INN - I’m Not Nothing

营业中

休息中

荔枝角工廠大廈入面隱世西餐廳環境望落乾淨舒服，裝修設計有種歐式風格幾有格調。幾鍾意餐廳職員著西裝感覺有種高級感，而且服務真係好好燒八爪魚墨汁意大利飯 $148墨魚汁好濃，飯粒有口感，軟硬度OK。墨魚汁鮮味夠香仲有D鹹香。八爪魚腳補燒香過，燒到焦焦地好脆，肉身有咬口幾爽彈。慢煮西班牙黑毛豬鞍架伴香桃醬 $248擺盤用心好靚，慢煮豬鞍架肉夠淋身，肉味幾香，仲保留到肉汁。香桃醬酸酸甜甜加落個肉到食都幾match。配菜另外跟左薯皇同D蔬菜。Avocado Smoothie $58飲落好厚身，牛油果味道好香，幾鍾意飲落夠滑夠香，而且奶味唔係特別重

我哋揀咗平啲嘅 Express Lunch， 同 Premium Business Lunch 嘅分別只係個 main course 唔同, 同樣可以加18蚊Set Lunch Combo，一樣有沙律或者湯再加28蚊以下嘅飲品。是日餐湯係忌廉粟米湯，我覺得鹹咗啲，個人感覺好似田園沙律好啲因為有位同事係素食者， 值得一讚係經理非常之貼心，特別為佢安排咗有兩個選擇，同事就揀咗呢個牛肝菌意大利飯，另外一個好似係蕃茄意粉之類，我唔係太記得喇。值得再讚嘅係仲可以跟lunch set價錢@$108， 講返個牛肝菌意大利飯嘅味道先，我有食咗少少，好重菇味，好香，個飯好好食，如果下次再有機會可以揀依個，我都會跟我同事order依個飯，希望可以加入去正式lunch set menu嗰度我嗰日就揀咗 All Day Breakfast @$108， 因為有好多種唔同嘢食，啱曬我呢啲心大心細嘅人另外3位同事就揀咗 燒美國豬肉眼扒@$118，睇落個賣相幾靚，我冇食過，但只有1位同事嘅豬扒有肉汁，其他兩位同事嘅豬扒有啲乾。

中世紀歐風設計的餐廳環境舒服🔻黑松露薯條配巴馬臣芝士 ($78)呢個薯條竟然唔油🥹 負擔感大減份量都算多 唔點醬都好夠味😌🔻 燒八爪魚墨汁意大利飯 ($148)八爪魚好香口意大利飯口感偏硬身 粒粒分味加了蒜味好出色！🔻慢煮西班牙黑毛豬鞍架伴香桃醬 ($248)好大塊的豬扒🤤🤤 肥既位置特別正 好邪惡香桃醬解膩一流 易入口☺️🔻肉桂蘋果crepes ($88)一上枱香氣撲鼻賣相靚 肉桂味不會好誇張餡料足 是幸福的味道🥰來到必須點一份crepe!!

餐廳行法式休閒風，設計、傢俬同埋背景音樂上邊都營造一個好法國同埋好舒服嘅感覺。聽住法國Relaxing有feel嘅音樂，睇住黑白法國電影食飯真係令人覺得突然之間去咗法國旅行。餐廳好適合約埋朋友聚餐、傾偈、chill吓。燒八爪魚墨汁意大利飯$148 意大利飯做得非常出色，唔好俾黑色嘅墨汁醬嚇親而唔掂呢一個主菜。佢個醬加埋Parmesan cheese 、低調嘅蒜香味同埋蕃茄base，味道非常之豐富。八爪魚有油炸，過鮮上碟，脆脆香香嘅外層非常可口。而且微辣嘅調味都帶出八爪魚嘅鮮味。見到咁大size嘅八爪魚腳食得好過癮。肉桂蘋果杏仁片焦糖忌廉班戟$88 食完飯建議大家必點呢一個甜品！蘋果嘅酸酸果香味refresh 味蕾，令到你雖然好滿足感，食完主菜都好有胃口以甜品作為完美嘅句號。肉桂同埋蘋果呢一個配搭真係絕配，肉桂低調而且沉實嘅香味加埋堅果味道嘅杏仁片令到個甜品味道好多元化。

呢間餐廳嘅環境真係好有格調，無論係朋友聚餐，定係浪漫約會都啱晒！燈光柔和，坐得舒舒服服，啲背景音樂又唔會太嘈，好易令人成個心情放鬆。8安士安格斯西冷牛扒伴牛油燒龍蝦
 叫咗五成熟嘅牛扒，燒得啱啱好，內裡仲保持到啲肉汁，啖啖鮮嫩。至於龍蝦，真係不得了！隻隻夠大隻，蝦肉爽彈多汁，仲帶少少燒香味，配埋個牛油汁，真係食得停唔到口。側邊啲配菜吸收晒啲肉汁同牛油汁，連埋一齊食都係一樣咁好味！大蜆香草忌廉扁意粉
呢個意粉真係幾驚喜，啲大蜆唔單止量多，鮮甜得嚟啱啱好。香草忌廉汁令到成碟意粉味道好有層次，Creamy 得嚟又唔會太膩，連平時唔係太鍾意食意粉嘅人都忍唔住一啖接一啖。青檸薄荷梳打
飲品方面，呢杯青檸薄荷梳打真係食完重口味嘢嘅救星！青檸同薄荷份量啱啱好，飲一啖即刻解膩，仲帶嚟陣陣清新感，成餐飯完美收尾。

+$18轉餐湯我同男朋友揀左粟米湯 ，粟米粒好甜，帶有香草味，湯既口感適中，涼涼地既天氣最適合就飲碗湯All day $108最欣賞係沙律菜份量適中，唔會過多而減少其他食物既份量，最推薦係麵包同香草腸，麵包用左牛油去烘既酸種麵包，口感十分之脆，香草腸就好濃味同好多汁煙三文魚龍蝦汁菠菜手工幼麵 $108份量多，擺盤好靚，用煙三文魚整咗個玫瑰花，好有心機，而龍蝦汁既味道唔會過濃，再配煙三文魚鹹味岩岩好，加埋香菇增加口感，而自家制既麵麵十分卦汁Ice mocha $52男朋友揀左ice mocha,甜度適中，唔會巨甜Avocado smoothie $58我就揀左牛油果奶昔，味道好清新，飲完唔會有負擔，不過就好飽整體而言，餐廳位於工廠大廈，成個裝修偏歐式，而每台枱有黃色花花，配輕鬆既音樂，令人有慢活人生既感覺，十分舒適，而食物份量巨大份，超飽，十分適合大食人士！

餐廳歐陸風格，牆有掛畫，四周放置不少花，仲有水晶燈，配上輕柔音樂，整個環境氣氛都超好，令人好舒服放鬆。好彩有預先預約，平日晚餐時段都滿場，餐廳大約有4/50個座位，2人慶祝/多人聚餐都相當合適。食物質素高，份量大。服務都好好，親切有禮。✨香辣蕃茄煮新鮮青口伴香脆酸麵包多士 $168 👍🏻👍🏻👍🏻要大讚酸麵包多士，令成道菜更加出色，有4塊，口感好好外脆內軟，配埋蕃茄汁，簡直完美。青口新鮮處理得乾淨，蕃茄汁非常香濃足料，酸甜剛好，帶上少少辣好惹味。✨燒美國去骨野雞仔伴檸檬牛油汁 $218 👍🏻👍🏻👍🏻呢隻雞仔份量大大，最開心係去哂大部份骨，啖啖肉，雞皮滿滿香料，香氣四溢，表皮燒到香脆，切開入面好多肉汁，口感嫩滑，完全唔乾嚡，配上檸檬牛油汁，添加清新。軟滑薯蓉配埋個汁食，都一樣好夾好味。焗蕃茄好甜好正，熱辣辣，一咬爆汁。✨香蕉榛子朱古力忌廉班戟 $88 👍🏻👍🏻👍🏻擺盤精美吹料，有烘乾橙片和薄荷葉點綴，搭配新鮮士多啤梨和香蕉，軟綿綿既Crepes包住滿滿榛子醬同香蕉，竟然做到甜而又膩，食完好滿足。

唔講唔知荔枝角工廈有間咁chill嘅西餐廳！💫 餐廳藏身億利工業中心2樓，一出𨋢即刻由工廠變身法式小餐館——微暗燈光、雲石枱、簡約白牆，氣氛啱晒情侶約會或者閨蜜打卡！重點係價錢親民，人均$200就食到高質西餐，性價比爆燈～ 【主菜區】 ✨ 燒八爪魚墨汁意大利飯 $148 👍🏻👍🏻👍🏻👍🏻 八爪魚厚切到似食緊日式刺身，咬落彈牙得嚟唔韌！墨汁飯粒粒分明又煙韌，汁醬濃到掛晒上飯面，食完個嘴黑晒都抵！🖤 ✨ 燒美國去骨野雞仔伴檸檬牛油汁 $218 👍🏻👍🏻👍🏻👍🏻👍🏻 雞皮燒到脆卜卜，咬開超juicy！🍗 原食已經夠香，點埋檸檬牛油汁即刻多咗陣清新酸香，伴碟薯蓉偏酸反而解膩，食完唔會滯～ 【沙冰控必飲】 ✨ 牛油果沙冰 $58 👍🏻👍🏻👍🏻👍🏻👍🏻 香港人至高讚美——「唔！係！好！甜！」😆 牛油果蓉打得超幼滑，飲落似食緊液體版牛油果奶昔，健康得嚟飽肚感滿分！ ✨ 朱古力香蕉沙冰 $58 👍🏻👍🏻👍🏻👍🏻 香蕉味濃到似直接榨汁，朱古力味反而似配角，質地杰撻撻好有口感，甜度克制，怕甜人士都放心衝～

一入門口就俾佢嘅環境震撼到！金碧輝煌嘅裝修，水晶吊燈閃閃發光，仲有古典音樂做背景，真係好似置身皇室宮殿咁，未食已經覺得好享受！牛油香煎蟹餅伴芒果莎莎，蟹餅外皮煎到金黃香脆，一啖咬落去，鮮甜嘅蟹肉即刻湧出嚟，仲有淡淡嘅牛油香，配上酸甜開胃嘅芒果莎莎，味道層次豐富，可惜一份只有兩舊，唯有下次再encore。大蜆香草忌廉扁意粉，蜆隻隻都好肥美，有十幾隻，鮮味十足；扁意粉煮得啱啱好，煙韌彈牙，掛滿香濃嘅香草忌廉汁，好正，份量都好足夠。香煎魚柳伴帶子配刁草忌廉汁，魚柳外皮煎到香脆，魚肉嫩滑多汁，帶子鮮甜彈牙，配上刁草忌廉汁，味道清新得嚟又唔會搶咗海鮮嘅鮮味，簡直係絕配。魚柳同帶子都有兩舊，兩個人share食岩岩好！

穿過略顯陳舊的工廈走廊，推開門卻是另一番光景——暖黃燈光下，一間裝修別緻的西餐廳悄悄隱藏於此。 🐈主菜1. 北海道帶子菠菜意大利飯｜$138帶子表面煎得金黃，入口先是微微的焦香氣息，繼而是帶子獨有的柔嫩鮮甜。菠菜並非點綴，而是融入燴飯中，散發微微而獨特的菠菜味。整體平衡的恰到好處，雖是意大利飯卻不會過份濃郁。 2. 慢煮西班牙黑毛豬鞍架伴香桃醬｜$248刀尖輕觸即分的豬肉，證明了慢煮火候的精準。香桃醬微酸中帶著一絲甜意，香桃丁增加其口感，整體風味十足，別具特色。🐈甜品：法式薄餅佐肉桂蘋果｜$88薄餅溫熱綿軟，與冰涼的蘋果粒形成對比，略有些冰火交織的感覺。焦糖醬裹著肉桂香漫開，甜度點到即止，最後一口竟生出些許不捨。 個人意見： 這裡的料理總在細節處見真章：帶子的焦香、菠菜的融合、甜品的冰火兩重天，處處透著對食材的尊重。無需華麗的商場，隱身在工廠大廈也足夠令人特意來訪。

今日嚟開荔枝角附近做嘢唔知食咩好 經同事介紹就去左呢間又好味😋又打卡🤳able嘅本地法國風餐廳上菜速度好快 lunch hour嚟都唔使怕 食過鐘返去遲到😂💡soup of the day 南瓜湯 好香南瓜味，佢唔係一般打到爛晒嗰種南瓜湯保留返少少南瓜嘅textrue ，同時有加入左啲面包粹口感好豐富好特別 ，我自己幾鍾意。💡garden salad 田園沙律酸酸地幾開胃 清爽🥬食得出佢啲菜好新鮮！💡Mixedberry smoothie 呢杯野我男朋友一試就話鍾意，一來唔會太甜太creamy,因為太creamy飽左就食唔到其他野，而且佢藍莓嘅酸味會有啲解油膩，就算唔太飲酸嘢嘅朋友都飲到，另外佢上邊嘅cream 加左士多啤梨漿 好香好夾！💡cappuccino 因為今日未飲咖啡所以叫杯cappuccino,本身冇抱好大期望，點知有驚喜😋佢嘅espresso底香味係飲完會慢慢滲出嚟 正👍🏻 值得一試🙌🏻💡smoked salmon handmade pasta煙三文魚龍蝦汁菠菜手工幼麵手工麵質有口感彈彈哋，好掛汁 龍蝦汁好濃郁，啱啱好唔會太多！💡grilled pork rib eye

原來工廈內都有咁靚嘅餐廳，唔係友人帶路，真係唔知。嚟間餐廳位於荔枝角，近地鐵站，非常方便。內裡裝潢設計簡約，優雅。蕃茄湯質感非常濃稠，入口鮮甜帶微酸，開胃。All day breakfast煙肉， 炒蛋， 腸，蘑菇，牛油果，蕃茄，多士，沙律菜材料好豐富，另人垂涎！煙肉，腸仔都煎得不錯，不油膩。脆脆多士配上炒蛋，蘑菇……口感十足。牛油果，沙律菜都非常新鮮，滿意。雜莓奶昔顏色好美，十分順滑，果味濃郁， 完美的句號。

工廈都有美食？ 位於荔枝角億利工業中心應該係佼佼者，有好多隱藏美食係唔同樓層。今次同朋友去左2樓 I‘m not nothing食西餐。餐廳裝修優雅風格，燈光微暗，有氣氛有格調。🍚北海道帶子菠菜意大利飯$138帶子煎得焦香，鎖住鮮甜肉汁，菠菜打成汁與意大利飯一齊煮，顏色靚之餘，口感清新健康，一D都唔膩。🐷慢煮西班牙黑毛豬鞍架伴香桃醬$248黑毛豬鞍經過慢煮，切開時帶點粉嫩顏色，果然肉質鮮嫩，帶點油脂香氣，搭配清甜香桃醬汁，甘甜鹹香互相平衡。🧁提拉米蘇$68飯後甜品揀咗提拉米蘇(Tiramisu)，底部手指餅索左咖啡，軟滑馬斯卡彭芝士（Mascarpone Cheese），口感絲滑綿密，頂部撒上可可粉，增添味道層次。

荔枝角食嘢愈來愈多選擇，今次去左億利工廈見到水牌真係有唔少選擇，OpenRice 左一下，決定去食性價比高的法式餐廳。餐廳門口有不少優惠餐牌揀，$8一款芝士生蠔，$28任食青口，好抵，我哋當然要試下。🌟#北海道帶子菠菜意大利飯帶子唔算大，香煎兩面，牛油味和鮮味配搭剛好，入口嫩滑。意飯軟硬適中，掛滿醬汁，好味開胃🤤🌟#大蜆香草忌廉扁意粉賣相好精緻，擺盤見心思，好岩同朋友打卡。蜆好鮮甜，味道濃郁，好creamy，性價比高。朱古力心太軟配雪糕好熱辣辣，外脆內軟，一切開朱古力漿即刻流出嚟，好香濃。整體性價比高🫶🏻

好友升左職，我地去左位於茘枝角長沙灣道883號億利工業中心2樓203號舖的《INN-I'm Not Nothing》 食午飯慶祝，環境舒適，坐得舒服。我地點左2個 Express Lunch Set ：🍴田園沙律 x 2🍴煙三文魚龍蝦汁菠菜手工幼麵 🍴燒美國豬肉眼扒 🍴Mixed berry Smoothie🍴Grapefruit Lemon Soda煙三文魚龍蝦汁菠菜手工幼麵 上檯時已經聞到濃郁的龍蝦香味，幼麵軟硬適中，掛滿好味的龍蝦汁，好味道；燒美國豬肉眼扒的肉味香濃，外脆肉嫩，好好食；奶昔好味，梳打清爽。