Italian Tomato Café

营业中

休息中

今日諗住去荃灣IKEA，就喺附近愉景新城食個lunch。商場既餐廳普遍人均$100以上，見到呢間午餐價錢唔錯，加上平時Italian Tomato蛋糕質素幾好，所以決定食呢間。午餐有主食+湯+飲品，另外可以加配薯條、蛋糕。卡邦尼煙肉蘑菇雞蛋伴意粉 - 奶香濃郁、口感滑順，流心溫泉蛋真係好正。辣肉腸pizza- 餅底幾脆，整體普通。薯條配黑松露蛋黃醬 - 熱既薯條香脆可口，除咗黑松露醬，仲有茄汁選擇。可能因為係親子商場，用餐時店內都唔少一家大細，始終多小朋友，所以用餐時環境比較嘈吵；加上店舖門口對住個商場活動舞台，表演者唱歌嘅音量，真係好大聲😓。

蒜香煙三文魚什菌意粉🌶配凍是日果茶、餐湯HK $68餐湯有蕃茄雜菜湯同忌廉湯兩款揀。意粉可以轉天使麵。煙三文魚面頭有兩片，天使麵入面亦夾雜住少量熟嘅三文魚粒。天使麵食落有種淡淡嘅咸香日本栗子蛋糕單點 HK $43套餐 + HK $35有三層海綿蛋糕，中間夾住兩層嘅朱古力碎、栗子碎與鮮忌廉。面頭有一層簿簿嘅栗子蓉和鮮忌廉，同時有半粒栗子同一片朱古力片做裝飾。中間嘅栗子碎都算多，令到入口時嘅口感都唔錯。但海綿蛋糕偏鞋口，而且整個蛋糕嘅甜度偏甜，甜嘅程度蓋過咗其他嘅味道👎🏻Italian Tomato Café#missyan_西式#missyan_蛋糕#missyan_甜品

在愉景新城找地方坐下飲杯茶食小食，見到Italian Tomato 有cafe，想起以前在康怡吉之島的這cafe，在飯後多數會蛋糕🍰食，才感覺完美的晚餐畫上句號。看見想回味一下，便入坐食個Tea, 看到Tea set好抵食的@$68，包自選蛋糕平均$48加杯咖啡。抵食！叫了特濃朱古力蛋糕，依然keep到香濃的朱古力味道，不會太甜👍，另外叫多一個藍莓芝士蛋糕，蛋糕上放滿了超多的新鮮藍莓🫐，再配上黑咖啡，剛好，絕配，好味😋推介！

今日去咗試嘅呢間餐廳真係唔錯！叫咗個all day breakfast set，份量同質素都幾掂下。個牛角包真係新鮮，脆卜卜咁，仲要熱辣辣咁上。炒蛋做得幾嫩滑，唔會乾爭爭咁，配埋火腿同腸仔，基本功都算做得好好。最意外係隻燒雞扒，汁香肉嫩，幾有驚喜。個沙律都唔係求其做，用咗車厘茄同牛油果，配埋生菜，夠新鮮爽口，唔會覺得個set太肉感。仲有新鮮橙汁，清甜解膩，幾啱！另外叫咗個通粉，個湯底香到癲，成個都係蒜蓉牛油香。啲通粉煮得勁啱，唔會太爛，配埋西蘭花，又夠新鮮爽脆，都幾夾最重要係呢度啲嘢唔係好貴，想食個豐富嘅早午餐，絕對值得一試。個環境都唔錯，光猛舒服，夠寬敞，店員態度又好，真心推介畀大家！個人覺得呢間嘢真係幾抵試，有心機整嘢食，份量夠，價錢又唔貴，絕對係食早午餐嘅好選擇！👍🏻