Izumi Curry (已結業)

我細細就好鍾意小丸子所以我男朋友就係我生日嘅時候，帶我去小丸子Cafe度食咖喱飯一去到餐廳，wow真係好靚，我超開心，除左牆上嘅畫之外，仲d 擺設、家具等等都係用小丸子同同學嘅樣貌做的👍🏻拍照一流介紹d食物個餐牌都好靚呀！吉列炸蝦芝士漢堡扒飯$119炸蝦都OK嘅好脆，漢堡扒肉質一般，好少咖哩汁，想叫佢加多少少，就要加錢明太子海鮮意粉 $109得蝦係好食，意粉醬汁好淡，好乾身，海鮮好似唔係新鮮嘅，好一般總括來講，間餐廳裝修同食物賣相都唔錯嘅，影相一流，但係食物就非常之一般，食物質素來講都算唔平！試一次就好啦

今日原本諗住呢度有小丸子做主題既餐廳就帶兩個包包去，點知去到佢已經冇再做呢個主題，但我地都照去試下啦…今日星期六不過都真係好多好多位淨完全唔洗等位，不過真係唔試你唔知一試你就知，原來係咁難食，我地分別叫左三個餐，一個咖哩牛肉烏冬，一個照燒雞肉湯烏冬，一個所謂芝士重型漢堡咖哩飯，首先我講下個烏冬先兩個烏冬都不過不失，不過雞肉就好唔滑囉…到個芝士重型漢堡咖哩飯我從未食過咁難食既漢堡，好似舊石頭咁，入面肉又唔鬆外面又林，可能有好多人喜歡呢種口感，不過sorry囉…我接受唔到…店舖氣氛本身都好寧靜，但食食下不停見到有個比較有份量扎住條馬尾既女同事，不停執枱就不停話佢既同事，其實我唔係咁想知佢地既野囉…冇乜服務可言，食物質素no no

前幾日，終於去左我一直想去既小丸子主題餐廳，其實我之前曾經去過呢間餐廳度食嘢，味道都覺得唔錯。但係今次有我最鍾意嘅卡通人物小丸子，所以梗係要去試吓啦。叫左個芝士漢堡扒飯，好得意呀！個飯面頭仲印左小丸子個樣係度芝士漢堡扒好惹味，味道好濃郁。薯條炸得好脆 咖啡，今次係印咗花輪同學喺面頭，好可愛味道就普普通通。餐廳入邊仲放咗好多小丸子嘅擺設，雖然環境唔係太大，不過都好有主題餐廳既feel, 餐廳嘅另外一邊仲有小丸子嘅精品賣

之前都聽聞小丸子呢個卡通人物响HK開咗cafe，今日行街見到， 就入去試下， 呢間嘢喺葵芳地鐵站嘅出個商場嘅地下都唔算好方便嘅，呢間 coffee shop 一半係用黎用餐，而另一半就 擺放咗好多關於小丸子呢個卡通人物嘅精品，如果你係小丸子嘅friend又話呢間coffee shop就一定啱曬你啦！咁當然除咗有小丸子嘅精品外，餐廳嘅報罝都擺放咗唔少小丸子嘅精品啦同埋關於頭卡通片嘅嘢，環境真係唔錯架， 我都應咗唔少相架😂😂講翻d嘢食啦價格普遍如果冇小丸子嘅人嘅話呢大概要六十至八十蚊左右（ 甘標榜日式餐廳大概都係呢個價錢啦）， 但係如果有小丸子樣嘅話呢，除咗一杯咖啡買三十幾蚊之外，大部分嘅價錢都要過百呀， 咁抵唔抵得就見仁見智啦！咁講番啲嘢食先啦， 首先講咗個咖哩飯先，值得一讚嘅係隻蛋真係好留心呀，但係個咖哩呢就同一般喺超級市場買嘅即食咖哩呢係冇分別嘅 ，而d雞塊都有啲硬啦，有幾粒呢係咬唔開嘅（ 可能係小妹嘅牙呢係有啲唔好），如果呢一個價錢呢一個食物嘅級數呢咁我有啲保留囉。 而碗烏冬份量都ok嘅， 個湯係普通嘅豉油湯， 烏冬彈牙， 實在冇咩特別 ，但係上面嘅配料呢都係唔值呢個價囉。總括係葵

近來越來越多餐廳都以卡通人物作主題，呢間都唔例外。我自己對呢類餐廳都有好感，因為平時返工咁辛苦，放工可以對住啲卡通公仔食飯其實幾開心。今次嚟呢間小丸子餐廳，有返細細個睇卡通片嘅感覺好開心（好似出賣咗自己既年齡點）。揀咗平日夜晚7點半嚟食，結果都係排長龍。算啦，我習慣咗食夜啲，所以行咗一陣9點左右再返嚟，都仲要比下隊咁樣。因為佢係卡通人物作主題餐廳，主角當然係小丸子同佢嘅同學仔／屋企人等，所以基本上對食物無乜期望。可能冇乜期望，食落反而有啲喜出望外，因為食物平均都 OK。我同男朋友仔每人叫咗一個咖喱飯，另加小食同飲品。基本上每一道菜都會有小丸子其中一個角色嘅樣，真係見到都開心，同埋一定會忍唔住比手機食先。咖喱飯保持返平時幾水準啦，不過不失。當中幾鍾意佢個滑蛋。小食就叫咗芝士薯條同雞翼。個雞翼真係唔錯，推介！反而芝士薯條一般，仲淋淋地。呢間舖都算收得早，好似10:30pm左右。所以食到最尾我哋變咗包場，即刻底咗。哈哈哈！仲有因為啲人走晒，我可以好好咁影相。其實成幅牆都係小丸子，好靚呀！

同個女仔朋友經過間野時，已經好興奮，因為好多小丸子。於時唸都唔唸就入左間餐廳。點知入去一陣已覺得中左招，先係d 職員態度好差，之後坐低，我先叫杯野飲，野食再慢慢唸下先。點知落單既時候，個員工黑面咁話：「淨叫野飲咋？我地有最低消費喎。」我心唸，我都未叫完，佢個態度點要咁差呢！至於食物同飲品就一般般。整間餐廳最好的地方，就是周圍都有小丸子及她的朋友既相。

今晚有朋友約我試下這一間日式咖哩餐廳，今期主題是人氣卡通"櫻桃小丸子"為主題（上期蛋黃哥）。首先講講環境，真的十分漂亮，店外，店內都充滿童年回憶的佈置，其餐牌以「功課簿」藍本而設計,十分有心思!!食物方面，其主打是咖哩飯，我點了「奄列牛肉薯餅咖哩飯」$105包一罐汽水，可以加$4轉橙汁/蘋果汁!! 個蛋好滑，咖哩比其他日式咖哩不太甜，辣味適中!! 牛肉薯餅面頭有小太子和花輪同學的樣子，很可愛!!味道可以的!!當你食完碟飯後，會有驚喜!!整體滿意!服務方面，建議加杯清水，加一些印有同學樣的餐紙就更佳!!

呢間餐廳每隔一段時間就會變身做主題餐廳，其實我比較喜歡佢未變身前既餐牌，因為會多好多選擇！（好想食咖哩炸蝦飯呢！）今期做小丸子，趁下午茶時間比較少人黎感受下可愛既氣氛係唔錯既餐廳喺新都會地鋪，就正正喺葵涌廣場對面，非常易搵好可愛既小丸子呀日式咖哩炸雞飯，維持一貫水準，炸雞新鮮炸，夠香口，配埋微辣既日式咖哩，唔駛一陣就食曬個飯lu記得食曬個飯啊，因為好得意既小丸子又會出現喺碟底美中不足係午餐只可配汽水，唔飲汽水既只可以轉蘋果汁或橙汁，加$5如果有咖啡揀就好了！

職員態度:極差門口有一張2人枱，每當是2位食客進入，職員一率安排客人坐門口這張枱，但當時舖入還有很多枱，所我客人則表示“不坐門口，要求坐店內其他位置”,職員頓時擺出一副十分“友善”的尊容，帶領客人內進店內，其後竊竊私語，粗言穢語。職員儀容:極品雖有制服，但髮飾，髮型，鞋，可以整齊 整潔一些嗎?大排檔的姐姐們也好一些。食物:尚可

每種主餐💝包罐裝汔水/+5果汁其實我另一個想吃的主食，就是這個啦，幸好心靈相通的好友👧點選這個扒飯吉列炸蝦大隻香脆，較豬排好吃哦😝芝士漢堡扒賣相吸收，漢堡扒軟嫩無比，肉汁滿滿，較上芝士咸香得宜😌這飯唯一不好是沒咖喱汁，所以朋友用我的咖喱汁撈飯了，哈哈

本身是小丸子迷，又咁岩經過葵芳.. openrice下咁岩又見到小丸子cafe! 咁就喺呢度食啦!!門口一大個小丸子!! 我地食緊飯既時候都見到有小朋友喺度影相呀餐廳入面! 星期一既七點.. 可以少人都咁樣.. 我地想行入d睇下入面既裝修擺設 結果比職員“禮貌”地叫我地去返出面我地點左明太子意粉同牛肉薯餅奄列飯! 本身我地點左抹茶咖喱飯的 不過由落單起計5至10分鐘後先通知我地話賣晒? 唔係一入單就應該知? 何況店內得5枱客人都冇?而餐飲... 竟然係百事可樂或者係七喜.. 連想加4蚊飲蘋果汁都冇!!! 食物的味道還可以吧! 不過選擇奇少! 跟台灣小丸子cafe相差太遠!! 我地食緊飯時有對情侶入左黎睇睇個餐牌就走左總括黎講 呢個價錢可以食得更好 只係為左小丸子而黎既話就ok既! 員工服務都比較hea. 黎一次 就咩都夠了

為左小丸子去，好後悔！餐飲得百事同7up 揀，soda, mocha 要加$25mocha 淡而無味，又整得唔靚!抹茶curry味道怪怪地，咖哩苦苦地，又唔甜又唔辣。最灰係成個飯得兩舊仔雞肉粒，認真睇其他配菜都係紅蘿蔔粒黎！薯條無茄汁點（已經問左staff，佢地話間鋪頭無里樣嘢）漢堡排味道怪怪地，似係壞壞地咁。另外汁俾好少，問個staff可唔可以加汁，佢話要加$20。賣相係唔錯嘅，但真係黎一次影完相就夠！

朋友放產假前，放工也來找我吃飯，二話不說立刻應約，哈哈。由於大家沒有意見吃甚麼，剛好看到這家小丸子主題餐廳不用排隊便進去了。可能還有些人放新年假的關係，不用等候便可進場。大人小朋友也喜歡。這店特別之處是椅子上有各同學的名字。而且更有同學的手抌，一定相機行先。點菜後我們發現一個景象，有些人進店只為拍照而不是吃飯，拍照後便走了，這真的不太好吧。辣肉腸茄汁意粉，味道不過不失，意粉彈牙。咖哩牛肉薯餅奄列飯賣相不錯，薯餅外脆內軟，蛋滑咖哩味濃。

早前想來小丸子CAFE朝聖，但門口排隊的人多到一個恐怖，打了退堂鼓。今日想說電影開始前45分鐘快快吃點東西，新都會間間都排隊，唯獨CAFE有空位，立刻手刀衝進去小食方便點了章魚小丸子裡面的料不算扎實，但gimmick的東西，也沒辦法計較太多。（話說...花輪同學旁邊那個是哪個同學呀-_-#忘了）明太子溫泉蛋意粉這個比我想像的好吃太多了意粉不是很彈牙，但勝在明太子多，蝦也算大隻，收貨啦薯餅蛋包咖哩飯咖哩汁太不惜公本啦。。。所以有點咸-_-#總括而言，來就是吃一個回憶，對食物的要求也不需要太高，環境能讓人高興就夠了

很喜歡櫻桃小丸子卡通，家庭為基礎的故事往往令人很有共鳴；一知道IZUMI換了小丸子的主題，立即相約好姊妹新年去朝拜一次! IZUMI一向以「咖哩」定食為主，因為是食「環境」的餐廳，當然食物款色也是有限。全部都是卡通裡的人物佈置，大家都不停拍照和相機先食難得早收到，可以在人流較少的時間入座，自然拍到高質照片囉~奄列牛肉薯餅咖哩飯 $105-HKD食物賣相一流，看到薯餅上的小丸子和花輪同學，捨不得一口咬下去。薯餅新鮮香脆，但混了日式咖哩汁就吃不出牛肉味了。餐廳用了日本米，所以吃得很滋味!辣肉腸鮮茄意粉 $109-HKD意粉本來很上碟混亂，但加了紙牌公仔，把食客的注意力都分散了。一般茄汁意粉的味道，不過不失，辣肉腸也不算勁辣，意粉的味道足夠中和辣味。唯一美中不足是餐飲的橙汁和蘋果汁都沒貨?! 過年吃很多之過後，也只能點百事/七喜邪惡之物...