影片
以上资料只供参考，请与餐厅确认详情
早前同朋友饭聚，一位老友送我La Famille嘅意大利芝士口味戚风蛋糕，而另一位老友就送我Isabelle嘅香榭牛奶夹心曲奇（Milk Tuiles Sandwich Cookies），晌度再次多谢老友厚爱，不时送上小礼物，曲奇就更喺喜爱零食，又可以有个唔单调嘅下午茶。Isabelle嘅出品一向注重包装，今回曲奇嘅包装盒以湖水绿为主调，盒面印有巴黎地标艾菲尔铁塔，以表示佢依个品牌喺嚟自法兰西。不过，其实佢喺晌台湾出产！打开包装盒，内里共有12块，块块独立包装，保证衞生。Isabelle出品好多种曲奇，而依个夹心曲奇系列共有两款口味：牛奶味及朱古力味，小弟所收嘅喺前者。啪开一睇，上下两片曲奇夹住薄薄一层牛奶夹心，个曲奇饼身好脆，牛油味唔重，而中间牛奶夹心层好重牛奶味。依一种曲奇立时令我想起Tokyo Milk Cheese Factory嘅出品，均以两片曲奇夹住馅料，可谓各有千秋，但同样好食。
继续阅读