Itamama (健威坊)

营业中

休息中

喺北角，中午食飯時間通街都係人。北角健威坊嘅食肆通常都會比較多人，今次我哋揀咗一間餐廳面積比較大嘅，排隊嘅人唔算特別多嘅舖頭嚟食。呢間餐廳門面唔係好大，但係當你行到入去嘅時候鋪入面就好多位，所以好容易就有位坐。餐廳用上咗掃碼點餐，所以呢度無咩 waiter服侍你㗎喇，但有個好處就係你可以慢慢諗想食乜嘢。由於呢家係意式餐廳，所以大部份嘅午餐set都有意粉，我揀咗黑松露carbonara，忌廉汁口味好出，黑松露就唔係特別搶但都好味嘅。唯一唔太讚嘅地方係佢嘅意粉唔係好熱，可能因為中午時間客多，佢整定一批然之後勺出嚟啦！但味道就可以嘅。

中午打邊爐食得好飽 ，夜晚就要食得清淡啲健康啲， 呢度有黑蒜炒椰菜花冇米飯 ，最啱我心水。 淨食菜同魚🐠， 唔食飯或者麵包 ，切碎曬啲椰菜花， 加啲翠玉瓜紅腰豆，用黑蒜炒到佢好香， 再煎一舊好靚嘅三文魚擺喺上面， 加啲貴妃苗 裝飾 ，非常之靚又好味， 一大碟只係92蚊， 對於追求健康 ，又鍾意食 ，又怕肥嘅人嚟講 ，呢個的確係一個好好嘅選擇 。因為近年流行輕酮飲食， 完全唔要碳水化合物 ，淨食蛋白質同纖維 ，食幾多都得， 唔會肥唔會漏 ，而且價錢仲唔貴， 個餐仲包咗一碗野菌忌廉湯， 夠曬熱， 味道都過得去， 最緊要係個主菜好食 ，食得放心又安心。 honey就食牛柳飯， 最好就係有一堆新鮮沙律菜， 落D芝麻沙律醬， 非常好味 。喺呢度我哋搵到各自嘅喜好 ，坐得又舒服， 又好味， 又經濟實惠 ，抵讚。

平日食開坑口果間，今日咁岩返北角，就唻食個tea。原來轉左QR CODE落單，都方便嘅。叫左輕怡龍蝦湯蜆天使面 + 熱檸茶。好快就上枱，可能就5點，比較少人。天使面份量夠，味道都唔錯，有9隻蜆，唔錯啦。天使面浸喺湯，比較淋。最鍾意佢地嘅檸檬茶，篤好哂檸檬，好方便。茶又唔會太苦，正😉

Still remember my last visit wasn't ordering via QR code, and now it's all about technology. Well, can imagine to lessen the manpower while providing limited service. Sadly, when I went in, the whole restaurant was busy. I did find few tables that were emptied but not yet clean up. Staff were standing on the counter chatting and laughing. I asked to help cleaning, but staff were coming over with fed up attitude. Wiping all the food over the floor while one staff threw the QR code receipt on our

每日食晏最煩惱就係唔知食乜好😵‍💫，但無論如何都想健康為主💪🥦🥢煙三文魚煙肉炒菜無米飯🍚($70)．依款炒飯用左椰菜花飯，佢係一種低卡、健康既食材，唔單止可以令炒飯更清爽，仲可以令整道菜更健康😋．依碗炒飯既主要味道黎自煙燻既三文魚同煙肉🍖．煙燻左既三文魚好鮮美，煙肉既鹹香味亦都岩岩好👌．整道菜既口感好豐富，每一啖都可以品嘗到唔同既味道👅如果你鍾意健康美味既炒飯，咁依款「炒飯」絕對係一款唔少得既菜式🤤

今日大顆兒到北角 "Itamama" 歎吓下午茶☕️以下午茶份量已很豐富，多種款式選擇，價錢經濟，整體食物夠熱，美道唔錯🍽😋墨西哥烤牛肉牛角酥配香脆薯條🥐煙三文魚蒜香蛋黃醬卷🥙手工三重芝士田園比蕯薄餅🍕龍蝦汁蕃茄豬扒焗珍珠飯🍛鮮蜆青醬天使麵🍝Ma Ma 手工比蕯薄餅🍕野菌蕃茄湯天使麵🍝黑松露野菌雞粒炒珍珠飯🍛黑松露炒蛋Bagel包配薯條🥯

今日本來諗住去北角食潮州菜， 點知滿座兼要等好耐，嬲得滯去搵第間， 見到有間 itamama喺港運城， 膽粗粗入去試下， 結果有意外收穫 ，啲嘢食都唔錯，地方闊落，坐得舒服。 我食咗個三文魚椰菜花高纖飯 ，honey就食咗個黑椒牛柳粒珍珠飯 ，仲有一碗蘑菇湯送。 珍珠飯旁邊仲有啲好靚嘅生菜，淋咗啲日式芝麻沙律汁，見到都好開胃。 我個三文魚高纖飯仲正，煎香嘅三文魚好鮮味，個飯入面有椰菜花， 雜菌，翠玉瓜，青瓜，洋蔥，仲有紅腰豆，真係健康又好食。仲有一樣最實際嘅就係價錢平，兩個人都係食咗166蚊 ，食得舒服又健康，下次再嚟幫襯。 仲有每日都有特價嘅餐， 如果有啱嘅仲平啲，見到隔離啲人又食蝦又食牛扒，好似好多選擇咁，今日發現新大陸 ，下次要試下第二啲嘢先。

人來人往的〔Itamama〕集團式既Itamama，份量都好大碟，sunday既12點半已經非常多人，高檯又幾好座，我地叫左，香草雞扒滑蛋蓋飯︰個蛋非常之滑，雞扒十分大塊，配埋個汁酸酸甜甜好好送飯，香草鮮露奧笋螺絲粉︰蘆筍有少少榨，唔夠淋，不過螺絲粉個口感好好，美國安格斯牛扒.流心蛋配飯︰安格斯牛扒唔就大塊，牛扒大概7-8成熟，口咬落有啲肉汁，柚子雞翼︰酸酸甜甜，唔算太燶，(加配)凱撒沙律︰加配黎講既凱撒沙律算係幾多，(加配)芝士白汁煙肉西蘭花︰西蘭花夠唒淋，不過好似鹹咗少少

北角無論平日定假日都咁多人～經過商場食個lunch先海鮮濃蝦汁意大利飯份量比較少～一隻大蝦一開二～一隻帶子、一隻青口、幾隻原隻蜆肉、蘑菇、芫荽碎、炸洋蔥絲～唔知點解會有瓜粒～賣相都幾吸引～意大利飯都好入味手工意大利巴馬火腿火箭菜pizza～皮邊比較乾可能焗完唔係即刻拎出嚟～茄汁底、少量芝士碎、洋蔥片、3片Parma ham~食落唔會好鹹～不過如果芝士碎多D就更加好味啦～火箭菜好新鮮同Pizza都好夾跟餐可以選湯或熱飲～野菌忌廉湯比較淡好水冇咩味～咖啡香濃不過奶比較多

Itamama分店已經遍佈港九新界我哋食過海怡半島、馬鞍山、香港仔、坑口嘅分店今次嚟到北角健威坊嘅Itamama中午12點嚟到已經出現人龍要人齊先至可以入座呢度提供中西Fusion食品午餐種類繁多，Pizza、意粉、飯、湯麵小食有雞翼薯條、焗西蘭花午飯套餐可加$15配凱撒沙律或芝士白汁煙肉焗西蘭花加$8配而野菌忌廉湯加$8-$10配特色飲品呢度提供薄底pizza ，焗得非常香脆，會忍唔住追住嚟食。意粉味道比較濃，質素平穩。點咗黑松露醬薯條，不過黑松露醬變咗沙律醬，可能唔記得咗攞黑松露😆食物價錢實惠，份量幾多，性價比高，所以長期有人排隊。Itamama (健威坊) (北角)北角英皇道560號健威坊地下上層U26號舖

今日去左食嘢 叫完嘢食之後 發現得兩隻匙羹 咁就問佢拎多隻匙羹 順便叫佢拎兩杯水 因為帶左小朋友關係 而我今日咁岩冇帶到小朋友餐具 佢地條匙羹超級大隻 就問一問佢有冇小朋友匙羹佢態度吾耐煩咁話：冇！！咁我就諗住問下佢會吾會有熱飲匙？佢再態度極差咁話：都話冇囉 我地得呢隻匙羹嫁咋 你有咩要不如你一次過講埋啦！！自問好有禮貌地每次有人行埋尼 我都有講吾該但呢個侍應咩事呢？然後嘢食到齊 我地食食下嘢 呢個侍應又行埋尼 隻手橫跨過我個頭 一嘢掉張單落尼我系尼食嘢 吾系尼受你氣囉

外賣包裝極差，一攞出門口兩杯咖啡即刻倒水🫗般漏出而且成個紙卡濕晒，一攞起所有食物就跌晒出嚟走位同咗阿姐講佢都冇反應又唔係特別多人剩係得一個客佢面前搞到成個Pizza都濕晒.最後返到屋企兩杯咖啡都剩返一半個Pizza完全入晒咖啡味成個外賣袋都一直喺度滴緊咖啡我大概四點幾攞下午茶外賣又唔係餐廳特別忙嘅時間點解搞到外賣同啲食物一樣咁差真係而家堂食開返自取外賣嘅質素就可以做得咁差.最後連兩隻雞翼個紙盒都滲咗咖啡

服務員態度真係極致惡劣…叫凍齋啡…上來時係一杯落佐12分甜的凍齋啡…問完仲卑鬧我唔啱…話全世界凍齋啡都係加糖…你走糖要出聲…到埋單時又係卑鬧我一輪我食個早餐啫…叫卑凍齋啡…問下點解係加佐糖…一個鬧完又另外一個鬧…洗唔洗啊…開門做生意做到甘巴閉

從來未試過俾人飛餐牌！櫈都未坐低應該冇得罪你掛😰飲完最後一啖咖啡，已經執緊野想走嘅時候，都仲要趕你走。😓明明當時餐廳仲有好多空嘅座位餐廳嘅食物質素性價比是沒有問題的，食物選擇亦都很多。但係服務態度就令人好卻步，如果唔係附近嘅餐廳冇位都唔係太想入嚟貪方便食一陣野姐，使唔使受咁多氣呢😩

充滿希望地進店，極之失望地離開！在門外看似環境不錯，食物賣相亦相當吸引，便進餐廳試試！千祈唔好俾外表欺騙‼️服務質素才最重要‼️一入店，服務員安排了第一張枱後，食客表明是三人，服務員此時要求食客坐另一張枱，更聲稱這枱不可坐三人。不久，另三人自行入坐（服務員聲稱只可坐二人的枱）！服務員有提及只可坐二人，但該三名食客堅決不轉枱，就可任由他們繼續違規？明明係（服務員）安排坐位給食客入坐，但入坐後，（服務員）要求食客一而再，再而三，不停調位！（食物到枱前已調三次座位）理由只得一個，因為二人限聚！（呢個原因大家明白的）但點解（服務員）唔可以諗清楚才安排一個合適的座位給客人呢？第三位服務員走來提出要求食客調位時，語氣態度甚差！不停指責食客不可坐這座位！更不理會，甚至係無聽，食客的回應！（重點係：明明係服務員安排，又唔係客人自己揀位‼️為何指責食客坐錯位？）這店環境及食物質素不錯👍🏻，可惜服務質素就😒⋯⋯* * * * * * * * * * * * * * * *1.請問你們是否需要改善一下服務質素呢？2.服務員真的清楚2人限聚要求下，如何安排入座的位置？（2人限聚，已不是新鮮