I's Land Cafe (已結業)

雖然十分就近，中學畢業後卻甚少踏足觀塘區，也許一年十次都沒有。只是這三四年來發現觀塘工廈越來越多食肆，曾一訪數家，不過怎樣也跟不上速度。其中咖啡店為多，明明是繁囂之地，但又可求一息寧靜，矛盾，又有趣。　　門面綠意油油，想必然是輕鬆田園風，忙了個多星期缺乏休息，正合我意。想不到內裏是如此寬敞闊落的大場，包場勝地，場內有過百個座位。我們早早到達，六點左右，場內只有兩三枱為下午茶而來還未離去的客人。怎料慢慢選著，吃著，聊著，直至晚上八點仍陸續有客人入座。結果如此一個工廠區的樓上大場，平日晚上也有五分一滿，真不容易。　　附送餐湯，基本上落單後五分鐘左右已經送上，效率高。偏甜的羅宋湯，碗中滿是蔬菜，配上脆口的蒜香包同食先暖暖胃。　　主菜到來了，海鮮之選－－原隻赤蝦伴扇貝三文魚蟹肉燴意大利飯　$168。本也想到樓上咖啡廳的意大利飯也不會怎樣出色，沒有抱任何期望。不過只說海鮮料實在不算吝嗇，赤蝦、扇貝、煙三文魚和蟹肉一下子就嚐到了。吃起來不會霉霉爛爛，調味也是恰到好處，唯飯質不夠煙韌富嚼勁。　　只需要等個十多分鐘就隆重登場，此店最受歡迎的其中一款甜品－－士多啤梨吉士夾心窩夫配北海道3.6牛乳及芝麻雪

周六下午 觀塘人超多 又熱 仲要排隊搭lift 已經燥熱 ～ 一入到去感覺好relax . 有 D 離开香港既feel . 本来上去之前 無咩期望 但上到去好舒服 ． order 左 all day breakfast $98 ～ 黎到嘩左一声 ， 杯 latte 幾好(我對咖啡要求幾高） ， 杯smoothly 一般 ， overall 不錯 ，最 开心系無人趕我地走～ have a nice afternoon

今次係第三次光顧, 都清楚食物係普普通通,不過甜品算唔錯,環境都好舒服但係今次個甜品真係有啲令人失望,心太軟完全無流心,最奇怪係當我哋問一位蒙豬眼侍應哥哥,佢竟然答咗我哋兩次唔清楚,我哋要求佢問其他同事,之後佢就無再番過嚟最後我哋再搵另一位大隻侍應哥哥,佢即刻叫我地等一等,跟住好快就送過另外一件俾我哋其實總括三次經驗,侍應嘅服務真係麻麻,好多時見到我哋揮手都冇反應,有時候啲同事企係水巴背住睇唔到唔出奇,但係水巴入邊位姐姐見到又係冇反應,客人真係好無助

諗住生日食好野，點知……完全唔得。我在落單時已經要求3成熟，但完全煮唔到。換咗一次，第二塊仲要係7成熟。我唔知點解這間會做唔到，唔好話其他餐廳做到，連我自己都燒得到。我地要咗3份，但3份都係咁。

每逢星期六老公放孖Day日子都會喺觀塘試唔同Cafe,今日試咗I's land cafe.前一晚可以網上訂位，所以瞓醒可以慢慢咁去，上到去環境好光猛，兩邊大窗，有不同區域佈置，好舒服，不過今次無request 坐窗邊位。因為為咗鳥籠afternoon tea set 而來，所以當然要order 一個啦，呢個tea set for 2, 開初以為唔夠，但食完都唔駛再order, 好味，有咸點有甜點。餐茶點了蘋果花茶&凍朱古力。老公滿意，話下次可以再試晚餐。

想同朋友去間環境吾錯又坐得舒服嘅餐廳，所以就揀左i's land🍂一坐低就感覺到秋天嘅氣息啦，因為餐廳用左楓葉黎做裝飾☺️ 晚餐set包餐湯，蒜蓉包同特定飲品😊肉眼扒嗌咗七成熟，扒中央可見粉嫩紅色，食起上黎仲有肉汁🙂吾會乾爭爭！牛扒雖然好厚，不過肉質吾會好硬，另配濃郁嘅燒汁😉鵝肝煎得外脆內軟，入口香濃，幾新鮮！驚喜之作就係肉眼扒下嘅紫薯蓉💜食到粒粒紫薯，甜甜地剛好抵消食完牛扒後嘅油膩感😀好比一般餐廳配嘅薯角！感覺健康啲而意大利飯嘅份量都幾足😊海鮮有大蝦，三文魚，蟹柳，扇貝⋯飯粒比較硬身，加上濃郁嘅忌廉同醬料，令到每啖飯都夠入味☺️都算系水準之作嫁！飲品方面，☕️朱古力加左靚靚嘅拉花，飲起黎唔會太甜～配意大利飯飲一流😀朱古力味都幾濃，加左忌廉入口亦都夠滑😝鮮果茶就夠清新，裏面仲有生果粒食😉真材實料👍可以因應返自己嘅口味而落糖漿😀食完牛扒飲就有如'打邊爐飲可樂'咁match😬心太軟茶味都算濃，吾會太過甜所以食完吾會好膩！一般嘅流心效果都做唔到🙂配上牛奶雪糕，奶味都幾重

為食兵團是夜再度出動，直闖到這所尤如身處於綠州之內的工廈cafe....若不是預早打個電話上來的話，今天晚上在此絕對是一位難求的。看到差不多每張檯上都放有已訂座的牌子就可約略估計到了....先來杯橙汁解解渴。呷下來，只覺確是貨真價實的用鮮橙壓搾出來的，除了味道十分自然及能吃到不少的橙肉及渣之外，小弟亦親眼目睹侍者將一大堆已去皮的橙肉倒進攪拌機中，這已是明證了....在街外喝這一類鮮搾果汁閒閒哋都是十多二十大洋，現在只需多付幾塊錢便可跟餐喝到，實在是有夠賺....雜菜湯用料相當充足，一小碗湯裡頭就放下大量的紅蘿蔔、椰菜、薯仔及火腿。有了如此強盛陣容試問湯又怎會不濃郁 ? 以如斯既酸又濃烈的湯，配搭起烘至脆卜卜而牛油也下得重手的薄片法包，結合起來自然是如魚得水....是夜試了兩款主食，個人覺得最出色的是這味香煎西班牙極黑豚肉配炸鯛魚....豚肉處理得皮香帶焦脆，內裡的肉是淰中帶爽充滿著肉香，而鹽的調味亦掌控得啱啱好下得相當平均。可惜的一點是上桌後發現它的件頭份量是偏少的，嗒落真的吊癮絕不夠喉呢；炸鯛魚相對起來便大塊得多，在處理上同樣地出色，金黃的外層酥脆不膩，魚肉軟滑非腥底味也下到足，基本

座落於觀塘工廈的I’s Land Cafe，環境夠大又寬敞，空間感十足！冷氣夠涼，自然坐得舒服，採用木枱木凳，是最愛的花圃設計呢！環境設計都不失獨特性，樓頂好多花花草草，滿載森林和原野感覺～席間亦聽到播放著純音樂，整個氣氛好輕鬆。抓緊暑假的尾頭，享受一下Best summer holidays～朋友喜歡檬這裡聚餐的其中一個原因是「免加一」！餐牌亦別具一格，用上刻著字的木板，讓用餐的氣氛更愉快！先來一客小食：黑松露野菌三文魚粒焗西蘭花 $68拉絲的芝士鋪在蔬菜面，健康中又帶點芝味的口感！加入了經醃製的三文魚粒，入口多一份濃郁的滋味！夏日精選－雙色焗大啡菇 $78蕃茄肉醬和芝士雜菌的組合十分匹配，但兩款都同樣是多汁又軟身，菇香都出然溢出～Set dinner 跟日是餐湯羅宋湯足料又夠濃郁，最愛軟腍的薯仔粒；撒上香草和蒜粒的餐包香噴噴又脆卜卜，好味！鮮桂花蚌大蝦香草炒義大利麵 $148海鮮採用了坊間粉用的花蚌，比魷魚多一份爽口和彈牙～原來底下還有切粒冬菇，煙軔好嚼～蝦又夠大隻，養眼度十足！加入了豆角，組合更添清新，幼意粉吃落彈牙，還有帶陣陣酒香！但吃到最尾會偏多欖油喔～香煎西班牙極黑豚肉配炸

不算特別好找，在工業大廈六樓，但一進去cafe氣氛立刻就不一樣了呢，裡面佈置很小清新，清爽的綠色格調，木製桌椅我要了炸雞炸魚和薯角套餐，炸物不算特別新鮮熱辣☹️，炸雞炸魚的皮都很厚，魚的腥味沒有處理到位，殘留一點「魚味」；炸雞不酥脆，很硬；不過薯角味道不錯，只是在一份薯角中有兩隻沒有熟透...另外，沙律醬汁太多，建議另外準備一隻碗仔承裝沙律醬，這樣客人就可以自己掌握需要多少醬汁。總之憑口味看來真的乏善可陳，不過看在環境不錯的份上，就不給哭臉啦😅

I's Land Cafe在觀塘上班的好處，就是可以吃到很多有特色的非連鎖式餐廳，而且價錢相宜，不會開天殺價，所以我都很喜歡在觀塘上班。這天放工後，便相約同事到觀塘駱駝漆大廈吃晚飯，因為得知最近這間餐廳的評價不錯，所以我們一於上去品嚐。進入餐廳後，發現餐廳的裝潢及設計非常有大自然感覺，綠油油的植物盡收眼簾，感覺非常舒適寫意。翻一翻餐牌，發現食物的選擇非常多，而且大部份食物都非常有特色。蒜蓉餐包蒜蓉包烤得非常香脆，蒜蓉味香。香煎鵝肝先吃頭盤，鵝肝外層煎得非常香脆，裡面仍然呈粉嫩色，外脆內嫩，油花四溢，質感嫩滑，油脂什多，而且調味剛剛好，香氣四溢，齒頰留香。香煎日本A5和牛扒和牛外層煎得挺香脆，裡面仍然呈鮮嫩粉紅色，脂肪比例平均，牛味香濃，肉質鮮嫩多汁，非常吸引，旁邊的紫薯薯蓉非常有驚喜，甜甜的剛好中和和牛的膩感，伴碟的蔬菜也有陣陣炭烤香氣，調味剛好，確是誘人。黑森林溫泉泡泡 $63甜品以鐵鍋上枱，裡面放滿漲卜卜的烤綿花糖，底層是朱古力醬，以餅乾挑起來吃，做到拉絲效果，烤綿花糖外脆內軟的質感非常吸引，整體超甜膩，甜魔會喜愛呀☺️朱古力心太軟waterfall這個朱古力心太軟非常特別，餐廳把心

food was horrible, the risotto tasted really bad and disgusting. I won't be visiting again.....

想同朋友見面傾計chill下最好就係搵間靜靜地既cafe,觀塘工業區宜幾年都開左吾少有特色嘅cafe。今次就去左依間以森林為主題嘅cafe,地方夠大環境又靚。佢地有好多吾同款嘅花茶可以選擇,我就揀咗藍莓花茶,飲落清新又有好甜好香既藍莓味。黑森林溫泉泡泡其實就係S'mores,棉花糖份量都幾多,不過底下嘅朱古力就太少,兩個人share都覺得有D太膩同太甜,而且瑪麗餅得六塊,吾夠用黎點住D棉花糖食。依個瀑布有朱古力或者抺茶味心太軟可以選擇,玻璃球入面就有雲呢拿雪糕, Oreo餅碎同士多啤梨。一切個心太軟D抹茶醬就流晒落去D雪糕同oreo餅碎到,mix埋一齊食好夾。

好耐無跟我個吃貨閏蜜見下面，吹下水，食個飯LU~ 咁岩喺觀塘行完街，所以就決定去呢間之前黎過嘅CAFE，其實我都算係D幾專一嘅人，哈哈~ 因為去開覺得好，我就會再去而我再黎係因為呢度嘅檯同檯之間有足夠空間感，店面亦算幾大，加上一般二人都係坐4人檯，所以唔會話坐得好迫加上店內環境真係好得我歡心，因為好有城市綠洲嘅感覺，好舒服，而且同朋友黎吹水，最討厭就係D員工係咁走黎問你仲有無野要，好似要趕你走咁，根本就係趕客。而呢度就無呢個問題啦~由於我地七點去到，未算最多人，所以好快就入座，一坐低就睇下個晚餐MENU，只有小食同SET Dinner揀跟餐呢個磨菇湯同蒜容包，真係一d都唔hea架~ 係誠意之作~ 朋友都話好食！我地一人點左一個set dinner，一份小食好姊妹，就點左呢個仲夏拼盤有一份多士同三文魚沙律不過不失我地就再點左呢份生蠔拼盤，分別兩隻加拿大同兩隻美國生蠔生蠔都算係新鮮嘅，同埋隻生蠔都幾肥美~ 哈哈~講到早排天氣又熱又焗，我地兩個由地鐵站行到黎都已經濕曬身，坐低梗係叫返杯冰涼沙冰啦~兩杯都好好飲~ 又fresh 又冰涼！加上份量是超大一杯好姊妹就點左呢份A5和牛7成，肉質不錯，

今日同朋友係餐廳食下午茶！我係網上搵到啲間餐廳，見到環境唔錯，我就訂枱啦！啲間餐廳有幾樣野唔錯既👍🏻。 第一係環境舒服☺️，點解呢🙄？係因為我見到餐廳分為幾部分，其中係夏天既環境，天花佈滿夏天既綠葉🍃，另外一面就係秋天既紅葉🍂，俾我感受到好輕鬆既感覺😌。第二係食品質素好👍🏻，我叫左個忌廉煙三文魚蘑菇長通粉🍝、心太軟同窩夫。長通粉軟硬適中，心太軟好流心唔會嚟到就硬哂仲要外脆內軟又唔會太甜，窩夫上既雪榚嚟到又唔會容哂🍦。第三服務員質素幾好💁🏻。落單既時候，我哋好多要求去態度非常之好🙋🏻。就係啲三樣野都值得讚👏🏻。值得推薦俾大家聚餐既餐廳😉！（本食評乃個人意見，與openrice無關）

今日試左呢間cafe,一入門囗見到開揚的田園裝修，枱與枱之間也寛闊，大約下午2:15到唔算多人，不過背景音樂太大，我地想搵人落單要大聲叫兩次才有人來，樓面有五個人，可惜兩個兩個甘傾計，另外一個在門口！