Infinity Workshop Cafe (已結業)

係openrice見到依間餐廳坐得幾舒服，就約閨蜜上去食下野傾下計，唔覺唔覺坐左2個幾鐘🙈🙈平時多數晚餐先會去登打士廣場食飯，發現下午依間餐廳都有開，就上去試下。環境真係相當舒適，可能因為去到已經2點，食客人數唔多，我地坐左係sofa位，真係好relax好好坐餐牌都好有心思，同埋飲品種類好多飲品叫左灰姑娘，同抹茶紅豆，2樣都好足料！灰姑娘有齊我最愛既oreo、棉花糖、朱古力同cream，飲落keep住有棉花糖，好正！而朋友杯抹茶紅豆都好好飲！意粉份量岩岩好，d汁又係煮得好正埋單337，誠意推介比閒日放假想搵cafe坐既人，依間真係唔錯既選擇。

旺角這間cafe真的很舒服，環境寬闊，具足夠空間感，清潔衛生，令人坐得很舒適。我選擇了一個黑松露炒帶子虎蝦意粉黑松露炒帶子虎蝦意粉，意粉烹得很乾身，口感也很硬身。黑松露味道十分淡，倘若能增添黑松露份量便更加好。但是，帶子和虎蝦值得欣賞，火候控制得剛剛好，帶子不會煎得太燶，共有三隻，虎蝦肉質鮮甜，啖啖肉，卻是令人食得很入味。另外，飲品方面，餐廳以童話世界為題，有不同的角色選擇。我選擇了一杯黑魔后。黑魔後材料包括: 可樂，咖啡，曲奇，棉花糖飲品分量充足，很大杯，令人感覺很飽足。黑魔后味道很特別，間中會食到棉花糖，味道不太甜。

在旺角找個歇腳停並不是容易事。係登打士廣場有間旺中帶靜，比人定定神，休息下的歇腳停。環境寬闊，寧靜舒適。Cafe還能食好野。全日早餐，份量充足，營養豐富且均衡，有好多不同食物，香滑炒蛋,茄汁豆,煙肉,新鮮沙律同野菇。外表整齊，加上鬆脆的牛角包，充滿活力的早餐。加多杯蘋果肉桂茶，香甜而不膩。夠醒神醒胃。黑松露鮮帶子芝士焗啡菇香濃芝士減輕黑松露味，不太濃烈令人容易接受。啡菇手掌一樣大，菇味香濃，肉質紥實 廷身，唔錯配上杯維尼小熊-菠蘿熱情果橙汁，吸晴而夠特別。味道唔錯。

我個人喜歡吃辣 所以點左個辣意粉估唔到 意外地好味我已經翻兜左第三次🤞🏻唯一缺點係上菜時間等候較耐因為大部分時間得一個人做野所以最好係唔趕時間去享受環境我去個幾次都好安靜，好舒服👍

之前想黎但因為晚上全滿，今次就中午黎到坐左4-5桌人，有輕音樂都幾舒服，而且價錢都合理，下次會早點打來訂晚餐聚會。黑松露油炒鮮帶子虎蝦意粉……黎到已嗅到濃郁香草和黑松露味，意粉上面勁大隻虎蝦喎，而且仲有3隻大帶子已十分吸引，食落去意粉口感十足而醬汁剛好掛在意粉上，味道有驚喜好味，海鮮好新鮮，帶子軟身而蝦肉彈牙，食完都好飽肚，最愛仲要吾太油，有加分。當然飲咖啡的我點會錯過咖啡呢……食完坐陣就叫左咖啡飲。坐得舒服而又仲有要充電，十分窩心的cafe …tiramisulatte……自家烘焙 可以控制到豆類，味道同烘焙方法，今次試飲這款，泡打得吾錯好滑身吾太厚，咖啡師幫我少甜左， tiramisu 味都濃郁而又保持到咖啡香，好味喎，就算少飲咖啡朋友都吾會抗拒。還有不少精品咖啡，黎開 旺角 而又係 咖啡控 朋友可以上黎試下 。

次次行過登打士街都驚驚地，人真係超多，登打士廣場差唔多成幢都係食市，排隊搭可以話災難，上樓起碼等4架（綜合所有朋友排隊上樓經驗），大熱天時其實幾辛苦，條街又熱，大廈大堂唔夠冷氣，走等都等好耐，好在我地去5樓行都可以，樓下好多妹妹仔拉客，競爭都好大，有幾間新開好似唔錯，但諗到排隊就……infinity唔太大間，空間都夠，環境舒服，唔會玩到癲嘈到其他人，野食都唔差，又唔貴，個炸小食拼盤真心推介，唔係我地唔會叫多個encore 啦，同樣encore 就係個什菇德國腸，少少辣好惹味，如果好似我地叫漢堡，咁要小心行量一下會唔會食到大量薯條，因為小食盤同漢堡跟餐真係超多薯條，素食朋友仔都話個啡磨菇意粉好香好味唔寡，野飲都唔錯又特別，我地基本叫晒藍莓沙冰就知幾好野，有朋友叫3眼人綠奶茶都話好野

今日雖然已經掛了一號風球，但晚上還是有點事情要做，所以自己一個去了CAFE吃了一個EARLY DINNER。Infinity Workshop 一直都在我的to eat list上面。一出LIFT，感覺Infinity的裝修很簡約，空間寛躺，是個很適合和朋友吹水HEA下的地方。*黑松露油炒鮮帶子虎蝦意粉($108)一上台，實在很有驚喜！想不到會如此足料，有三隻帶子和一隻虎蝦。意粉煮剛好，帶點al dente；意粉用了蒜蓉、香草、本菇和黑松露油炒；帶子和虎蝦彈牙爽口。順帶一提，夠熱呢一點要加分！*三眼仔熱鮮奶抹茶($42)賣相真的不用多說，可愛得不捨得飲！抹茶和鮮奶混和得均勻；味道不會太甜，又帶點抹茶的甘香。

呢間嘢喺登打士廣場，例牌要喺下面排到身水身汗先上到去今次叫左個炸野拼盤雖然好食 但因為枱枱都嗌 造成要等好耐先有得食個炸雞翼超正超香口重點黎啦！係帶子海蝦天使面，真係好好食，愈食愈上癮，不過略嫌過咸ps 大家上去不妨拎件薄外套 因為佢啲冷氣都幾涷同埋無得較架

服務態度非常之差，食物還可以啦....餐廳當時只有三分之一人，但係d野食等左二十分鐘都未到。廚房當時有十二，三個人係到，不過有一半係到傾緊計。追佢食物既時候佢話上緊碟，過左一陣再問，又話要等多五分鐘，好明顯係無落單！其實無落單真係好平常，不過又要死口唔認，態度又非常惡劣咁話"要就等，唔要就取消"。其實，食你一百幾十蚊旺角級數食物，真係唔期待你有三星以上既服務，不過，(自以爲自己好似部長嗰個男waiter)你應該要好好檢討下自己，呢個已經唔係服務優劣既問題，呢個係個人質素既問題，希望你可以改善下自己，進步多啲，做一個成功既部長/經理(whatever it is). 公道啲講，除左個男侍應之外，其他人同食物都係還可以。希望老闆可以留意下！

天氣勁熱，唯有躲在冷氣房中享受下午茶。約了朋友去登打士廣場5/F 既infinity workshop cafe 嘆了一頓美味的下午茶。餐廳佔地5/F 全層。還有樓景，空間寬敞，坐落好舒適。我們各自點了不同的意粉。- 白松露油香煎深海魚柳意粉$108- 黑松露油炒鮮帶子虎蝦意粉 $108餐飲點了一杯 Jasmine 當中用了藍莓、藍桔、菠蘿、荔枝調教了這杯美味可口飲料。入口冰涼清新，解渴降溫就啱晒這個炎熱天氣。另外一杯是甘菊花茶$33.

呢到既食物幾好食 味道岩岩好賣相唔差 即叫即整 起初睇餐牌既相以為份量應該都唔會好多但原來份量都唔少 貨真價實食完都已經飽到上頸啦雖然有d飲品無得飲但每杯飲品既名都各有特色 e.g.睡美人，灰姑娘，黑魔后令到我地覺得好似去左迪士尼咁 而且呢到係個好舒服既cafe適合同朋友傾計，聚會既地方店員態度好好 好有禮貌最估唔到就係我地話想幫個朋友慶祝生日係個蛋糕個到寫Happy birthday to ……最後真係依足我地既意思去做有驚有喜有d食物因為掛住食而無影相總共叫左4個主食加一個甜品同埋3杯野飲賣單個價錢合理下次一定會再黎食

今日係pokemon go第一日有打雷鳥, 呢排好沉迷玩pokemon, 玩到個人好累,所以要食D好既野慰勞一下自己, H&M對面棟大廈5樓每人至少要叫一樣野,有最低消費冷氣非常充足,夏天入黎最正, 即刻涼哂SET LUNCH有炒意粉,汁意炒我點左炒意粉,香辣腸煙肉意粉$78MENU上有2隻辣椒, 店員話幾辣,但我都想挑戰下, 刺激一下,味道無想像中咁辣, 唔多油, 有辣肉腸朋友點左汁意粉,意式煙肉蛋汁意粉$78好多汁,好大份, 朋友食唔哂,但佢話好creamy,唔咸,好味道朋友點左童話世界特飲, 紅靴玩具兵$49,係凍鮮奶抹茶配日式紅豆味道唔係好甜,岩哂香港人口味我點左三眼仔抹茶$42,完全被佢個樣吸引, 好精緻, 係朱古力, 溝入抹茶好好味,呢度冷氣夠大, 飲熱飲都無問題,味道好香抹茶味, 唔係好甜, 好味

身在旺角鬧市中要搵一個寧靜少少既地方坐低。其實都有d難道。加上食生日飯要有少少要求一行三人上登打士。據我所知成棟主要都係cafe。以前都有上過去玩覺得個燈特別就影低左個碟係魚形。幾得意啵!依間主要吸引我既係食物。睇圖好吸引。咩都想試下加上當天二點幾我仲無食野落肚拼盤。勝在咩都有少少。有魚柳，薯條，炸蝦，炸蟹柳，洋蔥圈，炸芝士條好邪惡。但好正。上得都算快。因為太餓辣肉腸炒意粉。真係幾辣。估佢唔到。不過好惹味。想不停甘食。(大前提要叫凍飲)有煙肉。腸。有紅色燈籠椒朋友講依家係天使面。依間煮個時間。岩岩好。有口感。因為overcook會好難食。炒得幾好都補救唔到又係腸朋友中意食。德國腸炒雜菌。腸有兩款飲品。右邊係塑身果茶。有香蕉。藍莓等。茶底係紅茶曲奇冰沙。依杯就等左好耐先有可能叫少甜個味好淡。所以麻麻地總括按價錢同質素兩者都合格。

炎炎夏日與朋友去到旺角SHOPPING,出了一身汗, 朋友就介紹我去一間CAFÉ, 地點係女人街盡頭的登打士廣場, 好易搵。餐廳是Infinity Workshop Cafe。餐廳原來是全層, 地方寬落, 舒適, 冷氣充足, 雅緻裝修 雖然是平日的下午,都有不少人光顧。我地坐近窗邊。看到餐牌有下午茶, 大家一人叫一個茶餐 :1)鮮果配心太軟 $582)黑松露油炒滑蛋牛角包 $58見到隔離枱的特式飲品好靚, 一於加$18試下。童話世界系列- 茉莉童話世界系列- 貝兒等緊食物期間都有些地方影相幾靚, 大家都影左一輪。留意到餐牌有塔羅占卜服務, 加$50可以問一次。記得以前幫襯過其他塔羅占卜都要過百元, 可惜當天占卜師無返。$50真係平。飲品先上, 一上枱, 真係忍不住相機食先, 我地兩杯都係沙冰, 茉莉主要有藍莓, 菠蘿, 荔枝。天氣咁熱真係飲沙冰一流。味道帶少酸, 好開胃。貝兒有蜜桃和菠蘿, 味道好出, 蜜桃和菠蘿同屬帶微酸的水果, 放埋一齊味更加出, 入口較滑。鮮果配心太軟和朋友不斷傾計, 隔左一陣食也做到流心效果, 如果一上枱即切肯定效果仲大。心太軟旁是忌廉, 用心太軟沾上忌廉一併食

呢排做嘢比較忙,好耐冇同老婆fine dining。 趁著手頭上嘅嘢啱啱做曬就搵老婆撐枱腳食啲好嘢。佢鍾意食西餐，所以就集中火力睇下有啲咩好嘅西餐廳。Search咗一陣終於睇啱咗呢間,因為我老婆話佢啲friend都食過覺得好正。上到去果然人頭湧湧,我哋都要等咗成15分鐘先至有位。我唔算好肚餓所以就點咗一個main course，加個沙律再加個雞翼小食因為預咗嗰肚食同埋甜品。咁當然佢嘅特色飲品我哋係唔會錯過一定會叫啦。由於真係好多人幫襯再加上所有嘢都即點即整所以都等咗15分鐘先上個沙律。個沙律嘅車厘茄非常之fresh, 帶子大大粒煎得好香。配埋啲沙律菜比起淨係凍冰冰嘅沙律配搭層次高咗幾班， 口感非常之好。跟住兩杯飲品都上枱，我嗰杯叫做玫瑰之吻其實係有玫瑰花味嘅鮮奶。飲落真係好滑好香!另一杯係熱鮮奶抹茶，上面仲整咗個三眼仔嘅圖案賣相就非常之好。我老婆講杯飲品又係好滑好香。冇幾耐我哋碟main course虎蝦帶子意粉都上埋枱。 帶子同虎蝦一樣煎得好香，意粉好爽身d黑松露油好香。 係水準唔錯嘅一碟main course。最後上埋個蜜糖雞翼。雞翼係先煎香左再加啲蜜糖燒一燒非常之香口，我三扒兩撥