INN - I’m Not Nothing

营业中

休息中

穿過略顯陳舊的工廈走廊，推開門卻是另一番光景——暖黃燈光下，一間裝修別緻的西餐廳悄悄隱藏於此。 🐈主菜1. 北海道帶子菠菜意大利飯｜$138帶子表面煎得金黃，入口先是微微的焦香氣息，繼而是帶子獨有的柔嫩鮮甜。菠菜並非點綴，而是融入燴飯中，散發微微而獨特的菠菜味。整體平衡的恰到好處，雖是意大利飯卻不會過份濃郁。 2. 慢煮西班牙黑毛豬鞍架伴香桃醬｜$248刀尖輕觸即分的豬肉，證明了慢煮火候的精準。香桃醬微酸中帶著一絲甜意，香桃丁增加其口感，整體風味十足，別具特色。🐈甜品：法式薄餅佐肉桂蘋果｜$88薄餅溫熱綿軟，與冰涼的蘋果粒形成對比，略有些冰火交織的感覺。焦糖醬裹著肉桂香漫開，甜度點到即止，最後一口竟生出些許不捨。 個人意見： 這裡的料理總在細節處見真章：帶子的焦香、菠菜的融合、甜品的冰火兩重天，處處透著對食材的尊重。無需華麗的商場，隱身在工廠大廈也足夠令人特意來訪。

今日嚟開荔枝角附近做嘢唔知食咩好 經同事介紹就去左呢間又好味😋又打卡🤳able嘅本地法國風餐廳上菜速度好快 lunch hour嚟都唔使怕 食過鐘返去遲到😂💡soup of the day 南瓜湯 好香南瓜味，佢唔係一般打到爛晒嗰種南瓜湯保留返少少南瓜嘅textrue ，同時有加入左啲面包粹口感好豐富好特別 ，我自己幾鍾意。💡garden salad 田園沙律酸酸地幾開胃 清爽🥬食得出佢啲菜好新鮮！💡Mixedberry smoothie 呢杯野我男朋友一試就話鍾意，一來唔會太甜太creamy,因為太creamy飽左就食唔到其他野，而且佢藍莓嘅酸味會有啲解油膩，就算唔太飲酸嘢嘅朋友都飲到，另外佢上邊嘅cream 加左士多啤梨漿 好香好夾！💡cappuccino 因為今日未飲咖啡所以叫杯cappuccino,本身冇抱好大期望，點知有驚喜😋佢嘅espresso底香味係飲完會慢慢滲出嚟 正👍🏻 值得一試🙌🏻💡smoked salmon handmade pasta煙三文魚龍蝦汁菠菜手工幼麵手工麵質有口感彈彈哋，好掛汁 龍蝦汁好濃郁，啱啱好唔會太多！💡grilled pork rib eye

原來工廈內都有咁靚嘅餐廳，唔係友人帶路，真係唔知。嚟間餐廳位於荔枝角，近地鐵站，非常方便。內裡裝潢設計簡約，優雅。蕃茄湯質感非常濃稠，入口鮮甜帶微酸，開胃。All day breakfast煙肉， 炒蛋， 腸，蘑菇，牛油果，蕃茄，多士，沙律菜材料好豐富，另人垂涎！煙肉，腸仔都煎得不錯，不油膩。脆脆多士配上炒蛋，蘑菇……口感十足。牛油果，沙律菜都非常新鮮，滿意。雜莓奶昔顏色好美，十分順滑，果味濃郁， 完美的句號。

工廈都有美食？ 位於荔枝角億利工業中心應該係佼佼者，有好多隱藏美食係唔同樓層。今次同朋友去左2樓 I‘m not nothing食西餐。餐廳裝修優雅風格，燈光微暗，有氣氛有格調。🍚北海道帶子菠菜意大利飯$138帶子煎得焦香，鎖住鮮甜肉汁，菠菜打成汁與意大利飯一齊煮，顏色靚之餘，口感清新健康，一D都唔膩。🐷慢煮西班牙黑毛豬鞍架伴香桃醬$248黑毛豬鞍經過慢煮，切開時帶點粉嫩顏色，果然肉質鮮嫩，帶點油脂香氣，搭配清甜香桃醬汁，甘甜鹹香互相平衡。🧁提拉米蘇$68飯後甜品揀咗提拉米蘇(Tiramisu)，底部手指餅索左咖啡，軟滑馬斯卡彭芝士（Mascarpone Cheese），口感絲滑綿密，頂部撒上可可粉，增添味道層次。

荔枝角食嘢愈來愈多選擇，今次去左億利工廈見到水牌真係有唔少選擇，OpenRice 左一下，決定去食性價比高的法式餐廳。餐廳門口有不少優惠餐牌揀，$8一款芝士生蠔，$28任食青口，好抵，我哋當然要試下。🌟#北海道帶子菠菜意大利飯帶子唔算大，香煎兩面，牛油味和鮮味配搭剛好，入口嫩滑。意飯軟硬適中，掛滿醬汁，好味開胃🤤🌟#大蜆香草忌廉扁意粉賣相好精緻，擺盤見心思，好岩同朋友打卡。蜆好鮮甜，味道濃郁，好creamy，性價比高。朱古力心太軟配雪糕好熱辣辣，外脆內軟，一切開朱古力漿即刻流出嚟，好香濃。整體性價比高🫶🏻

好友升左職，我地去左位於茘枝角長沙灣道883號億利工業中心2樓203號舖的《INN-I'm Not Nothing》 食午飯慶祝，環境舒適，坐得舒服。我地點左2個 Express Lunch Set ：🍴田園沙律 x 2🍴煙三文魚龍蝦汁菠菜手工幼麵 🍴燒美國豬肉眼扒 🍴Mixed berry Smoothie🍴Grapefruit Lemon Soda煙三文魚龍蝦汁菠菜手工幼麵 上檯時已經聞到濃郁的龍蝦香味，幼麵軟硬適中，掛滿好味的龍蝦汁，好味道；燒美國豬肉眼扒的肉味香濃，外脆肉嫩，好好食；奶昔好味，梳打清爽。

INN - I’m Not Nothing地址：長沙灣道883號億利工業中心2樓203號舖INN餐廳係一間好有氣氛，特色，格調既西餐廳，環境氣氛相當令人舒適，乾淨企理，我就覺得好適合情侶黎依到啦👍😊 食物價錢唔算貴，但食物質素就好有保證，每樣食物都好好味，份量啱啱好，性價比高！以我所知除咗荔枝角，仲有其他分店，都相當出色！第一次黎荔枝角依間分店，雖然位於工廈，但入到餐廳，成個感覺即刻唔同晒，係真係幾靚既～侍應態度都好好，上菜速度又快！值得推薦俾大家！燒八爪魚墨汁意大利飯 $198Grilled Octopus Ink Risotto依個墨汁意大利飯真係超好食，就咁食飯都已經覺得好好味，我相信係因為啲飯吸收晒啲墨魚汁，令到每一口飯都咁正👍👍八爪魚口感亦好好，可能貴咗少少，但個飯絕對係值得！燒10安士安格斯肉眼牛扒伴香煎鴨肝配紅酒燒汁 Grilled Angus Rib Eye Steak 10oz with Seared Duvk Liver依碟牛扒真係好食到不得了！外焦內嫩，肉質多汁且帶有濃郁的牛油香氣，搭配香煎鴨肝的豐富口感，紅酒燒汁提升了整體風味，濃郁而不膩，俾人一種高級感覺

今日去咗荔枝角一間工廠大廈，裏邊有一間世外桃源咁靚嘅餐廳，環境充滿着歐陸式嘅裝修，而且都好優雅，別具特色，打卡影相好地方。交通非常之方便，附近就已經有地鐵站同巴士站等等嘅交通工具。服務質素都非常好，有禮貌，又親切。食物質素都非常好，簡直係性價比高。我叫咗兩個菜式慢煮西班牙黑毛豬鞍架伴香桃黑毛豬鞍架係厚切，## 食評優化### 慢煮西班牙黑毛豬鞍架伴香桃這道慢煮西班牙黑毛豬鞍架，肉質厚實，而且鮮嫩多汁，每一口都充滿肉香。搭配的香桃汁，甜美清新，令人回味。新鮮的配菜與精緻的擺盤，更為整道菜增添了視覺享受，食用花的點綴更顯廚師用心，讓人感受到廚師的心思和熱誠。### 安格斯西冷牛扒8安士伴牛油燒龍蝦安格斯西冷牛扒一上桌，就聞到濃郁的牛肉香氣撲鼻而來，牛油在慢慢融化，滲透進每一塊肉中，令人垂涎欲滴。搭配無疑是味蕾的盛宴！再加上隻燒龍蝦，肉質鮮嫩且富含蝦膏，鮮香撲鼻，這道佳餚讚不絕口。我非常之欣賞。

今日在荔枝角附近收工，約左朋友食Dinner，就上網找間靚cafe招呼朋友先得，這間INN-I M Not Nothing有幾間分店，評語都唔錯就book位試下啦。 👉北海道帶子波菜意大利飯，帶子大大粒，煎得唔會太熟，啱啱好，唔會實的的，飯汁很creamy，飯很軟綿綿。 👉大蝦茄醬意大利粉，有4隻大蝦，蝦肉爽口彈牙。個茄汁唔會太酸，啱我口味。 甜品：香蕉朱古力可麗餅，唔太甜，每人食半份已很足夠。 飲品：Latte ,Green Tea Latte，咖啡香濃，很順滑。

餐廳於荔枝角地鐵站行幾分鐘便到，地點方便。雖然位於在工廈內，但餐廳環境優美，帶點外國風情，亦好有燭光晚餐既浪漫氣氛，播著輕柔的音樂及有個投影器播著外國的夜景。香脆炸雞翼伴辣味蕃茄莎莎即叫即炸，外皮很脆，而且有些避風塘味道超香👅。雞肉勁嫩滑又帶點油脂，食到lam lam脷。辣味蕃茄莎莎醬係冷盤醬，但配熱烘烘既雞肉又幾夾，而且酸酸地好開胃🤤。大蜆香草🌿忌廉意粉🍝加左忌廉醬炒，但炒至乾身唔會有太滯的感覺。香草提升味覺👅，配埋彈牙既大蜆肉一起食好清新。甜品：香蕉🍌朱古力🍫crepe朱古力🍫crepe口味好正，濃郁既朱古力味，食落餅皮很薄好綿滑。配上新鮮香蕉味道甜香惹味。必飲抹茶拿鐵☕️：抹茶味清香味濃，奶泡綿滑🥛。

今日同朋友黎食飯，上網見好評唔錯，裝修好精緻，就簡左呢間。🍟黑松露薯條巴馬臣芝士炸出黎熱辣辣，仲有黑松露醬加分，點埋一齊食好正！🫕經典法式龍蝦湯好濃郁既龍蝦湯，入面仲有啲蟹肉碎食到，好飲。配既包有酥皮感。推介！大蜆香草忌廉意粉用左青醬去煮，唯嫌唔夠入味，較清淡，呢個對我重口味人士黎講一般。🐙 燒八爪魚墨汁意大利飯 $148八爪魚🐙好有咬口 、大大條 、啖啖肉🥰食到成個口都黑晒，好過癮😂 個意大利飯都做得幾好。

估唔到茘枝角工廈開左royal inn 既分店；之前係尖沙咀商場the one 食過。餐廳環境舒服，可能係連鎖店既關係，待應好好，添了三次水。午餐：A) Express lunch menu: 快餐 （$126）1）蕃茄湯，酸左D，但開胃。2）煙三文魚龍蝦汁手工幼麵，幼麵幾好味😋，龍汁同龍蝦🦞湯同味3）凍檸茶B) Premium Business Set Lunch menu 1) 龍蝦🦞湯，好味（+$28）2）燒安格斯肉眼牛扒 （$228），好吃，叫左五成熟3）凍檸茶

I N N有多間分店大,吃過幾間水準質素也不錯.而荔枝角分店位置坐落於工業中心內,地方不算大,但入內光猛,且帶法式簡約清新風格🔸Smoked Salmon Handmade Tagliolini ($108）🔸Grilled US Pork Rib Eye($118)午餐已套餐為主，已包餐湯或沙律.是日餐湯是蕃茄忌廉湯.入口蕃茄味豐盛,濃稠微酸很開胃,如果配上麵包就更貼心.煙三文魚龍蝦汁菠菜手工幼麵,麵質有彈性,並且很掛汁.加上新鮮三文魚及醬汁濃郁龍蝦味. 而燒美國豬肉眼扒非常有驚喜!表面燒得微微焦香切開內裏幼嫩,而且帶肉汁,這個價錢尚算性價比高!

@inn.imnotnothing 隱藏於荔枝角工廈的美食採用歐陸宮廷花園風格設計 有華麗水晶燈古典羅馬柱 高貴藤椅🏛️以純白空間結合花藝重點是價錢不貴且質素高 每日不同驚喜優惠·⚜️⚜️⚜️供應時間（18:00 - 21:00）⚜️⚜️⚜️MON-TUE 牛油燒波士頓龍蝦半隻$48WED-THU 芝士煙肉焗生蠔$8FRI-SAT 任食1.5小時白酒忌廉汁藍青口$28SUN 晚市甜品一律半價⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🍚燒八爪魚墨汁意大利飯意大利飯以墨魚汁為基底 吸收了海鮮的鮮香配上外酥脆內嫩滑的八爪魚🐙帶來豐富口感彈牙米粒與菇類 洋蔥等在口中散發海洋氣息·🍝鮮蝦茄醬意粉意粉煮得恰到好處 賣相精緻 灑上食用花瓣搭配新鮮的蝦仁與濃郁的自製茄醬 帶微辛辣每一口都散發著番茄的甜香🍤蝦仁大隻爽口·🍟黑松露薯條配巴馬臣芝士這款薯條外脆內軟 份量幾多 撒上芝士和紫菜蘸黑松露醬/茄汁 香氣四溢 即叫即炸熱辣辣成為絕佳的小食選擇🖤·🍫香蕉榛子朱古力忌廉班㦸薄薄的可麗餅包裹著香蕉 淋上濃郁朱古力醬搭配清甜香蕉香氣🍌既豐富又不膩 完美甜點再以香蕉及草莓作點綴 每一口都是甜蜜享受

前兩日去咗荔枝角呢間cafe食lunch，餐廳喺工業大廈裏面，好近地鐵站，地點方便。網上見到餐廳嘅相已經覺得裝修好吸睛，裝修以宮廷風為主，牆上有掛畫，天花板吊住迷你水晶吊燈同復古吊扇。～Soup of the day是日餐湯係粟米忌廉湯，濃濃嘅忌廉，好creamy～煙三文魚龍蝦汁菠菜手工幼麵龍蝦汁配煙三文魚，煙燻味香濃。手工幼麵煙靭彈牙，係我鍾意嘅口感。😋👍🏼～燒美國豬肉眼扒厚切嘅豬肉眼扒份量十足，咬落啖啖肉。肉眼扒外面煎到焦香，好香口。配薯角，食完好滿足。～Passion fruit Mint Soda酸酸甜甜，帶薄荷嘅清涼，開胃又解渴。WhiteOrchard 白桃果園白桃果香味濃，配淡淡嘅茶香。餐廳環境舒適，地點方便，好適合同朋友茶聚午餐。