞肉幾嫩口，配埋蒜蓉汁幾野味，仲有啲配菜。薯菜係厚切薯角，熱辣辣又脆口。最後仲有個甜品，係紫薯雪米糍！好滿足！埋單都只係58蚊加一。不錯不錯！

去過兩次，次次都係其他 bar full 左先去，本身收費，服務好麻麻，睇到波就算，冇 nuts , 收$10蚊 10條蝦條，仲有㓎縮味😡，擺到明厄蝦條la ,服務也如蝦條一樣，一係女 ge 乜都吾知，一係面黑到爆 ge 男。。食過一次晚飯。。好一般。。睇波吾係計呢 d .....但吾睇波吾會 order 野食或者可以食定飯淨飲！其實質素冇要求過，都係求其，但奉勸各位睇大賽千其米揀呢間，米聴佢地講話要落訂訂訂！因為你一落左搭，佢地就一日兩 call 話你知要每位收 訂，跟著又一個 call 話min charge $200 變左$250 。。甘你今日200加到$250 ，到開波日可能收$500 一位都得la 生意吾係甘做架

間唔中Lunch就會選擇呢度，十居其九都係揀D餐，我諗D餐應該係Set定左煎雞扒 😂，雞扒肉質好滑，有好幾次上碟時個皮仲係脆脆地，佢哋個薯條好正好香口，補襯咁多次，得一次個薯條失準，其餘次次都覺得好好食，不過今日費時熱氣就揀左意粉，意粉都OK嘅。有餐湯或沙津選擇，有跟飲品，仲送埋甜品，加一後64蚊，覺得好低食，所以好多時都過黎食。但令我寫下食評嘅，係佢今日嘅細心，我唔知係咁岩得咁橋定真係細心，反正我第一個感覺已經認定左係細心。😂😂佢哋嘅所有Lunch Set最後都有甜品送的，食過咁多次，都知道佢哋嘅甜品係劃一，顧客並無選擇的，以前甜品會有細細件嘅cake仔，而近幾次幫襯，甜品都係雪糕糯米糍配少少罐頭雜果沙津居多，我同隔離枱客人都差唔多食完個餐嘅時候，侍應就主動幫我哋落餐飲，再冇幾耐另一侍應就拎埋甜品比我哋，平時侍應好快手就放低個甜品然後行開，今日我見佢係咁望張單，然後放低左個小mousse cake，然後我再望下隔離枱，咦，咁奇怪嘅，人哋食雪糕糯米糍，再望另外一枱，都係雪糕糯米糍，當下第一感覺，覺得細心，因為...我係一位準媽媽，唔知係咪因為見我大肚，所以冇比凍凍嘅雪糕糯米糍我，而比左

今日中秋節,心情特別輕鬆, lunch同同事去咗附近一間餐廳食飯, 今日午餐餐湯係磨菇忌廉湯 ，個湯好香好濃蘑菇，飲落去味道好正呀。而 沙律係煙鴨胸配芝麻醬 。好清香。 我揀咗$58蚊嘅卡邦尼配巴馬火腿。 賣相好靚。 好吸引， 而同事就揀咗$88蚊嘅牛扒餐。 起尖沙咀黎講咁嘅價錢可以食到真係好少見。 同時都話好有牛味。 餐飲我哋都揀咗凍檸茶。都幾好飲。 食完之後有餐甜品係 雪米糍。 可以值得繼續黎食。 不過尖沙咀區咁多餐廳選擇。 每天都食都唔同嘅餐廳。 有時真係有啲選擇困難症

今次lunch, 揀左食呢間西餐，7個人，冇book位，仲要lunch 甘多人。。。好彩等左5分鐘左右，就有位比我地。甘我地等位個時都已經望過餐牌，所以一坐底呢，就可以即叫野食。佢安排左梳化位比我地坐，但張枱底左少少，食野有d d 唔方便lunch 都有好多個餐可以揀，我既朋友好多都揀左煎雞扒，我就揀左煎豬扒，仲有另一個就揀左海鮮長通粉佢個餐有配沙律同湯既，我地全部都揀左湯，個湯幾好味，個面包好夠熱同埋脆，好好味呢個係煎雞扒配意粉，其實仲可以揀飯 or 薯菜既。朋友話幾好味，雞幾滑，煎得岩岩好。個汁都唔錯。呢個煎豬扒都一樣有得揀配意粉，飯同埋薯菜，我都係揀左意粉既，個汁幾好味，但配埋個意粉既顏色，有少少怪甘。個豬扒唔會"鞋"，夠"林"身，幾好食，份量都好足夠。仲有朋友呢個海鮮長通粉，都幾多料，同埋朋友話個汁幾好，唔會膩，份量適中既最後佢個lunch set 仲有埋甜品同野飲既，甜品就有得揀，指定左，今次佢就係紫薯糯米糍配一d 雜果沙律，都唔錯。一餐飯埋單，50幾蚊再加一，仲有甘多野食，都唔錯，同埋野食質素唔差，所以下次都會再去。

Always been here for lunch, as the cheaper price.We ordered set lunch, included free soup or salad. Soup was milky.Toast was crispy, butter taste.Fired noodle a bit oily, not much meat, but still not bad. Dessert not as good as before, but icecream was nice.

正宗香港麻甩佬嘅生活 吸煙-跑馬-飲酒 講真一句你唔喜歡係你嘅事 但呢個的而且確就係事實 或者你會覺得我哋呢啲嗜好好cheap 可能係cheap一啲 不過咁又點 我只係一個好平凡嘅職業司機 cheap咪cheap囉 講起飲酒 最衰就係家陣啲酒吧完全禁煙 呢個根本就唔合道理嘅 因為有一個統計 就係飲酒嘅人唔一定吸煙 但係吸煙嘅人十居其九都係飲酒嘅 酒吧禁煙根本係剝削人權 唔吸煙嘅人係唔會明白嘅好彩都仲有一啲酒吧係明白事理嘅 就係好似呢一間咁樣 只要你入嚟消費 放一包煙喺枱 啲侍應就會好醒扒咁樣擺個煙灰缸喺度 呢一啲咪就係通情達理囉 呢啲咪就係應該有嘅服務態度囉我就嗌咗日本啤酒 Asahi 飲 一杯接一杯 吸完一支煙又一支煙 而且呢間嘢仲會直播跑馬 簡直正到爆

经常喜欢和三五好友相约去这里看英超和球赛，这家的小食非常好吃，尤其是鱿鱼圈不软不硬口感非常好，薯条也非常地道的味道，再来上一杯啤酒，简直不要太爽，但是主食却不是很推荐，味道做的无功无过，总体来说性价比还是很高的，地理位置非常好找。

適逢男士要睇波，女士要吹水Bar and restaurant 無走雞飲杯酒食下野吹下水睇下波特別high呢杯係heart beat士多啤梨溝左奶加volka我飲落好苦，不過上面個啲好飲啲之後都係飲返1664洋蔥圈拼魷魚圈我兩個最愛無得輸兩種脆粉唔同，外脆之餘，𥚃面保持juicy千島海鮮pizza幾大份架，餅底薄得嚟有咬感，都係脆濃郁千島醬加茄汁，我唔好芝士都食得落半隻豬手，飲酒必推脆得嚟入面肉軟配菜有德國腸同薯角，份量咁多有驚喜！安格斯牛好juicyEncore多個佐酒炸物拼盤選擇困難症既人揀呢個就岩啦5個人每人一杯啤酒，埋單220一個，抵呀！最中意係無煙味，坐落幾舒服，唔會乾喉

有波睇當然35知己出嚟啦，happy hour前嚟到落單180蚊有2杯野1小食，擇左洋蔥圈拼魷魚圈。新鮮熱辣，唔錯。唯一有個朋友無擇啤酒，飲左個strawberry特飲，都幾好好重奶味。另外叫左肉眼扒都唔硬，幾抵食百幾蚊，豬手有配腸都薯角大份

今晚曼聯大戰阿仙奴，朋友話要睇就立即打嚟訂枱，好好彩訂到地點好易揾，一揾就到。今晚8點就完happy hour，我地5個即刻叫左啤酒先，1664 Stella hoogarden都係65蚊到抵。後來齊人就叫小食，主菜同pizza。先食拼盤同洋蔥圈魷魚圈，好熱氣haha但有鬼佬涼菜，大家就係咁食haha魷魚圈幾好食，唔會太硬身。之後食牛扒同豬手性價比都高Pizza份量大，有哂魷魚，唔馬虎。