JC Cafe & Bar (已結業)

外國朋友來港，0+3之下已經困咗四日，所有手續、防疫措施令佢好煩，琴日終於轉藍碼，今日諗住去食晚飯遇啱睇波，於是求其搵間見有波睇就入去，地方好迫窘，唔算好理想，不過都想幫襯下本地店。朋友原來唔識將藍碼scan返去安心出行，剩係cap圖，於是個男侍應一見安心入面唔係藍碼，就好唔耐煩，朋友今日已係第六日，亦喺政府網站download咗個藍碼，但個男侍應唔聽人解釋，一臉不悅不耐煩咁對住外國人，令人覺得係趕佢走。外國朋友好嬲，佢話點解當佢係乞食咁。其實酒吧餐飲業係水深火熱之中，有咁嘅「服務」只係會趕客。令到外國朋友咁不愉快，真係以趕客之道唱衰香港！

JC的咖啡館和酒吧位於赫德道,尖沙咀,旁邊就是麗景酒店，這間酒吧的錯裝修漂亮,酒類很多,特別是它的混酒,初入口很甘甜,中段芬芳,後勁強勁 ,但凡飲酒,也需量力而為,適可而止就最好

音樂播放得好大聲, 坐起隔離都要用好大聲講嘢先聽到, 第二日把聲都沙咗, 失埋聲. 其實音樂可唔可以細聲d? 播咁大聲點傾計?食物還可以 幾抵食 happy hour 啤酒都唔貴

和閨蜜約會，一頓飯總是聊不完，早有心理準備要找地方續攤，但沒想過真的又多吃了一頓，原本只是想喝杯東西啊……閨蜜一坐下就豪氣表示還想吃，點了個香腸拼盤，侍應哥哥都提醒我們有點大盤下，她又再多點一碟燒汁魷魚鬚。有福同享， 有難同當，吃就吃。每款腸2-4條，用類十足，薯角我是絕對吃不下了，酸青瓜吃一吃消消食就可以。外表不怎麼樣，但吃起來軟韌度適中，燒汁亦能掛在魷魚鬚上。我喝了Yellow bird (Signature cocktail)，是我喜歡易入口的味道，但亦非常飽肚。再跟朋友喝了杯Sparkling wine，她認為不錯，我還是不太懂得欣賞氣酒呢。酒吧而言，食物抵食，侍應友善，特飲種類亦都應有盡有，也是聊天的好地方，推薦。

慳錢既日子要慶祝又想食得開心，用之前食1餐既價錢，分2餐唔同既餐廳，就會去一啲去過抵食既餐廳，今日去第1間尖沙咀心水平又好食份量唔孤寒，平又好飲既酒吧Corona 只需要$38雞泡魚乾而家越嚟越少地方有得食，一樣其實唔難處理既食物，點解唔多地方有？大人細路都食得，唔算太熱氣，唔飲酒送汽水都得Fish & chips波浪薯條同魚柳一樣外剛內柔，建議點醬食，酸酸甜甜更開胃Sausage platter未試過sausage, 試吓無妨，送酒幾好

#TGIf Happy Friday 依家唔止可以堂食到2200 Cat. C仲可以去到0000 當然記得要「安心出行」啦～星期五晚 緊係要約吓朋友啦～ chill吓 飲杯野都基本啦😎係TST 赫德道選擇相對多啲之前都同朋友試過呢間八點幾先過到赫德道，估唔到 黃金星期五 happy hour竟然去到2100 唔駛諗啦🤣🤣就揀佢😎Happy Hour 當然吸引啦～但我地仲未dinner 野食都要考慮🤔🤔通常飲野地方嘅食飯質素都。。。不過點解會諗起呢間？就係因為佢嘅pizza 🍕🍕🤤🤤🤤即叫即整♨️重芝士🧀 最特別嘅係😋😋佢唔係平時嘅麵包底 亦都唔係平時薄批果啲脆底而係類似曲奇底咁 上枱一定熱辣辣 砌開芝士絕對有拉絲效果🤤🤤價錢仲要唔貴 半份兩個人share都夠飽 不過今晚太餓🤣🤣 試吓佢啲pasta #白酒蜆肉意粉真心 個pasta真係麻麻地😅蜆肉一食就知急凍野 冇白酒feel 似蒜香蜆肉意粉多啲😅😅份量都ok嘅。。。飲野地方叫野食嘅質素囉 興幸都只係$78

落雨落咗幾日小蛋糕酒癮又起，呢幾日講咗幾樣都想同迷你蛋糕去食，今日食幾次都無位既先多款cocktail Moment 甜甜蜜蜜易入口，酒味唔濃Yellow bird蕉味唔重，口感creamy, 酒味唔重Ocean wave益力多味突出，少酸少甜，酒味中等，味道有啲複雜雞泡魚乾送酒恩物，熱焦香脆，夾沙律菜食多一層口感白酒蜆肉意粉無論意粉定蜆份量都好多，意粉爽口，洋蔥味突出泰式豬頸肉豬頸肉掛汁100分，肥瘦比例平均

赫德道一帶地面嘅酒吧居多，而這家酒吧中午也做午餐生意。中午時段人流也不算太多，沒有坐滿，而且枱與枱之間相隔亦遠，是午飯談話的好地方。雖然忘了拍照，三道菜午餐由50幾蚊起，前菜可選沙律或湯，主菜大約有10款選擇，甜品是雜果配雪糕糯米糍，還有飲品。我叫了香煎雞扒做主菜，雞扒大約有六吋×4吋長×1吋厚，才$58！配菜用的是薯角、翠玉瓜及how蕃茄，雖然不是昂貴的食材，也只是用了簡單的鹽及胡椒調味，於這個價格範圍來說是非常的經濟實惠。

附近工作後路過呢間鋪頭，本來價錢唔算貴，加上禁令將至，主食半價，而且好多都已經賣晒。漢堡包係個人最愛，於是叫左份迷你漢堡一試，估唔到有驚喜。漢堡肉汁多而且肉味香口，薯條都係熱辣辣嘅。炒豬手好中式口味，配酒食係唔錯嘅。魷魚圈亦係熱辣辣又脆口，魷魚彈牙。Margarita正常的，酒味係三杯中較特出，店員好主動介紹背後故事haha。呢杯忘記左叫咩名，酒味唔重，似乳酪特飲😆，但係好味嘅。呢杯係由bar tender自己調配，朋友話想要酸味啲嘅，呢杯有青瓜同青蘋果味，酸得黎好清新。

忙裏偷閑，趁今日放假出去搵好耐冇見嘅舊同事，走到去赫德道附近原本心儀嘅餐廳唔開，見附近有間酒吧有位，為免耽誤舊同事返工時間，第一時間衝入去。坐低望吓個餐牌，乜咁抵食呀，幾十蚊有湯/沙律+主菜同埋飲品，話晒都尖沙咀，竟然仲有啲咁平嘅嘢食，舊同事叫咗蒜香雞扒飯，雞扒煎得幾香，醬汁係舊式快餐店嘅味道。我就叫特級帆立貝配雜錦海鮮焗飯，帆立貝係幾大粒，但就只有一粒，雜錦海鮮係急凍包裝食到嗰隻，比較鍾意佢個番茄汁加拉絲芝士，咁就餸咩都好食！講返個黑椒牛肉沙律，沙律菜雖然望落新鮮，但係食落味道怪怪的，比較失望，我都鮮有地無食晒就放棄⋯

耐唔耐會同同事黎呢間朝早係西餐廳，夜晚係bar既鋪頭食lunch。因為貪佢平靚正，加埋一都係60幾蚊左右，仲有餐湯或沙律，甜品，加埋飲品，真係算係咁。記憶中，佢餐牌好似萬年不變。先黎餐湯，黑松露野菌忌廉湯。咁既價錢我覺得就唔好追求要好多菇係入面啦，佢黑松露味唔淡我已經覺得好好。蒜蓉包有心機，不過唔夠熱。我地三個人都叫左意式鮮茄香草煎豬扒豬扒一份有兩塊，大大塊！不過今日質素麻麻，之前食，兩塊都夠林同ok juicy，今日其中一塊好乾。薯角夠脆，唔油。咖啡唔酸唔苦，都幾香。今日既甜品好似係榛子味蛋糕？因為又唔似朱古力味，又有幾粒果仁碎係入面，味道有啲似榛子，都幾特別。

今日lunch想食西餐，一於就去赫德道既JC CAFE＆BAR一夠12點就出發，所以去到仲系冇咩人入面有大電視，飛鏢機，BAR■有好多酒呀夜晚應該系好旺場既酒吧黎咁LUNCH就唔好曬，做埋午市都幾多選擇，雞、豬、魚，牛都有齊，又有意粉而且LUNCH SET仲包埋湯OR沙律(兩樣要曬+8蚊)而且仲有飲品同甜品不過牛扒LUNCH黎講偏貴，我地都系食雞同豬我叫左份雞，雖然得一塊但系好大塊而且都厚切，配埋蒜容汁同香草都正仲可以選配白飯意粉或薯菜薯菜系脆薯皇咁，大大舊點茄汁一流而且仲有蕃茄、豆同粟米好似健康D咁今日餐湯系意大利菜湯，味道好濃仲有小小辣加埋中間有舊大大舊既菜，仲配埋一舊蒜蓉包味道好香，雖然唔系好脆，但點湯食一流而沙律今日系豆腐沙律，好清淡，仲可以選擇走醬甜品就系藍莓蛋糕雖然細細舊但系味道都唔錯唔會好甜仲有小小酸，食完野清一清個味蕾整體野食質素都唔差，而且大大件，又有齊湯/沙律，飲品同甜品而且系日日唔同架，MAIN都會有調整之前有見過羊架同豬手咁既價錢黎講絕對系高CP值之選一個星期食幾次都唔會悶

又到lunch time..今日黎呢度食西餐!之前已經黎過幾次，因為性價比高ge關係...所以我地久唔久都會黎的呢間野裝修格局明顯夜晚係酒bar...但少有地...日頭都開門做生意wor...睇睇佢d lunch set 最平$48最貴$138..全部都包沙律/湯...仲有甜品同一杯野飲! 今日沙律係芝麻醬豆腐雜菜沙律..我要走汁雜菜非常新鮮幾個同事都揀左湯呀...湯會跟埋厚切蒜蓉牛油餐包..佢地話very good主菜黎larrrrrrr...我揀左E餐...鮮茄香草煎豬扒配薯菜...都係要求左走汁豬扒大大塊!有兩塊! 薯菜係新鮮脆薯角..唔係薯條呀..隨碟比埋ketchup..細心比返個無走汁ge豬扒大家睇同事都係揀左薯菜真係份份都有兩大塊!呢個係送ge甜品...blueberry something..有果酸味..唔會死甜飲品無影...都係基本野啦...轉凍飲要+5...抵唔抵見人見智啦Overall 黎講..$58+1...絕對對得住大家P.S. 雞扒餐ge話...得一塊雞扒

作為尖東的打工仔,午餐經常在赫德道留連唯從來沒有到訪次餐廳。經朋友推薦,12點55分先行到餐廳拎位,唯門面太暗看上去根本就是一間酒吧,難怪多次經過也沒有發現。雖然餐廳本身晚上是一間酒吧,餐廳週圍也放滿飛標及骰盅(笑),但午餐卻非常妥善。大部份午餐也不過70,當中已包括full course+甜品南瓜湯香濃,最另人驚喜的餐包並不是普通的餐包,而是厚厚的蒜蓉多士主菜選擇了蒜香港雞扒,只看伴碟的蔬菜亦感到此餐廳的誠意。而主角雞扒則超級有份量,比我一個女生的手掌還要大得多!!肉質鮮嫩~好味最後甜品是雪米糍,如想返只是58蚊的午餐,實在不能有什麼要求。雪米糍明顯是來貨,餐廳亦細心拆封,加上生果伴上,誠意可加最後埋單每人也不過70蚊,試想想在尖沙咀地段可以用這價錢享受full course+甜品,真係無得頂!!試過一次,相信往後我也會成為這裡的午餐常客。推~

今日lunch🍴時間，突然想到前陣子經過赫德道這地方有數家餐廳，有間Cafe & Bar印象中不錯 決定要去試試。入到去見環境真的很有味道也佈置酒櫃，就算坐在高枱也感覺relax。看看餐牌 價錢不貴，算是一間很值既酒吧餐廳呢。 這裡的午餐set 真的很化算。餐湯/沙律；主菜；餐飲；甜品，真的是西餐full set。以數十元起步既套餐，在這裡算是超值吧。 雞扒也算大塊，雞皮亦煎得很脆也嫩，再伴以煙肉炒香既四季豆`粟米，再伴以惹味黑椒汁很好下飯呢。如果喜歡意粉🍝 可以選配茄汁意粉，看別人的感覺好像不錯吃。，端上枱已感覺不差呢，佈滿香口芝士勻以海鮮 再加上炒飯底，見友人吃得津津有味呢。..吃到最後 還有甜品，真的是一頓美好的作結。下次定會再來試試別的套點呢，一定會再來。..